(Last Updated On: )
خدا کیڈا سوہنا بنایا ترا مکھ
پڑھے نعت جیس دی یوسف جہیا مکھ
گناہواں دی دھپ کر گئی اے تراما
کریما وکھاوے کرم دی گھٹا مکھ
بلا دی ہے گھُٹ ساہ امت دا گھُٹدی
وکھونا کدوں تیرے در دی ہوا مکھ
بڑا دل ریاڑی کہ رٹ اکو لائی
وکھا چا وکھا چا وکھا سوہنیا مکھ
خطا ای خطا آپ دے پیش ہوؤو
وکھاوے تے کیویں وکھاوے گدا مکھ
گنہگار جا کے کدے دکھ سنوسن
تسیں ساتھوں آقا بھنوا جے لیا مکھ
مہک دسدی اعجازؔ دل دے نگر وچ
نظر ویکھیا نئیں پر آیا ترا مکھ
