خدا کے واسطے سوچو

تیرے اس نرم دل کو تو ڑتا ہے سخت سا لہجہ
جگر پارے کی دوری سے جگر دو لخت ہے تیرا
تجھے بابل کا آنگن یاد آ آکر رلاتا ہے
کوئی تکلیف میں ہو، روح تیری درد کرتی ہے
پرندوں، ننھے بچوں میں تو ڈھونڈ ا کرتی ہے خوشیاں
میّسر ہے مگر تجھ کو مسّرت کتنے لمحوں کی
تیری زلفیں پریشاں ہیں
تیری آنکھوں میں حلقے ہیں
بہانے ڈھونڈتا ہے دل ترا آنسو بہانے کے
خدا نے کتنی محنت سے بنایا تھا کبھی تجھ کو
تجھے خود سے محبت آج تک کرنا نہیں آئی
خدا کے واسطے سوچو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔