خواب کی اقسام

رات کے اندھیرے میں اونچی اونچی عمارات کے بیچ ۔۔۔ کھلے آسمان تلے چمکتی ہوئی بتیوں میں ڈوبا اسٹیج خاصا شاندار لگ رہا تھا ۔۔۔۔ وہ جلتی بجھتی ڈسکو لائیٹس میں زکی کا چہرہ اور بھی چمکنے لگا ۔۔۔ وہاں بیٹھے تمام ناظرین و سامعین کی نگاہوں کا مرکز صرف اور صرف زکی تھا ۔۔۔ باسط کے گٹار کی دھن بھی سب کو بہت متاثر کر رہی تھی ۔۔۔۔ زکی کبھی دونوں ہاتھوں سے مائیک پکڑتا ۔۔ تو کبھی ایک ہاتھ میں مائیک تھام کر دوسرے ہاتھ سے اپنے بال ٹھیک کرتا ۔۔۔ وہ جیسے جیسے اچھلتا اس کے بال بھی ہوا میں لہرانے لگتے ۔۔۔ جب شو کا آدھا وقت بیت گیا ۔۔۔ تب زکی نے سامعین کی دلچسپی اور ان کا جذبہ دیکھا تو ۔۔۔ ان کی خوشی کے لئے ۔۔۔ وہ اسٹیج سے اتر کر نیچے چلا گیا ۔۔۔۔۔ زکی دوڑتا ہوا ۔۔۔ لوگوں کے درمیان جا کھڑا ہوا ۔۔ اس سے سامعین کا جذبہ کئی زیادہ بڑھ گیا ۔۔۔ لوگوں کی بھیڑ میں کھڑا زکی ۔۔۔ ایک لائن خود گاتا اور اس کے بعد مائیک ان کے سامنے کر دیتا ۔۔۔ پھر کئی آوازیں ساتھ مل جاتی ۔۔۔۔ ہال لوگوں کی چیخ و پکار سے گونج اٹھتا ۔۔۔۔
خدارا قدر کرو ۔۔۔ تمہاری زندگی ہے کہیں ایسا نہ ہو کہ تم ان اعمال کے ساتھ مر جائو ۔۔۔۔ ناچتے ۔۔۔ گاتے پتا نہیں کب زکی کے زہن میں اس مولوی کی یہ بات دہرانے لگی ۔۔۔ اتنا شور ہونے کے باوجود بھی اسے یوں لگا کہ جیسے اس کے آس پاس کوئی نہیں ہے ۔۔۔ وہ بالکل ۔۔ تنہا ۔۔۔ اکیلا یہاں کھڑا ہے اور سوائے اس آواز کے اسے کچھ سنائی نہ دے رہا تھا ۔۔۔
اس کے بعد زکی کو کچھ معلوم نہیں کہ ۔۔۔ شو کب ختم ہوا ۔۔۔ سب کیسے ہینڈل ہوا ۔۔۔۔ سب کچھ نارمل چل رہا تھا ۔۔۔ مگر زکی اپنے ہوش کھو بیٹھا تھا ۔۔۔ اس کے زہن میں صرف اور صرف یہی باتیں چل رہی تھی ۔۔۔۔
*************
خدارا قدر کرو ۔۔۔ تمہاری زندگی ہے کہیں ایسا نہ ہو کہ تم ان اعمال کے ساتھ مر جائو ۔۔۔ زکی اپنے خیالوں میں گم ہوا بیٹھا تھا ۔۔۔
مزہ آ گیا زکی یار ۔۔۔۔ شو کے اختتام کے بعد فریش ہوتے وقت باسط نے زکی کو مخاطب کیا ۔۔۔۔
زکی ۔۔۔۔ زکی ۔۔۔۔۔؟ کہاں ہے تُو یار ۔۔۔ میں کب سے بولے جا رہا ہوں اور ایک تُو ہے کہ سن ہی نہیں رہا ۔۔۔ باسط ۔۔۔ خفگی سے زکی کی طرف دیکھتے ہوئے بولا ۔۔۔
ہیم ۔۔۔ ؟ کیا کہہ رہا ہے تُو ۔۔۔؟ زکی نے باسط کے چہرے پر غصے بھرے تاثرات دیکھے تو ۔۔۔ اپنی سوچوں کی دنیا سے باہر آیا ۔۔۔
مطلب تُو نے کچھ نہیں سنا ۔۔۔؟ کچھ بھی نہیں ۔۔۔؟ پچھلے پندرہ منٹ سے میں بولے جا رہا ہوں ۔۔۔۔ حد ہے زکی ۔۔۔ تُو کدھر گم ہے ۔۔۔؟ اوووو کہیں ردا سے پہلی نظر میں عشق تو نہیں کر بیٹھے جناب ۔۔ ؟ نہیں ویسے پہلی تو نہیں ۔۔۔ خیر چھوڑ ۔۔۔ بتا نا . ۔۔۔۔ باسط مستی بھرے انداز سے زکی کو چھیڑتے ہوئے بولا ۔۔۔
بکواس نہ کیا کر ۔۔۔۔ زکی کافی دیر بعد بس اتنا ہی بولا ۔۔۔ اور اٹھ کر باہر چلا گیا ۔۔۔۔۔
اچھا اچھا ۔۔۔ مزاق کر رہا ہوں ۔۔۔ تُو تو غصہ ہی ہو گیا ۔۔۔ ائوے سن تو ۔۔۔۔ اسے کیا ہو گیا ۔۔۔ شو بھی اتنا اچھا رہا ۔۔۔ پھر اس کا موڈ کیوں خراب ہے ۔۔۔؟ باسط نے من ہی من میں سوچا ۔۔۔۔
سر آٹوگراف پلیز ۔۔۔۔ ابھی زکی باہر آ کر کھڑا ہی ہوا تھا کہ کچھ لڑکیاں اور لڑکے اس کو اکیلا کھڑا دیکھ کر آٹوگراف لینے پہنچ گئے ۔۔۔
اووکے شیور ۔۔۔۔ زکی نے تیز تیز پانچ چھ مختلف ڈائریوں پر اپنے دستخط کئے ۔۔۔
سر سیلفی ۔۔۔۔؟ ابھی آٹوگراف دے کر دو قدم آگے آیا تھا کہ کچھ لوگ ہاتھوں میں موبائل اٹھائے سیلفی کا کہنے لگے ۔۔۔
زکی نے مسکرا کر تین چار لوگوں کے موبائلوں میں سیلفیز لی ۔۔۔
اف زکی رک نا ۔۔۔ میں دوڑ دوڑ کر تھک گیا ہوں ۔۔۔ تُو چلے ہی جا رہا ہے ۔ ۔۔۔ باسط ۔۔۔ زکی کے پیچھے دوڑتا ہوا آیا ۔۔۔۔
*************
آنٹی ۔۔۔ آپ کو کیا ہو گیا ۔۔۔۔ ؟ اب کیسی طبیعت ہے آپ کی ۔۔۔؟ گوہر نے ہسپتال کے ایک کمرے میں داخل ہوتے ہی ان خاتون سے پوچھا ۔۔۔۔۔
اللہ کا شکر ہے بیٹا ۔۔۔ اب بہتر ہوں ۔۔۔
میں کب سے یہاں پڑی ہوں ۔۔۔ ہسپتال والے جانے ہی نہیں دیتے ۔۔۔ میں نے ان کو بتایا بھی ہے کہ میں اب ٹھیک ہوں ۔۔۔ میں اگر کچھ روز اور کام پر نہ گئی تو وہ لوگ مجھے نوکری سے نکال دیں گے ۔۔۔۔ بات کرتے ہوئے اس خاتون کے آنسو ٹپک پڑے ۔۔۔۔
*************
یار باسط ہماری زندگی کے کچھ لمحے کتنے عجیب ہوتے ہیں نا ۔۔۔۔؟ جو ایک یاد بن جاتے ہیں اور بار بار زہن میں آکر تنگ کرتے ہیں ۔۔۔ انسان چاہ کر بھی ان سے پیچھا نہیں چھڑا سکتا ۔۔۔۔ زکی بستر پر لیٹا ایک ٹانگ نیچے لٹکائے اوپر پنکھے کی طرف تکتے سوچتا ہوا بولا ۔۔۔
پتا نہیں کیا بول رہا ہے تُو ۔۔۔ مجھ سے ایسی مشکل باتیں نہ کیا کر ۔۔۔ مجھے نہیں سمجھ آتی ۔۔۔ باسط صوفے پر بیٹھا موبائل پر تیز تیز مسیج ٹائپ کرتے ہوئے بولا ۔۔۔
چل چھوڑ ۔۔۔۔ اچھا یہ بتا کہ خواب آتے ہیں تجھے ۔۔۔؟ زکی نے نظریں پنکھے پر جمائے ہی ایک ہاتھ سے اپنے بال پیچھے کئے ۔۔۔۔
ہاں نا ۔۔۔ میں تو بہت خواب دیکھتا ہوں ۔۔۔ رک میں تجھے اپنا کل رات والا خواب بتاتا ہوں ۔۔۔ باسط صوفے سے اٹھ کر بیڈ پر چھلانگ مارتا ہوا زکی کے ساتھ آ لیٹا ۔۔۔
بتا ۔۔۔ کیا دیکھا ۔۔۔؟ زکی نے بیٹھتے ہوئے ایک کشن اٹھا کر اپنی گود میں رکھا ۔۔۔ اور اپنے دونوں بازو اس پر رکھتے ہوئے کہا ۔۔
میں نے دیکھا کہ ہم دونوں کسی مال میں جاتے ہیں ۔۔۔۔ ساتھ چل رہے ہوتے ہیں ۔۔۔ پھر اچانک کچھ لڑکیاں آتی ہیں اور میرے ساتھ تصویریں لیتی ہیں ۔۔۔۔ اور میرا ہاتھ پکڑ کر لے جاتی ہیں ۔۔۔۔ اور تُو ۔۔۔ وہیں اکیلا کھڑا مجھے تکتا رہ جاتا ہے۔۔۔۔ کوئی ایک انسان بھی تجھے نہیں دیکھ رہا ہوتا سب میرے آگے پیچھے گھوم رہے ہوتے ہیں ۔۔۔ باسط نے اپنا خواب سناتے ہوئے ایک ترچھی نگاہ زکی پر دوڑائی اور بیڈ سے اتر کر دوڑتا ہوا صوفے پر چلا گیا ۔۔ ائوے ۔۔۔۔ بکواس نہ کیا کر ۔۔۔۔ زکی نے اپنے ہاتھ میں پکڑا کشن پوری قوت سے باسط کو دے مارا ۔۔۔۔
ویسے بڑا بے غیرت ہے تو ۔۔۔۔ یہ کہہ کر زکی نے ایک زوردار قہقہ لگایا ۔۔۔۔
ہاہاہاہا ۔۔۔ ہے نا ۔۔۔؟ باسط نے جواباً کہا ۔۔۔
چل شکر ہے ۔۔۔ تُو اپنی سوچوں کی دنیا سے تو باہر نکلا ۔۔۔۔ اُٹھ باہر جاتے ہیں ۔۔۔ باسط نے زکی کو اُٹھنے کا کہا ۔۔۔
نہیں یار ۔۔۔ آج بڑی تھکاوٹ ہو گئی ہے ۔۔۔ کل کا سارا دن انجوائے کریں گے ۔۔۔ زکی واپس لیٹتے ہوئے بولا ۔۔۔۔
چل ٹھیک ۔۔۔ آج آرام کرتے ہیں ۔۔۔ باسط نے انگڑائی لیتے ہوئے کہا ۔۔۔
***********
آنٹی آپ فکر نہ کریں ۔۔۔۔ اللہ ہے نا وہ آپ کی مدد کرے گا ۔۔۔۔ یہ پھل کھائیں ۔۔۔۔ میں ڈاکٹر سے بات کر کے آتی ہوں ۔۔۔۔ گوہر نے اس خاتون کے لئے پھل کاٹ کر رکھے ۔۔۔
تمہارا بہت شکریہ بیٹا ۔۔۔
آنٹی کو کیا بیماری ہے ۔۔۔؟ وہ کب تک مکمل صحت یاب ہو سکتی ہیں ۔۔۔؟ گوہر نے کمرے سے باہر آکر قریب سے گزرتے ڈاکٹر کو روک کر پوچھا ۔۔۔۔
آپ ریہانہ مریض کے ساتھ ہیں ۔۔۔؟ ڈاکٹر نے ۔۔۔ گوہر کی بات سے اندازا لگاتے ہوئے پوچھا ۔۔۔
جی ڈاکٹر ۔۔۔۔ میں انہی کا پوچھ رہی ہوں ۔۔۔ کیا ہوا انہیں ۔۔۔؟ گوہر متذبذب سے انداز میں بولی ۔۔۔
بیٹا ۔۔۔ میرے آفس آ جائیے ۔۔۔ میں نے آپ کو کچھ تفصیلات بتانی ہیں ۔۔۔ کئی دنوں سے میں ان مریضہ کا علاج کر رہا ہوں ۔۔۔ ان کی بیماری ایسی ہے کہ میں انہیں بتا نہیں سکتا کیونکہ اس طرح مریض اپنی بیماری کے بارے میں زیادہ سوچنے لگتا ہے اور اس کی حالت اور بگڑ جاتی ہے ۔۔۔۔۔۔ ان کے ساتھ کوئی آیا نہیں جس سے میں ڈسکس کرتا ۔۔۔۔ آپ ان کی ۔۔۔۔۔ ؟
دراصل ۔۔۔ ان آنٹی کا کوئی رشتہ دار نہیں ہے ۔۔۔ میں ان کے محلے میں رہتی ہوں ۔۔۔ آپ بتائیے کیا ہوا انہیں ۔۔۔؟
آپ آئیے میرے ساتھ ۔۔۔۔ ڈاکٹر گوہر کو اپنے آفس لے کر جاتے ہوئے بولا ۔۔۔
یہ رپورٹس آپ سٹیڈی کر لیں ۔۔۔ ڈاکٹر نے گوہر کو اس خاتون کی میڈیکل رپورٹس تھمائی ۔۔۔
ان کو کینسر ہے ۔۔ اور یہ کینسر آخری سٹیج پر آ پہنچا ہے ۔۔۔
اوو میرے خدایا ۔۔۔ اب کیا ہوگا ۔۔۔ آپ بتائیں ہمیں کیا کرنا ہوگا ڈاکٹر صاحب ۔۔۔؟ گوہر نے تفکر سے ڈاکٹر کو دیکھا ۔۔۔
*****************
روشک بیٹا ۔۔۔ آجائو ۔۔۔ بابا ویٹ کر رہے ہیں ۔۔۔ کافی بھی ٹھنڈی ہو گئی ہے ۔۔۔ روشک کی ماما نے کچن سے اس کو آواز دی ۔۔۔
ماما ۔۔۔ آپ لوگ پی لیں ۔۔۔ میرا موڈ نہیں ہے ۔۔۔ تاریک کمرے میں روشک بستر پر لیٹی سیڈ سونگز سن رہی تھی ۔۔۔
کیا مسلہ ہے تمہارا ۔۔۔ کب تک ایسے کرتی رہو گی ۔۔۔ کمرے سے باہر نکلو ۔۔۔۔ دوستوں کے ساتھ جائو ۔۔۔ اور یہ کیا لائیٹ آف کر کے سارا دن لیٹی رہتی ہو تم ۔۔۔ یہ فضول قسم کے گانے سننا تو بند کرو ۔۔۔ فریحہ سلطان نے اس کے کمرے میں آتے ہی بتی جلائی اور اس کے موبائل پر چلتے گانے کو روکا ۔۔۔۔ اور یہ کہتی ہوئی واپس باہر چلی گئی ۔۔۔
ماما ۔۔۔ ماما ۔۔۔۔؟ کیا یار ۔۔۔ اب میں اپنی مرضی سے کچھ کر بھی نہیں سکتی ۔۔۔۔ روشک نے باہر جاتی فریحہ سلطان کو آواز دی
۔ بات مان کر میں اپنوں کی چُُپ تو ہو جاتی ہوں ۔۔۔پھر کیوں میری یہ خاموشی بھی ان سے سہی نہیں جاتی ۔۔۔ روشک نے من ہی من میں سوچا ۔۔۔۔
*************
آنٹی میں نے ڈاکٹر سے بات کر لی ہے ۔۔۔ وہ آپ کو جلد ہی ڈسچارج کر دیں گے ۔۔۔ آپ نے بلکل بھی فکر نہیں کرنی ۔۔۔ کسی بھی چیز کی ضرورت ہو۔۔ آپ مجھے فون کر دینا ۔۔۔ میں آتی جاتی رہوں گی ۔۔۔ گوہر نے اس خاتون کو تسلی دیتے ہوئے کہا ۔۔۔
اللہ تمہیں بہت خوش رکھے بیٹا ۔۔۔۔ اس نے گوہر کے ہاتھ پر پیار دیا ۔۔۔
اپنا خیال رکھئے گا ۔۔۔ خداحافظ ۔۔۔ گوہر اور آمنہ کمرے سے باہر آ گئیں ۔۔۔
کیا ہوا گوہر ۔۔۔؟ تم اتنی پریشان کیوں ہو ۔۔ ؟ کیا کہا ڈاکٹر نے ۔۔۔؟ آمنہ نے گوہر کے چہرے پر پریشانی کے تاثرات دیکھے تو پوچھے بنا رہ نہ سکی ۔۔۔
آنٹی کو کینسر ہے ۔۔۔
وہ دیکھو ۔۔۔ وہ دیکھو ۔۔ ننجاٹرٹلز جا رہی ہیں ۔۔۔۔۔ ہاہاہاہاہاہا ۔۔۔۔۔ ابھی گوہر نے بس اتنا ہی کہا تھا کہ ہسپتال سے باہر نکلتے ہی گلی کی نکر پر کھڑے ایک لڑکے نے ان کا مزاق اڑاتے ہوئے کہا تو باقی تین چار لڑکے اور لڑکیاں قہقہ لگانے لگے ۔۔۔۔۔۔
آہ ۔۔۔ تم ٹھیک ہو گوہر ۔۔۔؟ چلتے چلتے گوہر کے پائوں جب ان لڑکے لڑکیوں کے پھینکے ہوئے پتھر سے ٹکڑا گئے ۔۔۔ اور وہ گر گئی تو آمنہ نے اس کو پکڑ کر اُٹھاتے ہوئے پوچھا ۔۔۔
جب یہ حجاب پہن کر دکھائی نہیں دیتا تو پہنتی کیوں ہو ۔۔۔؟ اب دیکھو نا ۔۔۔ گر گئی بے چاری ۔۔۔ انہی لوگوں میں کھڑی ایک لڑکی استہزائیہ انداز سے مسکراتے ہوئے بولی ۔۔۔
بہت ہو گیا ۔۔۔ منہ توڑ دوں گی میں ان کا ۔۔۔ غصے سے لال پیلی ہوئی آمنہ پیچھے مڑنے لگی تو گوہر نے اس کا ہاتھ تھام لیا ۔۔۔ اور بس یہ کہہ کر تیز تیز قدم ڈالتی ہوئی گھر آ پہنچی ۔۔۔ ہم مسلم لڑکیوں کو اپنے حجاب پر ناز ہے ۔۔۔ کتابیں تو بہت ہیں مگر غلاف صرف قرآن مجید پر ہوتا ہے ۔۔۔
***************
یار تم نے جواب کیوں نہیں دینے دیا ۔۔۔ ایسا سبق سکھاتی کہ ساری زندگی یاد رکھتے وہ بدتمیز ۔۔۔ آمنہ نے گوہر کو خفگی سے دیکھا ۔۔۔
ہم نے جواب نہ دے کر جواب ہی تو دیا ہے ۔۔۔ گوہر نے مسکراتے ہوئے کہا ۔۔۔
*****************
کون ہو تم ۔۔۔؟ کون ہو ۔۔۔؟ کیوں آجاتی ہو یہاں ۔۔۔ ؟ ہمارا تعلق کیا ہے ۔۔ ؟ میں تم سے پوچھتا ہوں ۔۔۔ بتائو کون ہو تم ۔۔۔؟ زکی اندھیری و تاریک گلی میں اس لڑکی کے پیچھے دوڑتے ہوا بولا ۔۔۔۔ لوگوں کی بھیڑ میں نظر آنے والی وہ لڑکی ناجانے زکی کو اپنے پیچھے دوڑاتے ہوئے کہاں لے گئی ۔۔۔۔ وہ کیسے اس لڑکی کا پیچھا کرتے ہوئے اس سنسان جگہ پر آ گیا ۔۔۔ اسے رتی برابر بھی اندازا نہ ہوا ۔۔۔۔
زکی کو کوئی پرواہ نہ تھی کہ وہ اس لڑکی کے پیچھے کہاں جا رہا ہے ۔۔۔ وہ صرف اور صرف اپنے سوال کا جواب چاہتا تھا ۔۔۔۔
رُکو ۔۔۔۔ مجھے تم سے بات کرنی ہے ۔۔۔ کون ہو تم ۔۔۔؟ زکی مسلسل اس تیز قدم ڈالتی ۔۔۔ آگے جاتی ہوئی لڑکی کو پکار رہا تھا ۔۔۔
آہ ہ ۔۔۔۔ راستے میں پڑی کانٹے دار جھاڑیوں میں اُلجھ کر نیچے گرنے والے زکی کے لئے اس گھڑی جو بات اہم تھی وہ بس یہ تھی کہ کہیں وہ لڑکی آج بھی اس کے سوالوں کا جواب دیے بنا ہی نظروں سے اوجھل نہ ہو جائے ۔۔۔۔
ارے رُک جائو ۔۔۔۔ بتائو تو سہی ۔۔۔ خون سے لت پت ہوا زکی اس کے پیچھے دوڑتے ہوئے بولا ۔۔۔
پھر یک دم زکی چونک سا گیا ۔۔۔ اچانک ہی سامنے سے چمکدار روشنی نمودار ہوئی ۔۔۔ اسے لگا کہ ہمیشہ کی طرح آج بھی یہ روشنی اس لڑکی کے ساتھ ہی غائب ہو جائے گی ۔۔۔
رُک جائو ۔۔۔۔ بس ایک مرتبہ میرے سوال کا جواب دے دو ۔۔۔ زکی اور تیزی سے دوڑتا بولا ۔۔۔ دیکھتے ہی دیکھتے وہ لڑکی اس کی نظروں سے اوجھل ہو گئی ۔۔۔ اسی لمحے زکی تھک ہار کر گھٹنوں کے بل زمین پر بیٹھ گیا ۔۔۔ ابھی وہ اس بات کا افسوس کر ہی رہا تھا کہ آج پھر وہ اپنے جواب نہ پاسکا ۔۔۔ اتنے میں کچھ سوچ کر اس نے سر اُٹھا کر آنکھیں کھولیں ۔۔۔ تو دیکھا کہ آج وہ لڑکی تو بنا بات کا جواب دئیے چلی گئی ۔۔۔ مگر روشنی کو اس کی مدد کے لئے یہاں چھوڑ گئی ۔۔۔۔
***************
دادو ۔۔۔۔ دادو ۔۔۔۔ زکی پھولے ہوئے سانس کے ساتھ گھبرا کر دادی کو پکارتا ہوا اُٹھا ۔۔۔۔۔
زکی ۔۔۔۔ کیا ہوا تجھے ۔۔۔؟ تو ٹھیک ہے نا ۔۔؟ یہ لے پانی پی ۔۔۔ قریب ہی سویا ہوا باسط زکی کے چلانے پر قدرے پریشانی سے اٹھا اور سائیڈ ٹیبل سے پانی کا گلاس زکی کو دیتے ہوئے بولا ۔۔۔ ۔۔۔۔۔۔ زکی نے لمبے لمبے سانس لیتے ہوئے بیڈ کے تاج سے ٹیک لگائی ۔۔۔۔
زکی ۔۔۔ آر یو اووکے ۔۔۔؟ کیا ہوا تھا ۔۔۔؟ باسط ۔۔۔ زکی کی یہ حالت دیکھ کر خاصا پریشان ہو گیا ۔۔۔۔
کچھ نہیں ۔۔۔ تو سو جا ۔۔۔ زکی نے باسط کو جھوٹی تسلی دی ۔۔۔
زکی ۔۔۔ مجھے سیدھے طریقے سے بتا کیا ہوا ہے ۔۔۔ ؟ میں کل سے تجھے کچھ الجھا ہوا دیکھ رہا ہوں ۔۔۔ جب بھی پوچھتا ہوں تُو ٹال دیتا ہے ۔۔۔ اور کل تُو ۔۔۔ خواب کے بارے میں بات کر رہا تھا ۔۔۔ باسط نے زکی کو خفگی سے دیکھا ۔۔۔۔
یار میں تجھے کیا بتائوں ۔۔۔ بڑی لمبی کہانی ہے ۔۔۔ اور ویسے بھی تُو یقین نہیں کرے گا ۔۔۔ زکی نے ٹال مٹول کرنے کی کوشش کی ۔۔۔
لمبی کہانی ہے ۔۔۔۔ پھر بھی بتا ۔۔۔ میری کونسا ٹرین نکلی جارہی ہے ۔۔۔۔ اور جہاں تک بات یقین کی ہے ۔۔۔ بچپن سے جانتا ہوں تجھے ۔۔۔ تُو کب سچ بولتا ہے ۔۔۔ کب جھوٹ ۔۔۔ منٹوں میں پتا چل جاتا ہے مجھے ۔۔۔۔ چل اب بتا ۔۔۔۔ باسط نے زکی کو متذبذب سے انداز سے دیکھا ۔۔۔۔۔ مجھے پچھلے چند سالوں سے عجیب و غریب قسم کے خواب آ رہے ہیں یار ۔۔۔ جس دن خواب آتا ہے اس کے بعد کئی دنوں تک میرا زہن مجھے بار بار اس خواب کے بارے میں سوچنے پر مجبور کرتا ہے ۔۔۔ کچھ سمجھ نہیں آتا کیا کروں ۔۔۔ زکی نے اپنی انگلیوں سے کنپٹی کو دباتے ہوئے کہا ۔۔۔
اچھا تُو پریشان نہ ہو ۔۔۔ کسی سے اس بارے میں بات کی تُو نے ۔۔۔؟ باسط نے کچھ سوچتے ہوئے کہا ۔۔۔
دادو سے میں اپنے دل کی ہر بات کرتا ہوں ۔۔۔ میں ان سے کچھ نہیں چھپاتا ۔۔۔
پھر کیا کہتی ہیں دادو ۔۔۔؟ کوئی حل بتایا انہوں نے ۔۔۔؟
سمجھاتی رہتی ہیں مجھے کہ نماز پڑھو ۔۔۔ قرآن پڑھا کرو ۔۔۔ اس کا حل یہی ہے ۔۔۔ اس سے تمہیں سکون ملے گا ۔۔۔
اچھا ایک سیکنڈ رُک ۔۔۔ یہ دیکھ ۔۔۔ باسط نے اپنا موبائل زکی کے آگے رکھتے ہوئے کہا ۔۔۔
کیا سرچ کیا تُو نے ۔۔۔؟ زکی نے موبائل میں جھانکتے ہوئے پوچھا ۔۔۔
یہ ویب سائیٹ ہے ۔۔۔ اسلامک سرچ ۔۔۔ اس میں تفصیلات بتائی گئی ہیں ۔۔۔ یہ دیکھ
*********
۔۔خواب کی اقسام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلی قسم نفس کا خیال ہے، یعنی انسان دن بھر جن امور میں مشغول رہتا ہے اوراس کے دل ودماغ پرجو باتیں چھائی رہتی ہیں وہی رات میں بصورت خواب مشکّل ہوکر نظر آتی ہیں، مثلاً ایک شخص اپنے پیشہ ور روزگار میں مصروف رہتا ہے اور اس کا ذہن وخیال ان ہی باتوں کی فکر اور ادھیڑ بن میں لگا رہتا ہے جو اس کے پیشہ ور روزگار سے متعلق ہیں تو خواب میں اس کو وہی چیزیں نظر آتی ہیں، یا ایک شخص اپنے محبوب کے خیال میں مگن رہتا ہے اوراس کے ذہن پر ہروقت اسی محبوب کا سایہ رہتا ہے تو اس کے خواب کی دنیا پر بھی وہی محبوب چھایا رہتا ہے۔ غرض کہ عالمِ بیداری میں جس شخص کے ذہن وخیال پر جو چیز زیادہ چھائی رہتی ہے، وہی اس کو خواب میں نظر آتی ہے۔ اس طرح کے خواب کا کوئی اعتبار نہیں۔
…………………..
دوسری قسم ڈراؤنا خواب ہے، یہ خواب اصل میں شیطانی اثرات کا پرتو ہوتا ہے۔ شیطان چوں کہ ازل سے بنی آدم کا دشمن ہے اور وہ جس طرح عالم بیداری میں انسان کو گمراہ کرنے اور پریشان کرنے کی کوشش کرتا ہے اسی طرح نیند کی حالت میں بھی وہ انسان کو چین نہیں لینے دیتا۔ چنانچہ وہ انسان کو خواب میں پریشان کرنے اورڈرانے کے لیے طرح طرح کے حربے استعمال کرتا ہے۔ کبھی تو وہ کسی ڈراؤنی شکل وصورت میں نظر آتا ہے جس سے خواب دیکھنے والا انتہائی خوفزدہ ہوجاتا ہے، کبھی اس طرح کے خواب دکھلاتا ہے جس میں سونے والے کو اپنی زندگی جاتی نظر آتی ہے جیسے وہ دیکھتا ہے کہ میرا سر قلم ہوگیا وغیرہ وغیرہ۔ اسی طرح کے ڈراؤنے اور برے خواب سے حفاظت کے لیے حدیث میں اس دعا کی ہدایت دی گئی ہے۔ ’’اَعُوْذُبِکَلِمَاتِ اللّٰہِ التَّامَّاتِ مِنْ غَضبِہ وَعَذَابِہ وَمِنْ شَرِّ عِبَادِہ وَمِنْ ہَمَزَاتِ الشَّیاطِیْنَ وَاَنْ یَّحْضُرُوْنَ․‘‘ (ابوداؤد وترمذی) ”میں پناہ مانگتا ہوں اللہ کے کلمات تامات کے ذریعہ خود اس کے غضب اور عذاب سے اوراس کے بندوں کے شر سے اور شیطانی وساوس و اثرات سے اور اس بات سے کہ شیاطین میرے پاس آئیں اور مجھے ستائیں“۔
……………………
خواب کی تیسری قسم وہ ہے جس کو منجانب اللہ بشارت کہا گیا ہے کہ حق تعالیٰ اپنے بندوں میں سے جس کو چاہتا ہے اس کے خواب میں بشارت دیتا ہے اوراس کے قلب کے آئینہ میں بطورِ اشارات وعلامات ان چیزوں کو مشکل کرکے دکھاتا ہے جو آئندہ وقوع پذیر ہونے والی ہوتی ہے یا جن کا تعلق مؤمن کی روحانی وقلبی بالیدگی وطمانیت سے ہوتا ہے وہ بندہ خوش ہو اور طلب حق میں تروتازگی محسوس کرے، نیز حق تعالیٰ سے حسن اعتقاد اور امید آوری رکھے، خواب کی یہی وہ قسم ہے جو لائق اعتبار اور قابل تعبیر ہے اورجس کی فضیلت و تعریف حدیث میں بیان کی گئی ہے۔۔
*********
میرے خواب میں ہمیشہ ایسے ہوتا ہے کہ ایک لڑکی ہے ۔۔۔ جس کا چہرہ ڈھکا ہوا ہوتا ہے ۔۔۔ زیادہ تر عبادت کر رہی ہوتی ہے ۔۔۔ اندھیری و تاریک جگہوں پر میرے لئے روشنی لاتی ہے ۔۔۔ میری مدد کرتی ہے ۔۔۔ ایک دفعہ تو یوں ہوا کہ مجھے چاروں طرف سے آگ نے گھیر رکھا تھا ۔۔۔۔ پھر میری نظر اس لڑکی پر پڑی جو اللہ سے گڑگڑا کر دعائیں مانگ رہی ہے ۔۔۔ جیسے جیسے وہ دعا مانگتی رہی ۔۔۔ بارش ہوتی گئی ۔۔۔ اور آگ کا نام و نشان تک نہ رہا ۔۔ یہ گلاس میز پر رکھ دے ۔۔۔۔ زکی نے پانی کا ایک گھونٹ لے کر گلاس باسط کو پکڑایا ۔۔۔
اب تو میری سمجھ میں بھی کچھ نہیں آ رہا ۔۔۔ کیا بولوں ۔۔۔ زکی کا خواب سن کر باسط کے چہرے کے تاثرات ہی بدل گئے ۔۔۔
تُو نے اس لڑکی کو کہیں دیکھا ہے ۔۔۔ ؟ باسط نے کچھ سوچتے ہوئے پوچھا ۔۔۔
کہاں یار ۔۔۔ میں نے تو آج تک اپنے اردگرد ایسی کوئی لڑکی نہیں دیکھی ۔۔۔ زکی نے آنکھیں بند کرتے ہوئے کہا ۔۔۔
*********
کدھر جا رہا ہے ۔۔۔ اب ۔۔۔؟ باسط نے زکی کو بستر سے اترتے دیکھا تو حیرت سے پوچھا ۔۔۔
فجر کی نماز کا وقت ہو چکا ہے ۔۔۔ وضو کرنے جارہا ہوں ۔۔۔ زکی نے رُک کر بتایا ۔۔۔
ہیں ۔۔۔؟ تُو فجر کی نماز پڑھنے لگا ہے ۔۔۔؟ باسط نے زکی کو حیرت سے دیکھا ۔۔۔۔
تو ہاں نا ۔۔۔۔ تجھے کیا ہو گیا ہے ۔۔۔ ایسے کیوں دیکھ رہا ہے مجھے ۔۔۔؟ زکی نے مسکراتے ہوئے کہا ۔۔۔
کچھ نہیں ۔۔۔ کچھ نہیں ۔۔۔ تُو جا ۔۔۔ شاباش ۔۔۔ باسط بھی مسکرایا ۔۔۔
**************
خدایا مجھے کبھی میرے حال پر مت چھوڑنا ۔۔۔ میرا تیرے سوا کوئی نہیں ۔۔۔ گوہر جائے نماز پر دونوں ہاتھ اٹھائے اللہ سے گڑگڑا کر دعا مانگتے ہوئے بولی ۔۔۔
آجائیں ۔۔۔۔ دروازے پر دستک ہونے پر گوہر نے کہا ۔۔۔
مرحبا ۔۔ کیسے ہیں ۔۔۔ میرے پیارے بابا ۔۔۔ گوہر نے اپنے بابا کا ہاتھ چومتے ہوئے کہا ۔۔
ٹھیک ہوں ۔۔۔ میری گڑیا کیسی ہے ؟ ۔۔۔ عامر سلطان نے گوہر کی پیشانی پر پیار دیتے ہوئے کہا ۔۔۔
آج مسجد نہیں گئی ۔۔۔؟ ایسا تو کبھی نہیں ہوا ۔۔۔ گوہر کے بابا نے اس کے چہرے کے تاثرات دیکھتے ہوئے پوچھا ۔۔۔
جی بابا ۔۔۔ آج طبیعت کچھ ٹھیک نہیں ہے ۔۔۔ گوہر نے اپنے آنسو چھپاتے ہوئے کہا ۔۔۔۔
بیٹا ۔۔۔ سچ سچ بتائو کیا ہوا ہے ۔۔؟
کچھ نہیں بابا ۔۔۔ سب ٹھیک ہے ۔۔
تمہیں اچھی طرح سے معلوم ہے کہ تم مجھ سے کبھی کچھ چھپانے میں کامیاب نہیں ہو پائی ہو ۔۔۔ تو پھر کیوں ایسا کرتی ہو ۔۔۔ ؟
کیوں نہیں بابا ساری دنیا آپ جیسی ۔۔۔۔؟ گوہر یہ کہتی ہوئی اپنے بابا سے لپٹ کر رونے لگی ۔۔۔
*******************
خدایا مجھے کبھی میرے حال پر مت چھوڑنا ۔۔۔ میرا تیرے سوا کوئی نہیں ۔۔۔ گوہر جائے نماز پر دونوں ہاتھ اٹھائے اللہ سے گڑگڑا کر دعا مانگتے ہوئے بولی ۔۔۔
آجائیں ۔۔۔۔ دروازے پر دستک ہونے پر گوہر نے کہا ۔۔۔
مرحبا ۔۔ کیسے ہیں ۔۔۔ میرے پیارے بابا ۔۔۔ گوہر نے اپنے بابا کا ہاتھ چومتے ہوئے کہا ۔۔
ٹھیک ہوں ۔۔۔ میری گڑیا کیسی ہے ؟ ۔۔۔ عامر سلطان نے گوہر کی پیشانی پر پیار دیتے ہوئے کہا ۔۔۔
آج مسجد نہیں گئی ۔۔۔؟ ایسا تو کبھی نہیں ہوا ۔۔۔ گوہر کے بابا نے اس کے چہرے کے تاثرات دیکھتے ہوئے پوچھا ۔۔۔
جی بابا ۔۔۔ آج طبیعت کچھ ٹھیک نہیں ہے ۔۔۔ گوہر نے اپنے آنسو چھپاتے ہوئے کہا ۔۔۔۔
بیٹا ۔۔۔ سچ سچ بتائو کیا ہوا ہے ۔۔؟
کچھ نہیں بابا ۔۔۔ سب ٹھیک ہے ۔۔
تمہیں اچھی طرح سے معلوم ہے کہ تم مجھ سے کبھی کچھ چھپانے میں کامیاب نہیں ہو پائی ہو ۔۔۔ تو پھر کیوں ایسا کرتی ہو ۔۔۔ ؟
کیوں نہیں بابا ساری دنیا آپ جیسی ۔۔۔۔؟ گوہر یہ کہتی ہوئی اپنے بابا سے لپٹ کر رونے لگی ۔۔۔
*****************
فاطمہ ۔۔۔۔ ارے فاطمہ ۔۔۔ سحر ۔۔ کہاں ہو سب لوگ ۔۔۔ ناشتا ٹھنڈا ہو رہا ہے ۔۔۔ خورشید سلطان ناشتے کی میز پر بیٹھی سب کو آوازیں لگا رہی تھیں ۔۔۔
جی ممی ۔۔۔ آگئے ۔۔۔ آج رضا کی طبیعت کچھ ٹھیک نہیں لگ رہی ۔۔۔ انہیں کو دوائی دے رہی تھی ۔۔۔۔ فاطمہ اپنی ساس کی ساتھ والی کرسی کھینچ کر بیٹھتے ہوئی بولی ۔۔۔
کیا ہوا ۔۔۔ بلڈ پریشر تو تیز نہیں ہے اس کا ۔۔۔؟ خورشید سلطان تفکر سے بولی ۔۔۔
نہیں ۔۔۔ بلڈ پریشر نارمل ہے ۔۔۔ بس طبیعت تھوڑی بوجل سی ہو رہی ہے ان کی ۔۔۔
بھائی کی یاد دن بدن اندر سے ختم کر رہی ہے میرے بچے کو ۔۔۔ خورشید سلطان نے من ہی من میں سوچا ۔۔۔
سحر بیٹا ۔۔۔ آج دیر کر دی ۔۔۔ آویز نہیں آیا ابھی تک ۔۔۔؟ فاطمہ سلطان نے سیڑھیوں سے اترتی سحر کو مخاطب کیا ۔۔۔
جی موم وہ ۔۔۔ آج علی نے بہت دیر کروا دی ۔۔۔ اوپر سے نشاء بھی جاگ گئی ۔۔۔ آویز فریش ہو کر آ رہے ہیں ۔۔۔ نشاء آگے دیکھ کر اترو ۔۔۔ گر جائو گی بیٹا دھیان سے ۔۔۔ سحر نے اپنی تین سالہ بیٹی کو سیڑھیوں سے دوڑ کر اترتے دیکھا تو منع کیا ۔۔۔
دادو ۔۔۔ بڑے بابا کدھر ہیں ۔۔۔ ؟ علی نے ناشتے کی میز پر پہنچتے ہی سب سے پہلے اپنے دادا کا پوچھا ۔۔۔
ادھر آئو میری جان ۔۔۔ ارے صبح سویرے بڑے بابا سے کیا کام آنپڑا تجھے ۔۔۔ دادی نے علی کو اپنے پاس بلا کر پیار کیا ۔۔۔۔۔
میں نے ان کو اپنی فیملی ڈرائینگ دکھانی ہے دادو ۔۔۔ علی نے اپنے ہاتھ میں تھامی کاپی کھولتے ہوئے کہا ۔۔۔
مجھے نہیں دکھائو گے ۔۔۔؟ دادو نے علی کو چھیڑنے کے انداز سے کہا ۔۔۔
یہ لیں ۔۔ میری پیاری دادو ۔۔۔ پہلے آپ دیکھیں ۔۔۔ بڑے بابا کو بعد میں دکھا لوں گا ۔۔۔ علی نے دادو کو کاپی کھول کر دیتے ہوئے کہا ۔۔۔
ارے واہ ۔۔۔ یہ تو بہت اچھی بنائی ۔۔۔ شاباش ۔۔۔۔ یہ بڑے بابا کے ساتھ کون ہے ۔۔؟ کس کی ڈرائینگ بنائی ۔۔۔؟ دادی نے ڈرائینگ کو غور سے دیکھتے ہوئے پوچھا ۔۔۔
دادو ۔۔۔ آپ کو نہیں پتا کیا ۔۔؟ یہ بڑے بابا کے بھائی ہیں ۔۔۔ علی نے حیرت سے دادو کو دیکھا ۔۔۔۔۔۔ کیا ۔۔۔؟ آپ کو کس نے بتایا بیٹا ۔۔۔؟ فاطمہ سلطان علی کی بات پر چونکی ۔۔۔
ہاں بیٹا ۔۔۔ بول تجھے کس نے بتایا ۔۔۔ بابا نے ۔۔؟ دادی نے متذبذب سے انداز میں علی سے پوچھا ۔۔۔
نہیں دادو ۔۔۔ خود بڑے بابا نے بتایا مجھے ۔۔۔ وہ اس دن جب میں ان کے ساتھ تصویروں کے البم دیکھ رہا تھا نا ۔۔ تب بتایا تھا انہوں نے ۔۔۔ اب میں جائوں دادو ۔۔۔؟ علی نے دادی کے ہاتھ سے کاپی لیتے ہوئے کہا ۔۔۔
جی بیٹا آپ جائو ۔۔۔ فاطمہ سلطان نے مسکراتے ہوئے علی کو جانے کا اشارہ کیا ۔۔۔
ممی ۔۔۔آپ کہاں جا رہی ہیں ۔۔۔؟ خورشید سلطان کو کرسی سے اٹھتا دیکھ کر فاطمہ نے پوچھا ۔۔۔
اپنے کمرے میں جارہی ہوں بیٹا ۔۔۔۔ کچھ دیر تنہا رہنا چاہتی ہوں ۔۔۔ دادی اپنے آنسو چھپاتے ہوئے پلٹ گئی ۔۔۔
****************
گوہر میں نے سوپ پیک کر دیا ہے ۔۔۔ یاد سے لے جانا ۔۔۔ اور بیٹا خود بھی کچھ کھا لینا ۔۔۔ ممتاز بیگم نے کچن سے گوہر کو آواز دی ۔۔۔
جی اچھا ۔۔۔ امی ۔۔ شکریہ ۔۔۔ میں چلتی ہوں ۔۔۔ آمنہ میرا انتظار کر رہی ہوگی ۔۔۔ گوہر نے اپنی امی کے رخساروں کو چومتے ہوئے کہا ۔۔۔
یہ اچھی بات ہے کہ تم مریضہ کا خیال رکھ رہی ہو ۔۔۔ مگر تمہیں ان کے ساتھ ساتھ اپنا بھی خیال رکھنا ہے بیٹا ۔۔۔
اوکے امی ۔۔۔ میں اپنا خیال رکھوں گی ۔۔۔ آپ فکر مت کریں ۔۔۔
گوہر ۔۔ تم مجھے کیوں نہیں اپنے ساتھ لے جاتی ہو ۔۔۔ پہلے تو کہا کرتی تھی ۔۔۔ اچھے بچے دیر تک گھر سے باہر نہیں رہا کرتے ۔۔۔ تو اب کیا تم اچھی لڑکی نہیں رہی ۔۔۔ ؟ کل تم اتنا لیٹ گھر واپس آئی ۔۔۔ اور آمنہ کو ساتھ لے کر گئی مجھے نہیں ۔۔۔ کیا تمہیں اب مجھ سے محبت نہیں رہی ۔۔۔؟ دروازے پر کھڑی فضے گل نے گوہر کو جوتے پہنتے دیکھا تو دوڑتی ہوئی آئی ۔۔۔
او نہیں میری جان ۔۔۔ تمہیں ایسا کیوں لگا کہ اب مجھے تم سے محبت نہیں رہی ۔۔۔۔؟ میں تو اب بھی تمہیں اتنا ہی چاہتی ہوں ۔۔۔ میری پیاری فضے گل ۔۔۔ اور میں نے وہ بات اس لئے کہی تھی کہ بغیر کسی کام کے دیر تک گھر سے باہر نہیں رہنا چاہئے ۔۔۔ میں تو آمنہ کے ساتھ ہسپتال گئی تھی ۔۔۔۔ اب بتائو ۔۔۔ میں اچھی لڑکی ہوں نا ۔۔۔؟ گوہر نے منہ پھلائے کھڑی فضے گل کو پیار دیتے ہوئے کہا ۔۔۔
ہاں اچھی لڑکی تب ہوگی ۔۔۔ اگر میرے لئے پھول لے کر آئی تو ۔۔۔ ورنہ ۔۔۔ فضےگل نے پیشانی پر بل ڈالے گوہر کو دیکھا ۔۔۔
اچھا جی ۔۔۔ لے آئوں گی تمہارے لئے پھول ۔۔۔ اب میں جائوں ۔۔۔؟ گوہر نے مسکراتے ہوئے فضے گل کے گال کھینچے ۔۔۔
***********
باسط تُو دوبئی کافی مرتبہ آچکا ہے نا ۔۔۔؟ زکی کافی کا ایک گھونٹ لے کر بولا ۔۔۔
ہاں کیوں ۔۔۔؟ باسط نے بسکٹ کھاتے ہوئے پوچھا ۔۔۔
پھر تجھے پتا ہو گا کہ کونسی چیز کہاں سے اچھی ملتی ہے ۔۔۔۔ نہیں ۔۔۔؟ زکی نے کچھ سوچتے ہوئے پوچھا ۔۔۔
ہہم ۔۔۔۔ کچھ چیزوں کا پتا ہے جو ۔۔۔ اکثر فیملی کے ساتھ ہوتے لی ہوئی ہیں ۔۔۔ باسط نے کافی کا گھونٹ لیا ۔۔۔
یار گھر والوں کے لئے شاپنگ کرنی ہے مجھے ہمارے پاس صرف آج کا دن ہی ہے ۔۔۔ کل صبح کی فلائیٹ ہے ۔۔۔۔۔ کافی کے بعد چلتے ہیں ۔۔۔ زکی نے ٹائیم دیکھتے ہوئے کہا ۔۔۔
ہاں صحیح ہے ۔۔۔ اور یار ڈنر کرنے ڈنر ان دا سکائے چلیں گے ۔۔۔ باسط نے مسکراتے ہوئے کہا ۔۔۔
اوو ہاں ۔۔ میرے زہن سے کیسے نکل گیا ۔۔۔ میں ہمیشہ سوچتا تھا ۔۔۔ جب بھی دوبئی جائوں گا ۔۔ وہاں ضرور جائوں گا ۔۔۔ اور دیکھ کیسے بھول گیا ۔۔۔ زکی دھیمے سے مسکرایا ۔۔۔
**********
زکی اور باسط دوپہر کے کھانے کے لئے برج پارک کے قریب ایک ریسٹرونٹ اماراتی کویزن میں آئے تھے ۔۔۔
اماراتی کھانا متحدہ عرب امارات کا روایتی عربی کھانا ہے اور ہمسایہ ممالک کے عمومی کھانوں اور سعودی عرب کے کھانوں کے ساتھ ساتھ کئی مشرق وسطی اور ایشیائی کھانوں میں بھی بہت مماثلت رکھتا ہے۔ متحدہ عرب امارات کی جدید غذا کثیر الثقافتی ہے۔
*************
زکی ایسا کرتے ہیں کہ دوبئی مال چلتے ہیں ۔۔۔ وہیں سے ساری شاپنگ کر لیں گے ۔۔۔ باسط نے زکی کو مخاطب کیا ۔۔۔
ہاں ٹھیک ہے ۔۔۔ مجھے بابا اور بھائی کے لئے اتر اور پرفیومز لینے ہیں ۔۔۔۔ دادی کے لئے کھجوریں ۔۔۔ انہیں بہت پسند ہیں ۔۔۔ اور میں نے سنا ہے کہ یہاں کی کھجوریں بہت اچھی ہوتی ہیں ۔۔۔ ہے نا ۔۔۔؟ زکی نے باسط کی طرف دیکھتے ہوئے پوچھا ۔۔۔
ہاں ۔۔۔ ڈیرہ فوڈ مارکیٹ کی کھجوریں اچھی ہوتی ہیں ۔۔۔ باسط نے سوچ کر بتایا ۔۔۔
امی اور بھابھی کے لئے ۔۔۔ کیا لینا چاہئے ۔۔۔؟ زکی نے سوچتے ہوئے کہا ۔۔۔
دوبئی کی پشمینہ شالز بہت مشہور ہیں ۔۔۔ ان کے لئے یہ لے جا ۔۔۔ باسط نے موبائل پر دکھتے ہوئے کہا ۔۔۔
ائوے ہوئے ۔۔۔ تجھے بڑا پتا ہے ۔۔۔ کہیں تو سرچ کر کے تو نہیں بتا رہا مجھے ۔۔۔؟ زکی نے باسط کے موبائل پر جھانکتے ہوئے کہا ۔۔۔
نہیں ائوے ۔۔۔ تجھے تو پتا ہے ۔۔۔ ماما کے ساتھ آتا رہا ہوں ۔۔۔ آپی کی شادی کی شاپنگ کی تھی نا ہم نے ۔۔۔ باسط نے ہنستے ہوئے کہا ۔۔۔
ہاں ہاں ۔۔۔ یاد آیا ۔۔۔ چل پھر ۔۔۔ دیکھتے ہیں ۔۔۔ پرفیومز کہاں سے لینے ہیں ۔۔۔؟ زکی نے مال میں داخل ہوتے ہوئے باسط سے پوچھا ۔۔۔
دیکھ ۔۔۔ یہاں فرسٹ فلور پر ہی پرفیوم شاپ تھی ایک ۔۔۔ باسط نے آگے پیچھے دیکھتے ہوئے کہا ۔۔۔
وہ رہی ۔۔۔ مل گئی ۔۔۔
اچھا اب ۔۔۔؟ ہاں شالز لینی ہیں نا ۔۔۔؟ ائوے زکی ۔۔۔ تو کدھر رہ گیا ۔۔۔؟ پرفیوم شاپ سے نکلنے کے بعد کافی آگے جاکر باسط نے زکی کو اپنے ساتھ نہ پاکر پیچھے دیکھا ۔۔۔
بات سنیں ۔۔۔ ؟ آپ کون ہیں ۔۔ آپ کہاں رہتی ہیں ۔۔۔؟ زکی ایک عبایا والی باپردہ خاتون کو دیکھ کر اس سے پوچھتے ہوئے بولا ۔۔۔
آپ کا دماغ ٹھیک ہے ۔۔۔؟ مطلب کیا ہے آپ کا اس بات سے ۔۔۔؟ اس لڑکی نے زکی کو خفگی سے دیکھا ۔۔۔
آئیم سو سوری ۔۔۔ اس کو معاف کر دیں پلیز ۔۔۔ میرا دوست دماغی مریض ہے ۔۔۔ اس کو سمجھ نہیں آتی ۔۔ کہاں کیا بات کرنی ہے ۔۔۔ باسط ۔۔۔ اپنی مسکراہٹ دبائے ۔۔۔ زکی کی بات پر اس خاتون سے معذرت کرتے ہوئے بولا ۔۔۔
اٹس اوکے ۔۔۔ وہ بس اتنا ہی بول کر وہاں سے چلی گئی ۔۔۔
او بے غیرت انسان ۔۔۔ مجھے دوسروں کے سامنے پاگل کہے گا اب تُو ۔۔۔۔ زکی نے خفگی سے باسط کو دیکھا ۔۔۔۔۔
ہاہاہا ۔۔۔ اب جو تُو نے حرکت کی تھی ۔۔۔ اس کا یہی ایک حل تھا ۔۔۔۔ اور ویسے تو کر کیا رہا تھا ۔۔۔؟ باسط نے تنبیہی نگاہوں سے زکی کو دیکھا ۔۔۔
مجھے لگا کہ یہ وہی میرے خواب والی لڑکی ہے ۔۔۔ زکی قدرے معصومیت سے بولا ۔۔۔
ہاہاہا ۔۔۔ اس کا مطلب کہ اب تجھے اس حلیے میں جو کوئی لڑکی نظر آئے گی ۔۔۔ تُو اسے وہی سمجھے گا ۔۔۔۔ باسط نے یہ کہہ کر زوردار قہقہ لگایا ۔۔۔۔
تُو ہنس مت ۔۔۔ میں کیا کرتا ۔۔۔ اس کو اچانک دیکھا تو مجھے لگا ۔۔۔۔
***********
یااللہ میری مدد کر ۔۔۔۔ جس طرح تُو نے میرے بیٹے کے دل سے اپنے بھائی کے لئے نفرت ختم کی ۔۔۔ ویسے ہی ان کو آپس میں ملوا دے ۔۔۔۔۔ جائے نماز پر بیٹھی دعا مانگتی ہوئی خورشید سلطان کے آنسو رخساروں سے ہوتے ہوئے ہاتھوں پر آگرے ۔۔۔
اماں ۔۔۔ جاگ رہی ہیں ۔۔۔؟ رضا سلطان دروازے پر دستک دیتے ہوئے بولے ۔۔۔
جی بیٹا ۔۔۔۔ آ جائو ۔۔۔
آپ کی طبیعت ٹھیک ہے اماں ۔۔۔؟ آپ صبح سے باہر نہیں آئیں ۔۔۔ رضا سلطان صوفے پر بیٹھتے ہوئے بولے ۔۔۔
بیٹا ۔۔۔ اب تو میری بات مان جا ۔۔۔ لے آ اپنے بھائی کو ۔۔۔ اب مجھ میں اتنی ہمت نہیں رہی میری جان ۔۔۔ مرنے سے پہلے اپنے سب بچوں کو دیکھنا چاہتی ہوں ۔۔۔
اماں ۔۔۔ آپ پھر وہی بات کرتی ہیں ۔۔۔ لے آئو اپنے بھائی کو ۔۔۔ شاید آپ بھول رہی کہ میں اس کو لینے گیا تھا ۔۔۔ اس نے ہی آنے سے انکار کیا تھا ۔۔۔
بیٹا تُو بھی کچھ بھول رہا ہے ۔۔۔ تُو لینے تو گیا تھا مگر صرف عامر اور اس کے بچوں کو ۔۔۔
**********
ہے گائیز ۔۔۔ وٹس اپ ۔۔۔ میں ہوں باسط اور یہ میرا دوست زکی ۔۔۔ آج کے ولاگ میں ۔۔۔ میں آپ کو ایک زبردست سی جگہ پر لے کر جائوں گا ۔۔۔۔ تو زکی بتائو سب کو ہم کہاں جا رہے ہیں ۔۔۔۔۔ ہم جا رہے ہیں ۔۔۔ ڈنر ان دا سکائے ۔۔۔۔ ہوووووو ۔۔۔۔ باسط موبائل ۔۔۔ سیلفی اسٹک پر لگائے۔۔۔ سامنے رکھ کہ بنا رکے بولے جا رہا تھا ۔۔۔۔۔۔
چل جلدی کر دیر ہو رہی ہے ۔۔۔ باسط نے ویڈیو روک کر کہا ۔۔۔
شکر ہے تجھے یاد تو آئی ۔۔۔ ایک تو تیری یہ ولاگنگ ہر جگہ شروع ہو جاتی ہے ۔۔۔ زکی ہنستے ہوئے بولا ۔۔۔
**************