ﮐﯿﺎ ﺍﺳﯿﺮﯼ ﮨﮯ ﮐﯿﺎ ﺭﮨﺎﺋﯽ ﮨﮯ

ﺍﻣﺮﯾﮑﮧ ﻣﯿﮟ ﻋﺒﺪﺍﻟﻠﮧ ﺍﭘﻨﮯ ﺑﯿﻮﯼ ﺑﭽﮯ ﮐﮯ ﮨﻤﺮﺍﮦ ﺑﮍﺍ ﺧﻮﺵ ﺗﮭﺎ، ﻋﺠﯿﺐ ﺩﻧﯿﺎ ﺗﮭﯽ ﻭﮦ ﺗﻤﺎﻡ ﺑﺮﺍﺋﯿﺎﮞ ﺟﻮ ﻣﻠﮑﯽ ﻣﻌﺎﺷﺮﮮ ﻣﯿﮟ ﺍﺱ ﮐﮯ ﻟﯿﮯ ﻣﺼﯿﺒﺖ ﺑﻨﯽ ﮨﻮﺋﯽ ﺗﮭﯿﮟ ﻭﮦ ﺗﻤﺎﻡ ﺧﻮﺑﯿﺎﮞ ﺑﻦ ﮔﺌﯿﮟ۔ ﺳﻮﺍﻝ ﭘﻮﭼﮭﻨﮯ ﭘﺮ ﺍﺳﺘﺎﺩ ﺧﻮﺵ ﮨﻮﺗﮯ، ﺳﭻ ﮐﻮ ﻣﻌﺎﺷﺮﮮ ﻣﯿﮟ ﺳﺮﺍﮨﺎ ﺟﺎﺗﺎ، ﺟﮭﻮﭦ ﺳﮯ ﻧﻔﺮﺕ ﮐﯽ ﺟﺎﺗﯽ، ﮨﺮ ﺑﻨﺪﮮ ﮐﻮ ﺍﺳﮑﮯ ﺣﺼﮯ ﮐﯽ ﻋﺰﺕ ﻣﻠﺘﯽ، ﺁﭖ ﻻﺋﻦ ﻣﯿﮟ ﮐﮭﮍﮮ ﮨﯿﮟ ﺗﻮ ﮨﺮ ﺑﻨﺪﮦ ﻻﺋﻦ ﻣﯿﮟ ﮐﮭﮍﺍ ﮨﮯ ﺑﮭﻠﮯ ﻣﻌﺎﺷﺮﮮ ﻣﯿﮟ ﺍﺱ ﮐﺎ ﻣﻘﺎﻡ ﮐﭽﮫ ﺑﮭﯽ ﮨﻮ۔ ﻋﺒﺪﺍﻟﻠﮧ ﮐﻮ ﺍﺣﺴﺎﺱ ﮨﻮﺍ ﮐﮧ ﮨﻢ ﻣﻌﺎﺷﺮﮮ ﻣﯿﮟ ﮐﺴﯽ ﺷﺨﺺ ﮐﯽ ﻋﺰﺕِ ﻧﻔﺲ ﮐﻮ ﺍﺗﻨﯽ ﺑﺎﺭ ﻣﺠﺮﻭﺡ ﮐﺮﺗﮯ ﮨﯿﮟ ﮐﮧ ﺍﺱ ﻣﯿﮟ ﺧﻮﺩ ﺍﻋﺘﻤﺎﺩﯼ ﮨﯽ ﻧﮩﯿﮟ ﺭﮨﺘﯽ ﺍﻭﺭ ﻭﮦ ﭘﮭﺮ ﺟﻮ ﭼﺎﮨﮯ ﻭﮦ ﮐﺮ ﮔﺬﺭﺗﺎ ﮨﮯ۔ ﯾﮩﺎﮞ ﺁ ﮐﺮ ﻋﺒﺪﺍﻟﻠﮧ ﮐﯽ ﺻﺤﺖ ﺑﮩﺖ ﺍﭼﮭﯽ ﮨﻮﮔﺌﯽ، ﺍﺱ ﻧﮯ ﺍﯾﮏ ﺍﻭﺭ ﻣﺎﺳﭩﺮﺯ ﮐﯿﺎ۔ ﮐﭽﮫ ﻋﺮﺻﮧ ﻧﻮﮐﺮﯼ ﮐﯽ، ﭘﮭﺮ ﺟﺰﯾﺮﮦ ﮨﻮﺍﺋﯽ ﻣﯿﮟ ﺍﯾﮏ ﺍﺳﮑﺎﻟﺮ ﺷﭗ ﻣﻞ ﮔﺌﯽ ﻭﮨﺎﮞ ﭼﻼ ﮔﯿﺎ، ﻭﮨﺎﮞ ﺳﮯ ﺁﯾﺎ ﺗﻮ ﺳﯿﻨﭩﺮ ﺍﺳﮑﺎﻟﺮ ﺷﭗ ﻭﺍﻟﻮﮞ ﻧﮯ ﺍﺱ ﮐﺎ ﺷﺎﻧﺪﺍﺭ ﺍﮐﯿﮉﻣﮏ ﺭﯾﮑﺎﺭﮈ ﺩﯾﮑﮭﺘﮯ ﮨﻮﺋﮯ ﺩﻭﺳﺮﯼ ﺑﺎﺭ ﺍﺳﮑﺎﻟﺮ ﺷﭗ ﺩﮮ ﺩﯼ PhD ﮐﮯ ﻟﯿﮯ ۔
ﺑﺎﻻ ﺍٓﺧﺮ 5 ﺳﺎﻝ ﮐﯽ ﺩﻥ ﺭﺍﺕ ﻣﺤﻨﺖ ﮐﮯ ﺑﻌﺪ ﻋﺒﺪﺍﻟﻠﮧ ﮐﻮ PhD ﮈﮔﺮﯼ ﻣﻞ ﮔﺌﯽ۔ ﺍﺱ ﻧﮯ ﺁﺝ ﭘﮭﺮ 4 ﻣﯿﮟ ﺳﮯ 4 GPA ﻟﮯ ﮐﺮ ﯾﻮﻧﯿﻮﺭﺳﭩﯽ ﮐﮯ ﺑﮩﺘﺮﯾﻦ ﻃﺎﻟﺐ ﻋﻠﻢ ﮐﺎ ﺍﻋﺰﺍﺯ ﭘﺎﯾﺎ۔
ﺍﺱ ﻋﺮﺻﮯ ﻣﯿﮟ ﻋﺒﺪﺍﻟﻠﮧ ﻣﺘﻌﺪﺩ ﻣﻠﮑﻮﮞ ﻣﯿﮟ ﮔﮭﻮﻣﺎ، ﺩﺭﺟﻦ ﺑﮭﺮﺳﮯ ﺯﺍﺋﺪ ﮐﺘﺎﺑﯿﮟ ﻟﮑﮭﯿﮟ، ﻣﻘﺎﻟﮧ ﺟﺎﺕ ﺍﻭﺭ ﺭﯾﺴﺮﭺ ﭘﯿﭙﺮﺯ ﮐﯽ ﺗﻌﺪﺍﺩ 50 ﺳﮯ ﺗﺠﺎﻭﺯ ﮐﺮﮔﺌﯽ، ﺍﻭﺭ ﻣﻠﻨﮯ ﻭﺍﻟﮯ ﺍﯾﻮﺍﺭﮈﺯ ﮐﯽ ﺍﯾﮏ ﻟﻤﺒﯽ ﻻﺋﻦ ﺗﮭﯽ ﺟﻮ ﻋﺒﺪﺍﻟﻠﮧ ﮐﮯ C.V ﻣﯿﮟ ﮨﺮ ﺍﺱ ﺷﺨﺺ ﮐﺎ ﻣﻨﮧ ﭼﮍﺍ ﺭﮨﯽ ﺗﮭﯽ ﺟﻮ ﺍﺳﮯ ﮐﻮﮌﮪ ﻣﻐﺰ ﮐﮩﺘﺎ ﺗﮭﺎ۔
ﻋﺒﺪﺍﻟﻠﮧ ﮐﻮ ﺍﻟﻠﮧ ﺳﺎﺋﯿﮟ ﻧﮯ ﺩﻭ ﺍﻭﺭ ﺑﯿﭩﻮﮞ ﺳﮯ ﻧﻮﺍﺯﺍ۔ ﺍﺳﮑﺎﻟﺮ ﺷﭗ ﮐﯽ ﺭﻭ ﺳﮯ ﺍﺑﮭﯽ ﻋﺒﺪﺍﻟﻠﮧ ﮐﮯ ﻭﺍﭘﺲ ﺟﺎﻧﮯ ﻣﯿﮟ 4 ﻣﺎﮦ ﺗﮭﮯ۔ ﺍﺳﮯ M.I.T ﺳﮯ ﺍﯾﮏ ﺁﻓﺮ ﺁﺋﯽ ﺗﻮ ﮐﺎﻡ ﮐﺮﻧﮯ ﻭﮨﺎﮞ ﭼﻼ ﮔﯿﺎ، ﺍﻭﺭ ﻭﮨﺎﮞ ﺳﮯ ﺍﺳﮯ ﺳﺎﻓﭧ ﻭﺋﯿﺮ ﭨﯿﺴﭩﻨﮓ ﮐﺎ ﺍﯾﮏ ﭘﺮﺍﺟﯿﮑﭧ ﻧﺎﺳﺎ ﻣﯿﮟ ﻣﻞ ﮔﯿﺎ، ﺗﻨﺨﻮﺍﮦ ﺗﮭﯽ 240 ﮈﺍﻟﺮﺯ ﻓﯽ ﮔﮭﻨﭩﮧ۔ ﮐﺎﻡ ﮐﺮﺗﮯ ﮨﻮﺋﮯ ﺍﭼﺎﻧﮏ ﺍﯾﮏ ﺩﻥ ﻋﺒﺪﺍﻟﻠﮧ ﺑﮭﺎﮔﺘﺎ ﮨﻮﺍ ﮔﮭﺮ ﭘﮩﻨﭽﺎ، ﺍﻭﺭ ﺍﭘﻨﯽ TDL ﻟﺴﭧ ﻧﮑﺎﻟﯽ ﺟﻮ ﺍﺱ ﻧﮯ ﺍﯾﮏ ﻋﺮﺻﮯ ﺳﮯ ﻧﮩﯿﮟ ﺩﯾﮑﮭﯽ ﺗﮭﯽ۔ ﻋﺒﺪﺍﻟﻠﮧ ﺟﻮﮞ ﺟﻮﮞ ﻟﺴﭧ ﭘﮍﮬﺘﺎ ﮔﯿﺎ، ﺍﺱ ﮐﮯ ﭼﮩﺮﮮ ﮐﺎ ﺭﻧﮓ ﺍﮌﺗﺎ ﭼﻼ ﮔﯿﺎ، ﯾﺎﺧﺪﺍ ! ﮐﻮﺋﯽ ﺷﮯ ﺍﯾﺴﯽ ﺑﭽﯽ ﮨﯽ ﻧﮩﯿﮟ ﺗﮭﯽ، ﺟﻮ ﻧﺸﺎﻧﺪﮨﯽ ﺳﮯ ﺭﮦ ﮔﯿﺎ ﮨﻮ، ﺁﺧﺮﯼ ﭼﻨﺪ ﺁﺋﭩﻢ ﺍﺱ ﻧﮯ ﺁﺝ ﻧﺸﺎﻥ ﺯﺩﮦ ﮐﺮ ﺩﺋﯿﮯ۔
ﻋﺒﺪﺍﻟﻠﮧ ﮔﮭﻨﭩﻮﮞ ﺑﯿﭩﮭﺎ ﺧﻼﺅﮞ ﻣﯿﮟ ﮔﮭﻮﺭﺗﺎ ﺭﮨﺎ، ﺍﻭﺭ ﭘﮭﺮ ﺍﺱ ﮐﮯ ﺭﻭﻧﮯ ﮐﯽ ﺁﻭﺍﺯ ﻧﮯ ﺍﺱ ﮐﯽ ﺑﯿﻮﯼ ﺑﭽﻮﮞ ﮐﻮ ﮔﮩﺮﯼ ﻧﯿﻨﺪ ﺳﮯ ﺟﮕﺎ ﺩﯾﺎ۔ ﺑﯿﻮﯼ، ﺟﻮ ﮔﻮﺍﮦ ﺗﮭﯽ ﺍﺱ ﮐﮯ ﭘﭽﮭﻠﮯ 10 ﺳﺎﻟﻮﮞ ﮐﯽ ﻟﮕﺎﺗﺎﺭ ﺍﻭﺭ ﺍﻧﺘﮭﮏ ﻣﺤﻨﺖ ﮐﯽ، ﺑﮯ ﻗﺮﺍﺭﯼ ﺳﮯ ﺑﻮﻟﯽ، ﮐﯿﺎ ﮨﻮﺍ، ﮐﯿﺎ ﮨﻮﮔﯿﺎ ﮨﮯ ﻋﺒﺪﺍﻟﻠﮧ، ﺳﺐ ﺧﯿﺮﯾﺖ ﺗﻮ ﮨﮯ، ﺗﻢ ﮐﯿﻮﮞ ﺭﻭ ﺭﮨﮯ ﮨﻮ؟ ﺑﺘﺎﺅ ﺗﻮ ﺳﮩﯽ ﮨﻮﺍ ﮐﯿﺎ ﮨﮯ؟ ﺗﻢ ﺗﻮ ﺍﯾﺴﮯ ﮐﺒﮭﯽ ﺑﮭﯽ ﻧﮧ ﺭﻭﺋﮯ۔ ﺑِﻠّﻮ ﻭﮦ ﻟﺴﭧ ﺗﮭﯽ ﻧﮧ TDL ﻭﺍﻟﯽ، ﮨﺎﮞ ﮨﺎﮞ ﮐﯿﺎ ﮨﻮﺍ ﺍﺱ ﮐﻮ؟
ﺑِﻠّﻮﻭﮦ ﻣﮑﻤﻞ ﮨﻮﮔﺌﯽ۔
Every Damn Thing got ticked off.
wow ﺗﻮ ﭼﻠﻮ ﺟﺸﻦ ﻣﻨﺎﺗﮯ ﮨﯿﮟ، ﺗﻢ ﮐﯿﺎ ﻧﺎ ﺷﮑﺮﻭﮞ ﮐﯽ ﻃﺮﺡ ﺭﻭ ﺭﮨﮯ ﮨﻮ، ﭼﻠﻮ ﺍُﭨﮭﻮ ﺑﺎﮨﺮ ﺟﺎ ﮐﮯ ﮐﮭﺎﻧﺎ ﮐﮭﺎﺗﮯ ﮨﯿﮟ۔
ﻧﮩﯿﮟ ﺑِﻠّﻮ، ﮨﺎﺗﮫ ﮨﻮﮔﯿﺎ ﮨﮯ، ﮐﯿﺎ ﻣﻄﻠﺐ؟
ﺑِﻠّﻮ ﺁﺩﻣﯽ ﮐﺴﯽ ﭼﯿﺰﮐﮯ ﭘﯿﭽﮭﮯ ﺑﮭﺎﮒ ﺭﮨﺎ ﮨﻮ ﺍﻭﺭ ﺑﮭﺎﮔﺘﺎ ﮨﯽ ﭼﻼ ﺟﺎﺭﮨﺎ ﮨﻮ ﺍﻭﺭ ﻭﮦ ﭼﯿﺰ ﺍﺳﮯ ﻣﻞ ﺟﺎﺋﮯ ﺗﻮ ﺳﮑﻮﻥ ﺁﺗﺎ ﮨﮯ، ﻗﺮﺍﺭ ﻣﻠﺘﺎ ﮨﮯ، ﺩِﻝ ﮐﺎ ﺧﻼ ﺑﮭﺮ ﺟﺎﺗﺎ ﮨﮯ۔
ﻣﮕﺮﻣﯿﺮﮮ ﺳﺎﺗﮫ ﺗﻮﺍﯾﺴﺎ ﮐﭽﮫ ﻧﮩﯿﮟ ﮨﻮﺍ۔
ﻭﮦ ﺩﻝ ﮐﺎ ﺧﻼ ﺗﮭﺎ ﻧﺎﮞ ﻭﮦ ﺑﮍﮪ ﮐﮯ ﮔﺰ ﺑﮭﺮ ﮐﺎ ﮨﻮﮔﯿﺎ ﮨﮯ۔ ﯾﺎﺍﻟﻠﮧ ! ﻣﯿﮟ ﮐﯿﺎ ﮐﺮﻭﮞ، ﻣﯿﮟ ﺷﺮﻁ ﮨﺎﺭ ﮔﯿﺎ، ﺍﻭﺭ ﺍﺏ ﻣﺠﮭﮯ ﻭﮦ ﮐﺮﻧﺎ ﮨﮯ ﺟﻮ ﺗﻮ ﮐﮩﮯ، ﻣﮕﺮ ﺍﻟﻠﮧ ﺳﺎﺋﯿﮟ ﺗﯿﺮﯼ TDL ﺗﻮ ﻣﺠﮭﮯ ﭘﺘﮧ ﮨﯽ ﻧﮩﯿﮟ ﮨﮯ، ﻣﯿﮟ ﻧﮯ ﮐﺒﮭﯽ ﺍﺱ ﭘﺮ ﺩﮬﯿﺎﻥ ﮨﯽ ﻧﮧ ﺩﯾﺎ، ﺍﻭﺭ ﺍﮔﺮ ﺩﻧﯿﺎ ﯾﮩﯽ ﭼﺎﮨﺘﯽ ﺗﮭﯽ ﻣﺠﮫ ﺳﮯ ﺗﻮ ﻣﯿﮟ ﻧﮯ ﻭﮦ ﺳﺐ ﮐﭽﮫ ﮐﺮ ﺩﮐﮭﺎﯾﺎ ﺟﻮ ﺩﻧﯿﺎ ﻧﮯ، ﻣﺎﮞ ﺑﺎﭖ ﻧﮯ، ﺭﺷﺘﮧ ﺩﺍﺭﻭﮞ ﻧﮯ،ﻋﺰﯾﺰ ﻭ ﺍﻗﺎﺭﺏ ﻧﮯ، ﺩﻭﺳﺘﻮﮞ ﺍﻭﺭ ﺩﺷﻤﻨﻮﮞ ﻧﮯ ﻣﺠﮫ ﺳﮯ ﭼﺎﮨﺎ، ﺍﺏ ﮐﯿﺎ ﮐﺮﻭﮞ ﻣﯿﺮﮮ ﺭﺑﺎ، ﻣﯿﮟ ﺍﺏ ﻣﺰﯾﺪ ﺯﻧﺪﮦ ﮐﯿﻮﮞ ﺭﮨﻮﮞ؟
ﺁﺧﺮ ﻣﯿﮟ ﮨﻮﮞ ﮐﯿﻮﮞ؟
ﺗﻮ ﻧﮯ ﻣﺠﮭﮯ ﭘﯿﺪﺍ ﮐﯿﻮﮞ ﮐﯿﺎ؟
ﻣﯿﺮﯼ ﺯﻧﺪﮔﯽ ﮐﺎ ﻣﻘﺼﺪ ﮨﮯ ﮐﯿﺎ؟
ﯾﺎﺭﺏ ! 10 ﺳﺎﻝ ﺿﺎﺋﻊ ﮨﻮﮔﺌﮯ، ﺗﻮ ﺟﺎﻧﺘﺎ ﮨﮯ 18 ﮔﮭﻨﭩﮯ ﺭﻭﺯ ﮐﺎﻡ ﮐﯿﺎ ﮨﮯ، ﻋﯿﺪ، ﺑﻘﺮﻋﯿﺪ، ﺭﻣﻀﺎﻥ ﮐﭽﮫ ﺑﮭﯽ ﮨﻮ، ﺑﺎﺭﺵ ﯾﺎ ﻃﻮﻓﺎﻥ ﻣﯿﮟ ﮐﺎﻡ ﮐﺮﺗﺎ ﺭﮨﺎ، ﻧﮧ ﻣﺎﮞ ﺑﺎﭖ ﭘﺮﺩﮬﯿﺎﻥ، ﻧﮧ ﺑﯿﻮﯼ ﺑﭽﻮﮞ ﮐﻮ ﭨﺎﺋﻢ، ﻣﯿﮟ ﮐﺎﻡ ﮐﺮﺗﺎ ﺭﮨﺎ، ﮐﺘﻨﮯ ﺁﻻﻡ ﻭ ﻣﺼﺎﺋﺐ ﺁﺋﮯ ﻣﯿﮟ ﻟﮕﺎ ﺭﮨﺎ، ﮐﺘﻨﯽ ﺧﻮﺷﯿﺎﮞ ﺁﺋﯿﮟ ﺟﻮ ﻣﯿﮟ ﻧﮯ ﻟﻤﺤﮧ ﺑﮭﺮ ﮐﻮ ﺭُﮎ ﮐﺮ ﻧﮩﯿﮟ ﺩﯾﮑﮭﯿﮟ، ﻣﯿﮟ ﮐﺎﻡ ﮐﺮﺗﺎ ﺭﮨﺎ۔
ﻣﮕﺮ ﺁﺝ، ﺁﺝ ﻣﯿﮟ ﭘﮭﺮ ﺧﺎﻟﯽ ﮨﻮﮞ، ﺳﺐ ﮐﭽﮫ ﻣﻠﻨﮯ ﮐﮯ ﺑﺎﻭﺟﻮﺩ ﻣﯿﺮﮮ ﺍﻟﻠﮧ ﺳﺎﺋﯿﮟ ! ﻣﯿﮟ ﭘﮭﺮ ﻭﮨﯿﮟ ﭘﮩﻨﭻ ﮔﯿﺎ، ﺟﮩﺎﮞ ﺳﮯ ﺷﺮﻭﻉ ﮨﻮﺍ ﺗﮭﺎ۔
ﻣﯿﮟ ﮐﯿﺎ ﮐﺮﻭﮞ ﺍﺏ؟
ﻣﯿﺮﮮ ﺍﻟﻠﮧ ﺟﻮﺍﺏ ﺩﮮ۔
ﮨﺎﺗﮫ ﺍﻟﺠﮭﮯ ﮨﻮﺋﮯ ﺭﯾﺸﻢ ﻣﯿﮟ ﭘﮭﻨﺴﺎ ﺑﯿﭩﮭﮯ ﮨﯿﮟ
ﺍﺏ ﺑﺘﺎ ! ﮐﻮﻥ ﺳﮯ ﺩﮬﺎﮔﮯ ﮐﻮ ﺟﺪﺍ ﮐﺲ ﺳﮯ ﮐﺮﯾﮟ؟
ﺍﻭﺭ ﯾﮧ ﮐﮩﺘﮯ ﮐﮩﺘﮯ ﻋﺒﺪﺍﻟﻠﮧ ﮐﻮ Anxiety ﮐﺎ ﺩﻭﺭﮦ ﭘﮍﺍ، ﺍﻭﺭ ﺍﺳﮯ ﺍﺳﭙﺘﺎﻝ ﻣﯿﮟ ﺍﯾﮉﻣﭧ ﮐﺮﻧﺎ ﭘﮍﺍ۔ ﻭﮦ ﺗﻤﺎﻡ ﺗﺮ ﺭﻋﻨﺎﺋﯿﺎﮞ، ﺷﻮﺧﯿﺎﮞ ﺍﻭﺭ ﺍﻣﺎﺭﺍﺕ ﮐﯽ ﭼﯿﺰﯾﮟ ﺟﻮ ﮐﺒﮭﯽ ﭼﺎﮨﯽ ﺟﺎﺗﯽ ﺗﮭﯿﮟ، ﺁﺝ ﻋﺒﺪﺍﻟﻠﮧ ﮐﯽ ﻧﻈﺮﻭﮞ ﻣﯿﮟ ﺑﮯ ﻣﻌﻨﯽ ﮨﻮﮔﺌﯿﮟ۔ ﻭﮦ ﺗﻮ ﺷﮑﺮ ﮨﮯ ﮐﮧ ﻟﺴﭧ 10 ﺳﺎﻟﻮﮞ ﻣﯿﮟ ﭘﻮﺭﯼ ﮨﻮﮔﺌﯽ ﻭﮔﺮ ﻧﮧ ﺷﺎﯾﺪ ﺯﻧﺪﮔﯽ ﺑﮭﺮ ﺍﺳﯽ ﻣﯿﮟ ﻟﮕﺎ ﺭﮨﺘﺎ، ﺍﻭﺭ ﺟﺐ ﻓﺮﺷﺘﮯ ﻗﺒﺮ ﻣﯿﮟ ﺁ ﮐﮯ ﭘﻮﭼﮭﺘﮯ،
‏( ﺳﻮﺭۃ ﺍﻟﻨﺴﺎﺀ ۴: ۷۹ ‏)
’’ ﺟﻮ ﻟﻮﮒ ﺍﭘﻨﯽ ﺟﺎﻧﻮﮞ ﭘﺮ ﻇﻠﻢ ﮐﺮﺗﮯ ﮨﯿﮟ ﺟﺐ ﻓﺮﺷﺘﮯ ﺍﻥ ﮐﯽ ﺟﺎﻥ ﻗﺒﺾ ﮐﺮﻧﮯ ﻟﮕﺘﮯ ﮨﯿﮟ ﺗﻮ ﺍﻥ ﺳﮯ ﭘﻮﭼﮭﺘﮯ ﮨﯿﮟ ﮐﮧ ﺗﻢ ﮐﺲ ﺣﺎﻝ ﻣﯿﮟ ﺗﮭﮯ؟ ﻭﮦ ﮐﮩﺘﮯ ﮨﯿﮟ ﮐﮧ ﮨﻢ ﻣﻠﮏ ﻣﯿﮟ ﻋﺎﺟﺰ ﻭ ﻧﺎﺗﻮﺍﮞ ﺗﮭﮯ۔ ﻓﺮﺷﺘﮯ ﮐﮩﺘﮯ ﮨﯿﮟ ﮐﮧ ﮐﯿﺎ ﺍﻟﻠﮧ ﮐﺎ ﻣﻠﮏ ﻓﺮﺍﺥ ﻧﮩﯿﮟ ﺗﮭﺎ ﮐﮧ ﺗﻢ ﺍﺱ ﻣﯿﮟ ﮨﺠﺮﺕ ﮐﺮﺟﺎﺗﮯ؟ ﺍﯾﺴﮯ ﻟﻮﮔﻮﮞ ﮐﺎ ﭨﮭﮑﺎﻧﮧ ﺩﻭﺯﺥ ﮨﮯ ﺍﻭﺭ ﻭﮦ ﺑُﺮﯼ ﺟﮕﮧ ﮨﮯ۔ ‘‘
ﺗﻮ ﮐﯿﺎ ﺟﻮﺍﺏ ﺩﯾﺘﺎ؟ ﻋﺒﺪﺍﻟﻠﮧ ﮐﯽ ﺣﺎﻟﺖ ﺍﺱ ﺟُﻮﺍﺭﯼ ﮐﯽ ﺳﯽ ﺗﮭﯽ ﺟﻮ ﺍﭘﻨﺎ ﺳﺐ ﮐﭽﮫ ﮨﺎﺭ ﮔﯿﺎ ﮨﻮ، ﺍﯾﺴﮯ ﺷﺨﺺ ﮐﯽ ﺟِﺴﮯ ﻣﻨﺰﻝ ﭘﮧ ﭘﮩﻨﭻ ﮐﺮ ﭘﺘﮧ ﻟﮕﺎ ﮨﻮ ﮐﮧ ﯾﮧ ﻣﻨﺰﻝ ﺍﺱ ﮐﯽ ﺗﮭﯽ ﮨﯽ ﻧﮩﯿﮟ۔
ﻭﮦ ﺗﻤﺎﻡ ﻟﻮﮒ ﺟﻮ ﻋﺒﺪﺍﻟﻠﮧ ﺳﮯ ﭘﯿﺎﺭ ﮐﺮﺗﮯ ﺗﮭﮯ، ﺍﺱ ﺳﮯ ﻣﺨﻠﺺ ﺗﮭﮯ، ﺟﻦ ﮐﯽ ﻋﺒﺪﺍﻟﻠﮧ ﻗﺪﺭ ﮐﺮﺗﺎ ﺗﮭﺎ، ﻣﺎﮞ ﺑﺎﭖ، ﺭﺷﺘﮧ ﺩﺍﺭ، ﺩﻭﺳﺖ ﻭ ﺍﺣﺒﺎﺏ، ﺳﺐ ﻧﮯ ﻣﻞ ﮐﮯ ﺟﮭﻮﭦ ﺑﻮﻻ ﺍﻭﺭ ﺍﭘﻨﮯ ﺍﯾﺠﻨﮉﮮ ﭘﮧ ﻟﮕﺎ ﺩﯾﺎ۔ ﺍﺏ ﮐﺲ ﭘﮧ ﯾﻘﯿﻦ ﮐﺮﮮ، ﮐﺲ ﺳﮯ ﺭﺟﻮﻉ ﮐﺮﮮ، ﮐﺲ ﮐﯽ ﺑﺎﺕ ﻣﺎﻧﮯ، ﮐﺲ ﮐﻮ ﺩُﮨﺎﺋﯽ ﺩﮮ، ﺁﺝ ﻋﺒﺪﺍﻟﻠﮧ ﮐﺎ ﮐﻮﺋﯽ ﻧﮩﯿﮟ ﺭﮨﺎ ﺗﮭﺎ، ﻭﮦ ﺑﺎﻟﮑﻞ ﺍﮐﯿﻼ ﮨﻮ ﮔﯿﺎ ﺗﮭﺎ۔
* ۔۔۔ * ۔۔۔ *
ﻋﺒﺪﺍﻟﻠﮧ ﻧﮯ ﮔﮭﺮ ﭘﮩﻨﭻ ﮐﺮ ﺟﺎﺏ ﺳﮯ ﺍﺳﺘﻌﻔﯽٰ ﺩﯾﺎ ﺍﻭﺭ ﺳﻮﺍﻟﻮﮞ ﮐﯽ ﺍﯾﮏ ﻟﻤﺒﯽ ﻟﺴﭧ ﺑﻨﺎﺋﯽ ﮐﮧ ﺟﻦ ﻟﻮﮔﻮﮞ ﮐﻮ ﻭﮦ ﻋﻘﻠﻤﻨﺪ ﺳﻤﺠﮭﺘﺎ ﮨﮯ ﺍﻥ ﺳﮯ ﺟﺎ ﮐﮯ ﭘﻮﭼﮭﮯ ﮔﺎ۔ ﺍﮔﺮ ﺗﻮ ﺟﻮﺍﺏ ﻣﻞ ﮔﺌﮯ ﺗﻮ ﻣﺴﺌﻠﮧ ﺧﺘﻢ ﻭﺭﻧﮧ ﻭﮦ ﺑﮭﯽ ﺍﭘﻨﯽ ﻟﺴﭩﻮﮞ ﻣﯿﮟ ﮐﮩﯿﮟ ﮔﻢ ﮨﯿﮟ، ﺍﻭﺭ ﭘﮭﺮ ﺍﻥ ﮐﺎ ﻧﺎﻡ ﻋﻘﻞ ﻣﻨﺪ ﻟﻮﮔﻮﮞ ﮐﯽ ﻟﺴﭧ ﺳﮯ ﺧﺎﺭﺝ ﮐﺮﺩﮮ ﮔﺎ۔
ﺳﻮﺍﻝ ﮐﭽﮫ ﺍﺱ ﻃﺮﺡ ﮐﮯ ﺗﮭﮯ۔
* ﻣﯿﮟ ﮐﻮﻥ ﮨﻮﮞ؟
* ﺍﻧﺴﺎﻥ ﮐﺴﮯ ﮐﮩﺘﮯ ﮨﯿﮟ؟
* ﺑﻨﺪﮦ ﮐﺴﮯ ﮐﮩﺘﮯ ﮨﯿﮟ؟
* ﮨﻤﺎﺭﺍﻣﻘﺼﺪِ ﺣﯿﺎﺕ ﮐﯿﺎﮨﮯ؟
* ﺯﻧﺪﮔﯽ ﮐﺎ Vision ﮐﯿﺎ ﮨﻮﻧﺎ ﭼﺎﮨﺌﮯ؟
* ﮨﺮ ﻭﮦ ﭼﯿﺰ ﺟﺲ ﮐﯽ ﺁﭖ ﺧﻮﺍﮨﺶ ﮐﺮﺳﮑﯿﮟ ﻭﮦ ﺁﭖ ﮐﻮ ﻣﻞ ﺟﺎﺋﮯ ﺗﻮ ﺁﭖ ﮐﺲ ﮐﯽ ﺧﻮﺍﮨﺶ ﮐﺮﯾﮟ ﮔﮯ؟
* ﻭﮦ ﺯﻧﺪﮔﯽ ﺟﻮﺍﯾﮏ ﺧﻮﺍﮨﺶ ﺳﮯ ﺩﻭﺳﺮﯼ ﺧﻮﺍﮨﺶ ﮐﯽ ﻃﺮﻑ ﺳﻔﺮ ﮐﺮﺗﯽ ﮨﻮ ﺍﺳﮯ ﮐﯿﺎ ﻧﺎﻡ ﺩﯾﮟ ﮔﮯ؟
* ﺟﺎﻧﻮﺭ ﺍﻭﺭ ﺍﻧﺴﺎﻥ ﻣﯿﮟ ﮐﯿﺎ ﻓﺮﻕ ﮨﮯ؟
* ﺁﭖ ﮐﻮ ﮐﯿﺴﮯ ﻣﻌﻠﻮﻡ ﮨﻮ ﮐﮧ ﺍﻟﻠﮧ ﮐﮯ ﭘﺎﺱ ﺁﭖ ﮐﺎ ﮐﯿﺎ ﻣﻘﺎﻡ ﮨﮯ؟
* ﺍﻟﻠﮧ ﺁﭖ ﺳﮯ ﮐﯿﺎ ﭼﺎﮨﺘﺎ ﮨﮯ؟
* ﻣﯿﺮﯼ TDL ﻣﯿﮟ ﺳﮯ ﮐﺘﻨﯽ ﭼﯿﺰﻭﮞ ﺳﮯ ﻣﺘﻌﻠﻖ ﺳﻮﺍﻝ ﮨﻮﮔﺎ؟
* ﮨﻢ ﭘﺮ ﺍﻟﻠﮧ ﮐﺎ ﮐﯿﺎ ﺣﻖ ﮨﮯ؟
* ﮨﻢ ﭘﺮ ﺍﻟﻠﮧ ﮐﮯ ﻧﺒﯽ ﻣﺤﻤﺪ ﻣﺼﻄﻔﯽ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﺎ ﮐﯿﺎ ﺣﻖ ﮨﮯ؟
* ﮐﯿﺎ ﮨﻤﺎﺭﺍ ﻣﻌﺎﺷﺮﮦ ﮨﻤﯿﮟ ﺍﭘﻨﮯ ﺭﺏ ﺳﮯ ﺩﻭﺭ ﮐﺮﺗﺎ ﮨﮯ؟
* ﺗﺮﻗﯽ ﻭﻋﻠﻢ ﺳﮯ ﻣﻠﻨﮯ ﻭﺍﻟﮯ ﻏﺮﻭﺭ ﮐﺎ ﺧﺎﺗﻤﮧ ﮐﯿﻮﻧﮑﺮ ﻣﻤﮑﻦ ﮨﻮ؟
* ﺯﻧﺪﮔﯽ ﮐﺲ ﭼﯿﺰ ﮐﺎ ﻧﺎﻡ ﮨﮯ؟
* ﺍﻟﻠﮧ ﮐﯿﺴﮯ ﺭﺍﺿﯽ ﮨﻮﺗﺎ ﮨﮯ؟
* ﻣﯿﮟ ﯾﮧ ﮐﯿﺴﮯ ﻣﺎﻥ ﻟﻮﮞ ﮐﮧ ﺟﻮﮐﭽﮫ ﺑﮭﯽ ﺁﭖ ﮐﮩﮧ ﺭﮨﮯ ﮨﯿﮟ ﻣﯿﺮﺍ ﺍﻟﻠﮧ ﻣﺠﮫ ﺳﮯ ﯾﮩﯽ ﭼﺎﮨﺘﺎ ﮨﮯ؟
* ﮐﯿﺴﮯ ﭘﺘﮧ ﭼﻠﮯ ﮐﮧ ﺯﻧﺪﮔﯽ ﮐﺎ ﺧﻮﺍﺏ ﺯﻧﺪﮔﯽ ﮐﮯ ﻣﻘﺼﺪ ﺳﮯ ﺟﮍﺗﺎ ﮨﮯ؟
* ﯾﮧ ﺧﻮﻑ ﮐﯿﺴﮯ ﻧﮑﻠﮯ ﮐﮧ ﺟﻮ ﮐﭽﮫ ﻣﯿﮟ ﮐﺮ ﺭﮨﺎ ﮨﻮﮞ ﻭﮦ ﭨﮭﯿﮏ ﮨﮯ ﯾﺎ ﮐﮧ ﭘﮭﺮ 10 ﺳﺎﻝ ﺑﻌﺪ ﺍﺳﯽ ﺟﮕﮧ ﭘﺮ ﺁﺟﺎﺅﮞ ﮔﺎ؟
* ﺍﻟﻠﮧ ﺳﮯ ﻣﻌﺎﻓﯽ ﮐﯿﺴﮯ ﻣﺎﻧﮕﯿﮟ؟
* ﺩﻋﺎ ﻣﺎﻧﮕﻨﮯ ﮐﺎ ﻃﺮﯾﻘﮧ ﮐﯿﺎ ﮨﻮ؟
* ﮐﺎﻣﯿﺎﺑﯽ ﮐﺴﮯ ﮐﮩﺘﮯ ﮨﯿﮟ؟
ﺍﻥ ﺳﻮﺍﻟﻮﮞ ﮐﻮ ﻟﮯ ﮐﺮﻋﺒﺪﺍﻟﻠﮧ ﺷﮩﺮ ﺑﮧ ﺷﮩﺮ، ﮐُﻮ ﺑﮧ ﮐُﻮ ﭘﮭﺮﺗﺎ ﺭﮨﺎ، ﺩﻧﯿﺎ ﮐﮯ 10 ﻣﻤﺎﻟﮏ ﭘﮭﺮ ﻟﺌﮯ، ﺍﻣﺮﯾﮑﮧ ﮐﯽ 48 ﺭﯾﺎﺳﺘﻮﮞ ﮐﯽ ﺧﺎﮎ ﭼﮭﺎﻥ ﻣﺎﺭﯼ ﺍﻭﺭ ﺟﺐ ﮐﭽﮫ ﻧﮧ ﺑﻦ ﭘﮍﺍ ﺗﻮ ﻭﺍﭘﺲ ﭘﺎﮐﺴﺘﺎﻥ ﭼﻼ ﺁﯾﺎ، ﯾﮩﺎﮞ ﺑﮭﯽ ﮐﻮﺋﯽ 3 ﺩﺭﺟﻦ ﺳﮯ ﺍﻭﭘﺮ ﺷﮩﺮ ﺍﻭﺭ ﮔﺎﺅﮞ ﮔﮭﻮﻡ ﮈﺍﻟﮯ، ﺟﻮ ﮐﭽﮫ ﮐﻤﺎﯾﺎ ﺍﻭﺭ ﺑﭽﺎﯾﺎ ﺗﮭﺎ، ﻭﮦ ﺍﺱ ﺻﺤﺮﺍ ﻧﻮﺭﺩﯼ ﮐﯽ ﻧﺬﺭ ﮨﻮﮔﯿﺎ، ﻣﮕﺮ ﺩﻝ ﮐﺎ ﺍﻗﺮﺍﺭ ﺍﯾﺴﺎ ﺍُﺟﮍﺍ ﮐﮧ ﺁﻧﮑﮭﯿﮟ ﻭﯾﺮﺍﻥ ﺍﻭﺭ ﺩﻝ ﺑﻨﺠﺮ ﮨﻮﮔﯿﺎ۔
ﮐﺘﻨﮯ ﮨﯽ ﻟﻮﮒ ﺗﮭﮯ ﺍﺱ ﮐﮯ ﺫﮨﻦ ﻣﯿﮟ ﺟﻨﮩﯿﮟ ﻭﮦ ﺍﭘﻨﺎ ﺁﺋﯿﮉﯾﻞ ﺍﻭﺭ ﺭﻭﻝ ﻣﺎﮈﻝ ﺳﻤﺠﮭﺘﺎ ﺗﮭﺎ، ﺑﮍﯼ ﺑﮍﯼ ﺳﺎﻓﭧ ﻭﺋﯿﺮ ﮐﻤﭙﻨﯿﻮﮞ ﮐﮯ ﻣﺎﻟﮏ، ﻣﻠﭩﯽ ﻧﯿﺸﻨﻞ ﮐﻤﭙﻨﯿﻮﮞ ﮐﮯ ﺑﮯ ﺗﺎﺝ ﺑﺎﺩﺷﺎﮦ، ﻣﻔﮑّﺮ، ﺍﺳﮑﺎﻟﺮﺯ، ﺭﯾﺴﺮﭼﺮﺯ، ﭘﺮﻭﻓﯿﺴﺮﺯ، ﮔﺎﺅﮞ ﮐﮯ ﺑﻮﮌﮬﮯ ﺳﻨﯿﺎﺳﯽ، ﺷﮩﺮ ﮐﮯ ﺑﺰﻧﺲ ﻣﯿﻦ، ﻣﻔﺘﯽ ﺻﺎﺣﺒﺎﻥ، ﻣﻮﻟﻮﯼ ﺣﻀﺮﺍﺕ، ﺍﻟﻐﺮﺽ ﮐﻮﺋﯽ ﻋﺒﺪﺍﻟﻠﮧ ﮐﻮ ﻣﻄﻤﺌﻦ ﻧﮧ ﮐﺮﺳﮑﺎ، ﺍﻭﺭ ﺍﯾﮏ ﺍﯾﮏ ﮐﺮﮐﮯ ﺗﻤﺎﻡ ﻧﺎﻡ ﻟﺴﭧ ﺳﮯ ﺧﺎﺭﺝ ﮨﻮ ﮔﺌﮯ۔
ﮨﺮ ﮐﻮﺋﯽ ﺍﭘﻨﯽ ﺩﻧﯿﺎ ﻣﯿﮟ ﻣﮕﻦ ﺧﻮﺵ ﻭﺧُﺮﻡ، ﮐﻮﺋﯽ ﭘﻼﭦ ﺧﺮﯾﺪﻧﮯ ﮐﺎ ﻣﺸﻮﺭﮦ ﺩﮮ ﺗﻮ ﮐﻮﺋﯽ ﮔﮭﺮ ﺑﻨﺎﻧﮯ ﮐﺎ، ﮐﻮﺋﯽ ’’ ﺭﻭﺣﺎﻧﯽ ﻣﻨﺰﻟﯿﮟ ‘‘ ﻃﮯ ﮐﺮﻧﮯ ﯾﺎ ﮐﺮﻭﺍﻧﮯ ﮐﯽ ’’ ﮔﺎﺭﻧﭩﯽ ‘‘ ﺩﮮ ﺗﻮ ﮐﻮﺋﯽ ﺍﻧﺴﺎﻧﯿﺖ ﮐﯽ ﺧﺪﻣﺖ ﻣﯿﮟ ﺳﮑﻮﻥ ﭘﺎﻧﮯ ﮐﺎ ﻣﺸﻮﺭﮦ ﺩﮮ۔
ﻣﮕﺮ ﺍﯾﮏ ﻋﺒﺪﺍﻟﻠﮧ ﺗﮭﺎ، ﺟﺲ ﮐﮯ ﺩﻝ ﮐﯽ ﻭﯾﺮﺍﻧﯽ، ﺭﻭﺯ ﺑﺮﻭﺯ ﺑﮍﮬﺘﯽ ﮨﯽ ﺟﺎﺭﮨﯽ ﺗﮭﯽ، ﻭﮦ ﺍﮐﺜﺮ ﻟﻮﮔﻮﮞ ﮐﻮ ﻣﺨﺎﻃﺐ ﮐﺮﮐﮯ ﮐﮩﺘﺎ،
ﺍﭘﻨﯽ ﺧﻮﺷﯽ ﮐﮯ ﺳﺎﺗﮫ ﻣﯿﺮﺍ ﻏﻢ ﺑﮭﯽ ﻣِﻼ ﺩﻭ
ﺍﺗﻨﺎ ﮨﻨﺴﻮ ﮐﮧ ﺁﻧﮑﮫ ﺳﮯ ﺁﻧﺴﻮ ﻧﮑﻞ ﭘﮍﯾﮟ
ﺍﺱ ﺍﺩﮬﯿﮍ ﺑُﻦ ﻣﯿﮟ ﺍﭼﺎﻧﮏ ﺍﺳﮯ ﺧﺒﺮ ﻣﻠﯽ ﮐﮧ ﭼﺎﭼﺎ ﺩﯾﻨﻮ ﮐﺎ ﺍﻧﺘﻘﺎﻝ ﮨﻮﮔﯿﺎ ﮨﮯ، ﯾﮧ ﺧﺒﺮ ﺑﺠﻠﯽ ﺑﻦ ﮐﮯ ﮔﺮﯼ ﭘﮩﻠﮯ ﺳﮯ ﺑﻮﺳﯿﺪﮦ ﺣﺎﻝ ﻋﺒﺪﺍﻟﻠﮧ ﭘﺮ۔
ﭼﺎﭼﺎ ﺩﯾﻨﻮ ﮨﯽ ﺗﻮ ﺍﯾﮏ ﭨﻤﭩﻤﺎﺗﺎ ﮨﻮﺍ ﺭﻭﺷﻨﯽ ﮐﺎﭼﺮﺍﻍ ﺗﮭﺎ، ﺍﺱ ﮐﯽ ﺍﻧﺪﮬﯿﺮﯼ ﺩﻧﯿﺎﻣﯿﮟ، ﻭﮦ ﺑﮭﯽ ﮔﯿﺎ۔
ﯾﺎﺍﻟﻠﮧ ! ﯾﮧ ﺗﻮ ﺳﺎﺭﮮ ﺭﺍﺳﺘﮯ ﮨﯽ ﻣﺴﺪﻭﺩ ﮨﻮﺭﮨﮯ ﮨﯿﮟ، ﺗﻮ ﭼﺎﮨﺘﺎ ﮐﯿﺎ ﮨﮯ؟
ﻧﺠﺎﻧﮯ ﮐﺲ ﻃﺮﺡ ﻋﺒﺪﺍﻟﻠﮧ ﻧﮯ ﭼﺎﭼﺎ ﺩﯾﻨﻮ ﮐﺎ ﺟﻨﺎﺯﮦ ﭘﮍﮬﺎ ﺍﻭﺭ ﺍﻧﮩﯿﮟ ﻗﺒﺮ ﻣﯿﮟ ﺍﺗﺎﺭﺗﮯ ﻭﻗﺖ ﻭﮦ ﯾﮧ ﺷﻌﺮ ﭘﮍﮪ ﺭﮨﺎ ﺗﮭﺎ :
ﺭﺷﮏ ﺁﺯﺍﺩﯼ ﭘﮧ ﮨﮯ ﺍﯾﺴﮯ ﺍﺳﯿﺮﻭﮞ ﮐﯽ ﻣﺠﮭﮯ
ﭼُﮭﭧ ﮔﺌﮯ ﺟﻮ ﺟﺎﻥ ﺩﮮ ﮐﺮ ﭘﻨﺠۂ ﺻﯿّﺎﺩ ﺳﮯ
ﻋﺒﺪﺍﻟﻠﮧ ﮐﯽ ﺣﺎﻟﺖ ﺩﻥ ﺑﺪﻥ ﮔﺮﺗﯽ ﺟﺎﺭﮨﯽ ﺗﮭﯽ، ﺩﺍﮌﮬﯽ ﺍﻟﺠﮫ ﮔﺌﯽ ﺗﮭﯽ، ﮐﺒﮭﯽ ﺑﺎﻝ ﺑﮍﮪ ﺟﺎﺗﮯ ﺗﻮ ﮐﺒﮭﯽ ﻭﮦ ﮔﻨﺠﺎ ﮨﻮﺟﺎﺗﺎ، ﮔﮭﺮ ﻭﺍﻟﮯ، ﺳﺴﺮﺍﻝ ﻭﺍﻟﮯ ﺳﺐ ﭘﺮﯾﺸﺎﻥ ﺗﮭﮯ۔ ﺁﺝ ﻋﺒﺪﺍﻟﻠﮧ ﻧﮯ ﺳﺮ ﻋﺒﺪﺍﻟﺮﺣﻤﻦ ﺳﮯ ﻣﻠﻨﮯ ﮐﺎ ﭘﺮﻭﮔﺮﺍﻡ ﺑﻨﺎﯾﺎ۔ ﻋﺒﺪﺍﻟﻠﮧ ﺩﻝ ﮨﯽ ﺩﻝ ﻣﯿﮟ ﺳﺐ ﺳﮯ ﮨﯽ ﻧﺎﺭﺍﺽ ﺗﮭﺎ ﮐﮧ ﮐﺴﯽ ﻧﮯ ﺑﮭﯽ ﺍﺱ ﺭﺍﺳﺘﮯ ﭘﮧ ﭼﻠﺘﮯ ﮨﻮﺋﮯ ﺧﺒﺮﺩﺍﺭ ﻧﮧ ﮐﯿﺎ۔ ﺟﯿﺴﮯ ﮨﯽ ﻋﺒﺪﺍﻟﺮﺣﻤﻦ ﺻﺎﺣﺐ ﻧﮯ ﻋﺒﺪﺍﻟﻠﮧ ﮐﯽ ﺣﺎﻟﺖ ﺩﯾﮑﮭﯽ ﺍﻥ ﮐﮯ ﻣﻨﮧ ﺳﮯ ﺑﮯ ﺍﺧﺘﯿﺎﺭ ﻧﮑﻼ :
ﺑﺘﺎﺭﮨﯽ ﮨﮯ ﯾﮧ ﺁﻧﮑﮭﻮﮞ ﮐﯽ ﻣﻨﺠﻤﺪ ﻻﻟﯽ
ﮐﮍﮮ ﺩﻧﻮﮞ، ﮐﭩﮭﻦ ﺭﺗﺠﮕﻮﮞ ﺳﮯ ﮔﺬﺭﮮ ﮨﻮ
ﺧﺰﺍﮞ ﺧﺰﺍﮞ ﺳﺎﯾﮧ ﭼﮩﺮﮦ، ﺩﮬﻮﺍﮞ ﺩﮬﻮﺍﮞ ﺁﻧﮑﮭﯿﮟ
ﺧﻮﺷﯽ ﮐﯽ ﮐﮭﻮﺝ ﻣﯿﮟ ﮐﺘﻨﮯ ﻏﻤﻮﮞ ﺳﮯ ﮔﺰﺭﮮ ﮨﻮ؟
ﻋﺒﺪﺍﻟﻠﮧ ﺳﮯ ﺁﻧﺴﻮ ﺿﺒﻂ ﻧﮧ ﮨﻮﺳﮑﮯ ﺍﻭﺭ ﻭﮦ ﺍﻥ ﺳﮯ ﮔﻠﮯ ﻣﻞ ﮐﺮ ﻧﺠﺎﻧﮯ ﮐﺘﻨﯽ ﺩﯾﺮ ﺭﻭﺗﺎ ﺭﮨﺎ۔
ﺁﺧﺮ ﺟﺐ ﻋﺒﺪﺍﻟﺮﺣﻤﻦ ﺻﺎﺣﺐ ﻧﮯ ﺍﺱ ﮐﮯ ﺳﻮﺍﻟﻮﮞ ﮐﯽ ﮐﮭﻮﺝ ﻣﯿﮟ ﺍﺱ ﮐﯽ ﻣﺪﺩ ﮐﺎ ﻓﯿﺼﻠﮧ ﮐﯿﺎ ﺗﻮﻋﺒﺪﺍﻟﻠﮧ ﮐﻮ ﮐﭽﮫ ﻗﺮﺍﺭ ﺁﯾﺎ۔ ﻋﺒﺪﺍﻟﺮﺣﻤﻦ ﺻﺎﺣﺐ ﻧﮯ ﻋﺒﺪﺍﻟﻠﮧ ﺳﮯ ﮐﮩﺎ ﮐﮧ ﺟﻮﺍﺑﺎﺕ ﺗﻮ ﺗﻤﮩﯿﮟ ﺑﮩﺖ ﺳﮯ ﻟﻮﮒ ﺩﮮ ﭼﮑﮯ ﮨﯿﮟ، ﻣﺴﺌﻠﮧ ﮨﮯ ﺗﻤﮩﺎﺭﮮ ﺩﻝ ﮐﮯ ﺍﻃﻤﯿﻨﺎﻥ ﮐﺎ، ﺗﻤﮩﺎﺭﮮ ﺩﻝ ﮐﻮ ﮐﻮﺋﯽ ﺑﺎﺕ ﻟﮕﺘﯽ ﮨﯽ ﻧﮩﯿﮟ ﮨﮯ، ﮐﻮﺋﯽ ﺍﯾﺴﺎ ﺩﺭﺩ، ﺍﯾﺴﯽ ﭼﺒﮭﻦ، ﺍﯾﺴﺎ ﺧﻼ ﮨﮯ ﺟﻮ ﺗﻤﮩﯿﮟ ﭼﯿﻦ ﺳﮯ ﺑﯿﭩﮭﻨﮯ ﻧﮩﯿﮟ ﺩﮮ ﺭﮨﺎ ﮨﮯ، ﺍﺏ ﺗﻤﮩﯿﮟ ﮐﺘﻨﮯ ﮨﯽ ﺟﻮﺍﺏ ﮐﯿﻮﮞ ﻧﮧ ﻣﻞ ﺟﺎﺋﯿﮟ ﺗﻤﮩﺎﺭﺍ ﻣﺴﺌﻠﮧ ﺍﯾﺴﮯ ﺣﻞ ﻧﮩﯿﮟ ﮨﻮﮔﺎ۔ ﻋﺒﺪﺍﻟﺮﺣﻤﻦ ﺻﺎﺣﺐ ﻧﮯ ﮐﭽﮫ ﺩﻭﺳﺘﻮﮞ ﺳﮯ ﻣﺸﻮﺭﮦ ﮐﺮﮐﮯ ﺣﻞ ﺑﺘﺎﻧﮯ ﮐﺎ ﻭﻋﺪﮦ ﮐﯿﺎ ﺍﻭﺭ ﻋﺒﺪﺍﻟﻠﮧ ﺍﯾﮏ ﻣﻮﮨﻮﻡ ﺳﯽ ﺍُﻣﯿﺪ ﮐﮯ ﺳﺎﺗﮫ ﮔﮭﺮ ﺭﻭﺍﻧﮧ ﮨﻮﺍ۔
ﮐﺎﻓﯽ ﺩﻥ ﮔﺬﺭ ﮔﺌﮯ، ﻋﺒﺪﺍﻟﺮﺣﻤﻦ ﺻﺎﺣﺐ ﮐﺎ ﮐﻮﺋﯽ ﺟﻮﺍﺏ ﻧﮩﯿﮟ ﺁﯾﺎ، ﻋﺒﺪﺍﻟﻠﮧ ﭘﮩﻠﮯ ﺗﻮ ﯾﮧ ﺳﻮﭺ ﮐﺮ ﺍﻧﺘﻈﺎﺭ ﮐﺮﺗﺎ ﺭﮨﺎ ﮐﮧ ﻭﮦ ﺩﻭﺳﺘﻮﮞ ﺳﮯ ﻣﺸﻮﺭﮦ ﮐﺮﺭﮨﮯ ﮨﻮﮞ ﮔﮯ، ﻣﮕﺮ ﺁﺝ ﮐﺎﻓﯽ ﺩﻧﻮﮞ ﺑﻌﺪ ﺍﺱ ﻧﮯ ﺍﻥ ﮐﮯ ﮔﮭﺮ ﭘﺮ ﻓﻮﻥ ﻣﻼﯾﺎ۔ ﺑﯿﭩﮯ ﺳﮯ ﺑﺎﺕ ﮨﻮﺋﯽ، ﮐﮩﻨﮯ ﻟﮕﺎ، ﺍﺑّﻮ ﮐﻮ ﻓﺎﻟﺞ ﺍﻭﺭ ﻟﻘﻮﮦ ﮐﺎ ﺍﭨﯿﮏ ﮨﻮﺍ ﮨﮯ ﺍﻭﺭ ﻭﮦ ﺍﺳﭙﺘﺎﻝ ﻣﯿﮟ ﮨﯿﮟ، ﻋﺒﺪﺍﻟﻠﮧ ﮐﮯ ﮨﺎﺗﮫ ﺳﮯ ﺭﺳﯿﻮﺭ ﮔِﺮﮔﯿﺎ۔
ﺍﺳﭙﺘﺎﻝ ﺟﺎ ﮐﮯ ﻋﯿﺎﺩﺕ ﮐﯽ، ﮈﺍﮐﭩﺮﺯ ﻧﮯ ﺑﺘﺎﯾﺎ ﮐﮧ ﺣﺎﻟﺖ ﺑﮩﺘﺮ ﮨﻮﺟﺎﺋﮯ ﮔﯽ ﻣﮕﺮ ﺷﺎﯾﺪ ﺩﻭﺑﺎﺭﮦ ﺑﻮﻟﻨﮯ ﺍﻭﺭ ﭼﻠﻨﮯ ﭘﮭﺮﻧﮯ ﻣﯿﮟ ﮐﺌﯽ ﺳﺎﻝ ﻟﮓ ﺟﺎﺋﯿﮟ۔
ﻋﺒﺪﺍﻟﻠﮧ ﺳﺎﻣﻨﮯ ﺟﺎ ﮐﺮ ﺑﯿﭩﮫ ﮔﯿﺎ ﻣﮕﺮ ﻋﺒﺪﺍﻟﺮﺣﻤﻦ ﺻﺎﺣﺐ ﮐﯽ ﺁﻧﮑﮭﻮﮞ ﻣﯿﮟ ﺷﻨﺎﺳﺎﺋﯽ ﮐﯽ ﭼﻤﮏ ﺗﮏ ﻧﮧ ﺗﮭﯽ ﮐﮧ ﺑﯿﻤﺎﺭﯼ ﺳﮯ ﺫﮨﻦ ﻣﺘﺎﺛﺮ ﮨﻮﺍ ﺗﮭﺎ۔ ﻋﺒﺪﺍﻟﻠﮧ ﻧﮯ ﺁﻧﮑﮫ ﺍُﭨﮭﺎ ﮐﺮ ﺁﺳﻤﺎﻥ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﺍﯾﮏ ﺁﻧﺴﻮ ﺍﺱ ﮐﯽ ﺩﺍﮌﮬﯽ ﺑﮭﮕﻮﺗﺎ ﮨﻮﺍ ﺯﻣﯿﻦ ﭘﮧ ﺁ ﮔﺮﺍ ۔
ﺁﺝ ﻋﺒﺪﺍﻟﻠﮧ ﻧﮯ ﻧﮩﺎ ﺩﮬﻮ ﮐﺮ ﻧﺌﮯ ﮐﭙﮍﮮ ﭘﮩﻨﮯ، ﻣﺴﺠﺪ ﻣﯿﮟ ﺟﺎ ﮐﺮ ﻧﻤﺎﺯ ﭘﮍﮬﯽ، ﺑﯿﻮﯼ ﺑﭽﻮﮞ ﮐﮯ ﺳﺎﺗﮫ ﮐﮭﺎﻧﺎ ﮐﮭﺎﯾﺎ، ﺳﺐ ﮨﯽ ﺍﺱ ﮐﺎﯾﺎ ﭘﻠﭧ ﭘﺮ ﺣﯿﺮﺍﻥ ﺗﮭﮯ، ﺑِﻠّﻮ ﮐﻮ ﯾﮧ ﮐﺴﯽ ﻃﻮﻓﺎﻥ ﮐﺎ ﭘﯿﺶ ﺧﯿﻤﮧ ﻟﮓ ﺭﮨﺎ ﺗﮭﺎ۔
ﺟﺐ ﻋﻠﯿﺤﺪﮔﯽ ﻧﺼﯿﺐ ﮨﻮﺋﯽ ﺗﻮ ﻭﮦ ﻋﺒﺪﺍﻟﻠﮧ ﺳﮯ ﮐﮩﻨﮯ ﻟﮕﯽ، ﻋﺒﺪﺍﻟﻠﮧ ! ﮐﯿﺎ ﮨﻮﺍ، ﺗﻢ ﭨﮭﯿﮏ ﺗﻮ ﮨﻮ؟ ﮐﮩﯿﮟ ﺍﻧﭩﺮﻭﯾﻮ ﮐﮯ ﻟﯿﮯ ﺟﺎﺭﮨﮯ ﮨﻮ ﮐﯿﺎ؟
ﻧﮩﯿﮟ ﺑِﻠّﻮ، ﺍﺏ ﻣﺠﮫ ﺳﮯ ﯾﮧ ﺩﺭﺩ ﻧﮩﯿﮟ ﺳﮩﺎ ﺟﺎﺗﺎ، ﺁﺝ ﻓﯿﺼﻠﮧ ﮨﻮ ﮐﺮ ﮨﯽ ﺭﮨﮯ ﮔﺎ۔
ﮐﯿﺎ ﻣﻄﻠﺐ؟
ﺁﺝ ﻣﯿﮟ ﺍﯾﮏ ﺑﺎﺭ ﭘﮭﺮ ﺁﺧﺮﯼ ﺑﺎﺭ، ﺍﻟﻠﮧ ﺳﮯ ﻣﺎﻧﮕﻮﮞ ﮔﺎ، ﺍﭘﻨﮯ ﺳﻮﺍﻻﺕ ﮐﮯ ﺟﻮﺍﺑﺎﺕ، ﺍﻭﺭ ﺩﻝ ﮐﺎ ﺳﮑﻮﻥ، ﺍﮔﺮ ﻣﻞ ﮔﯿﺎ ﺗﻮ ﭨﮭﯿﮏ، ﻭﺭﻧﮧ ۔۔۔
ﻭﺭﻧﮧ ﮐﯿﺎ؟ ﺑِﻠّﻮ ﮐﮯ ﻣﻨﮧ ﺳﮯ ﭼﯿﺦ ﻧﮑﻠﯽ۔ ﻭﺭﻧﮧ ﻣﯿﺮﮮ ﺑﭽﻮﮞ ﮐﺎ ﺧﯿﺎﻝ ﺭﮐﮭﻨﺎ۔
ﺑِﻠّﻮ ﺗﻮ ﻣﺼﻠّﮯ ﭘﺮ ﮈﮬﯿﺮ ﮨﻮﮔﺌﯽ ﮐﮧ ﺍُﺳﮯ ﻋﺒﺪﺍﻟﻠﮧ ﮐﮯ ﺁﮨﻨﯽ ﻋﺰﻡ ﮐﺎ ﺑﮭﺮﭘﻮﺭ ﺍﺩﺭﺍﮎ ﺗﮭﺎ، ﭘﺘﮧ ﻧﮩﯿﮟ ﮐﺐ ﺗﮏ ﻭﮦ ﮐﯿﺎ ﮐﯿﺎ ﻣﺎﻧﮕﺘﯽ ﺭﮨﯽ ﺍﺳﮯ ﺧﺒﺮ ﺗﮭﯽ ﮐﮧ ﺁﺝ ﻓﯿﺼﻠﮯ ﮐﯽ ﺭﺍﺕ ﮨﮯ۔
ﺟﺐ ﺳﺎﺭﮮ ﮔﮭﺮ ﻭﺍﻟﮯ ﺳﻮ ﭼﮑﮯ ﺗﻮ ﻋﺒﺪﺍﻟﻠﮧ ﭼﭙﮑﮯ ﺳﮯ ﺍُﭨﮭﺎ ﺍﻭﺭ ﮐﻤﺮﮮ ﺳﮯ ﺑﺎﮨﺮ ﻧﮑﻞ ﮔﯿﺎ، ﺑِﻠّﻮ ﻧﮯ ﺑﮭﯽ ﭼﭙﮑﮯ ﺳﮯ ﭘﯿﺮﻭﯼ ﮐﯽ۔
ﻋﺒﺪﺍﻟﻠﮧ، ﺑﺮﺍﺑﺮ ﻭﺍﻟﮯ ﮐﻤﺮﮮ ﻣﯿﮟ ﻣﺼﻠّﮯ ﭘﺮ ﺗﮩﺠﺪ ﭘﮍﮪ ﺭﮨﺎ ﺗﮭﺎ، ﻧﻤﺎﺯ ﺳﮯ ﻓﺮﺍﻏﺖ ﮐﮯ ﺑﻌﺪ ﺍﺱ ﻧﮯ ﮨﺎﺗﮫ ﺍُﭨﮭﺎﺋﮯ۔
ﺍﻟﻠﮧ ﺳﺎﺋﯿﮟ !
ﺗﺠﮭﮯ ﺗﻮ ﭘﺘﮧ ﮨﮯ ﮐﯿﺎ ﮨﻮﺍ؟ ﻣﯿﮟ ﮨﺎﺭ ﮔﯿﺎ ﺍﻟﻠﮧ ﺳﺎﺋﯿﮟ۔ ﻭﮦ ﺑﺪ ﻧﺼﯿﺐ ﮐﮧ ﺟﻮ ﺳﺐ ﺟﯿﺖ ﮐﮯ ﺑﮭﯽ ﮨﺎﺭ ﮔﯿﺎ ﺍﻭﺭ ﺗﻮ ﺍﯾﺴﺎ ﺑﮯ ﻧﯿﺎﺯ ﮐﮧ ﺳﺐ ﮐﭽﮫ ﺩﮮ ﮐﮯ ﺑﮭﯽ ﭘﺮﻭﺍﮦ ﻧﮩﯿﮟ۔
ﻣﯿﺮﮮ ﺍﻟﻠﮧ، ﺩﯾﮑﮫ ﻣﯿﺮﯼ ﻣﺪﺩ ﮐﺮ، ﻭﺭﻧﮧ ﻣﯿﮟ ﻣﺮﺟﺎﺅﮞ ﮔﺎ، ﻣﯿﮟ ﻧﮩﯿﮟ ﺭﮦ ﺳﮑﺘﺎ، ﺯﻧﺪﮦ ﺍﺏ ﺑﻐﯿﺮ TDL ﮐﮯ، ﺗﻮ ﻣﺠﮭﮯ ﺩﮮ ﻧﺌﯽ TDL ، ﺍﯾﺴﯽ TDL ﮐﮧ ﺟﺲ ﮐﮯ ﮨﺮ ﺁﺋﯿﭩﻢ ﮐﻮ ﭨِﮏ ﮐﺮ ﮐﮯ ﻣﯿﮟ ﺗﺠﮫ ﺳﮯ ﻗﺮﯾﺐ ﮨﻮﺟﺎﺅﮞ، ﻣﯿﮟ ﺗﺠﮫ ﺳﮯ ﺭﺍﺿﯽ ﺗﻮ ﻣﺠﮫ ﺳﮯ ﺭﺍﺿﯽ ﮨﻮﺟﺎﺋﮯ، ﺍﻭﺭ ﺳﻮﺍﻝ ﺩﯾﻨﮯ ﻭﺍﻟﮯ ﺍﻟﻠﮧ، ﺟﻮﺍﺏ ﺑﮭﯽ ﺩﮮ ﺩﮮ، ﻣﯿﺮﺍ ﺑﮭﯽ ﻣﺴﺌﻠﮧ Solve ﮐﺮﺩﮮ، ﺍﻟﻠﮧ ﻣﯿﺮﮮ ﻟﯿﮯ ﮐﺎﻓﯽ ﮨﻮ ﺟﺎ، ﮐﮭﻮﻝ ﺩﮮ ﺑﻨﺪ ﮔﺮﮨﯿﮟ، ﮈﺍﻝ ﺩﮮ ﺩﻣﺎﻍ ﻣﯿﮟ ﮐﭽﮫ، ﺧﺘﻢ ﮐﺮ ﯾﮧ ﮐﺸﻤﮑﺶ، ﮐﺮﺩﮮ ﺭﺣﻢ، ﺩﮮ ﺩﮮ ﺁﮔﮩﯽ، ﺳُﺠﮭﺎﺩﮮ ﮐﻮﺋﯽ ﺭﺍﮦ، ﮐﺮﺩﮮ ﺭﮨﻨﻤﺎﺋﯽ، ﺗﻮ ﮐﭽﮫ ﻟﻮﮔﻮﮞ ﮐﻮﭼﮭﻮﮌ ﺩﯾﺘﺎ ﮨﮯ ﺑﮭﭩﮑﻨﮯ ﮐﻮ، ﮐﭽﮫ ﮐﻮ ﺭﺍﮦ ﺩﮐﮭﺎﺗﺎ ﮨﮯ، ﺗﻮ ﮐﺴﯽ ﮐﺎ ﮨﺎﺗﮫ ﭘﮑﮍ ﮐﺮ ﺍﺳﮯ ﭼﻼﺗﺎ ﮨﮯ، ﺍﮮ ﻣﯿﺮﮮ ﺷﮩﮧ ﺭﮒ ﺳﮯ ﻗﺮﯾﺐ ﺍﻟﻠﮧ ! ﻣﯿﺮﺍ ﮨﺎﺗﮫ ﭘﮑﮍ، ﻣﺠﮭﮯ ﺭﺍﮦ ﺩﮐﮭﺎ، ﻣﯿﺮﮮ ﭘﺎﺱ ﺁ، ﻣﯿﺮﯼ ﻣﺪﺩ ﮐﺮ، ﺍﮮ ﻏﺎﺭ ﻣﯿﮟ ﺳﮑﯿﻨﮧ ﺍُﺗﺎﺭﻧﮯ ﻭﺍﻟﮯ ﺍﻟﻠﮧ، ﺍﮮ ﻣﯿﺮﮮ ﻣﺎﻟﮏ، ﺍﮮ ﻣﯿﺮﮮ ﻣﻮﻻ، ﺍﮮ ﻣﯿﺮﮮ ﭘﺎﻟﻦ ﮨﺎﺭ، ﻣﯿﮉﺍ ﺳﺎﺋﯿﮟ، ﻣﯿﮉﺍ ﯾﺎﺭ، ﻣﯿﺮﮮ ﻣﺎﻟﮏ، ﺁ ﺟﺎﻧﺎ، ﮨﺎﺗﮫ ﭘﮑﮍ، ﺭﺍﺳﺘﮧ ﺩﮐﮭﺎ، ﺭﻭﺷﻨﯽ ﺩﮮ ﺍﭘﻨﮯ ﻧﻮﺭ ﻣﯿﮟ ﺳﮯ، ﻣﯿﺮﮮ ﺁﮔﮯ ﺭﻭﺷﻨﯽ ﮐﺮ ﻣﯿﺮﮮ ﭘﯿﭽﮭﮯ ﮐﺮ، ﻣﯿﺮﯼ ﺩﺍﺋﯿﮟ ﮐﺮ ﻣﯿﺮﮮ ﺑﺎﺋﯿﮟ ﮐﺮ، ﻣﯿﺮﮮ ﺍﻭﭘﺮ ﮐﺮ ﻣﯿﺮﮮ ﻧﯿﭽﮯ ﮐﺮ، ﻣﯿﮟ ﮐﯿﺎ ﮐﮩﻮﮞ ﮔﺎ ﻣﻨﮑﺮ ﻧﮑﯿﺮ ﮐﻮ ﺍﮔﺮ ﭘﻮﭼﮫ ﺑﯿﭩﮭﮯ ﻓِﯿْﻢَ ﮐُﻨْﺘُﻢْ؟
ﻣﺎﺭﺍ ﺟﺎﺅﮞ ﮔﺎ ﻣﯿﺮﮮ ﺍﻟﻠﮧ، ﻣﯿﺮﯼ TDL ﺍﻧﮕﺎﺭﮦ ﺑﻨﺎ ﮐﮯ ﻧﮧ ﻟﮕﺎ ﺩﯼ ﺟﺎ ﻭﮮ۔ ﺭﺣﻢ ﮐﺮ ﻣﯿﺮﮮ ﻣﻮﻻ، ﺗﻮ ﮐﺮ ﺑﮭﯽ ﻟﮯ، ﺗﺠﮭﮯ ﺗﯿﺮﮮ ﺭﺣﻢ ﮐﺎ ﻭﺍﺳﻄﮧ، ﺗﯿﺮﮮ ﺣﺒﯿﺐ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻝ ﻭﺳﻠﻢ ﮐﺎ ﻭﺍﺳﻄﮧ، ﻭﺍﺳﻄﮧ ﺍﺱ ﺻﺤﺎﺑﯽؓ ﮐﺎ ﺟﺲ ﮐﺎ ﺳﺮ ﺷﮕﺎﻓﺘﮧ ﮨﻮﮔﯿﺎ ﺗﮭﺎ ﺗﻠﻮﺍﺭ ﺳﮯ ﺍﻭﺭ ﻭﮦ ﮐﮩﮧ ﺭﮨﺎ ﺗﮭﺎ،
ﻓُﺰْﺕُ ﻭَﺭَﺏُّ ﺍﻟْﮑَﻌْﺒَۃ ‏( ۱ ‏) ۔
ﻭﺍﺳﻄﮧ ﺍﺱ ﺑﺎﺕ ﮐﺎ ﮐﮧ ﺗﻮ ﻣﯿﺮﺍ ﺍﻟﻠﮧ ﮨﮯ ﺍﻭﺭ ﻣﯿﮟ ﺗﯿﺮﺍ ﺑﻨﺪﮦ۔
ﺑﭽﺎﻟﮯ ﻣﺠﮭﮯ ﻣﯿﺮﮮ ﻣﺎﻟﮏ، ﻣﯿﺮﯼ ﺳﺮﮐﺎﺭ، ﮐﺮ ﺑﮭﯽ ﺩﮮ ﻣﺪﺩ، ﺳﻦ ﺑﮭﯽ ﻟﮯ ﻣﯿﺮﮮ ﻣﻮﻻ۔
ﻣﯿﺮﮮ ﺍﻟﻠﮧ، ﺳﺨﯽ ﮐﯽ ﺷﺎﻥ ﻧﮩﯿﮟ ﮨﻮﺗﯽ ﮐﮧ ﺩﮮ ﮐﺮ ﻭﺍﭘﺲ ﻟﮯ، ﻣﯿﺮﮮ ﻣﻮﻻ ﺗﻮ ﻣﻌﺎﻑ ﮐﺮﺩﮮ، ﺩﯾﮑﮫ ﻣﯿﮟ ﺳﺠﺪﮮ ﻣﯿﮟ ﮔﺮﮔﯿﺎ، ﺩﯾﮑﮫ ﻣﯿﮟ ﻧﮯ ﻧﺎﮎ ﺭﮔﮍ ﻟﯽ، ﺳﺠﺪﮮ ﺳﮯ ﺯﯾﺎﺩﮦ Defenseless ﭘﻮﺯﯾﺸﻦ ﺗﻮ ﮐﻮﺋﯽ ﺑﮭﯽ ﻧﮩﯿﮟ ﮨﮯ، ﻣﯿﺮﮮ ﺍﻟﻠﮧ ۔۔۔۔ ﻣﯿﮟ ﺗﯿﺮﯼ ﺗﻮﺣﯿﺪ ﮐﺎ ﺍﻗﺮﺍﺭ ﮐﺮﺗﺎ ﮨﻮﮞ، ﻣﯿﺮﮮ ﺭﺏ، ﺷﺮﮎ ﺳﮯ ﺑﭽﺘﺎ ﮨﻮﮞ ﻣﯿﺮﮮ ﺍﻟﻠﮧ، ﺍﻥ ﺩﻭﻧﻮﮞ ﮐﮯ ﺑﯿﭻ ﻣﯿﮟ ﮨﻮﻧﮯ ﻭﺍﻟﮯ ﮔﻨﺎﮨﻮﮞ ﮐﻮ ﻣﻌﺎﻑ ﮐﺮﺩﮮ۔
ﺗﻮ ﻧﮯ ﺍﭘﻨﺎ ﺑﻨﺎ ﮐﮯ ﭼﮭﻮﮌ ﺩﯾﺎ
ﮐﯿﺎ ﺍﺳﯿﺮﯼ ﮨﮯ ﮐﯿﺎ ﺭﮨﺎﺋﯽ ﮨﮯ
ﺣﺸﺮ ﻣﯿﮟ ﺣﺴﺎﺏ ﻧﮧ ﮐﺮﻧﺎ ﻣﯿﺮﮮ ﺍﻟﻠﮧ، ﺍﯾﺴﮯ ﮨﯽ ﭼﮭﻮﮌﺩﯾﻨﺎ ﻣﯿﺮﮮ ﺍﻟﻠﮧ، ﺗﻮ ﭘﻮﭼﮭﯿﻮ ﻧﮩﯿﮟ ﻣﯿﺮﮮ ﺍﻟﻠﮧ، ﺗﻮ ﭘﻮﭼﮭﯿﻮ ﻧﮩﯿﮟ ﻣﯿﺮﮮ ﺍﻟﻠﮧ، ﺗﻮ ﭘﻮﭼﮭﯿﻮ ﻧﮩﯿﮟ ﻣﯿﺮﮮ ﺍﻟﻠﮧ۔
ﺍﻭﺭ ﺍﺱ ﮐﮯ ﺑﻌﺪ ﻋﺒﺪﺍﻟﻠﮧ ﮐﯽ ﺁﻭﺍﺯ ﺟﯿﺴﮯ ﮔﻨﮓ ﮨﻮﮔﺌﯽ، ﺑﻮﻝ ﺗﻮ ﮐﭽﮫ ﺭﮨﺎ ﺗﮭﺎ، ﻣﮕﺮ ﺍﻟﻔﺎﻅ ﭘﻠّﮯ ﻧﮩﯿﮟ ﭘﮍ ﺭﮨﮯ ﺗﮭﮯ، ﺭﻭﻧﮯ، ﺳﺴﮑﯿﻮﮞ، ﺁﮨﻮﮞ ﮐﯽ ﺁﻭﺍﺯ ﻣﯿﮟ ﺳﺐ ﮐﭽﮫ ﺩﺏ ﭼﮑﺎ ﺗﮭﺎ، ﻭﮦ ﺍﯾﺴﮯ ﮨﻮﺍ ﻣﯿﮟ ﮨﺎﺗﮫ ﻣﺎﺭ ﺭﮨﺎ ﺗﮭﺎ ﺟﯿﺴﮯ ﮐﻮﺋﯽ ﮈﻭﺑﻨﮯ ﻭﺍﻻ ﺑﭽﺎﺅ ﮐﮯ ﻟﯿﮯ ﮨﺎﺗﮫ ﭘﺎﺅﮞ ﭼﻼﺗﺎ ﮨﮯ، ﺑﻠّﻮ ﺟﻮ ﯾﮧ ﺳﺐ ﮐﭽﮫ ﺩﯾﮑﮫ ﺭﮨﯽ ﺗﮭﯽ ﻭﮦ ﺩﮬﮍﺍﻡ ﺳﮯ ﮔﺮ ﮔﺌﯽ ﺍﻭﺭ ﻧﺠﺎﻧﮯ ﮐﺐ ﻋﺒﺪﺍﻟﻠﮧ ﮐﻮ ﺑﮭﯽ ﻧﯿﻨﺪ ﺁﮔﺌﯽ۔
ﺑﺎﺕ ﺍﺩﮬﻮﺭﯼ ﻣﮕﺮ ﺍﺛﺮ ﺩﻭﻧﺎ
ﺍﭼﮭﯽ ﻟﮑﻨﺖ ﺯﺑﺎﻥ ﻣﯿﮟ ﺁﺋﯽ
ﺻﺒﺢ ﺟﺐ ﺑِﻠّﻮ ﺍُﭨﮭﯽ ﺗﻮ ﺭﺍﺕ ﮐﮯ ﻭﺍﻗﻌﮧ ﮐﯽ ﻭﺟﮧ ﺳﮯ ﺍﺱ ﮐﺎ ﭼﮩﺮﮦ ﺳﯿﺎﮦ ﭘﮍﺍ ﮨﻮﺍ ﺗﮭﺎ، ﻓﻮﺭﺍً ﻧﻈﺮ ﺩﻭﮌﺍﺋﯽ ﺗﻮ ﻋﺒﺪﺍﻟﻠﮧ ﻧﻈﺮ ﻧﮧ ﺁﯾﺎ، ﺍﺑﮭﯽ ﮈﮬﻮﻧﮉﻧﮯ ﺟﺎﺭﮨﯽ ﺗﮭﯽ ﮐﮧ ﻭﮦ ﮨﻨﺴﺘﺎ ﻣﺴﮑﺮﺍﺗﺎ ﮐﻤﺮﮮ ﻣﯿﮟ ﺩﺍﺧﻞ ﮨﻮﺍ، ﺁﺝ ﺑﮩﺖ ﮨﯽ ﺑﺪﻻ ﺑﺪﻻ ﺍﻭﺭ ﺳﻨﺒﮭﻼ ﮨﻮﺍ ﻟﮓ ﺭﮨﺎ ﺗﮭﺎ، ﺁﺗﮯ ﮨﯽ ﮨﻤﯿﺸﮧ ﮐﯽ ﻃﺮﺡ ﺑِﻠّﻮ ﭘﮧ ﭘﮭﺒﺘﯽ ﮐَﺴﯽ۔
ﮐﯿﺎ ﺗﯿﺮﺍ ﺟﺴﻢ ﺗﯿﺮﮮ ﺣﺴﻦ ﮐﯽ ﺣﺪّﺕ ﻣﯿﮟ ﺟﻼ
ﺭﺍﮐﮫ ﮐﺲ ﻧﮯ ﺗﯿﺮﯼ ﺳﻮﻧﮯ ﮐﯽ ﺳﯽ ﺭﻧﮕﺖ ﮐﺮﺩﯼ؟
ﭘﮩﻠﮯ ﻭﺍﻻﻋﺒﺪﺍﻟﻠﮧ ﺩﯾﮑﮫ ﮐﮯ ﺑِﻠُﻮ ﮐﯽ ﺟﺎﻥ ﻣﯿﮟ ﺟﺎﻥ ﺁﺋﯽ ۔
ﺍﺏ ﻋﺒﺪﺍﻟﻠﮧ ﮐﺎﻓﯽ ﺳﻨﺒﮭﻞ ﮔﯿﺎ ﺗﮭﺎ، ﺍﺱ ﮐﮯ ﺩﻝ ﮐﻮ ﺷﺎﯾﺪ ﮐﭽﮫ ﭼﯿﻦ ﻣﻞ ﮔﯿﺎ ﺗﮭﺎ، ﺍﺱ ﻧﮯ ﺳﻤﺠﮫ ﻟﯿﺎ ﺗﮭﺎ ﮐﮧ ﺟﻮ ﺳﻮﺍﻝ 33 ﺳﺎﻟﻮﮞ ﻣﯿﮟ ﺟﻤﻊ ﮨﻮﺋﮯ ﮨﯿﮟ ﺍﻥ ﮐﺎﺣﻞ 33 ﺩﻧﻮﮞ ﻣﯿﮟ ﻧﮩﯿﮟ ﻣﻠﮯ ﮔﺎ، ﻭﮦ ﺍﺏ ﭼﻠﻨﺎ ﭼﺎﮨﺘﺎ ﺗﮭﺎ ﺟﺴﺘﺠﻮ ﮐﮯ ﺍﺱ ﺳﻔﺮ ﻣﯿﮟ۔
* ۔۔۔ * ۔۔۔ *
ﮐﭽﮫ ﺩﻧﻮﮞ ﺑﻌﺪ ﺁﺝ ﻋﺒﺪﺍﻟﻠﮧ ﺍﭘﻨﯽ ﻓﯿﻤﻠﯽ ﮐﮯ ﺳﺎﺗﮫ ﻣﻠﮏ ﮐﯽ ﻣﺎﯾۂ ﻧﺎﺯ ﯾﻮﻧﯿﻮﺭﺳﭩﯽ ﻣﯿﮟ ﺍﺳﺴﭩﻨﭧ ﭘﺮﻭﻓﯿﺴﺮﮐﯽ ﺟﺎﺏ ﺟﻮﺍﺋﻦ ﮐﺮﻧﮯ ﮐﮯ ﻟﯿﮯ ﺟﺎﺭﮨﺎ ﺗﮭﺎ۔ ﯾﻮﻧﯿﻮﺭﺳﭩﯽ ﻣﯿﮟ ﺩﯾﮑﮭﺘﮯ ﮨﯽ ﺩﯾﮑﮭﺘﮯ ﻋﺒﺪﺍﻟﻠﮧ ﮐﮯ ﻧﺎﻡ ﮐﺎ ﮈﻧﮑﺎ ﺑﺠﻨﮯ ﻟﮕﺎ، ﺳﺎﺗﮫ ﮨﯽ ﻋﺒﺪﺍﻟﻠﮧ ﻧﮯ ﺍﭘﻨﮯ ﺑﯿﻮﯼ ﺑﭽﻮﮞ ﭘﺮ ﺧﺼﻮﺻﯽ ﺗﻮﺟﮧ ﺩﯾﻨﺎ ﺷﺮﻭﻉ ﮐﯽ، ﻭﮦ ﺑﭽﻮﮞ ﮐﯽ ﺗﻌﻠﯿﻢ ﻭ ﺗﺮﺑﯿﺖ ﮐﺎ ﺑﮩﺖ ﺧﯿﺎﻝ ﺭﮐﮭﺘﺎ۔
ﺯﻧﺪﮔﯽ ﻣﯿﮟ ﮐﭽﮫ ﭨﮭﮩﺮﺍﺅ ﺳﺎ ﺁﮔﯿﺎ ﺗﮭﺎ، ﻋﺒﺪﺍﻟﻠﮧ ﺁﺝ ﺑﮭﯽ ﻧﻤﺎﺯ ﭘﮍﮬﺘﺎ ﺗﻮ ﺍﻟﻠﮧ ﺳﮯ ﮔﮭﻨﭩﻮﮞ ﺩﻋﺎﺋﯿﮟ ﻣﺎﻧﮕﺘﺎ، ﻋﺒﺪﺍﻟﻠﮧ ﺁﺝ ﺑﮭﯽ ﺍﭘﻨﮯ ﺍﻟﻠﮧ ﮐﻮ ﺧﻂ ﻟﮑﮭﺎ ﮐﺮﺗﺎ۔
ﻋﺒﺪﺍﻟﻠﮧ ﮐﯽ ﺯﻧﺪﮔﯽ ﻣﯿﮟ ﺁﺝ ﺑﮭﯽ ﺑﮩﺖ ﺳﮯ ﺳﻮﺍﻝ ﺁﺗﮯ ﮨﯿﮟ۔ ﮐﭽﮫ ﮐﺎ ﺟﻮﺍﺏ ﻣﻞ ﺟﺎﺗﺎ ﮨﮯ ﮐﭽﮫ ﮐﺎ ﻧﮩﯿﮟ، ﻣﮕﺮ ﺍﺳﮯ ﺍﺱ ﺑﺎﺕ ﮐﺎ ﺍﺣﺴﺎﺱ ﮨﮯ ﮐﮧ ﺟﺲ ﺭﺍﮦ ﭘﺮ ﻭﮦ ﭼﻞ ﺭﮨﺎ ﮨﮯ ﻭﮦ ﺍﺳﮯ ﺑﮭﭩﮑﻨﮯ ﻧﮩﯿﮟ ﺩﮮ ﮔﯽ۔
* ۔۔۔ * ۔۔۔ *
ﺁﺝ ﯾﻮﻧﯿﻮﺭﺳﭩﯽ ﻣﯿﮟ ﮐﻮﺋﯽ ﺍﺿﺎﻓﯽ ﺳﯿﻤﯿﻨﺎﺭ ﮨﻮ ﺭﮨﺎ ﺗﮭﺎ Goals Settings ﭘﺮ ﮐﮧ ﺯﻧﺪﮔﯽ ﻣﯿﮟ Goals ﮐﯿﺴﮯ ﺑﻨﺎﺋﮯ ﺟﺎﺋﯿﮟ ﺍﻭﺭ ﭘﮭﺮ ﺍﻥ ﭘﺮ ﻣﺤﻨﺖ ﮐﯿﺴﮯ ﮐﯽ ﺟﺎﺋﮯ؟
ﺗﻮ ﻋﺒﺪﺍﻟﻠﮧ ﺟﻠﺪﯼ ﮔﮭﺮ ﻭﺍﭘﺲ ﺁﮔﯿﺎ، ﮔﮭﺮ ﺁﺗﮯ ﮨﯽ ﻋﺒﺪﺍﻟﻠﮧ ﮐﻮ ﺧﺒﺮ ﻣﻠﯽ ﮐﮧ ﺍﺱ ﮐﺎ ﺑﭽﮧ ﺍﻧﮕﻠﺶ ﮐﮯ ﺍﻣﺘﺤﺎﻥ ﻣﯿﮟ ﻓﯿﻞ ﮨﻮﮔﯿﺎ ﮨﮯ، ﺍﺱ ﻧﮯ ﺍﭘﻨﮯ ﺑﯿﭩﮯ ﮐﻮ ﺑﻼ ﮐﺮ ﭘﻮﭼﮭﺎ ﮐﮧ ﺗﻤﮩﺎﺭﯼ ﺍﻧﮕﻠﺶ ﺗﻮ ﺑﮩﺖ ﺑﮩﺘﺮ ﮨﮯ ﺗﻮ ﮐﯿﺎ ﻣﻌﺎﻣﻠﮧ ﮨﻮﺍ؟
ﺑﯿﭩﮯ ﻧﮯ ﮐﮩﺎ ﭘﺎﭘﺎ، ﺳﺮﺍﺳﺮ ﺯﯾﺎﺩﺗﯽ ﮨﻮﺋﯽ ﮨﮯ ﺍﻧﮕﻠﺶ ﮐﺎ ﭘﯿﭙﺮ ﺗﮭﺎ ﺍﺱ ﻣﯿﮟ ﺳﻮﺍﻝ ﺁﯾﺎ ،
?When was Quaid-e-Azam born
ﻣﯿﮟ ﻧﮯ ﺟﻮﺍﺏ ﻟﮑﮭﺎ ،
.He was born on 14 August 1947
ﭨﯿﭽﺮ ﻧﮯ ﻧﮧ ﺻﺮﻑ ﻣﯿﺮﮮ ﻣﺎﺭﮐﺲ ﮐﺎﭦ ﺩﺋﯿﮯ ﺑﻠﮑﮧ ﮐﻼﺱ ﮐﮯ ﺳﺎﻣﻨﮯ ﻣﯿﺮﺍ ﻣﺬﺍﻕ ﺑﮭﯽ ﺍُﮌﺍﯾﺎ۔
ﭘﺎﭘﺎ ﻣﺠﮭﮯ ﭘﺘﮧ ﮨﮯ ﮐﮧ ﺍﻥ ﮐﯽ ﺗﺎﺭﯾﺦ ﭘﯿﺪﺍﺋﺶ 25 ﺩﺳﻤﺒﺮ 1876 ﮨﮯ، ﻣﮕﺮ ﯾﮧ ﺍﻧﮕﻠﺶ ﮐﺎ ﭘﯿﭙﺮ ﺗﮭﺎ ﻧﮧ ﮐﮧ ﻣﻄﺎﻟﻌۂ ﭘﺎﮐﺴﺘﺎﻥ ﮐﺎ، ﺁﭖ ﻣﺠﮭﮯ ﺑﺘﺎﺋﯿﮯ :
?How was my sentence grammatically wrong
ﻋﺒﺪﺍﻟﻠﮧ ﻧﮯ ﮨﻨﺴﺘﮯ ﮨﻮﺋﮯ ﺍﭘﻨﯽ ﺑﯿﻮﯼ ﮐﯽ ﻃﺮﻑ ﺩﯾﮑﮭﺎ ﺍﻭﺭ ﺑﯿﭩﮯ ﺳﮯ ﭘﻮﭼﮭﺎ ﺗﻮ ﭘﮭﺮ ﺁﭖ ﻧﮯ ﭨﯿﭽﺮ ﮐﻮ ﮐﯿﺎ ﮐﮩﺎ؟
ﺑﯿﭩﮯ ﻧﮯ ﻣﺴﮑﺮﺍﺗﮯ ﮨﻮﺋﮯ ﺟﻮﺍﺏ ﺩﯾﺎ،
’’ ﺍﻟﻠﮧ ﭘﻮﭼﮭﮯ ﮔﺎ۔ ‘‘
* ۔۔۔ * ۔۔۔ *
ﻋﺒﺪﷲ ﺍﭘﻨﯽ ﺑِﻠّﻮ ﺍﻭﺭ ﺑﭽﻮﮞ ﮐﮯ ﺳﺎﺗﮫ ﺑﯿﭩﮭﺎ ﮨﻮﺍ ﮐﻮﺋﯽ ﮔﯿﻢ ﮐﮭﯿﻞ ﺭﮨﺎ ﺗﮭﺎ ﮐﮧ ﻣﻮﺑﺎﺋﻞ ﮐﯽ ﮔﮭﻨﭩﯽ ﺑﺠﯽ۔ ﮨﯿﻠﻮ ! ﻣﯿﮟ ﮈﺍﮐﭩﺮ ﺣﯿﺪﺭ ﺑﻮﻝ ﺭﮨﺎ ﮨﻮﮞ، ﮐﯿﺎ ﻋﺒﺪﺍﷲ ﺳﮯ ﺑﺎﺕ ﮨﻮ ﺳﮑﺘﯽ ﮨﮯ؟
ﺟﯽ ﺳﺮ، ﻣﯿﮟ ﻋﺒﺪﺍﷲ ﺑﻮﻝ ﺭﮨﺎ ﮨﻮﮞ ﮐﯿﺴﮯ ﮨﯿﮟ ﺁﭖ؟
ﻋﺒﺪﺍﷲ ﻭﺍﭘﺴﯽ ﻣﺒﺎﺭﮎ ﮨﻮ، ﮐﺴﯽ ﺭﻭﺯ ﻣﻠﻨﮯ ﺁﺟﺎﺅ۔
ﺟﯽ ﮐﭽﮫ ﮨﯽ ﺭﻭﺯ ﻣﯿﮟ ﺣﺎﺿﺮ ﮨﻮﺗﺎ ﮨﻮﮞ۔
ﮐﭽﮫ ﺩﻧﻮﮞ ﺑﻌﺪ ﻋﺒﺪﺍﷲ ﮈﺍﮐﭩﺮ ﺣﯿﺪﺭ ﮐﮯ ﺳﺎﻣﻨﮯ ﺑﯿﭩﮭﺎ ﮨﻮﺍ ﺗﮭﺎ۔
ﺍﻭﺭ ﺳﺮ ﺳﻨﺎﺋﯿﮟ۔ ﭘﭽﮭﻠﮯ 6 ﺳﺎﻝ ﮐﯿﺎ ﮨﻮﺋﮯ؟ ﮐﻮﺋﯽ ﻧﺌﯽ ﺗﺎﺯﯼ ﯾﺎ ﺯﻧﺪﮔﯽ ﺍﺑﮭﯽ ﺗﮏ ﺍِﺳﯽ ﮈﮔﺮ ﭘﺮ ﻣﺼﺮﻭﻑ ﮨﮯ؟
ﻭﯾﺴﮯ ﺗﻮ ﺳﺐ ﭨﮭﯿﮏ ﮨﮯ ﻋﺒﺪﺍﷲ، ﺑﺲ ﺭﺍﺳﺘﮯ ﺍﻭﺭ ﻣﻨﺰﻝ ﺑﺪﻝ ﮔﺌﮯ ﮨﯿﮟ، ﺍﻧﺪﺭ ﮐﺎ ﻣﻮﺳﻢ ﺑﺎﮨﺮ ﮐﮯ ﻣﻮﺳﻢ ﺳﮯ ﺟُﺪﺍ ﮨﻮﮔﯿﺎ ﮨﮯ۔ ﮈﺍﮐﭩﺮ ﺣﯿﺪﺭ ﮐﮯ ﻣﻨﮧ ﺳﮯ ﻧﮑﻠﻨﮯ ﻭﺍﻟﮯ ﯾﮧ ﮔﮩﺮﮮ ﺍﻟﻔﺎﻅ ﻋﺒﺪﺍﷲ ﮐﮯ ﺫﮨﻦ ﻣﯿﮟ ﺑﮭﻮﻧﭽﺎﻝ ﭘﯿﺪﺍ ﮐﺮ ﺭﮨﮯ ﺗﮭﮯ۔ ﻭﮦ ﮐﮩﻨﮯ ﻟﮕﺎ۔
ﺳﺮ، ﺍﯾﮏ ﺧﺎﻟﯽ ﭘﻦ ﮐﺎ ﺍﺣﺴﺎﺱ ﻣﺠﮭﮯ ﺑﮭﯽ ﮨﮯ ﻣﮕﺮ ﮐﻮﺋﯽ ﺳِﺮﺍ ﻣﻠﺘﺎ ﻧﮩﯿﮟ ﮨﮯ۔ ﮐﻤﭙﯿﻮﭨﺮ ﺳﺎﺋﻨﺲ ﮐﺎ ﮐﻮﺋﯽ ﭘﺮﺍﺑﻠﻢ ﮨﻮﺗﺎ ﺗﻮ ﮐﺐ ﮐﺎ ﺣﻞ ﻧﮑﺎﻝ ﭼﮑﺎ ﮨﻮﺗﺎ۔
ﻋﺒﺪﷲ ﻧﮯ ﮨﻨﺴﺘﮯ ﮨﻮﺋﮯ ﮐﮩﺎ۔
ﮈﺍﮐﭩﺮ ﺣﯿﺪﺭ، ﻋﺒﺪﺍﷲ ﮐﮯ ﻣﺰﺍﺝ ﺷﻨﺎﺱ ﺗﮭﮯ ﮐﮩﻨﮯ ﻟﮕﮯ ﺍﯾﮏ ﮐﺎﻡ ﮐﺮﻭ، ﯾﮩﺎﮞ ﺳﮯ ﻗﺮﯾﺐ ﮨﯽ ﺍﯾﮏ ﺻﺎﺣﺐ ﮐﺎ ﺁﻓﺲ ﮨﮯ، ﻣﯿﮟ ﻓﻮﻥ ﮐﺮ ﺩﯾﺘﺎ ﮨﻮﮞ ﺗﻢ ﺍِﻥ ﺳﮯ ﺟﺎ ﮐﺮ ﻣﯿﺮﮮ ﺣﻮﺍﻟﮯ ﺳﮯ ﻣِﻞ ﻟﻮ۔
ﻣﺠﮭﮯ ﺍُﻣﯿﺪ ﮨﮯ ﮐﻮﺋﯽ ﺳﺒﯿﻞ ﻧﮑﻞ ﺁﺋﮯ ﮔﯽ۔ ﺍﺣﻤﺪ ﻧﺎﻡ ﮨﮯ ﺍُﻥ ﮐﺎ۔
* ۔۔۔ * ۔۔۔ *
ﻋﺒﺪﺍﷲ ﺍﮔﻠﮯ ﮨﯽ ﺭﻭﺯ ﺍﺣﻤﺪ ﺻﺎﺣﺐ ﮐﮯ ﭼﮭﻮﭨﮯ ﺳﮯ ﺁﻓﺲ ﻣﯿﮟ ﺑﯿﭩﮭﺎ ﺗﮭﺎ۔ ﺁﻓﺲ ﻣﯿﮟ ﺩﺍﺧﻞ ﮨﻮﺗﮯ ﮨﯽ ﺍُﺱ ﮐﯽ ﻧﻈﺮ ﻣﺸﮩﻮﺭ ﺯﻣﺎﻧﮧ ﭨﯽ ﻭﯼ ﭘﺮ ﻭﮔﺮﺍﻡ ﮐﯽ CDs ﭘﺮ ﭘﮍﯾﮟ ﺟﺲ ﻣﯿﮟ ﺍﯾﮏ ﺷﻌﻠﮧ ﺑﯿﺎﻥ ﻣﻘﺮﺭ ﻣﻠﮏ ﻋﺰﯾﺰ ﮐﮯ ﮨﺮ ﻣﺴﺌﻠﮯ ﮐﺎ ﺗﻌﻠﻖ ﺍﻣﺮﯾﮑﮧ ﻭ ﺍﺳﺮﺍﺋﯿﻞ ﮐﯽ ﺧﻔﯿﮧ ﺳﺎﺯﺷﻮﮞ ﺳﮯ ﺟﻮﮌ ﺩﯾﺘﮯ ﮨﯿﮟ ﻣﮕﺮ ﺣﻞ ﮐﭽﮫ ﻧﮩﯿﮟ ﺑﺘﺎﺗﮯ، ﻋﺒﺪﺍﷲ ﮐﻮ ﺍﯾﺴﮯ ﻟﻮﮔﻮﮞ ﺳﮯ ﺷﺪﯾﺪ ﭼﮍ ﺗﮭﯽ۔ ﺍِﺱ ﮐﮯ ﺍﭘﻨﮯ ﻣﺴﺎﺋﻞ ﮨﯽ ﺍﺗﻨﮯ ﺯﯾﺎﺩﮦ ﺗﮭﮯ ﮐﮧ ﻭﮦ ﻣﺰﯾﺪ ﻣﺴﺎﺋﻞ ﺳﻨﻨﮯ ﮐﮯ ﻣﻮﮈ ﻣﯿﮟ ﺑﺎﻟﮑﻞ ﻧﮧ ﺗﮭﺎ۔ ﻋﺒﺪﺍﷲ ﻧﮯ ﺟﻠﺪﯼ ﺳﮯ ﺍﯾﮏ ﻃﺎﺋﺮﺍﻧﮧ ﻧﻈﺮ ﺑُﮏ ﺷﯿﻠﻒ ﻣﯿﮟ ﺭﮐﮭﯽ ﮐﺘﺎﺑﻮﮞ ﭘﺮ ﮈﺍﻟﯽ، ﺍِﻥ ﻣﯿﮟ ﺳﮯ ﺯﯾﺎﺩﮦ ﺗﺮ ﻭﮦ ﭘﮍﮪ ﭼﮑﺎ ﺗﮭﺎ ﺍﻭﺭ ﮔﻔﺘﮕﻮ ﺷﺮﻭﻉ ﮨﻮﻧﮯ ﺳﮯ ﭘﮩﻠﮯ ﻭﮦ ﺍﺣﻤﺪ ﺻﺎﺣﺐ ﮐﮯ ﻋﻘﻞ ﻭ ﺷﻌﻮﺭ ﮐﯽ ﺍﮐﺎﺅﻧﭩﻨﮓ ﮐﺮﭼﮑﺎ ﺗﮭﺎ۔ ﺍﺣﻤﺪ ﺻﺎﺣﺐ ﺁﺭﺍﻡ ﺳﮯ ﺍُﺱ ﮐﮯ ’’ ﻓﺎﺭﻍ ‘‘ ﮨﻮﻧﮯ ﮐﺎ ﺍﻧﺘﻈﺎﺭ ﮐﺮﺗﮯ ﺭﮨﮯ، ﻭﮦ ﮐﻮﺋﯽ 40 ﮐﮯ ﭘﮭﯿﺮﮮ ﻣﯿﮟ ﮨﻮﻧﮕﮯ، ﺩﺑﻠﮯ ﭘﺘﻠﮯ ﻧﮑﻠﺘﺎ ﮨﻮﺍ ﻗﺪ، ﺁﻧﮑﮭﻮﮞ ﻣﯿﮟ ﺑَﻼ ﮐﯽ ﭼﺎﻻﮐﯽ ﻣﮕﺮ ﭼﮩﺮﮮ ﭘﺮ ﺩَﺭﺩ، ﻋﺒﺪﷲ ﺯﯾﺎﺩﮦ ﺩﯾﺮ ﺁﻧﮑﮭﯿﮟ ﻧﮧ ﻣِﻼ ﺳﮑﺎ۔
ﺍﺣﻤﺪ ﺻﺎﺣﺐ ﮔﻮﯾﺎ ﮨﻮﺋﮯ،
ﮐﯿﺴﮯ ﮨﯿﮟ ﺁﭖ ﮈﺍﮐﭩﺮ ﺻﺎﺣﺐ؟
ﺟﯽ ﭨﮭﯿﮏ ﮨﻮﺗﺎ ﺗﻮ ﯾﮩﺎﮞ ﮐﯿﻮﮞ ﺁﺗﺎ۔ ﭘﺮﯾﺸﺎﻥ ﮨﻮﮞ، ﺳﻤﺠﮫ ﻧﮩﯿﮟ ﺁﺗﺎ ﺯﻧﺪﮔﯽ ﻣﯿﮟ ﮐﯿﺎ ﮐﺮﻭﮞ؟
ﺍﺗﻨﺎ ﭘﮍﮬﺎ ﻟﮑﮭﺎ، ﺧﻮﺏ ﺟﺎﻥ ﻣﺎﺭﯼ، ﻣﮕﺮ ﻧﺘﯿﺠﮧ ﺻﻔﺮ
ﺩﻝ ﮐﺎ ﭼﯿﻦ ﭘﺘﮧ ﻧﮩﯿﮟ ﮐﮩﺎﮞ ﻟُﭩﺎ ﺑﯿﭩﮭﺎ ﮨﻮﮞ۔ ﭘﺘﮧ ﻧﮩﯿﮟ ﮐﺲ ﺑﺎﺕ ﮐﯽ ﺟﺴﺘﺠﻮ ﮨﮯ؟
ﮐﻮﻥ ﺳﯽ ﻣﻨﺰﻝ ﮨﮯ ﮐﮧ ﺩﻝ ﮐﮭﻨﭽﺘﺎ ﮨﮯ ﻣﮕﺮ ﻧﻈﺮ ﻧﮩﯿﮟ ﺁﺗﯽ ۔
ﮐﻮﺋﯽ ﮨﻮﮎ ﮨﮯ ﮐﻮﺋﯽ ﺁﺱ ﮐﻮﺋﯽ ﺗﮍﭖ۔ ﮐﮩﯿﮟ ﻧﮧ ﮐﮩﯿﮟ ﮐﻮﺋﯽ ﮐﻤﯽ ﮨﮯ ﺟﻮ ﭘﻮﺭﯼ ﻧﮩﯿﮟ ﮨﻮﺋﯽ۔ ﻣﯿﮟ ﺍﯾﮏ ﺍﯾﺴﺎ ﻣﺮﯾﺾ ﮨﻮﮞ ﺟﺴﮯ ﺍﭘﻨﯽ ﺑﯿﻤﺎﺭﯼ ﮐﺎ ﻧﮩﯿﮟ ﭘﺘﮧ، ﻋﻼﻣﺎﺕ ﮐﺎ ﺑﮭﯽ ﻧﮩﯿﮟ ﭘﺘﮧ، ﺗﻮ ﺍﺏ ﻋﻼﺝ ﮨﻮ ﮐﯿﺴﮯ؟ ﻋﺒﺪﺍﷲ ﺑﻮﻟﻨﮯ ﭘﺮ ﺁﯾﺎ ﺗﻮ ﺑﻮﻟﺘﺎ ﮨﯽ ﭼﻼ ﮔﯿﺎ۔
ﺩﺭﯾﮟ ﺍﺛﻨﺎﺀ ﺍﺣﻤﺪ ﺻﺎﺣﺐ ﮐﯽ ﺁﻧﮑﮭﻮﮞ ﮐﯽ ﭼﻤﮏ ﮐﺌﯽ ﮔﻨﺎ ﺑﮍﮪ ﭼﮑﯽ ﺗﮭﯽ۔ ﻭﮦ ﮔﻮﯾﺎ ﮨﻮﺋﮯ۔
ﮨﻢ ﻡ ﻡ ﻡ ﻡ ﻡ۔ ﭘﮩﻠﮯ ﮐﮩﺎﮞ ﺗﮭﮯ ﺁﭖ؟ ﮨﻢ ﺗﻮ ﺁﭖ ﮐﻮ ﮈﮬﻮﻧﮉ ﺭﮨﮯ ﺗﮭﮯ۔
ﻋﺒﺪﷲ ﮐﭽﮫ ﻧﮧ ﺳﻤﺠﮭﺘﮯ ﮨﻮﺋﮯ ﺍﯾﮏ ﭘﮭﯿﮑﯽ ﺳﮯ ﮨﻨﺴﯽ ﮨﻨﺲ ﮐﺮ ﺭﮦ ﮔﯿﺎ۔
ﺍﺣﻤﺪ ﺻﺎﺣﺐ ﻧﮯ ﺍﭘﻨﯽ ﺑﺎﺕ ﺟﺎﺭﯼ ﺭﮐﮭﯽ۔
ﮈﺍﮐﭩﺮ ﺻﺎﺣﺐ، ﺗﮭﻮﮌﯼ ﺩﯾﺮ ﮐﮯ ﻟﯿﮯ judgement ﺗﺮﮎ ﮐﺮﺩﯾﮟ۔ ﺍﻧﺪﺍﺯﮮ ﺑﻌﺪ ﻣﯿﮟ ﻟﮕﺎﺋﯿﮯ ﮔﺎ۔ ﺁﭖ ﺍﯾﺴﺎ ﮐﺮﯾﮟ ﮐﮧ ﮨﻤﺎﺭﯼ ﺍﯾﮏ ﻭﺭﮐﺸﺎﭖ ﮨﻮ ﺭﮨﯽ ﮨﮯ ﮐﻞ ﺳﮯ، ﺍﻣﯿﻦ ﺻﺎﺣﺐ ﮨﻤﺎﺭﮮ ﺍﻧﺴﭩﺮﮐﭩﺮ ﮨﯿﮟ، ﻭﮦ ﭘﮍﮬﺎﺋﯿﮟ ﮔﮯ، ﺍٓﭖ ﯾﮧ ﮐﺮﻟﯿﮟ۔
ﺍﺭﮮ ﻧﮩﯿﮟ ﺍﺣﻤﺪ ﺻﺎﺣﺐ، ﻣﯿﺮﮮ ﭘﺎﺱ ﺩﻧﯿﺎ ﮐﮯ 72 ﺳﺮ ﭨﯿﻔﮑﯿﭩﺲ ﮨﯿﮟ، ﻣﯿﮟ ﮨﺮ ﺍﺱ ﺑﻨﺪﮮ ﺳﮯ ﻣِﻼ ﮨﻮﺍ ﮨﻮﮞ ﯾﺎ ﭘﮍﮪ ﭼﮑﺎ ﮨﻮﮞ ﺟﻦ ﮐﯽ ﮐﺘﺎﺑﯿﮟ ﺁﭖ ﯾﮩﺎﮞ ﺳﺠﺎﺋﮯ ﺑﯿﭩﮭﮯ ﮨﯿﮟ، ﻣﯿﺮﺍ ﻣﺴﺌﻠﮧ ﺍﺏ ﮐﻮﺋﯽ ﻧﯿﺎ ﮐﻮﺭﺱ ﮐﺮﮐﮯ ﺣﻞ ﻧﮩﯿﮟ ﮨﻮﮔﺎ۔ ﺍﻧﮩﯽ ﮐﻮﺭﺳﺰ ﻧﮯ ﺗﻮ ﯾﮧ ﺩﻥ ﺩﮐﮭﻼﯾﺎ ﮨﮯ، ﻣﯿﮟ ﺍﭘﻨﺎ ﺭﻭﻧﺎ ﺭﻭ ﺭﮨﺎ ﮨﻮﮞ ﺁﭖ ﺍﭘﻨﯽ ﭨﺮﯾﻨﻨﮓ ﺑﯿﭽﻨﮯ ﮐﮯ ﭼﮑﺮ ﻣﯿﮟ ﭘﮍﮮ ﮨﯿﮟ۔
ﮈﺍﮐﭩﺮ ﺻﺎﺣﺐ ﺁﭖ ﯾﮧ ﻭﺭﮐﺸﺎﭖ ﮐﺮﻟﯿﮟ ﭘﮭﺮ ﺑﺎﺕ ﮨﻮﮔﯽ۔ ﺍﺣﻤﺪ ﺻﺎﺣﺐ ﻧﮯ ﺟﯿﺴﮯ ﮐﮧ ﻓﯿﺼﻠﮧ ﺳﻨﺎ ﺩﯾﺎ۔
ﭘﺘﮧ ﻧﮩﯿﮟ ﯾﮧ ﺍﻥ ﺻﺎﺣﺐ ﮐﮯ ﻟﮩﺠﮯ ﮐﺎ ﺍﺛﺮ ﺗﮭﺎ ﯾﺎ ﻃﺒﯿﻌﺖ ﮐﺎ ﭨﮭﮩﺮﺍﺅ ﮐﮧ ﺍﮔﻠﯽ ﺷﺎﻡ ﺟﻤﻌﮧ ﮐﮯ ﺭﻭﺯ ﻋﺒﺪﷲ ﭨﺮﯾﻨﻨﮓ ﺳﯿﻨﭩﺮ ﭘﮩﻨﭻ ﮔﯿﺎ۔ ﮐﻮﺋﯽ 20 ﮐﮯ ﻗﺮﯾﺐ ﻣﺮﺩ ﻭ ﺧﻮﺍﺗﯿﻦ ﻣﻮﺟﻮﺩ ﺗﮭﮯ ﺍﻭﺭ ﺍﺣﻤﺪ ﺻﺎﺣﺐ ﺟﯿﺴﮯ ﺍﯾﮏ ﺍﻭﺭ ﺻﺎﺣﺐ، ﺟﻨﮩﯿﮟ ﺳﺐ ﺍﻣﯿﻦ ﺑﮭﺎﺋﯽ ﮐﮩﮧ ﺭﮨﮯ ﺗﮭﮯ ﻭﮦ ﭨﺮﯾﻨﻨﮓ ﺷﺮﻭﻉ ﮐﺮﻧﮯ ﮐﮯ ﻟﯿﮯ ﺑﮯ ﺗﺎﺏ۔
ﻋﺒﺪﷲ ﺯﻧﺪﮔﯽ ﮐﯽ ﺍﺗﻨﯽ ﺑﺪﺗﻤﯿﺰﯾﻮﮞ ﮐﮯ ﺑﻌﺪ ﮐﺴﯽ ﺳﮯ ﺗﻤﯿﺰ ﺳﮯ ﺑﺎﺕ ﮐﺮﻧﮯ ﮐﮯ ﻣﻮﮈ ﻣﯿﮟ ﻧﮩﯿﮟ ﺗﮭﺎ۔ ﻭﯾﺴﮯ ﺑﮭﯽ ﻭﮦ ﺍﭘﻨﮯ ﺁﭖ ﮐﻮ ﮐﻮﺱ ﺭﮨﺎ ﺗﮭﺎ ﮐﮧ ﯾﮩﺎﮞ ﺁﯾﺎ ﮐﯿﻮﮞ؟ ﻭﮨﯽ ﺍِﺳﭩﯿﻔﻦ ﮐﻮﯼ، ﻭﮨﯽ ﺟﯿﮏ ﻭﯾﻠﺶ، ﺳﯿﻢ ﻭﺍﻟﭩﻦ، ﻭﺍﺭﻥ ﺑُﻮﻓﮯ ﺍﻭﺭ ﭘﯿﭩﺮﺳِﻨﮕﺮ ﮐﮯ ﻓﺮﻣﻮﺩﺍﺕ، ﻭﮨﯽ ﺑﮑﻮﺍﺱ ﮨﻮﮔﯽ ﺟِﺲ ﻣﯿﮟ ﻋﺒﺪﷲ ﺧُﻮﺩ ﭼﯿﻤﭙﺌﯿﻦ ﺗﮭﺎ۔ ﻟﻮﮔﻮﮞ ﻧﮯ ﺍﭘﻨﺎ ﺗﻌﺎﺭﻑ ﮐﺮﺍﯾﺎ۔ ﻋﺒﺪﷲ ﺍﺱ ﭘﻮﺭﮮ ﻋﺮﺻﮯ ﻣﯿﮟ ﺳﺮ ﺑﯿﻨﭻ ﭘﮧ ﺭﮐﮭﮯ ﺳﻮﺗﺎ ﺭﮨﺎ، ﺍُﺳﮯ ﺍﺏ ﮐﺴﯽ ﮐﯽ ﭘﺮﻭﺍﮦ ﻧﮩﯿﮟ ﺗﮭﯽ ﮐﮧ ﮐﻮﺋﯽ ﮐﯿﺎ ﺳﻮﭼﮯ ﮔﺎ، ﺟﺐ ﺍﭘﻨﯽ ﺑﺎﺭﯼ ﺁﺋﯽ ﺗﻮ ﺻﺮﻑ ﻧﺎﻡ ﺑﺘﺎﯾﺎ ﺍﻭﺭ ﭘﮭﺮ ﮐﺮﺳﯽ ﭘﺮ ﮈﮬﯿﺮ ﮨﻮﮔﯿﺎ۔
ﺳﻮﺗﮯ ﺳﻮﺗﮯ ﯾﺎ ﺳﻮﻧﮯ ﮐﯽ ﻧﺎﮐﺎﻡ ﮐﻮﺷﺶ ﮐﺮﺗﮯ ﮨﻮﺋﮯ ﺍﻣﯿﻦ ﺑﮭﺎﺋﯽ ﮐﺎ ﺍﯾﮏ ﺟُﻤﻠﮧ ﮐﺎﻥ ﻣﯿﮟ ﭘﮍﺍ۔
’’ ﺍﮔﺮ ﺁﭖ ﯾﮩﺎﮞ ﺑﯿﭩﮭﮯ ﺑﯿﭩﮭﮯ ﻣﺮﺟﺎﺋﯿﮟ ﺗﻮ ﮐﯿﺎ ﺁﭖ ﺍﭘﻨﯽ ﺯﻧﺪﮔﯽ ﮐﻮ ﻣﮍ ﮐﮯ ﺩﯾﮑﮭﯿﮟ ﺗﻮ ﯾﮧ ﮐﮩﮧ ﺳﮑﺘﮯ ﮨﯿﮟ ﮐﮧ ﮨﺎﮞ ! ﻟﮓ ﮔﺌﯽ؟ ﯾﺎ ﯾﮧ ﮐﮩﯿﮟ ﮔﮯ ﮐﮧ ﺿﺎﺋﻊ ﮨﻮﮔﺌﯽ؟ ﯾﺎ ﯾﮧ ﮐﮧ ﭘﺘﮧ ﻧﮩﯿﮟ ﮐﯿﺎ ﮨﻮﺋﯽ ﺍﻭﺭ ﮐﮩﺎﮞ ﮔﺌﯽ؟ ‘‘
ﮨﻤﯿﮟ ﻧﮧ ﺑﺘﺎﺋﯿﮟ ﺍﭘﻨﮯ ﺁﭖ ﺳﮯ ﭘﻮﭼﮫ ﻟﯿﮟ۔
ﺍﺏ ﻋﺒﺪﺍﷲ ﻧﮯ ﺁﻧﮑﮫ ﮐﮭﻮﻟﯽ ﻣﮕﺮ ﺳﺮ ﻭﯾﺴﮯ ﮨﯽ ﺟُﮭﮑﺎ ﺭﮐﮭﺎ۔
ﺍﭼﮭﺎ، ﺩﻭﺳﺮﺍ ﺳﻮﺍﻝ، ﺍﻣﯿﻦ ﺑﮭﺎﺋﯽ ﻧﮯ ﺍﭘﻨﮯ ﺗﺮﮐﺶ ﺳﮯ ﺍﯾﮏ ﺍﻭﺭ ﺗﯿﺮ ﻧﮑﺎﻻ، ﮐﭽﮫ ﻟﻮﮒ ﺁﭘﮑﮯ ﻣﺮﻧﮯ ﮐﮯ ﺑﻌﺪ ﺁﭘﮑﮯ ﺑﺎﺭﮮ ﻣﯿﮟ ﺑﺎﺕ ﮐﺮ ﺭﮨﮯ ﮨﯿﮟ۔ ﺁﭖ ﮐﯿﺎ ﺳﻤﺠﮭﺘﮯ ﮨﯿﮟ ﻭﮦ ﮐﯿﺎ ﮐﮩﯿﮟ ﮔﮯ؟
ﭘﺘﮧ ﻧﮩﯿﮟ ﮐﻮﻥ ﺗﮭﺎ ﺟﻮ ﻣﺮﮔﯿﺎ، ﯾﺎ ﺍﭼﮭﺎ ﮨﻮﺍ ﻣﺮﮔﯿﺎ؟ ﯾﺎ ﷲ ﮐﺎ ﻧﯿﮏ ﺑﻨﺪﮦ ﺗﮭﺎ۔ ﺑﮍﮮ ﺍﭼﮭﮯ ﮐﺎﻡ ﮐﺮﮔﯿﺎ ﮨﮯ ﺟﻮ ﺳﺎﻟﻮﮞ ﺯﻧﺪﮦ ﺭﮨﯿﮟ ﮔﮯ۔
ﺍﺏ ﻋﺒﺪﷲ ﺳﻨﺒﮭﻞ ﮐﮯ ﺑﯿﭩﮫ ﭼﮑﺎ ﺗﮭﺎ ﺍﻭﺭ ﺍﺳﮑﯽ ﺁﻧﮑﮭﻮﮞ ﻣﯿﮟ ﭼﻤﮏ ﺳﯽ ﺁﮔﺌﯽ ﺗﮭﯽ۔
ﺍﻣﯿﻦ ﺻﺎﺣﺐ ﻧﮯ ﺍﯾﮏ ﺗﯿﺮ ﺍﻭﺭ ﻧِﮑﺎﻻ ﺍﻭﺭ ﮨﺎﺗﮫ ﻣﯿﮟ ﻣﻮﺟﻮﺩ ﻣﺎﺭﮐﺮ ﮐﯽ ﻃﺮﻑ ﺍِﺷﺎﺭﮦ ﮐﺮﺗﮯ ﮨﻮﺋﮯ ﭘﻮﭼﮭﺎ ﯾﮧ ﮐﯿﺎ ﮨﮯ؟ ﮐﯿﺎ ﮐﺮﺗﺎ ﮨﮯ؟
ﺳﺎﻣﻌﯿﻦ ﻣﯿﮟ ﺳﮯ ﮐﺴﯽ ﻧﮯ ﺟﻮﺍﺏ ﺩﯾﺎ، ﺟﻨﺎﺏ ﻣﺎﺭﮐﺮ ﮨﮯ ﺍﻭﺭ ﻟﮑﮭﻨﮯ ﮐﮯ ﮐﺎﻡ ﺁﺗﺎ ﮨﮯ۔
ﺑﮩﺖ ﺧﻮﺏ، ﺍﺏ ﺁﭖ ﺍﭘﻨﮯ ﺁﺱ ﭘﺎﺱ ﺩﯾﮑﮭﯿﮟ ﺍﻭﺭ ﭼﯿﺰﻭﮞ ﮐﯽ ﻟﺴﭧ ﺑﻨﺎﻟﯿﮟ۔
ﻋﺒﺪﷲ ﮐﺎ ﭘﯿﻦ ﺗﯿﺰﯼ ﺳﮯ ﭼﻠﻨﮯ ﻟﮕﺎ
ﭘﻨﮑﮭﺎ
ﮐﺮﺳﯽ
ﻣﯿﺰ
ﭼﭙﻞ / ﺟﻮﺗﺎ
ﺩﺭﺧﺖ
ﮐﮭﮍﮐﯽ
ﻣﻠﭩﯽ ﻣﯿﮉﯾﺎ ﭘﺮﻭﺟﯿﮑﭩﺮ
ﻟﯿﭗ ﭨﺎﭖ
ﺍِﺳﭙﯿﮑﺮﺯ
ﭨﯿﻮﺏ ﻻﺋﭧ
ﺟﮓ
ﮔﻼﺱ
ﻣﺎﺭﮐﺮ
ﮔﮭﮍﯼ
ﺻﻮﻓﮧ
ﻭﺍﭨﺮ ﮐﻮﻟﺮ
’’ ﭼﻠﯿﮟ ﺍﺏ ﺍِﻥ ﺗﻤﺎﻡ ﭼﯿﺰﻭﮞ ﮐﮯ ﺳﺎﻣﻨﮯ ﺍﻥ ﮐﺎ (purpose) ﻣﻘﺼﺪ ﻟﮑﮭﯿﮟ ‘‘ ۔
ﭘﻨﮑﮭﺎ ﮨﻮﺍ ﺩﯾﺘﺎ ﮨﮯ، ﻣﺎﺭﮐﺮ ﻟﮑﮭﺘﺎ ﮨﮯ، ﮔﮭﮍﯼ ﻭﻗﺖ ﺑﺘﺎﺗﯽ ﮨﮯ ﻭﻏﯿﺮﮦ ﻭﻏﯿﺮﮦ۔
’’ ﺍﻭﮦ ! ﮨﻢ ﻟﺴﭧ ﻣﯿﮟ ﺍﯾﮏ ﻧﺎﻡ ﺗﻮ ﺑﮭﻮﻝ ﮨﯽ ﮔﺌﮯ، ﺟﯽ ﮨﺎﮞ ! ﺁﭖ ﮐﺎ ﺍﭘﻨﺎ ﻧﺎﻡ ﻭﮦ ﺑﮭﯽ ﺗﻮ ﻟﮑﮭﯿﮟ ‘‘ ۔
’’ ﻋﺒﺪﺍﷲ ‘‘ ﮐﯽ ﻟِﺴﭧ ﻣﯿﮟ ﺍﯾﮏ ﻧﺌﮯ ﺁﺋﭩﻢ ﮐﺎ ﺍِﺿﺎﻓﮧ ﮨﻮﮔﯿﺎ ﮨﮯ۔
ﺟﯽ ﺍﺏ ﺍﺱ ﮐﮯ ﺳﺎﻣﻨﮯ ﺍﺱ ﮐﺎ ﻣﻘﺼﺪ purpose ﺑﮭﯽ ﻟﮑﮫ ﻟﯿﮟ۔
ﺗﻮ ﻋﺒﺪﷲ ﮨﻢ ﮨﯿﮟ ﮨﯽ ﮐﯿﻮﮞ؟
?why do we exist
ﻋﺒﺪﷲ ﮨﻮﻧﻖ ﺑﻨﺎ ﺻﺮﻑ ﺗﮑﮯ ﺟﺎﺭﮨﺎ ﺗﮭﺎ۔
ﺍﻣﯿﻦ ﺑﮭﺎﺋﯽ ﻧﮯ ﺍﭘﻨﯽ ﺑﺎﺕ ﺟﺎﺭﯼ ﺭﮐﮭﯽ۔ ﺍﯾﮏ ﺳﯿﺪﮬﺎ ﺳﺎ ﺫﺭﯾﻌﮧ ﮨﮯ ﻣﻌﻠﻮﻡ ﮐﺮﻧﮯ ﮐﺎ، ﺟﺲ ﻧﮯ ﺑﻨﺎﯾﺎ ﮨﮯ ﺍُﺱ ﺳﮯ ﭘﻮﭼﮫ ﻟﻮ۔ ﺍﺏ ﻣﺎﺭﮐﺮ ﺑﻨﺎﻧﮯ ﻭﺍﻟﯽ ﮐﻤﭙﻨﯽ ﻧﮯ ﻣﺎﺭﮐﺮ ﮐﯽ ﺗﻤﺎﻡ ﺧﺼﻮﺻﯿﺎﺕ ﺍﻭﺭ ﻣﻘﺎﺻﺪ ﺑﺘﺎﺩﺋﯿﮯ ﮨﯿﮟ، ﺍﻭﺭ HP ﻭﺍﻟﻮﮞ ﻧﮯ ﺍِﺱ ﻣﯿﺰ ﭘﺮ ﺭﮐﮭﮯ ﻟﯿﭗ ﭨﺎﭖ ﮐﯽ، ﺍﻭﺭ ﮈﺍﺅ ﻟﯿﻨﺲ ﻧﮯ ﺍِﺱ ﺍﺋﯿﺮ ﮐﻨﮉﯾﺸﻦ ﮐﯽ، ﺗﻮ ﺁﭘﮑﯽ ﺳﻤﺠﮫ ﮐﮯ ﺣﺴﺎﺏ ﺳﮯ ﺟﻮ ﺑﮭﯽ ﺁﭖ ﮐﺎ ﺧﺎﻟﻖ ﮨﮯ ﺁﭖ ﺍُﺱ ﺳﮯ ﭘﻮﭼﮫ ﻟﯿﮟ۔ ﺑﺤﯿﺜﯿﺖِ ﻣﺴﻠﻤﺎﻥ، ﮨﻤﺎﺭﺍ ﻣﺎﻧﻨﺎ ﮨﮯ ﮐﮧ ﷲ ﺳﺒﺤﺎﻧﮧ ﻭ ﺗﻌﺎﻟﯽٰ ﮨﻤﺎﺭﮮ ﺭﺏ ﮨﯿﮟ۔ ﻭﮦ ﻗﺮﺁﻥ ﻣﯿﮟ ﻓﺮﻣﺎﺗﮯ ﮨﯿﮟ۔
’’ ﮨﻢ ﻧﮯ ﺍﻧِﺴﺎﻧﻮﮞ ﺍﻭﺭ ﺟﻨﻮﮞ ﮐﻮ ﺍﭘﻨﯽ ﻋﺒﺎﺩﺕ ﮐﮯ ﻟﺌﮯ ﭘﯿﺪﺍ ﮐﯿﺎ۔ ‘‘
ﺗﻮ ﮨﻤﺎﺭﯼ ﺯﻧﺪﮔﯽ ﮐﺎ ﺍﻭﻟﯿﻦ ﻣﻘﺼﺪ ﺗﻮ ﷲ ﮐﯽ ﺭﺿﺎ ﮨﻮﺋﯽ ﻧﺎﮞ !
ﮨﻤﺎﺭﯼ (To Do List, TDL) ﻣﯿﮟ ﺳﺐ ﺳﮯ ﺍُﻭﭘﺮ ﺗﻮ ’’ ﷲ ﮐﻮ ﺭﺍﺿﯽ ﮐﺮ ﻧﺎ ‘‘ ﻟﮑﮭﺎ ﮨﻮﻧﺎ ﭼﺎﮨﯿﮯ ﻧﺎ، ﮨﻢ ﮈﯾﺰﺍﺋﻦ ﮨﯽ ﷲ ﮐﻮ ﺭﺍﺿﯽ ﮐﺮﻧﮯ ﮐﮯ ﻟﺌﮯ ﮨﻮﺋﮯ ﮨﯿﮟ ﻣﮕﺮ ﮨﻤﺎﺭﯼ ﺯﻧﺪﮔﯽ ﻣﯿﮟ ﺳﺐ ﮐﭽﮫ ﮨﻮﺗﺎ ﮨﮯ ﺳﻮﺍﺋﮯ ﷲ ﮐﮯ۔
ﻋﺒﺪﺍﷲ ﮐﮯ ﺩﻝ ﭘﺮ ﯾﮧ ﺍﻟﻔﺎﻅ ﺑﺠﻠﯽ ﮐﯽ ﻃﺮﺡ ﮔﺮ ﺭﮨﮯ ﺗﮭﮯ ﻣﮕﺮ ﺍﻣﯿﻦ ﺑﮭﺎﺋﯽ ﻧﮯ ﺗﻮ ﺟﯿﺴﮯ ﭼُﭗ ﻧﮧ ﮨﻮﻧﮯ ﮐﯽ ﻗﺴﻢ ﮐﮭﺎ ﺭﮐﮭﯽ ﺗﮭﯽ۔ ﺍﻧﮭﻮﮞ ﻧﮯ ﺍﭘﻨﯽ ﺑﺎﺕ ﺟﺎﺭﯼ ﺭﮐﮭﯽ ۔
ﮐﯿﺎ ﺧﯿﺎﻝ ﮨﮯ ﺁﭖ ﮐﺎ ﺍُﺱ ﻣﺎﺭﮐﺮ، ﮐﮯ ﺑﺎﺭﮮ ﻣﯿﮟ ﺟﻮ ﻟﮑﮭﺘﺎ ﻧﮧ ﮨﻮ؟ ﺍُﺱ ﮔﻼﺱ ﮐﮯ ﺑﺎﺭﮮ ﻣﯿﮟ ﺟﺲ ﻣﯿﮟ ﭘﺎﻧﯽ ﻧﮧ ﮈﺍﻻ ﺟﺎﺳﮑﮯ؟ ﯾﺎ ﺍُﺱ AC ﮐﮯ ﺑﺎﺭﮮ ﻣﯿﮟ ﺟﻮ ﮨﻮﺍ ﭨﮭﻨﮉﯼ ﻧﮧ ﮐﺮﺳﮑﮯ؟ ﺍِﻥ ﺗﻤﺎﻡ ﭼﯿﺰﻭﮞ ﻧﮯ ﺍﭘﻨﮯ ﮨﻮﻧﮯ ﮐﺎ ﺣﻖ ﺍﺩﺍ ﻧﮩﯿﮟ ﮐﯿﺎ ﻧﺎﮞ؟
ﮐﯿﺎ ﺧﯿﺎﻝ ﮨﮯ ﺁﭖ ﮐﺎ ﺍﺏ ﺍﭘﻨﮯ ﺑﺎﺭﮮ ﻣﯿﮟ؟
ﮨﻢ ﻡ ﻡ ﻡ ﻡ، ﺫﺭﺍ ﺳﻮﭼﯿﺌﮯ۔ ﷲ ﺗﻮ ﮨﻤﺎﺭﯼ TDL ﻣﯿﮟ ﮨﻮﺗﺎ ﮨﯽ ﻧﮩﯿﮟ ﮨﮯ۔
ﮨﺮ ﻭﮦ ﻋﻤﻞ ﺟﻮ ﷲ ﺗﻌﺎﻟﯽٰ ﺳﮯ ﻗﺮﯾﺐ ﻧﮧ ﮐﺮﮮ ﯾﺎ ﺩُﻭﺭ ﻟﮯ ﺟﺎﺋﮯ، ﺍﻥ ﮐﯽ ﻧﺎﺭﺍﺿﮕﯽ ﮐﺎ ﺳﺒﺐ ﺑﻨﮯ ﻭﮦ ﮐﺒﮭﯽ ﻧﮩﯿﮟ ﮐﺮﻧﺎ ﭼﺎﮨﯿﮯ۔
ﻋﺒﺪﷲ ﮐﮯ ﺻﺒﺮ ﮐﺎ ﭘﯿﻤﺎﻧﮧ ﺍﺏ ﻟﺒﺮﯾﺰ ﮨﻮﭼﮑﺎ ﺗﮭﺎ۔ ﻭﮦ ﻟﺮﺯﺗﮯ ﮨﺎﺗﮭﻮﮞ ﮐﮯ ﺳﺎﺗﮫ ﺍﭨﮭﺎ ﺍﻭﺭ ﮐﺎﭘﻨﺘﯽ ﮨﻮﺋﯽ ﺁﻭﺍﺯ ﻣﯿﮟ ﺍﻧﺴﭩﺮﮐﭩﺮ ﺳﮯ ﻣﺨﺎﻃﺐ ﮨﻮﺍ، ﺍِﺳﮑﯽ ﺁﻭﺍﺯ ﺳُﻦ ﮐﺮ ﺳﺐ ﮨﯽ ﭘﺮﯾﺸﺎﻥ ﮨﻮﮔﺌﮯ۔ ﺧﻮﺩ ﺍﻧﺴﭩﺮﮐﭩﺮ ﺑﯿﭽﺎﺭﮦ ﺳﻮﭺ ﻣﯿﮟ ﭘﮍﮔﯿﺎ ﮐﮧ ﺁﺧﺮ ﻣﯿﮟ ﻧﮯ ﺍﯾﺴﺎ ﮐﮩﺎ ﮨﯽ ﮐﯿﺎ ﮨﮯ؟ ﻋﺒﺪﷲ ﮔﺮﺟﺎ۔
’’ ﺍﻣﯿﻦ ﺻﺎﺣﺐ ﺧﺪﺍﺭﺍ ﺧﺎﻣﻮﺵ ﮨﻮﺟﺎﺋﯿﮟ ﺍﻭﺭ ﺑﻨﺪ ﮐﺮﯾﮟ ﯾﮧ ﮈﺭﺍﻣﮧ ‘‘ ۔
ﮐﮩﺎﮞ ﻣﺮﮔﺌﮯ ﺗﮭﮯ ﺁﭖ ﺁﺝ ﺳﮯ 10 ﺳﺎﻝ ﭘﮩﻠﮯ، ﭘﮩﻠﮯ ﮐﯿﻮﮞ ﻧﮧ ﺑﺘﺎﯾﺎ ﮐﺴﯽ ﻧﮯ ﯾﮧ ﻣﺠﮭﮯ، ﻧﮩﯿﮟ ﮨﮯ ﺟﻮﺍﺏ ﺁﭘﮑﮯ ﺳﻮﺍﻟﻮﮞ ﮐﺎ ﻣﯿﺮﮮ ﭘﺎﺱ ! ﮨﻮﺗﺎ ﺗﻮ ﯾﮩﺎﮞ ﺁﺗﺎ ﮨﯽ ﮐﯿﻮﮞ؟
ﺍﮔﺮ ﺁﭘﮑﻮ ﯾﮧ ﺧﻮﺵ ﻓﮩﻤﯽ ﮨﮯ ﮐﮧ ﺁﭘﮑﮯ ﯾﮧ ﭼﻨﺪ ﮔﮭﻨﭩﮯ ﻣﯿﺮﯼ ﺯﻧﺪﮔﯽ ﮐﮯ 33 ﺳﺎﻝ ﮐﮭﺎ ﺟﺎﺋﯿﮟ ﮔﮯ ﺗﻮ ﻣﻨﮧ ﺩﮬﻮ ﺭﮐﮭﯿﮟ۔ ﻭﮦ 33 ﺳﺎﻝ ﺟﺲ ﻣﯿﮟ ﻣﺤﻨﺖ ﺑﮭﯽ ﭘﺴﯿﻨﮯ ﺍﻭﺭ ﺧﻮﻥ ﻣﯿﮟ ﻓﺮﻕ ﻧﮧ ﮐﺮﺳﮑﯽ۔ ﻣﯿﺮﯼ 198 ﺁﺋﭩﻤﺰ ﭘﺮ ﻣﺒﻨﯽ TDL ، ﻣﯿﺮﯼ ﺗﻤﺎﻡ ﺗﺮ ﮐﺎﻣﯿﺎﺑﯿﺎﮞ، ﮐﯿﺎ ﺳﺐ ﺍﯾﮏ ﻟﯿﮑﭽﺮ ﺳﮯ ﺿﺎﺋﻊ ﮐﺮﻧﮯ ﮐﺎ ﺍِﺭﺍﺩﮦ ﮨﮯ؟ ﺍﯾﮏ ﻟﻔﻆ، ﺍﻣﯿﻦ ﺻﺎﺣﺐ ﺍﯾﮏ ﻟﻔﻆ ﻣﻨﮧ ﺳﮯ ﺍﻭﺭ ﻧِﮑﺎﻻ ﺗﻮ ﯾﮧ ﮔُﻠﺪﺍﻥ ﻣﺎﺭ ﮐﮯ ﺁﭖ ﮐﺎ ﺳﺮ ﭘﮭﻮﮌ ﺩﻭﮞ ﮔﺎ۔ ﺑﮭﺎﮌ ﻣﯿﮟ ﮔﺌﮯ ﺁﭖ، ﺑﮭﺎﮌ ﻣﯿﮟ ﮔﺌﯽ ﺁﭘﮑﯽ ﭨﺮﯾﻨﻨﮓ ﺍﻭﺭ ﺑﮭﺎﮌ ﻣﯿﮟ ﮔﺌﮯ ﺷﻮﺥ ﺁﻧﮑﮭﻮﮞ ﻭﺍﻟﮯ ﺁﭘﮑﮯ ﺍﺣﻤﺪ ﺻﺎﺣﺐ، ﻣﯿﮟ ﺟﺎ ﺭﮨﺎ ﮨﻮﮞ۔
ﯾﮧ ﮐﮩﮧ ﮐﺮ ﻋﺒﺪﷲ ﭨﺮﯾﻨﻨﮓ ﺭﻭﻡ ﺳﮯ ﻧﮑﻞ ﮐﺮ ﭼﻼ ﺟﺎﺗﺎ ﮨﮯ۔ ﺣﺎﺿﺮﯾﻦ ﻣﯿﮟ ﺳﮯ ﮐﺴﯽ ﮐﯽ ﮨﻤﺖ ﻧﮧ ﮨﻮﺋﯽ ﮐﮧ ﻭﮦ ﮐﭽﮫ ﺑﻮﻝ ﺳﮑﮯ ﻣﮕﺮ ﺍﻣﯿﻦ ﺻﺎﺣﺐ ﭘﯿﭽﮭﮯ ﺑﮭﺎﮔﮯ ﺍﻭﺭ ﺳﯿﮍﮬﯿﻮﮞ ﮐﮯ ﭘﺎﺱ ﻋﺒﺪﷲ ﮐﻮ ﺟﺎﻟﯿﺎ۔ ﮈﺍﮐﭩﺮ ﺻﺎﺣﺐ، ﮈﺍﮐﭩﺮ ﺻﺎﺣﺐ، ﺁﭖ ﺳُﻨﯿﮟ ﺗﻮ ﺳﮩﯽ، ﻋﺒﺪﷲ ﻧﮯ ﭘﯿﭽﮭﮯ ﻣﮍ ﮐﺮ ﺩﯾﮑﮭﺎ ﺗﻮ ﺍﻣﯿﻦ ﺑﮭﺎﺋﯽ ﺑﮭﺎﮔﺘﮯ ﮨﻮﺋﮯ ﺁﺭﮨﮯ ﺗﮭﮯ۔ ﻗﺮﯾﺐ ﺗﮭﺎ ﮐﮧ ﻋﺒﺪﷲ ﺍﻧﮩﯿﮟ ﺩﻭ ﭼﺎﺭ ﺗﮭﭙﮍ ﺟﮍ ﺩﯾﺘﺎ، ﻣﮕﺮ ﻭﮦ ﺁﮔﮯ ﺑﮍﮬﮯ ﺍﻭﺭ ﻋﺒﺪﷲ ﮐﻮ ﺳﯿﻨﮯ ﺳﮯ ﻟﮕﺎﻟﯿﺎ۔ ﯾﮑﺎﯾﮏ ﻋﺒﺪﷲ ﮐﻮ ﺍﭘﻨﯽ ﺁﻧﮑﮭﯿﮟ ﺗﺮ ﮨﻮﺗﯽ ﮨﻮﺋﯽ ﻣﺤﺴﻮﺱ ﮨﻮﺋﯽ ﺗﮭﯿﮟ۔ ﻭﮦ ﺩﻝ ﻣﯿﮟ ﮐﮩﮧ ﺭﮨﺎ ﺗﮭﺎ ﺍﻣﯿﻦ ﺻﺎﺣﺐ ﮨﻮﺳﮑﺘﺎ ﮨﮯ ﮐﮧ ﺁﭖ ﭨﮭﯿﮏ ﮨﯽ ﮐﮩﺘﮯ ﮨﻮﮞ، ﻣﮕﺮ ﻣﯿﮟ ﻏﻠﻂ ﮨﻮﮞ ﯾﮧ ﮐﯿﺴﮯ ﻣﺎﻥ ﻟﻮﮞ؟ ﻣﯿﺮﯼ ﺣﺎﻟﺖ ﺍُﺱ ﻣﺎﮞ ﮐﯽ ﺳﯽ ﮨﮯ ﺟﺲ ﮐﺎ ﺟﻮﺍﻥ ﺑﯿﭩﺎ ﻣﺮﮔﯿﺎ ﮨﻮ ﺍﻭﺭ ﻭﮦ ﻻﺵ ﮐﮯ ﺳﺎﻣﻨﮯ ﺑﯿﭩﮭﯽ ﮐﮩﮧ ﺭﮨﯽ ﮨﻮ ﮐﮩﮧ ﻧﮩﯿﮟ ﻧﮩﯿﮟ، ﯾﮧ ﻣﺮﺍ ﺗﮭﻮﮌﺍ ﮨﯽ ﮨﮯ ﯾﮧ ﺗﻮ ﺳﻮ ﺭﮨﺎ ﮨﮯ۔
ﻋﺒﺪﷲ ﮐﻮ ﺳﻤﺠﮫ ﻧﮧ ﺁ ﺭﮨﺎ ﺗﮭﺎ ﮐﮧ ﺍﭘﻨﮯ ﺍﺭﻣﺎﻧﻮﮞ ﮐﯽ ﻻﺵ ﮐﻮ ﮐﺪﮬﺮ ﺩﻓﻨﺎﺋﮯ ﺍﻭﺭ ﮐﺪﮬﺮ ﺍﺱ ﮐﯽ ﺗﺪﻓﯿﻦ ﮐﺮﮮ۔
ﻋﺒﺪﺍﷲ ﻧﮯ ﺍﻣﯿﻦ ﺑﮭﺎﺋﯽ ﮐﻮ ﺧﺪﺍ ﺣﺎﻓﻆ ﮐﮩﺎ ﺍﻭﺭ ﮔﮭﺮ ﭼﻼ ﮔﯿﺎ۔
ﺍﺑﮭﯽ ﻭﮦ ﺑِﻠّﻮ ﮐﻮ ﺁﺝ ﮐﯽ ﺭﻭﺩﺍﺩ ﺳﻨﺎ ﮨﯽ ﺭﮨﺎ ﺗﮭﺎ ﮐﮧ ﺍُﺱ ﮐﺎ ﺑﯿﭩﺎ ﻋﺒﺪﺍﻟﺮﺣﻤﻦ ﺁﮔﯿﺎ ﺍﻭﺭ ﮐﮩﻨﮯ ﻟﮕﺎ، ﭘﺎﭘﺎ ﮨﻤﯿﮟ ﺁﺝ Green Environment ﭘﺮ ﺍﺳﺎﺋﻨﻤﻨﭧ ﻣﻠﯽ ﮨﮯ۔ Recycling ﭘﺮ ﭘﻮﺳﭩﺮ ﺑﻨﺎﻧﺎ ﮨﮯ، ﻣﯿﮟ ﻧﮯ ﺳﺐ ﺳﮯ ﭘﮩﻠﮯ ﮐﭽﺮﮮ (Trash) ﮐﯽ ﺗﻌﺮﯾﻒ ﻟﮑﮭﯽ ﮨﮯ۔
ﻭﮦ ﭼﯿﺰ ﺟﻮ ﺍﭘﻨﮯ ﻣﻘﺼﺪِ ﻭ ﺟﻮﺩ ﮐﮯ ﻗﺎﺑﻞ ﻧﮧ ﺭﮨﮯ۔
.A thing that can’t fulfill it’s purpose anymore
ﭨﮭﯿﮏ ﮨﮯ ﻧﺎﮞ ﭘﺎﭘﺎ؟ ﺑﺘﺎﺋﯿﮯ ﻧﺎﮞ؟ ﮨﺎﮞ ﭨﮭﯿﮏ ﮨﯽ ﺗﻮ ﮐﮩﮧ ﺭﮨﮯ ﮨﻮ ﺑﯿﭩﺎ۔
ﺁﺝ ﮐﯽ ﺭﺍﺕ ﭘﮭﺮ ﺭﺕ ﺟﮕﺎ ﮨﻮﮔﺎ، ﻋﺒﺪﷲ ﻧﮯ ﺑﮭﯿﮕﯽ ﺁﻧﮑﮭﻮﮞ ﺳﮯ ﺑِﻠّﻮ ﮐﻮ ﮐﮩﺎ ﺟﻮ ﻣﺴﮑﺮﺍ ﮐﺮ ﺧﺎﻣﻮﺵ ﮨﻮﮔﺌﯽ۔
ﺭﺍﺕ ﻋﺒﺪﷲ ﭘﮭﺮ ﺟﺎﺋﮯ ﻧﻤﺎﺯ ﭘﺮ ﺗﮭﺎ۔
’’ ﯾﺎﷲ ! ﺗﻮ ﭼﺎﮨﺘﺎ ﮨﯽ ﻧﮩﯿﮟ ﮨﮯ ﮐﮧ ﻣﯿﮟ ﺳﻮ ﺳﮑﻮﮞ، ﺭﻭﺯ ﮐﯽ ﮐﻮﺋﯽ ﻧﺌﯽ ﭘﺮﯾﺸﺎﻧﯽ، ﮐﻮﺋﯽ ﺫﮨﻨﯽ ﺍﺫﯾﺖ ﺗﻮ ﻧﮯ ﻣﯿﺮﮮ ﺩﻝ ﻭ ﺩﻣﺎﻍ ﮐﻮ ﺍﺗﻨﺎ ﺣﺴﺎﺱ ﮐﯿﻮﮞ ﺑﻨﺎﯾﺎ ﮨﮯ؟ ﯾﮧ ﺍﻣﯿﻦ ﺑﮭﺎﺋﯽ ﮐﯿﺎ ﮐﮩﮧ ﺭﮨﮯ ﺗﮭﮯ۔ ﯾﮧ TDL ﭘﮩﻠﮯ ﮐﺴﯽ ﻧﮯ ﮐﯿﻮﮞ ﻧﮧ ﺑﺘﺎﺋﯽ۔ ﺗﺠﮭﮯ ﺭﺍﺿﯽ ﮐﺮﻧﺎ ﮨﮯ ﻣﮕﺮ ﮐﯿﺴﮯ؟ ﻣﯿﮟ ﮐﯿﺎ ﮐﺮﻭﮞ ﮐﮧ ﺗﻮ ﺭﺍﺿﯽ ﮨﻮﺟﺎﺋﮯ ﻣﯿﺮﮮ ﷲ؟ ﷲ ﻣﯿﮟ ﮐﭽﺮﺍ ﮨﯽ ﺗﻮ ﮨﻮﮞ ﺟﻮ ﺍﭘﻨﮯ ﻣﻘﺼﺪِ ﺣﯿﺎﺕ ﮐﮯ ﻗﺎﺑﻞ ﻧﮧ ﺭﮨﺎ، ﺟﺲ ﻧﮯ ﺑُﮭﻼ ﺩﯾﺎ ﺍﭘﻨﮯ ﻣﻘﺼﺪ ﮐﻮ، ﻣﺠﮭﮯ ﻣﻌﺎﻓﯽ ﺩﮮ ﺩﮮ، ﺑﮯ ﺷﮏ ﺗﯿﺮﺍ ﻓﻀﻞ ﻭﺟﮧ ﮐﺎ ﻣﺤﺘﺎﺝ ﻧﮩﯿﮟ ﺍﯾﺴﮯ ﮨﯽ ﺑﻼ ﻭﺟﮧ ﺑﺨﺶ ﺩﮮ۔ ﮐﻮﻥ ﭘﻮﭼﮭﮯ ﮔﺎ ﺗﺠﮫ ﺳﮯ۔ ﯾﺎﷲ ! ﻣﯿﮟ ﮐﻞ ﻭﺍﭘﺲ ﭨﺮﯾﻨﻨﮓ ﻣﯿﮟ ﺟﺎﺅﮞ ﮔﺎ۔ ﺻﺤﯿﺢ ﺑﺎﺕ ﺳﻤﺠﮭﺎ ﺩﮮ۔ ﺍﻣﯿﻦ ﺑﮭﺎﺋﯽ ﭘﮧ ﺭﺣﻢ ﮐﺮ، ﻣﯿﺮﯼ ﮔﺴﺘﺎﺧﯿﺎﮞ ﻣﻌﺎﻑ ﻓﺮﻣﺎ۔ ﺁﺝ ﭘﮭﺮ ﺳﮯ ﺍﭘﻨﯽ TDL ﮐﻮ ﺭﯼ ﺍِﺳﭩﺎﺭﭦ ﮐﺮ ﺭﮨﺎ ﮨﻮﮞ، ﺍِﺱ ﺑﺎﺭ ﭘﭽﮭﺘﺎﻭﮮ ﺳﮯ ﺑﭽﺎﻧﺎ۔ ﺍﺱ ﺑﺎﺭ ﻗﺒﻮﻝ ﮐﺮ ﻟﯿﻨﺎ۔ ﺁﻣﯿﻦ ! ‘‘
ﺗﺮ ﺍﺏ ﮐﺎﺳۂ ﺩﻝ ﭘﯿﺶ ﮐﺮﺩﯾﺎ ﺟﺎﺋﮯ
ﺳﻨﺎ ﮨﮯ ﮐﻮﺋﯽ ﺳﺨﺎﻭﺕ ﻣﯿﮟ ﺣﺪ ﻧﮩﯿﮟ ﺭﮐﮭﺘﺎ
ﺍﮔﻠﮯ ﺩﻥ ﺻﺒﺢ ﻋﺒﺪﷲ ﭘﮭﺮ ﭨﺮﯾﻨﻨﮓ ﺭﻭﻡ ﻣﯿﮟ ﺗﮭﺎ۔ ﺭﺍﺕ ﻭﺍﻟﮯ ﻭﺍﻗﻌﮧ ﮐﺎ ﺍﺛﺮ ﺳﺐ ﻟﻮﮔﻮﮞ ﮐﮯ ﭼﮩﺮﻭﮞ ﭘﺮ ﺗﮭﺎ۔ ﺍُﺱ ﻧﮯ ﺑﺎﺭﯼ ﺑﺎﺭﯼ ﺳﺐ ﮐﮯ ﭘﺎﺱ ﺟﺎﮐﺮ ﻣﻌﺎﻓﯽ ﻣﺎﻧﮕﯽ۔ ﺗﮭﻮﮌﯼ ﮨﯽ ﺩﯾﺮ ﻣﯿﮟ ﺳﯿﺸﻦ ﻭﺍﭘﺴﯽ ﺷﺮﻭﻉ ﮨﻮﺍ۔ ﺍﻣﯿﻦ ﺑﮭﺎﺋﯽ ﮐﮯ ﻟﺐ ﻭ ﻟﮩﺠﮯ ﻣﯿﮟ ﺑﻼ ﮐﯽ ﻓﺮﺍﺳﺖ ﺍﻭﺭ ﭼﺎ ﺑﮑﺪﺳﺘﯽ ﺗﮭﯽ۔ ﻋﺒﺪﷲ ﺳﻮﭺ ﺭﮨﺎ ﺗﮭﺎ ﮐﮧ ﺍﻧﮩﻮﮞ ﻧﮯ ﺍﺱ ﺟﯿﺴﮯ ﮨﺰﺍﺭﻭﮞ ﺑﮭﮕﺘﺎﺋﮯ ﮨﻮﮞ ﮔﮯ۔
ﮨﺎﮞ ! ﺗﻮ ﮨﻢ ﮐﻞ ﺑﺎﺕ ﮐﺮ ﺭﮨﮯ ﺗﮭﮯ ﺯﻧﺪﮔﯽ ﮐﮯ ﻣﻘﺼﺪ ﮐﯽ، ﯾﮧ ﺗﻮ ﮨﻢ ﺳﺐ ﭘﺮ ﻭﺍﺿﺢ ﮨﻮﭼﮑﺎ ﮨﮯ ﮐﮧ ﮨﻤﺎﺭﯼ ﺯﻧﺪﮔﯽ ﮐﺎ ﻣﻘﺼﺪ ﷲ ﮐﻮ ﺭﺍﺿﯽ ﮐﺮﻧﺎ ﮨﮯ، ﺟﺐ ﮨﻢ ﺍِﺱ ﻣﺴﺌﻠﮯ ﮐﻮ ﺣﻞ ﮐﺮ ﻟﯿﺘﮯ ﮨﯿﮟ ﺗﻮ ﺍﮔﻼ ﺳﻮﺍﻝ ﺁﺗﺎ ﮨﮯ ﺧﻮﺍﺏ ﮐﺎ ، Vision ﮐﺎ، ﮨﻢ ﮐﯿﺎ ﮐﺮﻧﺎ ﭼﺎﮨﺘﮯ ﮨﯿﮟ ﺍﺱ ﺯﻧﺪﮔﯽ ﻣﯿﮟ؟ ﺑﮩﺖ ﺳﮯ ﻟﻮﮔﻮﮞ ﻧﮯ ﮐﺌﯽ ﻃﺮﺡ ﺳﮯ ﺍِﺳﮑﻮ ﺑﯿﺎﻥ ﮐﯿﺎ ﮨﮯ، ﺟﻮ ﺗﻌﺮﯾﻒ ﮨﻤﯿﮟ ﭘﺴﻨﺪ ﺁﺋﯽ ﮨﮯ ﻭﮦ ﮨﮯ ﭘﯿﭩﺮ ﺳِﻨﮕﺮ ﮐﯽ،
’’ ﻭﮊﻥ ﺳﮯ ﻣﺮﺍﺩ ﻣﺴﺘﻘﺒﻞ ﮐﯽ ﻭﮦ ﺗﺼﻮﯾﺮ ﮨﮯ ﺟﻮ ﺁﭖ ﺩﯾﮑﮭﻨﺎ ﭼﺎﮨﯿﮟ ‘‘ .The picture of future you to want see
ﻣﺜﺎﻝ ﮐﮯ ﻃﻮﺭ ﭘﺮ ﮨﻢ ﯾﮧ ﮐﮩﺘﮯ ﮨﯿﮟ ﮐﮧ ﮨﻤﺎﺭﺍ ﺑﭽﮧ ﺑﮍﺍ ﮨﻮﮐﺮ ﮈﺍﮐﭩﺮ ﯾﺎ ﺍﻧﺠﯿﻨﺌﺮ ﺑﻨﮯ ﮔﺎ ﺗﻮ ﮨﻢ ﺍﮔﺮ 10 ، 20 ﺳﺎﻟﻮﮞ ﻣﯿﮟ ‏( ﻣﺴﺘﻘﺒﻞ ﻣﯿﮟ ﺍُﺳﮯ ﮈﺍﮐﭩﺮ ﯾﺎ ﺍﻧﺠﯿﻨﺌﺮ ﮐﮯ ﺭﻭﭖ ﻣﯿﮟ ﺩﯾﮑﮫ ﺭﮨﮯ ﮨﻮﺗﮯ ﮨﯿﮟ ‏) ۔
ﮨﻤﺎﺭﯼ ﺍﺱ ﺧﻮﺍﮨﺶ ﺍِﺱ ﭼﺎﮦ ﮐﺎ ﻧﺎﻡ vision ﮨﮯ۔ ﻣﺜﺎﻝ ﮐﮯ ﻃﻮﺭ ﭘﺮﻋﻼﻣﮧ ﺍﻗﺒﺎﻝ ﻧﮯ ﭘﺎﮐﺴﺘﺎﻥ ﮐﺎ ﺧﻮﺍﺏ ﺩﯾﮑﮭﺎ ﺗﻮ ﮐﻮﺋﯽ ﭘﺎﮐﺴﺘﺎﻥ ﺳﭻ ﻣﭻ ﻣﯿﮟ ﺍﻧﮑﮯ ﺧﻮﺍﺑﻮﮞ ﻣﯿﮟ ﺗﮭﻮﮌﺍ ﮨﯽ ﺁﯾﺎ ﺗﮭﺎ ﺑﻠﮑﮧ ﺍﯾﮏ ﺳﻮﭺ ﺗﮭﯽ ﮐﮧ ﻣﺴﻠﻤﺎﻥ ﮐﺲ ﻃﺮﺡ ﻣِﻞ ﺟُﻞ ﮐﮯ ﺍﯾﮏ ﺁﺯﺍﺩ ﺭﯾﺎﺳﺖ ﻣﯿﮟ ﺭﮨﯿﮟ ﮔﮯ، ﺗﻮ ﮨﻢ ﺳﺐ ﮐﯽ ﺯﻧﺪﮔﯽ ﻣﯿﮟ ﮐﻮﺋﯽ ﻧﮧ ﮐﻮﺋﯽ ﻭﮊﻥ ﺿﺮﻭﺭ ﮨﻮﻧﺎ ﭼﺎﮨﺌﯿﮯ ﺍﭘﻨﮯ ﺑﺎﺭﮮ ﻣﯿﮟ، ﺍﭘﻨﯽ ﺍﻭﻻﺩ ﮐﮯ ﺑﺎﺭﮮ ﻣﯿﮟ، ﻣﺎﮞ ﺑﺎﭖ ﮐﮯ ﺑﺎﺭﮮ ﻣﯿﮟ، ﺍﭘﻨﮯ ﺍﺩﺍﺭﮮ ﮐﮯ ﺑﺎﺭﮮ ﻣﯿﮟ ﮐﻮﺋﯽ ﻧﮧ ﮐﻮﺋﯽ ﻣﻨﺰﻝ ﺗﻮ ﮨﻮ ﯾﺎ ﮐﻮﺋﯽ ﭨﺎﺭﮔﭧ ﺗﺎﮐﮧ ﺁﺩﻣﯽ ﭘﮭﺮ ﺍُﺱ ﺗﮏ ﭘﮩﻨﭽﻨﮯ ﮐﯽ ﺟﺴﺘﺠﻮ ﮐﺮﮮ، ﺍﻭﺭ ﮨﺎﮞ ! ﺍﯾﮏ ﮐﻮﺷﺶ ﯾﮧ ﺑﮭﯽ ﮐﺮﻧﯽ ﮨﻮﮔﯽ ﮐﮧ ﻭﮊﻥ ﺍﻭﺭ purpose ﺁﭘﺲ ﻣﯿﮟ ﭨﮑﺮﺍﺋﯿﮟ ﻧﮩﯿﮟ۔ ﻣﺜﻼً ﻣﻘﺼﺪ ﺗﻮ ﷲ ﮐﻮ ﺭﺍﺿﯽ ﮐﺮﻧﺎ ﮨﮯ ﺍﻭﺭ ﻭﮊﻥ ﻣﯿﮟ ﺳﯿﻨﻤﺎ ﮐﺎ ﻣﺎﻟﮏ ﻟﮑﮫ ﺩﯾﮟ ﺗﻮ ﺑﺎﺕ ﮐﭽﮫ ﺑﻨﯽ ﻧﮩﯿﮟ۔ purpose ﷲ ﮐﻮ ﺭﺍﺿﯽ ﮐﺮﻧﺎ ﮨﻮ ﺍﻭﺭ ﻭﮊﻥ ﻣﯿﮟ ﺣﻼﻝ ﻭ ﺣﺮﺍﻡ ﮐﯽ ﺗﻤﯿﺰ ﮐﮯ ﺑﻐﯿﺮ ﮨﯽ ﭘﯿﺴﮧ ﮐﻤﺎﻧﺎ ﮨﻮ ﺗﻮ ﺑﮭﯽ ﮐﻮﺋﯽ ﺍﭼﮭﯽ ﺑﺎﺕ ﻧﮧ ﮨﻮﺋﯽ۔
ﻋﺒﺪﺍﷲ ﮐﻮ ﯾﮧ ﺳﺎﺭﯼ ﺳﯿﺪﮬﯽ ﺳﺎﺩﮬﯽ ﺑﺎﺗﯿﮟ ﺑﻐﯿﺮ ﮐﺴﯽ ﻣﻔﮑﺮﺍﻧﮧ ﺑﺤﺚ ﮐﮯ ﺑﮍﯼ ﺍﭼﮭﯽ ﻟﮓ ﺭﮨﯿﮟ ﺗﮭﯿﮟ۔ ﻭﮦ ﺳﻮﭺ ﺭﮨﺎ ﺗﮭﺎ ﮐﮧ ﯾﮩﯽ ﮨﻤﺎﺭﺍ ﺍﺻﻞ ﻣﺴﺌﻠﮧ ﮨﮯ۔ ﮨﻢ ﺑﺤﯿﺜﯿﺖ ﻣﺴﻠﻤﺎﻥ ﺍﻭﺭ ﭘﺎﮐﺴﺘﺎﻧﯽ ﺑﮍﺍ ﺳﻮﭼﺘﮯ ﮨﻮﺋﮯ ﺑﮭﯽ ﮈﺭﺗﮯ ﮨﯿﮟ، ﮨﻢ ﻧﮯ ﺗﻮ ﺧﻮﺍﺏ ﺑﮭﯽ ﺩﯾﮑﮭﻨﺎ ﭼﮭﻮﮌ ﺩﯾﺌﮯ ﮨﯿﮟ۔ ﺟﺐ ﻣﻨﺰﻝ ﮨﯽ ﻧﮧ ﮨﻮﮔﯽ ﺗﻮ ﺳﻔﺮ ﮐﺲ ﺳﻤﺖ ﺷﺮﻭﻉ ﮐﺮﯾﮟ؟ ﺍﻭﺭ ﺑَﻔﺮﺽِ ﻣﺤﺎﻝ ﻣﻨﺰﻝ ﻧﮧ ﺑﮭﯽ ﻣﻠﯽ ﺗﻮ ﺑﮭﯽ ﺍِﺱ ﺳﻔﺮ ﮐﯽ ﻭﺟﮧ ﺳﮯ ﺍﭼﮭﮯ ﺍﻧﺴﺎﻥ ﺗﻮ ﺑﻦ ﮨﯽ ﺟﺎﺋﯿﮟ ﮔﮯ۔
ﯾﮧ ﻭﮊﻥ ﺩﺭﺍﺻﻞ ﭼﮭﻮﭨﮯ ﭼﮭﻮﭨﮯ ﻧﻨﮭﮯ ﻧﻨﮭﮯ ﭼﺮﺍﻍ ﮨﯿﮟ ﺟﻮ ﭘﻮﺭﮮ ﻣﻠﮏ ﻣﯿﮟ ﺟﻞ ﮔﺌﮯ ﺗﻮ ﮨﺮ ﻃﺮﻑ ﺭﻭﺷﻨﯽ ﮨﻮﺟﺎﺋﮯ ﮔﯽ۔ ﺍﮔﺮ ﺳﺐ ﻟﻮﮔﻮﮞ ﺗﮏ ﺍﻣﯿﻦ ﺑﮭﺎﺋﯽ ﮐﯽ ﯾﮧ ﭨﺮﯾﻨﻨﮓ ﭘﮩﻨﭻ ﺟﺎﺋﮯ ﺗﻮ ﻣﻠﮏ ﺑﺪﻝ ﺟﺎﺋﮯ ﮔﺎ، ﻣﯿﺮﺍ ﺑﮭﯽ ﺍﯾﮏ ﻭﮊﻥ ﮨﻮﻧﺎ ﭼﺎﮨﯿﺌﮯ ﺍﻭﺭ ﺑﺎﻗﯽ ﻣﺎﻧﺪﮦ ﺗﻤﺎﻡ ﻋﻤﺮ ﺍُﺱ ﻣﯿﮟ ﻟﮕﺎ ﺩﻭﮞ ﮔﺎ، ﻣﯿﮟ ﺑﮭﯽ ﺑﮍﺍ ﺧﻮﺍﺏ ﺩﯾﮑﮭﻮﮞ ﮔﺎ، ﺍﯾﮏ ﻧﺌﯽ TDL ﺧﻮﺩ ﺑﺨﻮﺩ ﻋﺒﺪﷲ ﮐﮯ ﺩﻝ ﻣﯿﮟ ﺟﻨﻢ ﻟﮯ ﺭﮨﯽ ﺗﮭﯽ، ﻣﯿﮟ ﻟﻮﮔﻮﮞ ﮐﻮ ﭘﮍﮬﺎﺅﮞ ﮔﺎ۔ ﺍﭼﮭﺎ ﮐﻤﭙﯿﻮﭨﺮ ﺳﺎﺋﻨﭩﺴﭧ ﺑﻨﺎﺅﮞ ﮔﺎ ﺗﺎﮐﮧ ﻣﻠﮏ ﮐﮯ ﻟﯿﮯ ﺯﺭِ ﻣﺒﺎﺩﻟﮧ ﻻﺳﮑﯿﮟ ﻭﻏﯿﺮﮦ ﻭﻏﯿﺮﮦ، ﻋﺒﺪﷲ ﺍﭘﻨﯽ ﺩﻧﯿﺎ ﻣﯿﮟ ﮨﯽ ﻣﮕﻦ ﺗﮭﺎ ﺍﻭﺭ ﻭﻗﻔﮯ ﮐﺎ ﭨﺎﺋﻢ ﺧﺘﻢ ﮨﻮﮔﯿﺎ۔
ﺍﻣﯿﻦ ﺑﮭﺎﺋﯽ ﻧﮯ ﻣﻮﺿﻮﻉ ﺑﺪﻻ، ﺁﭖ ﻟﻮﮔﻮﮞ ﻧﮯ ﮐﺒﮭﯽ ﭘﻮﻧﯽ ﮐﯽ ﮐﮩﺎﻧﯽ ﺳُﻨﯽ ﮨﮯ؟
ﺳﺐ ﮐﺎ ﺟﻮﺍﺏ ﻧﻔﯽ ﻣﯿﮟ ﺗﮭﺎ، ﺗﻮ ﺑﮭﺎﺋﯽ ﺍﯾﮏ ﺗﮭﺎ ﭘﻮﻧﯽ، ﺍﯾﮏ ﭼﮭﻮﭨﺎ ﺳﺎ ﮐﺘﺎ ﺍﺳﮯ ﮔﺎﺅﮞ ﺩﯾﮑﮭﻨﮯ ﮐﺎ ﺑﮍﺍ ﺷﻮﻕ ﮨﻮﺗﺎ ﮨﮯ۔ ﺍﯾﮏ ﺩﻥ ﺩﻭﺳﺘﻮﮞ ﺳﮯ ﻣﺸﻮﺭﮦ ﮐﺮﮐﮯ ﻭﮦ ﮔﺎﺅﮞ ﭼﻼ ﺟﺎﺗﺎ ﮨﮯ۔ ﮔﺎﺅﮞ ﻣﯿﮟ ﮐﻨﻮﯾﮟ ﭘﺮ ﭘﺎﻧﯽ ﭘﯿﻨﮯ ﮐﮯ ﻟﺌﮯ ﺭﮐﺘﺎ ﮨﮯ ﻣﮕﺮ ﭘﮭﺴﻞ ﮐﺮ ﮔﺮ ﺟﺎﺗﺎ ﮨﮯ ﺍﻭﺭ ﮈﻭﺏ ﮐﺮ ﻣﺮﺟﺎﺗﺎ ﮨﮯ۔ ﺍﺏ ﮔﺎﺅﮞ ﻭﺍﻟﮯ ﻣﻮﻟﻮﯼ ﺻﺎﺣﺐ ﮐﮯ ﭘﺎﺱ ﺁﺗﮯ ﮨﯿﮟ ﺍﻭﺭ ﻣﺎﺟﺮﺍ ﺳﻨﺎﺗﮯ ﮨﯿﮟ ﮐﮧ ﭘﻮﻧﯽ ﮔﺮﮔﯿﺎ ﮐﻨﻮﯾﮟ ﻣﯿﮟ ﺍﻭﺭ ﭘﺎﻧﯽ ﻧﺎﭘﺎﮎ ﮨﻮﮔﯿﺎ۔
ﻣﻮﻟﻮﯼ ﺻﺎﺣﺐ ﮐﮩﺘﮯ ﮨﯿﮟ ﮐﻮﺋﯽ ﺑﺎﺕ ﻧﮩﯿﮟ 40 ﺑﺎﻟﭩﯽ ﭘﺎﻧﯽ ﻧﮑﺎﻝ ﻟﻮ، ﭘﺎﻧﯽ ﭘﺎﮎ ﮨﻮ ﺟﺎﺋﯿﮕﺎ۔ ﻟﻮﮒ ﻭﺍﭘﺲ ﺁﺟﺎﺗﮯ ﮨﯿﮟ ﮐﮧ 40 ﺑﺎﻟﭩﯽ ﭘﺎﻧﯽ ﻧﮑﺎﻻ ﻣﮕﺮ ﺑﺪﺑﻮ ﺍﺑﮭﯽ ﺑﮭﯽ ﺑﺎﻗﯽ ﮨﮯ۔ ﻣﻮﻟﻮﯼ ﺻﺎﺣﺐ 40 ﺑﺎﻟﭩﯽ ﺍﻭﺭ ﻧﮑﺎﻟﻨﮯ ﮐﺎ ﮐﮩﮧ ﺩﯾﺘﮯ ﮨﯿﮟ، ﻟﻮﮒ ﭘﮭﺮ ﻭﺍﭘﺲ ﺁﺟﺎﺗﮯ ﮨﯿﮟ، ﻣﻮﻟﻮﯼ ﺻﺎﺣﺐ ﮐﮩﺘﮯ ﮨﯿﮟ ﺑﮭﺎﺋﯽ ! ﺁﭖ ﻟﻮﮒ ﺑﮍﮮ ﺷﮑﯽ ﻣﺰﺍﺝ ﮨﻮ 40 ﺍﻭﺭ ﻧﮑﺎﻝ ﺩﻭ، ﻣﮕﺮ ﻟﻮﮒ ﭘﮭﺮ ﻭﺍﭘﺲ ﮐﮧ 120 ﺑﺎﻟﭩﯿﺎﮞ ﻧﮑﺎﻝ ﭼﮑﮯ ﮨﯿﮟ ﭘﺎﻧﯽ ﺟﻮﮞ ﮐﺎ ﺗﻮﮞ ﮨﮯ، ﺍﺏ ﻣﻮﻟﻮﯼ ﺻﺎﺣﺐ ﮐﯽ ﺑﺮﺩﺍﺷﺖ ﺳﮯ ﺑﺎﮨﺮ ﮨﻮﮔﯿﺎ ﺍﻭﺭ ﻭﮦ ﺍﯾﮏ ﺟِﻢِّ ﻏﻔِﯿﺮ ﮐﮯ ﺳﺎﺗﮫ ﮐﻨﻮﯾﮟ ﭘﺮ ﭘﮩﻨﭻ ﮔﺌﮯ۔ ﺟﮭﺎﻧﮏ ﮐﮯ ﺩﯾﮑﮭﺎ ﺗﻮ ﭘﻮﻧﯽ ﮐﯽ ﻻﺵ ﺗﯿﺮ ﺭﮨﯽ ﺗﮭﯽ۔ ﺑﮭﺎﺋﯽ ﺍﺳﮑﻮ ﮐﯿﻮﮞ ﻧﮩﯿﮟ ﻧﮑﺎﻻ؟ ﻣﻮﻟﻮﯼ ﺻﺎﺣﺐ ﻧﮯ ﮔﺎﺅﮞ ﻭﺍﻟﻮﮞ ﺳﮯ ﺗﻌﺠﺐ ﺳﮯ ﭘﻮﭼﮭﺎ۔ ﺁﭖ ﻧﮯ ﭘﻮﻧﯽ ﻧﮑﺎﻟﻨﮯ ﮐﺎ ﮐﺐ ﮐﮩﺎ ﺗﮭﺎ؟ ﮔﺎﺅﮞ ﻭﺍﻟﻮﮞ ﻧﮯ ﺍﺳﺘﻔﺴﺎﺭ ﮐﯿﺎ۔
ﺍﻣﯿﻦ ﺑﮭﺎﺋﯽ ﻧﮯ ﺍﭘﻨﯽ ﺑﺎﺕ ﺟﺎﺭﯼ ﺭﮐﮭﯽ، ﺗﻮ ﺁﭖ ﺑﺘﺎﯾﺌﮯ ﺍﮔﺮ ﮨﻢ ﮐﻨﻮﺍﮞ ﺧﺎﻟﯽ ﮐﺮﺩﯾﮟ ﺍﻭﺭ ﭘﻮﻧﯽ ﻧﮧ ﻧﮑﺎﻟﯿﮟ ﺗﻮ ﮐﯿﺎ ﮐﻨﻮﺍﮞ ﭘﺎﮎ ﮨﻮﺟﺎﺋﮯ ﮔﺎ؟ ﻋﺒﺪﷲ ﻧﮯ ﮨﻨﺴﺘﮯ ﮨﻮﺋﮯ ﻧﻔﯽ ﻣﯿﮟ ﺟﻮﺍﺏ ﺩﯾﺎ۔ ﺑﺎﻟﮑﻞ ﺍﺳﯽ ﻃﺮﺡ ﮨﻤﺎﺭﺍ ﻣﻌﺎﺷﺮﮦ، ﮨﻤﺎﺭﮮ ﻟﻮﮒ، ﮨﻤﺎﺭﮮ ﺩﻭﺳﺖ، ﮨﻤﺎﺭﮮ ﺍﺣﺒﺎﺏ، ﮨﻤﺎﺭﮮ ﮐﻮﻟﯿﮕﺰ ﮨﺰﺍﺭﻭﮞ ﮐﯽ ﺗﻌﺪﺍﺩ ﻣﯿﮟ ﭘﻮﻧﯽ ﮨﻤﺎﺭﮮ ﺩﻣﺎﻍ ﻣﯿﮟ ﺑﮭﺮ ﺩﯾﺘﮯ ﮨﯿﮟ، ﭘﮭﺮ ﺍﺱ ﮐﮯ ﺑﻌﺪ ﮐﻮﺋﯽ ﻓﺮﻕ ﻧﮩﯿﮟ ﭘﮍﺗﺎ ﮐﮧ ﮨﻢ ﮐﯿﺎ ﭘﮍﮬﺘﮯ ﮨﯿﮟ۔ ﮐﮩﺎﮞ ﺳﮯ ﺗﺠﺮﺑﮧ ﻟﯿﺘﮯ ﮨﯿﮟ، ﮐﯿﺎ ﺗﻌﻠﯿﻢ ﺣﺎﺻﻞ ﮐﺮﺗﮯ ﮨﯿﮟ ﻧﺘﯿﺠﮧ ﻭﮨﯽ ﺻﻔﺮ۔
ﺟﺐ ﮨﻢ ﻭِﮊﻥ ﮐﯽ ﺑﺎﺕ ﮐﺮﺗﮯ ﮨﯿﮟ ﺗﻮ ﮐﺌﯽ ﺍﯾﮏ ﭘﻮﻧﯽ ﮨﻤﺎﺭﮮ ﻭﮊﻥ ﮐﮯ ﺳﺎﺗﮫ ﭼﭙﮏ ﺟﺎﺗﮯ ﮨﯿﮟ ﺍﻭﺭ ﮨﻤﺎﺭﮮ ﺧﻮﺍﺑﻮﮞ ﮐﻮ ﮔﻨﺪﮮ ﭘﺎﻧﯽ ﮐﮯ ﮐﻨﻮﯾﮟ ﺳﮯ ﺑﺎﮨﺮ ﻧﮩﯿﮟ ﺁﻧﮯ ﺩﯾﺘﮯ۔ ﯾﮧ ﮐﮩﮧ ﮐﺮ ﺳﺐ ﻟﻮﮒ ﻟﻨﭻ ﮐﮯ ﻭﻗﻔﮯ ﭘﺮ ﭼﻠﮯ ﮔﺌﮯ ﻣﮕﺮ ﻋﺒﺪﷲ ﺑﮭﺎﺭﯼ ﺩﻝ ﮐﮯ ﺳﺎﺗﮫ ﺍﭘﻨﯽ ﺯﻧﺪﮔﯽ ﮐﮯ ﭘﻮﻧﯽ ﮔﻨﺘﺎ ﺭﮨﺎ۔ ﺍﺳﮑﯽ ﮔﺬﺷﺘﮧ TDL ﻣﯿﮟ ﻣﻮﺟﻮﺩ ﮨﺮ ﭼﯿﺰ ﺍُﺳﮯ ﺍﯾﮏ ﭘﻮﻧﯽ ﮨﯽ ﻧﻈﺮ ﺁﺋﯽ ﺍﻭﺭ ﻭﮦ ﺧﺎﻣﻮﺵ ﺑﯿﭩﮭﺎ ﺁﺳﻤﺎﻥ ﮐﻮ ﺗﮑﺘﺎ ﺭﮨﺎ ﺍﻭﺭ ﺁﻧﺴﻮ ﭨﭗ ﭨﭗ ﮐﺮﮐﮯ ﯾﮑﮯ ﺑﻌﺪ ﺩﯾﮕﺮ ﮮ ﺁﻧﮑﮭﻮﮞ ﺳﮯ ﮔﺮﺗﮯ ﺭﮨﮯ۔
* ۔۔۔ * ۔۔۔ *