(Last Updated On: )
کون دسے بھلا مصطفی دی نظر
ہے کرم ای کرم تے وفا دی نظر
آپ انگلی ہلائی تے چن بولیا
چیر دیندی جگر اس ادا دی نظر
آپ دے عشق دا دیپ جئیں بالیا
فیر لگی کدی نئیں ہوا دی نظر
ورد صلِ علیٰ دا پکایا جدوں
جھک گئی ہر وبا ہربلا دی نظر
تاج، شاہیاں گدا پھر کدوں ویکھدا
قید کردی جدوں مصطفی دی نظر
کُوک سن کے گنہگار دی سوہنیا
جھوک فن دی وسائی ثنا دی نظر
توں نہ اعجازؔ گھوڑے بھجا سوچ دے
بس خدا جان دا مصطفی دی نظر
