لہو لہو خاموش

لہو میں ڈوبے ہوئے نشیب و فراز چپ ہیں
لہو میں ڈوبے ہوئے نشیب و فراز چپ ہیں
لہو میں ڈوبے ہوئے نشیب و فراز چپ اور منتظر ہیں
___ لہو کی مقدار بڑھ رہی ہے
لہو کی میٹھی فضا کے اندر
یہ زرد دیوار و در_____ یہ سنسان رہگذر یہ
روشنی کی حیرت____!
کبھی تو یوں ہو___
کہ کانچ پر برف باریوں سے
کھنک سی اُبھرے
کبھی تو یوں ہو
کہ سبز اور نیلی پیلی کالی
لکیریں پھیلیں
ابھی تو ساری فضا میں یکسانیت رواں ہے
(رواں نہیں
بلکہ فی الحقیقت
اک انجمادی سی کیفیت ہے)
کہیں تو کوئی شرارہ چمکے
٭٭٭