خواب کا منظر

زکی تم یہاں بیٹھے ہو ۔۔۔۔۔ میں تمہیں کب سے ڈھونڈ رہی ہوں ۔۔۔۔۔ صوفے پر زکی کو تنہا بیٹھا دیکھ کر روشک اس کے پاس آئی ۔۔۔۔۔
بیٹھو ۔۔۔۔ یہ دیکھو ۔۔۔۔ زکی اپنے ہاتھ میں رکھے اس ویزیٹنگ کارڈ کو دیکھ کر خوش ہو رہا تھا ۔۔۔۔۔
یہ کیا ہے ۔۔۔ ؟ روشک نے اچھنبے سے پوچھا ۔۔۔۔۔
یہ ۔۔۔ یہ میری پہلی سیڑھی ہے ۔۔۔۔ اسی پر چڑھ کے ہی مجھے میری منزل ملے گی ۔۔۔۔ زکی نے مسکراتے ہوئے کہا ۔۔۔۔
کیا یار ۔۔۔۔ تمہیں اچھی طرح معلوم ہے کہ مجھے ایسی باتیں سمجھ نہیں آتی ۔۔۔۔ پھر بھی ۔۔۔۔۔ لائو دکھائو مجھے ۔۔۔۔۔۔ روشک نے زکی کے ہاتھ سے کارڈ لیتے ہوئے کہا ۔۔۔۔۔
او ۔۔۔ وائو ۔۔۔۔۔ وجاہت علی کمال ۔۔۔۔ یہ تمہیں کہاں سے ملا ۔۔۔۔ روشک نے حیرت سے زکی کو دیکھا ۔۔۔۔
ابھی کچھ دیر پہلے کی بات ہے ۔۔۔۔۔ میں یہاں بیٹھا ہوا تھا ۔۔۔۔ کہ میرے ساتھ ایک شخص آ کر بیٹھا ۔۔۔۔ میں نے غور کیا تو وہ وجاہت علی تھے ۔۔۔۔ کافی باتیں کی ہم نے ۔۔۔ پھر وہ یہ کارڈ دے کر گئے ۔۔۔۔
ائوے ہوئے ۔۔۔۔۔ یار مجھے بھی ملوانا تھا نا ۔۔۔۔ روشک نے مزاق سے زکی کو بازو پر مکا مارتے ہوئے کہا ۔۔۔۔
آئوچ ۔۔۔۔ روشک۔۔۔ بڑے بھائی کو ایسے مارتے ہیں کیا ۔۔۔۔ زکی اپنی بازو پر ہاتھ رکھے روشک کو خفگی سے دیکھتے ہوئے بولا ۔۔۔۔
اف تنگ آ گئی ہوں ۔۔۔ بھائی بھائی ۔۔۔۔ اتنی بار کہا ہے ۔۔۔ نہیں ہو تم میرے بھائی ۔۔۔۔۔ روشک منہ پھلا کر اٹھتے ہوئے بولی ۔۔۔۔
اوئے ۔۔۔ روشک ۔۔۔۔ اسے کیا ہوا ۔۔۔۔ زکی نے روشک کی اس حرکت پر حیرت کا مظاہرہ کیا ۔۔۔۔
قدسیہ ۔۔۔ وہ تمہارا سو کالڈ بوائے فرینڈ کہاں ہے ۔۔۔ دکھائی نہیں دے رہا ۔۔۔۔۔۔ تمہیں چھوڑ کر چلا گیا۔۔۔۔ کیا ۔۔۔۔؟؟ یہ کہہ کر قدسیہ کی دوستوں نے زوردار قہقہ لگایا ۔۔۔۔
نہیں ۔۔۔ تم لوگ دیکھنا ۔۔۔۔ وہ ابھی میرے ساتھ ڈانس کرے گا ۔۔۔۔۔ قدسیہ نے شرطیہ کہا ۔۔۔۔۔
امپاسیبل ۔۔۔۔ یہ ہو ہی نہیں سکتا ۔۔ وہ مان ہی نہ جائے ۔۔۔۔ قدسیہ کی ایک دوست نے طنریہ کہا ۔۔۔
جس طرح میں اس کو یہاں پارٹی میں لے کر آئی ہوں ۔۔۔۔۔ ویسے ہی اپنے ساتھ ڈانس کرنے کے لئے بھی منالوں گی ۔۔۔۔۔ لگی شرط ۔۔۔۔ قدسیہ نے چیلینج کرتے ہوئے اپنی دوست کی طرف ہاتھ بڑھایا ۔۔۔۔
ڈن ۔۔۔۔۔ قدسیہ کی دوست نے اس کا بڑھایا ہوا ہاتھ تھاما ۔۔۔۔
زلقرنین ۔۔۔۔۔ زلقرنین ۔۔۔۔۔۔۔ اوو تم یہاں اکیلے بیٹھے ہو ۔۔۔۔۔۔ چلو آئو ڈانس کرتے ہیں ۔۔۔۔ میں نے آج کی پارٹی میں ایک مقابلہ رکھا ہے جو کپل سب سے اچھا ڈانس کرے گا ۔۔۔۔ اس کو کپل آف دا منتھ کا پرائز ملے گا ۔۔۔۔
قدسیہ نے زکی کو مناتے ہوئے اس کا ہاتھ پکڑا ۔۔۔
نہیں ۔۔۔ میں ڈانس نہیں کروں گا ۔۔۔۔ مجھے نہیں پسند ۔۔۔۔ اور ویسے بھی ہم کپل تو نہیں ہیں ۔۔۔۔ زکی نے قدسیہ کو منع کرنے کے انداز سے کہا ۔۔۔۔
اوو کم اوون یار ۔۔۔۔ لٹس گو ۔۔۔۔ قدسیہ اس کو زبردستی لے گئی ۔۔۔۔۔
ابھی قدسیہ نے کپل ڈانس کی انائونسمنٹ شروع ہی کی تھی کہ زکی کو قدسیہ کے ساتھ اسٹیج پر کھڑا دیکھ کر غصے سے لال پیلی ہوئی روشک روڑتی ہوئی آئی ۔۔۔۔
زکی ۔۔۔۔ تم ایسا نہیں کر سکتے ۔۔۔۔ روشک نے بھیگی آنکھوں سے زکی کو دیکھا اور تیز قدموں سے چلتی ہوئی ہال سے باہر چلی گئی ۔۔۔۔
روشک ۔۔۔۔ رکو ۔۔۔۔۔ میں کہہ رہا ہوں رک جائو ۔۔ زکی دوڑتا ہوا روشک کے پیچھے گیا ۔۔۔۔۔
روشک اکثر الٹی سیدھی حرکتیں کرجایا کرتی تھی ۔۔۔ مگر آج سے پہلے کبھی روشک کی کسی حرکت نے زکی کو پریشان نہیں کیا ۔۔۔۔ آج جب زکی نے اس طرح سے اس کی آنکھ میں آنسو دیکھے تو وہ خاصا اُلجھ گیا ۔۔۔ اسے یہ سمجھنے کا موقع ہی نہ مل سکا کہ آخر روشک کو ہوا کیا ہے ۔۔۔۔
کیا ہوا یار ۔۔۔۔ تم نے ایسے کیوں بی ہیو کیا ۔۔۔۔ زکی نے روشک کی طرف دیکھا جو دوسری طرف مڑی آنسو صاف کر رہی تھی ۔۔۔۔
کچھ نہیں ۔۔۔ گھر چلو ۔۔۔ میں تھک گئی ہوں ۔۔۔۔ روشک نے خاصے الجھے ہوئے انداز میں کہا ۔۔۔
روشک ادھر دیکھو ۔۔ میری طرف ۔۔۔۔ مجھے بتائو نا ۔۔۔۔ آخر ہوا کیا ہے ۔۔۔ ؟ تمہیں کامران نے تو کچھ نہیں ۔۔۔۔۔ مجھے وہ لڑکا کبھی ٹھیک نہیں لگا ۔۔۔۔ میں ابھی اس کی خبر لیتا ہوں ۔۔۔۔ زکی نے غصے میں ایک قدم بڑھایا ہی تھا کہ روشک نے اس کو بازو سے پکڑ کر روک دیا ۔۔۔۔
نہیں ۔۔۔۔ کامران نے کچھ نہیں کہا ۔۔۔ اچھا آئو نا گاڑی میں بیٹھو بتاتی ہوں ۔۔۔۔
جب کوئی اور لڑکی تم سے بات کرتی ہے ۔۔۔ تمہارے ساتھ آکر بیٹھتی ہے ۔۔۔ تمہارا ہاتھ پکڑتی ہے ۔۔۔۔ مجھے بہت غصہ آتا ہے ۔۔۔۔ پتا نہیں کیوں مگر اس لڑکی کو کھینچ کر چانٹا مارنے کا دل کرتا ہے ۔۔۔
آج جب وہ تمہیں اپنے ساتھ ڈانس کے لئے لے کر گئی اور تم بھی اس کے ساتھ چلے گئے ۔۔۔۔تو مجھ سے دیکھا نہیں گیا ۔۔۔۔ بس پھر میری آنکھیں رو دیں ۔۔۔۔ اگر اسی کو پیار کہتے ہیں تو ۔۔۔۔ ہاں ہے مجھے تم سے محبت ۔۔۔۔میں نہیں جانتی کہ کب اور کیسے ہوا ۔۔۔۔۔۔ بس ہو گیا مجھے تم سے پیار ۔۔۔۔ روشک روتے ہوئے زکی سے اظہارِ محبت کرتے ہوئے بولی ۔۔۔۔
زکی کو کچھ سمجھ نہیں آیا کہ ۔۔۔ یہ اس کے ساتھ ہو کیا رہا ہے ۔۔۔۔ وہ ہکا بکا ۔۔۔ رہ گیا ۔۔۔سامنے دیکھتے ہوئے چپ چاپ ڈرائیو کرتا رہا ۔۔۔۔
زکی کچھ تو بولو ۔۔۔۔۔ روشک نے چپ چاپ بیٹھے زکی کو مخاطب کیا ۔۔۔۔
تمہارا گھر آگیا ۔۔۔۔ کافی دیر کے بعد روشک کا گھر آجانے پر زکی بس یہی بول پایا ۔۔۔۔
اندر نہیں آئو گے ۔۔۔۔؟ روشک نے سیٹ بیلٹ کھولتے ہوئے زکی کو دیکھ کر پوچھا ۔۔۔
نہیں تم جائو ۔۔۔۔ زکی روشک کو دیکھے بغیر بولا ۔۔۔ اور گاڑی پھر سے سٹارٹ کر دی ۔۔۔۔
*******
زکی ۔۔۔۔ کہاں بھاگے جا رہے ہو ۔۔۔ ادھر آئو بیٹا ۔۔۔ زکی تیز تیز قدم ڈالتا ہوا اپنے کمرے کی طرف جارہا تھا کہ پیچھے سے دادی نے آواز دی ۔۔۔۔
کچھ نہیں دادو ۔۔۔۔ تھوڑا تھک گیا ہوں ۔۔۔۔ آرام کرنا چاہتا ہوں ۔۔۔۔ زکی پیچھے مڑتے ہوئے بولا ۔۔۔۔
آرام ۔۔؟ ۔۔۔ اتنی جلدی ۔۔۔ ابھی تو نو بجے ہیں ۔۔۔۔ دادی نے سامنے لگی وال کلاک دیکھتے ہوئے کہا ۔۔۔۔
ہاں دادو ۔۔۔۔ آج کچھ زیادہ ہی تھکاوٹ ہو گئی ہے ۔۔۔۔۔ زکی نے آنکھیں میچتے ہوئے کہا ۔۔۔۔
اچھا ادھر آ ۔۔۔۔ مجھے ایک بات تو بتاتا جا ۔۔۔۔ روشک کو کیا ہوا تھا آج ۔۔۔۔ کیا اس نے وہاں تیرے ساتھ جگھڑا کیا ۔۔۔۔ یا کسی اور سے جگھڑ کر آئی ہے ۔۔۔۔ تم دونوں ساتھ تھے نا وہاں ۔۔۔۔؟ دادی نے تنبیہی نگاہوں سے زکی کو دیکھا ۔۔۔۔
دادو ۔۔۔ آپ کو کیسے پتا ۔۔۔ چلا ۔۔۔ زکی دادی کے پاس آکر بیٹھتے ہوئے بولا ۔۔۔۔
مطلب کہ ہوا ہے کچھ ۔۔۔۔؟ میرا اندازا ٹھیک ہی تھا ۔۔۔۔ تم لوگوں کا کچھ نہیں ہو سکتا ۔۔۔ دادی نے کرسی سے اٹھتے ہوئے کہا ۔۔۔
کہاں جا رہی ہیں ۔۔۔۔ ؟ زکی نے دادی سے اشارةً پوچھا
اس کی ماں کو فون کرنے ۔۔۔۔ دادی نے پیچھے مڑ کر زکی کو جواب دیا ۔۔۔
رکیں نا ۔۔۔۔ پہلے بات تو بتائیں ہوا کیا ہے ۔۔۔۔؟ زکی نے دادی کے ہاتھ سے ٹیلی فون کا ریسیور لے کر رکھا ۔۔۔۔
فون آئی تھی تیری پھپھو کی ۔۔۔۔ پریشان ہوئی جا رہی تھی کہ روشک جب سے آئی ہے ۔۔۔ خود کو کمرے میں بند کر رکھا ہے ۔۔۔ نہ کچھ بتا رہی ہے ۔۔۔۔۔ نہ ہی دروازہ کھول رہی ہے ۔۔۔۔۔ میں نے کہا کیوں پریشان ہو رہی ہے ۔۔۔۔ جانتی نہیں ہے اپنی بیٹی کو ۔۔۔ ہوئی ہو گی کسی سے بحث ۔۔۔۔ کھول دے گی دروازہ ذرا سی دیر میں ۔۔۔۔ دادی نے چائے کا گھونٹ بھرتے ہوئے کہا
یار دادو ۔۔۔۔ یہ لڑکی بلکل پاگل ہے ۔۔۔۔۔ میں بتا رہا ہوں آپ کو ۔۔۔۔ میں اس کی ایک نہیں سنوں گا ۔۔۔۔ عجیب ہے ۔۔۔ میں اس کو چھوٹی بہن مانتا ہوں اور ۔۔۔۔۔۔ بھلا ایسے کوئی کرتا ہے ۔۔۔۔۔ زکی سنجیدگی سے دادی کو دیکھتے ہوئے بولا۔۔۔۔۔
تو مان لے نا اس کی بات چھوٹی ہے ۔۔۔۔ کیا کہہ رہی ہے ۔۔۔۔؟ دادی نے چائے کی پیالی میز پر رکھی ۔۔۔۔
دادو اس بار ۔۔۔ کوئی ایسی ویسی فرمائیش نہیں کی اس نے ۔۔۔۔ کیا یار ۔۔۔۔۔ دماغ خراب کر دیا میرا ۔۔۔۔ آج میڈم نے مجھ سے اظہار محبت کیا ہے ۔۔۔۔ اب آپ ہی بتائیں ۔۔۔۔ کیا کروں میں ۔۔۔۔ زکی نے معصومیت سے دادی کو دیکھتے ہوئے کہا ۔۔۔۔
او میرے خدا ۔۔۔۔ یہ کیا ہو گیا ۔۔۔۔ اچھا تو فکر نہ کر ۔۔۔ میں سمجھائوں گی اس کو ۔۔۔۔۔ تو نے کیا ۔۔۔ کہا اس کو ۔۔۔ دادی نے زکی کو متذبذب سے انداز سے دیکھا ۔۔۔۔
میں نے کیا بولنا تھا ۔۔۔۔ کچھ بولنے کے قابل چھوڑا تھا اس نے مجھے ۔۔۔؟ بس چپ کر کے سنتا رہا ۔۔۔ کچھ نہیں بولا میں ۔۔۔۔
اچھا کیا تو نے ۔۔۔ میں خود ہی اس کو سمجھا دوں گی ۔۔۔۔ ابھی اس کی عمر ہی کیا ہے ۔۔۔ یہ سب سوچنے کی ۔۔۔۔ چل ٹھیک ہے ۔۔۔۔ جا تو آرام کر ۔۔ میں بھی کمرے میں جاتی ہوں اب ۔۔۔۔ دادی نے زکی کو کندھے پر تھاپڑ مارتے ہوئے کہا ۔۔۔۔ دادی تو چلی گئی ۔۔۔ مگر اس کے دماغ میں طرح طرح کے خیالات کا ایک طوفان برپا تھا ۔۔۔۔۔۔ اس کو رہ رہ کر روشک کی باتوں پر غصہ آ رہا تھا ۔۔۔۔۔
*******************
ہیلپ می ۔۔۔۔۔۔۔۔ کوئی ہے ۔۔۔۔۔؟
سرد ترین، تاریکی رات میں جنگل کے بیچوں بیچ ۔۔۔ ایک بار پھر سے زکی نے خود کو تنہائ پایا ۔۔۔
اس کے چاروں طرف آگ ہی آگ لگی ہوئی تھی ۔۔۔۔۔ باہر نکلنے کا کوئی راستہ نہیں تھا ۔۔۔۔
کوئی ہے ۔۔۔۔؟ مجھے اس آگ سے بچا لو ۔۔۔۔۔ کوئی ۔۔۔۔۔ زکی نے چیخیں مارتے ۔۔۔۔ چلاتے ہوئے کہا ۔۔۔۔
اتنے میں زکی کی نظر سامنے جائےنماز پر بیٹھی لڑکی پر پڑی جو ۔۔۔۔ سیاہ عبایا اور سکارف میں ملبوس نقاب چڑھائے ۔۔۔۔۔ رو رو کر دعائیں مانگ رہی تھی ۔۔۔۔
ذکی اس کی آواز تو سن نہ پایا ۔۔۔ مگر اسے یہ ضرور دکھائی دیا ۔۔۔۔ کہ وہ لڑکی گڑگڑا کر اللہ سے دعا مانگ رہی ہے ۔۔۔۔
کچھ دیر وہ ایسے ہی چلاتا رہا اور وہ دعا مانگتی رہی ۔۔۔۔ پھر اچانک بہت تیز بارش شروع ہوگئی ۔۔۔۔۔ اور دیکھتے ہی دیکھتے آگ بجھنے لگی ۔۔۔۔۔ جب آگ مکمل طور پر بجھ چکی تھی ۔۔۔۔ تب زکی اس لڑکی کی طرف متوجہ ہوا ۔۔۔۔ ابھی زکی نے ایک قدم آگے بڑھایا ہی تھا کہ وہ لڑکی غائب ہو گئی ۔۔۔۔
*************
زکی پھولے ہوئے سانس کے ساتھ اٹھا اور لیمپ جلایا ۔۔۔۔۔۔۔۔ کمرہ بلکل تاریک تھا ۔۔۔۔ لیمپ کے جلنے سے کمرے میں مدھم سی روشنی پھیلی ۔۔۔۔۔۔ اسی روشنی کے سہارے زکی نے سائیڈ ٹیبل سے پانی کا
گلاس اٹھایا ۔۔۔۔
اوہو ۔۔۔۔ آج تو کمرے میں جلدی آگیا تھا میں ۔۔۔۔۔ پانی رکھوانا بھی بھول گیا ۔۔۔۔۔۔ زکی خالی گلاس کو دیکھتے ہوئے بولا ۔۔۔۔
او نو ۔۔۔۔ میں تب سے سو رہا ہوں ۔۔۔۔۔ زکی نے آنکھیں میچتے ہوئے کہا ۔۔۔۔
اس نے کمبل ہٹایا ۔۔۔ اور پلنگ سے اتر کر جوتے پہنے ۔۔۔۔ صوفے پر پڑی شال اوڑھی اور کمرے سے باہر نکل گیا ۔۔۔۔ کون ہے وہ لڑکی ۔۔۔۔ کیوں آتی ہے وہ میرے خواب میں جب میں نے اس کو کبھی دیکھا نہیں ہے ۔۔۔۔ نہ ہی میرا اس سے کوئی تعلق ہے ۔۔۔۔ پھر کیوں ۔۔۔۔۔؟ اس نے کچن کا دروازہ کھولتے ہوئے سوچا ۔۔۔۔
وہ کیوں میرے لئے اللہ سے اتنی دعائیں مانگ رہی تھی ۔۔۔۔ کوئی ایسے کیسے کر سکتا ہے ۔۔۔ کیسے پتا لگائوں ۔۔۔۔ اس لڑکی کے بارے میں ۔۔۔۔ زکی نے گلاس میں پانی بھرتے ہوئے سوچا ۔۔۔۔
ابھی پانی کے ایک دو گھونٹ ہی بھرے تھے کہ اس کو ازان کی آواز سنائی دی ۔۔۔۔
گلاس وہیں کائونٹر پر رکھ کہ وہ اپنے کمرے میں چلا گیا ۔۔۔
ابھی جاکر واپس لیٹا ہی تھا کہ ۔۔۔۔ اس کو پھر سے خواب کا سارا منظر دکھائی دینے لگا ۔۔۔۔
اس کا جی گھبرانے لگا ۔۔۔۔ اٹھ کر واشروم گیا ۔۔۔۔ منہ پر پانی کا چھینٹا ڈالا ۔۔۔۔ کچھ دیر وہیں کھڑا منہ پر پانی ڈالتا رہا ۔۔۔۔
********
ابھی پانی کے ایک دو گھونٹ ہی بھرے تھے کہ اس کو ازان کی آواز سنائی دی ۔۔۔۔
گلاس وہیں کائونٹر پر رکھ کہ وہ اپنے کمرے میں چلا گیا ۔۔۔
ابھی جاکر واپس لیٹا ہی تھا کہ ۔۔۔۔ اس کو پھر سے خواب کا سارا منظر دکھائی دینے لگا ۔۔۔۔
اس کا جی گھبرانے لگا ۔۔۔۔ اٹھ کر واشروم گیا ۔۔۔۔ منہ پر پانی کا چھینٹا ڈالا ۔۔۔۔ کچھ دیر وہیں کھڑا منہ پر پانی ڈالتا رہا ۔۔۔۔
نلکہ بند کر کے ایک قدم آگے کو بڑھایا ۔۔۔ اور پھر کچھ سوچ کر وہیں رک گیا ۔۔۔۔ مڑا اور نلکہ واپس کھولا ۔۔۔ وضو کر کے باہر آیا ۔۔۔ اور جائے نماز بچھا کر نماز پڑھنے لگا ۔۔۔
زکی ۔۔۔۔ ماشائاللہ ۔۔۔۔۔ میرا بچہ ۔۔۔۔ زکی کے کمرے کی بتی جلی دیکھ کر دادی دیکھنے کے لُیے آئ ۔۔۔۔ جب دادی نے زکی کو نماز پڑھتے دیکھا تو ان کے لبوں سے بےاختیار نکلا ۔۔۔۔
ابھی زکی نماز پڑھ ہی رہا تھا ۔۔۔ تو دادی بغیر کچھ بولے دروازہ بند کر کے واپس چلی گئ ۔۔۔
دعا مانگ کر ۔۔۔۔ جائے نماز اٹھا کر وہ دادی کے پاس چلا گیا ۔۔۔۔ اس کے پاس بہت سی ایسی باتیں تھی جو وہ ابھی دادی کو بتانا چاہ رہا تھا ۔۔۔۔ ایک وہی تھیں جن سے بات کر کے وہ اپنے دل کا بوجھ کم کر سکتا تھا ۔۔۔۔۔
دادو ۔۔۔۔ زکی نے کمرے سے باہر نکل کر لائونج میں بیٹھی دادی کو مخاطب کیا ۔۔۔
جی میری جان ۔۔۔۔ میرا ایک رکوع رہ گیا ہے ۔۔۔ پڑھ لوں پھر تجھ سے بات کرتی ہوں ۔۔۔۔ دادی نے ایک نظر زکی پر ڈالی پھر قرآن پاک پڑھنے لگی ۔۔۔۔
ٹھیک ہے ۔۔۔ آپ ختم کر لیں پھر بات کریں گے ۔۔۔۔ زکی دادی کو پیار سے دیکھتے ہوئے بولا ۔۔۔۔
ہاں بول بیٹا ۔۔۔ کیا ہوا ۔۔۔؟ دادی قرآن پاک رکھتے ہوئے بولی ۔۔۔۔
دادو ۔۔۔۔ آج میں نے پھر سے خواب دیکھا ۔۔۔ بہت ہی ڈرائونا ۔۔۔۔۔ زکی نے دادی کی گود میں سررکھتے ہوئے کہا ۔۔۔
اچھا ۔۔۔؟ کیا دیکھا خواب میں ۔۔۔؟ دادی نے زکی کے سر پر ہاتھ پھیرتے ہوئے کہا ۔۔۔۔۔
دادو میری چاروں طرف آگ ہی آگ تھی ۔۔۔۔ میں چلائے جا رہا تھا ۔۔۔۔ ایسے میں میری نظر ایک لڑکی پر پڑی جو جاۓ نماز پر بیٹھی دعائیں مانگ رہی تھی ۔۔۔۔ جیسے جیسے وہ دعا کرتی گئ ۔۔۔ بارش ہوتی گئ ۔۔۔ اور ساری آگ بجھ گئ ۔۔۔ اس جگہ سے نکلنے کے بعد میں جب اس لڑکی سے بات کرنے کو آگے بڑھا تو وہ غائب ہو گئ ۔۔۔۔ زکی نے دادی کو سارا خواب سنایا ۔۔۔۔
تو نے دیکھا نہیں اس لڑکی کو ۔۔۔ کیسی تھی حلیا کیسا تھا اس کا ۔۔۔ دادی نے متذبذب سے انداز میں پوچھا ۔۔۔۔
اس نے سیاہ عبایا پہنا ہوا تھا اور نقاب چڑھایا ہوا تھا ۔۔۔۔ مجھے اس بات کا یقین ہے کہ جو لڑکی اس دن میرے خواب میں آئ تھی یہ وہی تھی ۔۔۔۔ لیکن دادو سمجھ میں نہیں آتا کہ یہ کون ہوگی ۔۔۔۔ کیوں میرے خواب میں آتی ہے ۔۔۔ مجھے اس بات نے بہت پریشان کر رکھا ہے ۔۔۔۔ زکی نے دادی کی گود سے سر اٹھاتے ہوۓ کہا ۔۔۔۔
بیٹا مجھے یوں لگتا ہے کہ اس لڑکی کا تجھ سے کوئ بہت گہرا تعلق ہوگا ۔۔۔ وہ کوئ بہت ہی نیک لڑکی ہے ۔۔۔ خدا تجھے اس کے ذریعے راہ راست پر لانا چاہتا ہے ۔۔۔ دادی پرسکون سی بیٹھی زکی کو اپنا اندازہ بتا رہی تھی ۔۔۔۔
دادو ۔۔۔۔ اس لڑکی سے میرا کیا تعلق ۔۔۔۔ ایسا کیسے ہو سکتا ہے ۔۔۔ میں نے خواب کے علاوہ آج تک اس لڑکی کو نہیں دیکھا ۔۔۔۔ نہ میں کبھی کسی ایسی لڑکی سے ملا ہوں جو پردے کی اتنی پابند ہو ۔۔۔ اور نہ ہی کبھی ملوں گا ۔۔۔۔ میرا نہیں خیال کہ ایسا کبھی ہو سکتا ہے ۔۔۔۔ زکی نے شانے اچکاۓ ۔۔۔۔
نہیں بیٹا تو میری بات سمجھ نہیں پا رہا ۔۔۔ کبھی ملا نہیں ہے اس لڑکی سے ۔۔۔ مگر اس کا ہر گز یہ مطلب نہیں ہے کہ کبھی ملے گا بھی نہیں ۔۔۔۔ ہو سکتا ہے کہ قدرت تجھے اس لڑکی سے ملواۓ ۔۔۔۔ بیشک خدا ہر چیز پر قادر ہے ۔۔۔۔ دادی نے چہرے پر ہلکی سی مسکراہٹ رکھے اوپر کی طرف اشارہ کیا ۔۔۔۔
کیا ۔۔۔ دادو مجھے آپ کی باتیں سمجھ نہیں آتی ۔۔۔ پتا نہیں کیا کہہ رہی ہیں آپ ۔۔۔۔۔ زکی نے خاصے الجھے انداز سے کہا ۔۔۔
اچھا دادو آپ کو ایک بات بتاؤں ۔۔۔ جب میری آنکھ کھلی تو میں بہت زیادہ خوف ذدہ تھا ۔۔۔ پھر جب میں نے نماز پڑھی ۔۔۔ میں بہت ریلیکس ہو گیا ۔۔۔ جیسے کچھ ہوا ہی نہیں تھا ۔۔۔۔ مجھے نماز پڑھ کر بہت سکون ملا ۔۔۔۔ دادو آپ بلکل ٹھیک کہتی ہیں کہ نماز پڑھا کرو پھر تم بھی اس لڑکی کی طرح پرسکون ہو جاؤ گے ۔۔۔۔ اووف پھر سے وہ لڑکی ۔۔۔۔ کہاں سے آجاتی ہے ۔۔۔۔۔ زکی بات کرتے کرتے پھر سے الجھ گیا ۔۔۔۔
میرے بچے سمجھ جاۓ گا سب ۔۔۔ بس تھوڑا وقت دے خود کو ۔۔۔ خدا سے نور مانگا کر ۔۔۔ پھر وہ دے گا ۔۔۔ بے حساب دے گا ۔۔۔
*****************
کسی کو کچھ دینا ہی تحفہ نہیں ہوتا بلکہ کسی پر غصہ آجاۓ تو اس کا اظہار نہ کرنا کسی کے راز معلوم ہوں تو ان کو چھپالینا اور کسی کی عزت کو تار تار کرنے سے اپنی زبان کو بچانا بھی تحفہ ہی ہے ۔۔۔۔ روزانہ کی طرح آج بھی گوہر بیان دینے والی ترک لڑکی کو بڑے غور سے سن رہی تھی ۔۔۔۔
آج گوہر اکیلی آئ تھی ۔۔۔ نماز پڑھ کر جب گوہر اور فضےگل مسجد کے لۓ نکلنے لگیں تو گوہر کو فضے گل کی طبیعت کچھ ٹھیک نہیں لگ رہی تھی ۔۔۔ تو اس نے فضےگل کو گھر پر رک کر آرام کرنے کو کہا ۔۔۔۔
قرآن پاک پڑھنے کے بعد گوہر نے نقاب اوپر چڑھایا اور اپنا پرس پہن کر باہر آگئ ۔۔۔۔
◇◇◇◇◇◇◇◇◇◇◇◇◇
وہ جو لڑکی جا رہی ہے اس پر گراتے ہیں ۔۔۔۔ گوہر اپنے گھر جا رہی تھی کہ راستے میں کھڑے دو افریکی لڑکے ہاتھ میں چاۓ کا کپ اٹھاۓ اس پر ہنستے ہوۓ بولے ۔۔۔۔
ایک لڑکا آگے آیا اور گوہر کے اوپر گرما گرم چاۓ کا کپ انڈیل دیا ۔۔۔۔ جس سے گوہر کو بےحد تکلیف ہوئ مگر وہ کچھ بھی نہ بولی ۔۔۔۔ یہاں تک کہ وہ حقیقت بھی جانتی تھی کہ انہوں نے جانتے بوجھتے اس پر چاۓ گرائ ہے ۔۔۔ اس کے باوجود وہ کچھ بھی نہ بولی ۔۔۔۔
آئ ایم سو سوری ۔۔۔۔ جس لڑکے نے چاۓ گرائ تھی وہ ڈرامہ کرتے ہوۓ بولا ۔۔۔۔
اٹس اووکے ۔۔۔ گوہر یہ بول کر تیز تیز قدم ڈالتی ہوئ گھر پہنچی ۔۔۔۔
مرحبا بابا ۔۔۔ گوہر گھر پہنچی تو دروازے میں کھڑے اپنے بابا عامر سلطان کو مخاطب کیا ۔۔۔
کیا ہوا بیٹا ۔۔۔ اتنی جلدی میں کیوں ہو ۔۔۔ گوہر کے بابا نے اس کی آواز میں درد محسوس کیا اور گوہر کو ایسے جلدی میں گھر میں داخل ہوتے دیکھا تو پوچھا بنا رہ نہیں سکے ۔۔۔
گوہر نے آتے ہی سب سے پہلے عبایا اتارا ۔۔۔ اس کی دائیں بازو پر گرم چاۓ گرنے کی وجہ سے بہت جلن ہو رہی تھی ۔۔ اس کی بازو پر چھالے بننے لگے ۔۔ اتنی شدید تکلیف کے باوجود گوہر کے منہ سے اف تک نہ نکلی ۔۔۔۔
کچھ نہیں بابا ۔۔۔۔ گوہر نے بازو دھوتے ہوۓ کہا ۔۔۔
اس کے بابا کو تسلی نہیں ہوئ ۔۔۔ ان کو گوہر کی آواز سے اس کی تکلیف کا اندازہ ہو گیا تھا کہ ضرور کچھ ہوا ہے ۔۔۔۔ گوہر کوئ بات چھپانے کی چاہے لاکھ کوشش کر لے ۔۔۔ مگر اپنے بابا سے وہ کچھ نہیں چھپا سکتی تھی ۔۔۔
یہ کیا کیا بیٹا ۔۔۔؟ ۔۔۔ کیسے جل گئ ۔۔۔؟ ۔۔ ادھر دکھاؤ ۔۔۔ وہ اس کی جلی ہوئ بازو دیکھ کر خاصے پریشان ہوگۓ ۔۔۔ اور جلدی میں کمرے سے فرسٹ ایڈ باکس لینے چلے گۓ ۔۔۔
ہوا کیا ۔۔۔؟ تم تو مسجد گئ تھی ۔۔۔ اس کے بابا نے مرہم لگاتے ہوۓ پوچھا ۔۔۔
بابا وہ ۔۔۔میں ابھی گھر آرہی تھی ۔۔۔ راستے میں دو لڑکے کھڑے تھے ۔۔۔ مجھے دیکھ کر ہنسے اور چاۓ کا کپ میرے اوپر انڈیل دیا ۔۔۔۔ گوہر نے تکلیف برداشت کرتے ہوۓ بتایا ۔۔۔
او میرے خدایا ۔۔۔ یہ کس قسم کے لوگ ہیں ۔۔۔ انہیں ذرا رحم نہیں آیا ایسا کرتے ہوۓ ۔۔۔۔ شرم آنی چاہئے ۔۔۔ عامر سلطان نے افسوف کرتے ہوۓ کہا ۔۔۔۔
بیٹا اسی وقت مجھے بتانا تھا ۔۔۔ میں جا کر ان کی خبر لیتا ۔۔۔
بابا آپ پریشان مت ہوں ۔۔۔ میں بلکل ٹھیک ہوں ۔۔۔ اگر میں نے آپ کو ہی بلانا ہوتا اور ان لڑکوں کو مار پڑوانی ہوتی تو ۔۔۔ میں خود نہ ان کو کچھ کہہ دیتی ۔۔۔ یا شور کرتی اور آس پاس کے لوگوں کو اس سارے واقعہ کا پتا چلنے دے دیتی ۔۔۔
پھر مجھ میں اور ان غیرمسلموں میں کیا فرق رہ جاتا ۔۔۔ ہمارے مذہب نے ہمیں معاف کرنا سکھایا ہے ۔۔۔۔ صبر کرنا سکھایا ہے ۔۔۔ اس میں بھی بہتری ہی ہے ۔۔۔ شاید ان لڑکوں کو اپنی غلطی کا احساس ہو جاۓ کہ انہوں نے جانتےبوجھتے مجھ پر چاۓ گرائ اور میں نے ان کو معاف کر دیا ۔۔۔۔ اور وہ پھر کبھی ایسی حرکت نہ کریں ۔۔۔ گوہر پرسکون سی بیٹھی اپنے بابا کو اپنی بات سمجھا رہی تھی ۔۔۔۔
شاباش ۔۔۔ میرا بچہ ۔۔۔۔ میری بیٹی کب اتنی سمجھدار ہو گئ ۔۔۔ مجھے پتا ہی نہ چلا ۔۔۔ درد تو نہیں ہو رہا اب ۔۔۔ گوہر کے بابا نے اس کے سر پر پیار دیتے ہوۓ کہا ۔۔۔۔
◇◇◇◇◇◇◇◇◇
یارہ بجنے والے تھے ۔۔۔ اور زکی کو وجاہت علی کمال سے ملنے جانا تھا ۔۔۔ آج اس کو جلدی اٹھنے کا مسلہ نہیں ہوا ۔۔۔ کیونکہ وہ صبح سے جاگ ہی رہا تھا ۔۔۔۔ نماز پڑھنے کے بعد وہ جاگنگ پرچلا گیا تھا ۔۔۔ پھر سب کے ساتھ مل کر ناشتا کیا ۔۔۔ اتنے میں نو بج چکے تھے ۔۔۔ پھر اس نے آرام نہیں کیا ۔۔۔ اپنی تیاری میں لگ گیا ۔۔۔ اور ویسے بھی کہیں بھی جانے کے لئے اس کو تیار ہونے میں خاصا وقت لگتا تھا ۔۔۔۔
او ۔۔۔ نو ۔۔۔ یہ ٹریفک بھی ۔۔۔ لیٹ ہو رہا ہوں ۔۔۔۔ زکی ٹریفک میں پھنسی گاڑی میں بیٹھا ٹائم دیکھتے ہوۓ بولا ۔۔۔۔
سر کے لئے پھول لے لیتا ہوں ۔۔۔ اچھا رہے گا ۔۔۔ سامنے پھولوں کی دکان دیکھ کر اس نے من ہی من میں سوچا ۔۔۔
بھائ یہ والے پھول پیک کر دو ۔۔۔ کتنے ہوۓ ۔۔۔۔ زکی نے اپنی جیب سے بٹوا نکالتے ہوۓ پوچھا ۔۔۔۔
چھ سو روپے ۔۔۔ دکاندار نے زکی کو پھولوں کا گلدستہ تھماتے ہوۓ کہا ۔۔۔۔
تھینکس ۔۔۔ زکی نے پیسے دے کر مسکراتے ہوۓ کہا ۔۔۔
******
۔۔۔۔ دکان سے باہر نکلتے ہوۓ زکی کے قریب سے ایک بچہ تیزی سے سائیکل چلاتے ہوۓ گزر رہا تھا کہ زکی کے جوتوں پر تھوڑا سا کیچڑ گر گیا اور وہ اس بچے پر چلایا ۔۔۔۔
یہ کیا کیا تم نے ۔۔۔۔ سارے جوتے خراب کر دۓ میرے ۔۔۔۔
معاف کردو صاحب ۔۔۔ غلطی ہو گئ ۔۔۔۔ اس بچے نے سائیکل سے اتر کر زکی سے معافی مانگی ۔۔۔۔
شٹ اپ ۔۔۔ تمہارے ایسے معافی مانگنے سے میرے جوتے صاف ہو جائیں گے ۔۔۔۔۔ نفرت ہے مجھے اس گندگی سے ۔۔۔ اور دیکھو ذرا ۔۔۔ تم نے کتنا کیچڑ لگا دیا میرے قیمتی جوتوں پر ۔۔۔۔ تم لوگ اپنی اوقات میں کیوں نہیں رہتے ۔۔۔۔ زکی اس بچے پر چلاتے ہوۓ بولا ۔۔۔
بنا مٹی سے ۔۔۔ ملنا بھی تجھے مٹی میں ۔۔۔۔ پھر یہ اکڑ کیسی ہے ۔۔۔۔ اے انسان ۔۔۔۔ تجھے تیری اوقات تو اس دن پتا چلے گی جب لوگ ۔۔۔ تیرے اوپر مٹی ڈالیں گے ۔۔۔ اور تیرے اوپر ہی ہاتھ جھاڑیں گے ۔۔۔۔ زکی اس بچے پر چلا رہا تھا کہ ایک بزرگ پاس سے بولتا ہوا گزرا ۔۔۔۔