” کیا سوچا پھر تو نے ؟؟؟” وہ کچھ دن گزرنے کے بعد آج پھر اس کے سر پہ سوار تھا ۔۔۔۔
آج وہ خاتون پہلے کے مقابلے کچھ حوصلے میں تھیں۔۔۔ ان کی آنکھوں میں کوئی راز تھا شاید۔۔۔۔
معنی خیز سی چمک تھی جو اس لڑکے کا حوصلہ بڑھا رہی تھی۔۔
” ہاں لیکن میری ایک شرط ہے ۔۔۔ میں پیسے بھی اپنی مرضی سے لوں گی اور ۔۔۔ ” وہ ابھی بول ہی رہی تھی کہ لڑکا بولا۔۔۔
” ہاں ہاں لے لینا ۔۔۔۔”
عورت نے ناگواری سے ہاتھ کھڑا کیا اور بات کاٹتے بولی۔۔۔
” پہلے میری بات سن لو۔۔۔۔ ”
” کیا بول ” اس نے پوچھا۔۔۔
” اور ۔۔۔ اور یہ کہ لڑکی بھی میری مرضی کی ہو گی ۔۔۔۔ ”
” کیا!!! ” وہ اچھل ہی تو پڑا اپنی جگہ سے۔۔۔۔
” تیرا دماغ خراب ہے کیا ۔۔۔۔ تجھے پتہ ہے تو کیا کہ رہی ہے ” لڑکا غصہ سے چیخ رہا تھا۔۔۔
بات کو سمجھنے کی کوشش کرو۔۔۔۔ میں اپنی بیٹی نہیں دے رہی۔۔۔ لیکن جو دوسری لڑکی میں دوں گی۔۔۔۔۔ تیرا کام بھی ہو جائے گا ۔۔۔ میرا بھی ۔۔۔۔ لڑکی بھی میری بیٹی سے زیادہ پیاری ہے۔۔۔
” نہیں یقین تو یہ تصویر دیکھ لو۔۔۔ ” اس نے تصویر سامنے کرتے ہوئے کہا
ہمم ٹھیک ہے۔۔۔ ہے تو پیاری پر ۔۔۔۔ تجھے یقین ہے نا؟؟” لڑکے نے سوال ادھورا چھوڑتے اس کی آنکھوں میں دیکھا۔۔
عورت اس کے دیکھنے سے ہی سوال سمجھ گئی تھی سو بولی۔۔
” ایک دم ان ٹچ ” ۔۔۔
“ہمم۔۔ کب تک ملے گی۔۔ ” لڑکا جس کا نام فرید تھا ہنکارا بھرتے بولا۔۔
” کل شام لے جانا۔۔۔” مگر پہلے پیسے دو” وہ خاتون کہیں سے بھی پڑھیں لکھی نہیں لگ رہیں تھیں۔۔۔
بس اک دم بازاری انداز تھا ان کا جیسے کسی کی لڑکی نہیں کوئی بھیڑ بکری بیچ رہیں ہوں۔۔
لڑکے نے جیب سے پیسوں کی موٹی گڈی نکال کے اس کی جھولی میں پھینکی اور بولا
” باقی کل دے دوں گا ” وہ کہتا ہوا گھر سے نکل گیا
اور پیچھے بیٹھی خاتون نوٹوں کی گڈی گن رہی تھیں۔۔۔۔۔۔۔
کھا گیا تجھ کو ہائے یہ لالچ
اور پھر بھی نہ جائے یہ لالچ
خود شکاری شکار ہو جائے
جال ایسا بچھائے یہ لالچ
دوست دشمن اصول بھول گئے
اب مراسم بڑھائے یہ لالچ
جان سے بڑھ کے جو یہ ایماں ہے
وہ بھی ضائع کرائے یہ لالچ
ایک رب کی کتاب چھوڑ کے تو
سب کتابیں پڑھائے یہ لالچ
واہ کی چاہ میں بے ہودہ یاں
شاعری بھی کرائے یہ لالچ
(منقول)
********__________*********_________*******
” ملائکہ بیٹا ،،، کیا کر رہی ہیں آپ ؟؟ ” کالج کی لائبریری میں بیٹھی ملائکہ کے پاس اس وقت میم زارا موجود تھیں اور نہایت اپنائیت بھرے لہجے میں پوچھ رہی تھیں ۔۔ امبر آج نہیں آئی تھی
” کچھ نہیں میم ” وہ یک دم کھڑی ہوئی۔۔۔
” ارے ارے بیٹھو ” وہ خود بھی بیٹھتے ہوئی بولیں۔۔
وہ کوئی کتاب کھولے بیٹھی تھی مگر میم کی نظریں خود پہ محسوس کرتے پڑھ نہیں پا رہی تھی..
” میم کوئی کام ہے کیا؟؟ ” آخر وہ پوچھ بیٹھی۔۔۔
” ہاں۔۔!!! کیا بولا ؟؟؟” وہ گہری سوچ سے ابھرتے بولیں ۔۔
” کوئی کام ہے میم آپ کو مجھ سے؟؟ ” اس نے دوبارہ پوچھا ۔۔۔
” ہاں۔۔۔ کیا تم میرے ساتھ میرے گھر آسکتی ہو۔؟؟؟۔۔ اصل میں امبر کی طبیعت خراب ہےتو اس نے کہا کے تمہیں کے آؤں …. وہ بولتے ہوئے صفائی بھی دینے لگیں۔۔۔
” میم میں کیسے آپ کے گھر ؟؟ ” وہ ہچکچائی۔۔
” جی میرے گھر۔۔۔ ” لہجا چاشنی سے لبریز تھا۔۔۔
” میم میں پھر کسی دن گھر بتا کے آجاؤں گی۔۔۔۔” اس نے دامن بچانا چاہا ۔۔۔
” امبر آپ کی دوست ہے بیٹا ۔۔۔۔آجاؤ کچھ نہیں ہوتا۔۔۔ میں آپ کوخود گھر چھوڑ دوں گی۔۔ ”
” پر میم۔۔ ” اس کے لہجے میں نیم رضامندی تھی
” پر ور کچھ نہیں۔۔۔ کچھ دیر کی ہی بات ہے امبر کا دل بھی بہل جائے گا۔۔۔۔ ”
وہ جیسے اسے بہلا رہی تھیں۔۔
“اوکے میم پرکچھ ہی دیر کیلئے۔۔۔ ” وہ مان ہی گئی آخر اسے اچھا نہیں لگ رہا میم کا یوں بار بار کہنا ۔۔۔
” سچ کہ رہی ہو ؟؟ ” انہیں یقین نہ آیا ۔۔۔
” جی ” ایک لفظی جواب تھا ۔۔
” اوکے تو چلیں آؤ ۔۔۔”
” جی ٹھیک ہے ۔۔” وہ بھی آخری پیریڈ کو چھوڑتے ان کے ساتھ چلی ۔۔۔۔
__________________________________
