ایک ہفتے بعد۔۔
آج فجر،دانش اور ضامن،زمل کا نکاح تھا
ایک ہفتہ تیاریوں میں تیزی سے گزرا تھا
نکاح ایک ہی جگہ ہونا تھا،
نکاح میں گھر کے ہی لوگ تھے۔
قاضی صاحب بھی دوپہر تک آ چکے تھے۔۔۔
فجر اور زمل نے سیم ڈریسنگ کی ہوئی تھی۔۔۔۔وائیٹ شلوار قمیض اور سر پے ٹشو کا ریڈ ڈوپٹہ لیۓ ہوۓ ساتھ ۔۔لائیٹ میک اپ اور موتیوں کا زیور پہنے تینوں بہت حسین لگ رہی تھیں۔۔۔
جبکہ امل وائٹ شلوار قمیض کہ ساتھ ٹشو کا رائل بلیو کلر کا دوپٹہ گلے میں لیۓ،کھلے بالوں کہ ساتھ ایئررنگز پہنے ہوۓ تھی۔۔
“یار تم اپنا منہ بند کروگی پلیز،دلہن ہو تم سو پلیز زبان کو بریک لگاؤ”۔۔۔
امل زمل کہ مسلسل بولنے پہ چڑھ کہ گویا ہوئ
تو زمل نے منہ بنایا۔۔۔
تبھی زینب وہاں آئی تھی
“چلو لڑکیوں گھونگٹ اوڑھ لو۔نکاح کے لیے سب انتظار کر رہے ہیں”۔۔۔
کچھ ہی دیر میں گھر کے لاؤنج میں سب موجود تھے
پہلے دانش اور فجر کا نکاح ہوا اور،پھر ضامن اور زمل کا۔۔
نکاح ہوا تو سب ایک دوسرے کو مبارکباد دینے لگے تھے
“مبارک ہو میرے بھائ آخر تو نے اندے کنوئیں میں چھلانگ لگا ہی لی”۔۔
زاویار شرارت سے بولتے ہوۓ ضامن سے گلے ملا،تو اسکی بات سن کہ زمل بھی ہنس پڑی تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فجر ڈریسنگ کہ سامنے کھڑی موتیوں کہ زیور سے خود کو آزاد کررہی تھی
جبھی کوئ دروازے پہ دستک دیتا اندر آیا تھا
آنے والے کو دیکھ کہ اسے شدید حیرت ہوئ تھی
“آپ یہاں کوئ کام تھا”۔۔۔۔۔وہ ہاشم کو دیکھ کہ بولی۔۔
“کچھ بات کرنی تھی فجر”۔۔۔۔۔
وہ چلتا ہوا کمرے کہ وسط میں آکھڑا ہوا
فجر نے سوالیہ نظروں سے اسکی جانب دیکھا
“میں جانتا ہوں میں نے بہت غلط کیا تمہارے ساتھ،جب مجھے زینب سے ہی شادی کرنی تھی تو مجھے تم سے شادی کیلیۓ حامی بھرنی ہی نہیں چاہیۓ تھی،اور اگر حامی بھرلی تھی تو کم از کم ایسا نہیں کرنا چاہیۓ تھا مگر اس وقت جو سمجھ آیا وہ کرلیا،جو ہوگیا ہے اب وہ ٹھیک نہیں ہوسکتا ہے،اور جانتا ہوں ہمارے اس عمل سے سب کو تکلیف ہوئی مگر بہتر ہے کہ پہلے تم سے معافی مانگی جاتی”۔۔۔۔۔
“مجھے کسی سے کوئ شکایت نہیں ہے،شاید یہ سب کچھ ایسے ہی ہونا لکھا تھا”۔۔۔۔وہ مسکرا کہ بولی
ہاشم نے سکون کا سانس لیا،اسے خود پہ سے ایک بوجھ سرکتا ہوا محسوس ہوا۔۔۔
“تھینکس”۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امل اور زمل کمرے میں پہنچی ہی تھیں کہ دروازے پہ دستک ہوئی۔۔۔دونوں نے ایک دوسرے کو دیکھا
“آپ کہ سیّاں جی ہونگے”۔۔۔امل بولتے ہوۓ دروازے کھولنے بڑھی۔۔
“جی ضامن بھائ کیا کام ہے”۔۔۔امل ایک ہاتھ کمر پہ ٹکا کہ بولی
“تم ابھی تک یہاں ہو میں تو سمجھا تھا کہ ابھی تک زاویار کا سرپھاڑ چکی ہوگی تم”۔۔۔۔ضامن مصنوعی حیرت طاری کرتا ہوا بولا
“کیوں بھئ ایسا کیا ہوا”
“تمہارا مذاق اڑا رہا ہے وہ وہاں”۔۔۔
“کیا اس بندر کو میں ابھی بتاتی ہوں”۔۔۔
وہ جلدی سے کمرے سے باہر نکلی،اور ضامن اندر آیا اس کہ اندر آتے ہی زمل کا دل زور سے دھڑکا
“سنا ہے آج آپ کا نکاح ہوا ہے”۔۔اس کا روپ آنکھوں میں سموتے وہ ذرا سا جھک کہ بولا
“جی بلکل ٹھیک سنا ہے”۔۔۔۔وہ مسکراہٹ دباتے بولی
“بہت پیاری لگ رہی ہو”۔۔۔کہتے ساتھ اسکا لرزتا ہاتھ تھاما
“وہ تو میں ہمیشہ سے لگتی ہوں”۔۔۔
زمل ایک ادا سے سرجھٹکتے ہوۓ بولی تو وہ ہنس دیا،
“نکاح مبارک ہو”۔۔۔وہ اس کہ ہاتھ میں انگوٹھی پہناتے ہوۓ بولا
“خیر مبارک”۔۔۔شرماتے ہوۓ بولی
“افف آپ شرماتی بھی ہیں”۔۔۔وہ اپنا ہاتھ دل پہ رکھ کہ ایکٹنگ کرتے ہوۓ بولی تو وہ ہنس پڑی۔۔۔تبھی امل شور مچاتے ہوۓ وہاں آئ
“ضامن بھائ کتنے جھوٹے ہیں آپ،اسنے کچھ نہیں کہا”
“کبھی جو یہ صحیح ٹائم پہ ٹپکے”۔۔۔۔وہ زمل کو بول کہ وہاں سے نکل گیا۔۔۔
“عجیب آدمی ہے یار”۔۔۔امل ہاتھ اٹھاتے ہوۓ بڑبڑائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انکے نکاح کو آج تیسرا دن تھا، فجر اور دانش کی آج مہندی تھی،احمد ہاؤس میں خوشیوں کی بہار آئی ہوئی تھی اس گھر کو روشنیوں سے منور کر دیا گیا تھا۔چاروں طرف روشنیاں جھلملا رہی تھیں۔پھولوں سے کی گئی سجاوٹ دیکھنے لائق تھی۔خوشبو کا چار-سو راج تھا۔۔
سب کہ چہروں پر خوشی کی چمک تھی
زمل فجر کو تیار کرنے بیٹھی ہوئ تھی تبھی فجر مہندی کا لباس پہنے وہاں آئ۔لہنگا شرٹ ملٹی کلر کا تھا۔مختلف رنگوں کا خوبصورت کنٹراسٹ تھا ۔کمر تک آتی شرٹ جسکی آستینیں پوری تھیں اور پیروں کو چھوتا لہنگا اس پر بے حد جچ رہا تھا۔
“اللہ آپی کتنی پیاری لگ رہی ہیں آپ۔” امل اسے دیکھ کر خوشی سے بولی
پھر زمل اسے تیار کرنے لگی
“پیارا سا تیار کرنا چڑیل نہ بنانا”۔۔۔امل نے کہا تو زمل نے اسے ایک گھوری سے نوازا۔۔
وہ مکمل تیار ہو چکی تو شیشے میں اپنا آپ دیکھ کہ حیران ہوگئی۔اتنی سج دھج کے وہ بہت حسین لگ رہی تھی۔امل اور زمل نے اسکے لیے تعریفی کلمات کہے تو وہ مسکرا کر سر جھکا گئی۔
مہندی کا پروگرام زور و شور سے جاری تھا۔۔
سن نے مل کہ خوب انجواۓ کیا تھا،ابھی بھی امل اور زمل ہاتھوں کو ابٹن سے رنگے سب کو رنگنے کہ بعد زاویار کہ پیچھے بھاگی تھیں،
اور انکو اپنی جانب آتے دیکھ کہ اسنے بھی دوڑ لگادی تھی
“ضامن اپنی بیوی سنبھال یار”۔۔۔
وہ بھاگتے ہوۓ لاؤنج میں آیا،اور ضامن کو دیکھ کہ چلایا
“اوۓ ضامن بھائ تو رہ گۓ”۔۔۔۔امل ہلکے سے بولی
پھر ایک دوسرے کو کچھ اشارے کرتیں ضامن کہ پاس آئیں
“بلکل نہیں سوچنا بھی مت”
وہ ان دونوں کو اپنی جانب آتے دیکھ کہ بولا
“یار لگوالیں نہ”۔۔۔امل نے کہا
“ایک شرط پہ”۔۔۔
“کیسی شرط”۔۔۔۔وہ دونوں ساتھ بولیں
“پھر زمل مجھ سے لگواۓ گی”۔۔۔۔وہ آنکھوں میں شرارت لیۓ بولا
“ہاں ٹھیک ہے”۔۔۔امل نے حامی بھری
“کیا ٹھیک ہے ایس کچھ نہیں ہورہا”۔۔۔۔زمل نے کہا تو ضامن نے اسے بازوؤں سے پکڑ کہ اپنے حصار میں لیا اور امل نے ضامن کہ ساتھ ساتھ زمل ہ بھی اپنا ہاتھ صاف کیا۔۔۔۔وہ خود کو بچانے کی کوشش کرتے ہوۓ چلّائی تو وہ سب قہقہہ لگاگۓ ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاتح کھیم کرن، شامی مینار، اور اصل اتر کا عبدالحمید بابا بلھے شاہ کے قصور سے
لاہور سے فیروز پور روڈ پکڑلیں تو کاہنہ سے قصور کی طرف آدھا راستہ اِدھر آدھا اُدھر مصطفیٰ آباد کا...