اَساں ایس حیاتی دے دن سارے تیری آس تے ایویں گذار دتتے
سانوں لگدا اے آونٹروں کوئی نہیں توں تائیوں بوہے اوڈیک دے مار دتتے
کھیڑا اساں دہلیز دا چھڈیا ناں بڑے رُتاں نے ساڈے تے وار کیتے
سر ہاڑ دی دُھپ نے ساڑ دتتا ہتھ پوہ دے پالے نے ٹھار دتتے
کسے دا نہیں کوئی ایتھے یار سارے جھوٹے نیں جوٹھیاں محبتاں تے پیار سارے جھوٹے نیں
جھوٹے ایتھے عاشقاں دی عاشقی دے رنگ نیں کچے دھاگے وانگ ایتھے سنگیاں دے سنگ نیں
کرے کوئی کیدا اعتبار سارے جھوٹے نیں کسے دا نہیں کوئی ایتھے یار سارے جھوٹے نیں
مالی ایتھے باغاں دی بہا ویچ دیندے نیں کلیاں تے پھلاں دا سنگھار ویچ دیندے نیں
کردے نے پیار دا بیوپار سارے جھوٹے نیں کسے دا نہیں کوئی ایتھے یار سارے جھوٹے نیں
ہر پاشے شوکدی ضرورتاں دی سپنڑیں تھاوں تھائیں سبنٹراں نوں پئی آپو اپنڑیں
چور ہونٹر بھاویں پہرے دار سارے جھوٹے نیں کسے دا نہیں کوئی ایتھے یار سارے جھوٹے نیں
دُکھاں دے اے قصے یار صادقاؔ دراز نیں ہیراں نیں فریبی ایتھے رانجھے دغا باز نیں
پیار دے نیں جنے ٹھیکدار سارے جھوٹے نیں کسے دا نہیں کوئی ایتھے یار سارے جھوٹے نیں
