خوشبو کی پھوار

سر ایک ہاتھ پر گرائے بیٹھا وہ آٹھویں سگرٹ پی رہا تھا جب دروازے پر ہونے والی دستک نے اسے سخت بدمزہ کر دیا تھا ۔۔۔ مگر اگلے ہی پل وہ دروازے کی طرف دوڑ پڑا تھا ۔۔۔۔۔۔ یقیناً منان آیا تھا اور اس وقت اسے منان جیسے اچھے دوست کی ہی ضرورت تھی ۔۔۔۔۔۔ جس سے باتیں کر کے وہ اپنا دھیان بٹا سکے ۔۔۔۔۔۔ ذہن کے پردے سے وہ گزارش کرتی آنکھیں ہٹ جائیں ۔۔۔ کانوں میں گونجتی وہ منتیں مر جائیں ۔۔۔۔!!!
“کیا بات ہے ۔۔ ؟ اتنا برا منہ کیوں بنایا ہوا ہے ۔۔۔؟؟”
“بس اس ہینڈسم چہرے سے اکتاہٹ ہو رہی تھی اس لیئے۔۔۔۔۔!!”
جبراً شوخی سے کہتا وہ منان کے ابرو اچکا کر گھورنے پر جواباً آنکھیں سکیڑ کر گھورنے لگا ۔۔۔۔ مگر لب مسکرا رہے تھے ۔۔۔۔!!
“یہ جو تم اتنا مسکرا رہے ہو ۔۔۔ کون سا غم ہے جو چھپا رہے ہو ۔۔۔؟؟؟؟”
“ابے ہٹ نہ ۔۔۔ پارس اور غم دو متضاد چیزیں ہیں ۔۔۔!”
منان کی طرف حرام مشروب بڑھا کر وہ منان کی نظروں میں دیکھنے سے گریز کر رہا تھا ۔۔۔۔
“مگر مجھے یہ دونوں چیزیں آج ساتھ نظر آ رہی ہیں ۔۔۔۔۔ کیا بات ہے ۔۔۔؟؟”
منان نے مشروب سائڈ رکھ دیا تھا ۔۔ کیونکہ جب وہ پینے پر آتا تو پیتا چلا جاتا ۔۔ اور نتیجتاً ہوش و خروش سے بیگانہ ہو جاتا ۔۔۔ اور اس وقت اسے پارس کے انداز میں کچھ تو نظر آیا تھا جو وہ مدہوش ہونے کا خواہشمند نہیں تھا ۔۔۔۔۔!!
اس سے پہلے کے منان کچھ پوچھتا وہ خود ہی تھکے تھکے سے انداز میں مخاطب ہوا تھا ۔۔۔
“منان !! تمہیں یہ سب کرتے ہوئے کبھی کسی لڑکی میں اٹریکشن محسوس ہوئی ہے ۔۔۔۔؟ آئی مین کبھی کسی کے ساتھ یہ سب کرتے ہوئے دل دکھا ہو ۔۔ ترس آیا ہو کسی پر ۔۔۔؟۔؟
دل انکاری ہوتا ہو ۔۔۔۔؟؟؟”
منان پارس کے منہ سے ایسی بات سن کر دنگ رہ گیا تھا ۔۔۔۔
کچھ نا کچھ بات تو تھی لیکن ایسی بات ۔۔۔!!
ایسی بات کی امید وہ پارس سے کبھی نہیں کر سکتا تھا ۔۔۔۔
یہی وجہ تھی کہ جواب دینا بھول کر وہ ٹکر ٹکر اس کی صورت تکتا رہ گیا تھا ۔۔۔!
“کچھ پوچھا ہے میں نے ۔۔۔۔!”
پارس اس کے دیکھنے پر گڑبڑا گیا تھا اور اپنی یہ گڑبڑاہٹ آواز میں غصہ پیدا کر کے دبا رہا تھا ۔۔۔۔!
“اپنے سوال کو مار گولی ۔۔۔ یہ بتا کہ تو رو کیوں رہا ہے ۔۔۔۔۔۔؟؟؟”
“رو ۔۔۔؟؟؟ آر یو کڈنگ ۔۔۔؟”
پارس پل میں بگڑا تھا لیکن ۔۔۔۔۔ گال سے لڑھک کر ہونٹوں پر برستا وہ نمکین پانی اسے ساکت کر گیا تھا ۔۔۔!!
اس نے آنسو صاف نہیں کیا تھا ۔۔ پی لیا تھا ۔۔۔۔۔!!
نچلا لب کچلتا وہ بے یقین تھا ۔۔۔۔ اس حقیقت کو تسلیم کرنے سے انکاری تھا ۔۔۔۔ مگر زبانی کلامی انکار پر دل کے ہنسنے کی آواز بڑی شدید آتی تھی ۔۔۔۔!
“مجھے کچھ سمجھ نہیں آ رہا مون !! مجھے سمجھا اور یقین دلا جو مجھے لگ رہا ہے ۔۔۔۔۔ ایکچلی ایسا کچھ ہے نہیں ۔۔۔!!”
وہ عجیب گھبرائے ہوئے انداز میں اس کا گھٹنہ پکڑ کر بولا تھا ۔۔۔۔۔!
“کیا لگ رہا یے تجھے ۔۔۔؟؟؟”
منان کو اس کی اچانک ہونے والی کیفیت سے گھبراہٹ ہونے لگی تھی ۔۔۔۔۔
“مجھے ۔۔؟؟ مجھے پتہ نہیں ۔۔۔۔ پتہ نہیں ۔۔ کچھ سمجھ نہیں آ رہا کیا لگ رہا ہے ۔۔۔؟ کچھ بھی تو سمجھ نہیں پا رہا میں ۔۔!!!!
میں بہت دیر تک وہ پانچ لاکھ روپے اپنے سامنے رکھے ۔۔۔۔ بہت دیر تک دیکھتا رہا میں ۔۔۔! مگر میرا دل خوش نہیں ہو رہا تھا ۔۔۔۔!
ایسا کیوں مون ۔۔؟
کبھی تیرے ساتھ ہوا ہے ایسا ۔۔؟؟”
“میں۔۔۔۔۔۔”
“ہاں بولنا ۔۔! پلیز مون ہاں بولنا ۔۔۔۔!!!”
منان کو کچھ بولنے سے پہلے ہی وہ منتی سے انداز میں بولتا منان کو بہت کچھ سوچنے پر مجبور کر رہا تھا ۔۔۔۔!
اس سے پہلے کے منان اس کے دل کی آوازوں پر مہر لگا دیتا سامنے ٹیبل پر رکھا پارس کا فون چنگھاڑنے لگا ۔۔۔
دونوں ہی نے ناگواری سے فون کی طرف دیکھا تھا مگر فون کرنے والے کا نام پڑھ کر پارس نے جھپٹ کر فون اٹھایا تھا اور کال ریسیو کی تھی ۔۔۔
***************
پولیس کے رویئے نے ساشہ کا دل توڑ دیا تھا ۔۔۔۔۔ ایک تو ویسے ہی وہ بہت مشکل سے خود میں وہ اعتماد پیدا کر پائی تھی ۔۔۔ جو پولیس سٹیشن پہنچ گئی تھی مگر پولیس ۔۔۔!!!
پولیس کا کہنا تھا ۔۔۔ اور اتنا غلیظ کہنا تھا ۔۔۔۔!
وہ کہتے تھے میشا خود ہی بھاگ گئی ہے اپنے کسی عاشق کے ساتھ ۔۔۔۔؟؟؟ وہ انتظار میں تھے کب انہیں پارس کی لاش ملے ۔۔۔۔۔۔
آج کل کی لڑکیوں کا یہی کھیل ہے ۔۔۔ پسند کی شادی نہیں ہوئی تو شوہر کا ستیاناس کر دیا اور بھاگ نکلیں ۔۔۔۔۔۔۔۔!!!
وہ سوچ کر رہ گئی کہ ایک بار اس گھر میں جا کر دیکھیں جسے پارس نے اپنا بتایا تھا ۔۔۔ وہ کچھ کریں تو صحیح ۔۔۔۔۔ خالی فروضوں پر تو کیس نہیں نبٹتتے ۔۔۔۔۔۔
مگر اسے اندازہ ہو گیا تھا پولیس کو کیس میں دلچسپی ہی نہیں ۔۔۔
میشا کسی سیاستدان کی اولاد تو تھی نہیں ۔۔۔۔۔
اور پاکستان میں انسان صرف سیاستدان اور ان کے اہل و عیال ہی تو ہوتے ہیں ۔۔۔۔۔!!!!
“میری بہن ایسی نہیں ہے ۔۔۔۔ کوئی کیوں نہیں سمجھتا ۔۔۔!!
وہ تو ایسی تھی جس کے حوصلے کی ضرورت اماں کو بھی پڑتی تھی ۔۔۔۔
لوگ ایسی بستیں کیوں کرتے ہیں ۔۔۔ کیسے کرتے ہیں ۔۔۔ ؟؟”
ان ہی سوچوں میں الجھی وہ گھر پہنچی تو گھر پر ایک الگ ہی تماشہ لگا تھا ۔۔۔۔۔۔۔!
*************
“کیا مطلب بھاگ گئی ۔۔۔۔۔۔؟
ایسے کیسے پھر سے بھاگ گئی ۔۔۔۔۔ ؟؟؟
اس دن تو آپ اکیلے تھے ربانی صاحب ۔۔۔۔۔۔! آج تو آپ کے یہ دو دو مسٹنڈے گارڈز ساتھ تھے ۔۔۔!!
انہیں چوڑیا پہنا کر گھر پر کیوں نہیں بٹھا لیتے ۔۔۔۔ ؟”
منان کی اس بات پر دونوں سانڈ بپھر کر رہ گئے ۔۔۔۔!
یہ منان ہی تھا جو چیخ چیخ کر بات کر رہق تھا ۔۔۔!
پارس تو یہ ہی نہیں سمجھ پا رہا تھا کہ میشا کے ایک بار پھر سے بھاگ جابے پر خوشی بنائے یا خوف کھائے ۔۔۔
وہ پولیس کے پاس چلی گئی ۔۔ اپنے گھر پہنچ گئی تو ۔۔۔؟؟
اس کی پشت پناہی بآاثر لوگ کر رہے تھے ۔۔۔۔۔ پولیس اس کو سخت سزا دینے کی اہل نہیں تھی مگر اس کا چہرہ میڈیا میں ضرور آ جائے گا ۔۔۔ پھر وہ کیا کرے گا ۔۔۔۔؟؟
اور خوشی کیوں تھی یہ تو اب بتانے کی ضرورت ہی نہیں تھی ۔۔۔۔!
اطمینا اس کے وجیہہ چہرے پر جھلک رہا تھا جسے چھپانے کے لیئے منان اس کے سامنے کھڑا تھا ۔۔۔۔!
“یہ گھامڑ تو سدھ بدھ گنوائے کھڑا ہے ۔۔”
منان دل ہی دل میں پیچ و تاب کھا رہا تھا ۔۔۔
“زیادہ بک بک کرنے کی ضرورت نہیں ہے ۔۔۔ ہمارے ہی پیسوں پر پلتے ہو ۔۔۔!”
ربانی بھڑک اٹھا تھا ۔۔۔۔
“تو مفت میں تو نہیں دے دیتے ۔۔۔ دنیا جہان کا حسن لا کر تم جیسوں کے قدموں میں ڈال دیتے ہیں ۔۔۔۔!”
منان ناجانے کون کون سے حساب بے باک کرنے ہر تلا تھا ۔۔۔۔
اس کی ہمت پر پارس نے بھی دنگ ہو کر اسے دیکھا تھا ۔۔۔!
“بکواس بند کر حرام خور ۔۔۔۔!!”
ربانی کی دہاڑ سے گھر سے در و دیوار لرز اٹھے تھے ۔۔۔
پارس کو لگا اگر وہ اب بھی کچھ نا بولا تو معاملہ کنٹرول سے باہر جائے گا ۔۔
“اب آپ کیا چاہتے ہیں ۔۔۔؟
ہمارا کام آپ تک لانا تھا ۔۔۔ پھر وہ آہ کی ذمہ داری بنتی ہے ۔۔۔۔!”
یہ کہتے ہوئے پارس کے چہرے پر کئی رنگ آئے تھے جس کا اسے خود بھی اندازہ تھا ۔۔۔
“مجھے میرے پیسے واپس کرو بس یہی چاہتا ہوں ۔۔!”
ربانی کی یہ بات سن کر پارس کا دل کیا بھنگڑا شروع کر دے ۔۔۔۔ پیسے لا کر اس کے سیاہ شیطانی منہ پر مار دے ۔۔۔ مگر اگر وہ ایسا کرتا تو میشا کی ہی مصیبتیں بڑھتیں ۔۔۔۔۔!
ایسے کیسے پیسے واپس کر دیں ۔۔؟
ہم نے تو ہمارے حصے کا کام کیا نہ ۔۔؟”
مجھے کچھ نہیں معلوم بس پیسے دو میرے ۔۔۔۔ تین دن تک ڈھونڈ سکتے ہو اسے تو ڈھونڈ دو ۔۔۔ پھر چانڈیو صاحب آ جائیں گے اور سیاسی مصروفیات شروع ہو جائیں گی ۔۔۔۔۔! صرف تین دن ۔۔ نہیں تو پیسے واپس ۔۔!!”
خاموشی سے سر ہلا کر وہ اس محل سے باہر نکل آیا تھا ۔۔۔ سب سے پہلے اس نے جبڑے کس کے اپنا چہرہ ہاتھوں میں چھپا کر اللہ کا شکر ادا کیا تھا ۔۔۔ اور پھر منان کے کچھ کہنے سے پہلے اسے چپ رہنے کا اشارہ کر کے ہمدانی کو کال لگائی تھی ۔۔۔
“سر ۔۔۔ اسلام علیکم ۔۔۔ ”
“وعلیکم سلام میرے شہزادے ۔۔۔۔”
دوسری طرف سے بڑا چہک کر جواب دیا گیا تھا مگر پارس جانتا تھا حالات جاننے کے بعد اس پیسے کے پجاری کا موڈ بلکل آف ہو جانا تھا ۔۔۔
اور ہوا بھی یہی ۔۔۔۔!
“اس لڑکی کو ڈھونڈنے کی کوشش کرو ۔۔ نہ ملے تو دو لاکھ اسے واپس کرو ۔۔۔۔۔
اگر اکڑ دکھائے تو مجھ سے بات کروانا ۔۔۔ اس کے ہی ایسے ایسے راز اسے سنائوں گا ۔۔۔ ساری اکڑ نیچے سے باہر نکل جائے گی ۔۔!”
“جی سر ۔۔۔۔!”
مطمئین ہو کر اس نے کال کاٹی تھی پھر وہ منان سے مخاطب ہوا تھا۔۔۔
“ربانی اور سر اپنے ذرائح سے بھی اسے ڈھونڈنے کی کوشش ضرور کریں گے ۔۔۔۔ اور مجھے یقین ہے ۔۔ ربانی نے اسے ڈھونڈ لیا تو اس بات کی بھنک بھی نہیں پڑنے دے گا ہمیں ۔۔۔۔۔۔ ہمیں اسے ڈھونڈنا ہے ۔۔۔۔ پہلے اس جنگل کا چپہ چپہ چھان مارنا ہے ۔۔۔۔ وہ دن کی روشنی میں بھاگنے کے بعد بھی ربانی کے ہاتھ نہیں آئی تو اس سے یہی ثابت ہوتا ہے کہ اس نے جنگل کا رخ کیا تھا ۔۔۔۔!”
وہ آنکھوں میں ڈھیروں چمک لیئے نکھرے نکھرے جنگل کو گھور رہا تھا اور پیچھے کھڑا منان گم صم رہ گیا تھا ۔۔۔ ناجانے کیوں ۔۔؟
**************
“تم ۔۔۔۔؟ تم یہاں کیا کر رہے ہو ۔۔۔؟”
ساشہ صحن میں پلنگ پر محو استراحت عباس کو دیکھ کر دنگ رہ گئی تھی ۔۔۔۔ خوف اور غصہ ایک ساتھ حاوی ہوا تھا ۔۔۔۔!
“کیا بات ہے ۔۔۔؟ کیسے آپ سے تم پر آ گئے ۔۔۔ نا میری چھمیا تیری بیٹی کا باپ تو اب بھی ہوں نہ ۔۔؟ یا میری نہ ہو وہ الگ بات ہے ۔۔۔۔!!”
چھوٹے بہن بھائیوں کے سامنے ایسی گھٹیا بات پر اہانت کے احساس سے ساشہ کی آنکھیں چھلک پڑی تھیں ۔۔۔۔۔۔
“تم۔۔۔۔ تمہی۔۔۔۔ تمہیں بلکل ۔۔۔ بلکل بھی شرم ۔۔۔۔۔ بھی شرم نہیں آتی ۔۔۔؟؟”
کتنی مشکل سے اس نے یہ الفاظ ادا کیئے تھے ۔۔۔۔ حلق میں آنسئوں کا گولہ تھا جو اٹکا تھا ۔۔۔۔
سانس لینا دوبھر ہو رہا تھا ۔۔۔ بولنا کیسے آسان ہوتا ۔۔۔!!
“شرم کی بات تم جیسوں کے منہ اچھی نہیں لگتی ۔۔۔۔ جس کی بہن شادی کے بعد پہلی ہی رات شوہر کا کام تمام کر کے عاشق کے ساتھ بھاگ نکلے ۔۔۔۔”
خدا جانے یہ گھٹیا کس بے غیرت کے چھوٹے سے ذہن میں سب سے پہلے آیا تھا ۔۔۔۔۔ مگر ان کی بنی بنائی عزت خاک میں مل گئی تھی نہ ۔۔۔۔۔ اس کی بہن جو ناجانے کتنی اذیت میں ہوگی اس کے خلاف کیا کیا گھٹیا باتیں کہی جا رہی تھیں ۔۔۔۔۔۔۔ اور اتنے یقین سے کی جا رہی تھیں جیسے سب آنکھوں دیکھا ہو ۔۔۔۔۔!!
“میری بہن کے متعلق اتنی گھٹیا بات دوبارہ مت کرنا میں منہہ نوچ لوں گی تمہارا ۔۔۔۔۔!”
ساشہ چیخ ہی تو پڑی تھی ۔۔۔ خود کے لیئے نہ سہی اپنے اپنوں کے لیئے اس میں کچھ نہ کچھ ہمت ضرور تھی ۔۔۔۔
پھر علیشہ بھی گھر پر نہیں تھی ۔۔۔۔ اس نے سلائی سینٹر جوائن کر لیا تھا ۔۔۔۔۔۔ سو جو ہمت کرنی تھی اسے ہی کرنی تھی ۔۔۔
“واہ میری شیرنی واہ !
نہیں کرتے تیری بہن کا ذکر صرف تیرا میرا کرتے ہیں ۔۔۔۔
میں گھر کی مالک مکان کو کرایہ دے دوں گا ۔۔۔ تو میرے ساتھ چل ۔۔۔۔۔!!”
“عباس !!!
کتنے بھی برے صحیح مگر مسلمان تو ہو ۔۔۔۔!!! کچھ علم ہے دین کا یا نہیں ۔۔۔؟ طلاق ہو چکی ہے ہماری ۔۔۔ حرام ہیں ہم ایک دوسرے پر ۔۔۔۔۔ کچھ تو حیا کر لو ۔۔۔۔ تمہاری بیٹی کی ماں ہوں میں ۔۔
ایک عرصہ تمہارے نکاح میں رہی ہوں ۔۔۔! کچھ تو میری عزت کا لحاظ کر لو ۔۔۔۔!!!!”
آخر میں ساشہ سر ہاتھوں میں گرا کر پلنگ پر گرنے کے سے انداز مں بیٹھ گئی تھی ۔۔۔۔
“اب ایسا بھی گیا گزرا نہیں جتنا تو نے مجھے سمجھا یے ۔۔۔!
آفتاب کا پتہ ہے نہ تجھے ۔۔؟ میری خالہ کا لڑکا ۔۔۔؟؟؟ وہ راضی ہے حلالہ کروانے کے لیئے ۔۔۔ بس تو مان جا ۔۔!”
“یا اللہ میں کیا کروں اس شخص کا ۔۔۔؟؟؟ ایسا حلالہ جائز نہیں ہوتا عباس ۔۔! جائز نہیں ہوتا !”
“آج کل کے زمانے کا تجھے پتہ نہیں یے کیا کیا ناجائز حلال ہو گیا ہے ۔۔۔۔ !!
اب اتنا تو چلتا ہے ۔۔۔!”
“زمانہ غلط ڈگر پر چل رہا ہو تو ایسے زمانے کو آگ لگا دینی چاہیے ۔۔۔۔۔ دین کے اصول جو کل تھے وہی آج ہیں گے ۔۔۔ وہی ہمیشہ رہیں گے ۔۔۔۔!!
اب نکلو یہاں سے ۔۔۔”
“اچھی طرح سوچ لے او نیک بی بی ۔۔۔!
ابھی جب میں آیا تو گھر کی مالک مکان یہاں ان سب کو ذلیل کر رہی تھی ۔۔۔۔ میں نہ آتا تو ایک نا ایک کو جڑ بھی چکی ہوتی ۔۔۔ اچھی طرح سوچ کر جواب دے ۔۔۔ کہاں سے انتظام کرے گی تیرہ ہزار کا ۔۔۔؟؟ وہ تو تجھے نکال دے گی باہر ۔۔۔۔ پھر اپنی اس پلٹن اور حسن کو لے کر روڈ پر بیٹھے گی ۔۔۔۔؟؟؟ یاد رکھنا ۔۔۔! اس حسین چہرے کے ساتھ تجھے بھیک نہیں ملے گی بلکہ ۔۔۔۔۔۔۔۔۔۔”
“دھڑام ۔۔۔۔۔!!!!”
داخلی دروازہ ایک جھٹکے سے کھلا تھا ۔۔ سامنے ہی شبنم خالہ استینیں چڑھائے موجود تھیں ۔۔۔۔!
“تین دن ہو گئے ۔۔۔ کہاں ہے کرایہ ۔۔۔ ؟؟؟؟”
“خالہ وہ ۔۔۔۔۔”
ساشہ کا سر پھٹنے لگا تھا دو دو مصیبتیں ایک ساتھ سر پر دیکھ کر ۔۔۔
“کیا وہ ۔۔۔؟ ہاں کیا وہ ۔۔۔؟؟
تین دن ہو گئے ۔۔۔ ہمارا راشن ختم ہوا پڑا ہے ۔۔۔ میرا میاں یہ گھر ہمارے سہارے کے لیئے چھوڑ گیا تھا یا ترس کھانے کے لیئے ۔۔۔۔۔؟”
“سن ساشہ ! مان جا ۔۔۔۔ کرایہ اس کے منہ پر نکال ک ماروں گا پھر کبھی ایسے ذلیل کرنے سے پہلے دس بار سوچے گی قسم سے۔۔۔۔!”
عباس کو بھی موقع مل گیا تھا گویا ۔۔۔۔!
“مجھے ابھی کہ ابھی کرایہ دو ورنہ نکل جائو یہاں سے ۔۔۔۔!”
“ہمارے نکل جانے سے آپ کو پیسہ تو نہیں مل جائے گا ۔۔۔۔!! پلیز کچھ دن اور ۔۔۔۔۔!!!”
عباس کو بلکل نظر انداز کیئے وہ صرف مالک مکان سے مخاطب تھی ۔۔
“تمہارے نکل جانے سے مجھے کیا ملے گا کیا نہیں ۔۔ یہ تمہارا مسئلہ نہیں ہے ۔۔۔۔۔ مجھے تیرہ ہزار ابھی میرے ہاتھ پر چاہئیں ۔۔۔۔!!”
“ہاتھ کی بات کرتی ہے ۔۔۔ میں اس کے منہ پر ماروں گا تیرہ ہزار ۔۔۔۔ تو مان جا ۔۔۔!!”
“کرایہ دو ۔۔”
“تو مان جا ۔۔!”
“کرایہ دو ۔۔”
“تو مان جا ۔۔!”
“کرایہ دو ۔۔”
“تو مان جا ۔۔!”
اس چخ چخ نے جب ساشہ کی برداشت بلکل ہی ختم کر دی اور جب اسے لگنے لگا وہ یونہی کھڑے کھڑے پاگل ہو جائے گی ۔۔۔۔ تب آگ اگلتے لفظوں پر بھینی بھینی سی خوشبو کی پھوار برسی تھی ۔۔۔۔۔
سب کی نظریں بے ساختہ ہی دروازے پر پڑی تھیں جہاں وہاں وہ موجود تھا ۔۔۔۔!
صحن میں ایسی خاموشی چھائی تھی جیسے وہاں کبھی کوئی آواز ہوئی ہی نہ ہو ۔۔۔!!!
“پارس بھائی ۔۔؟؟”
****************