خدا اور عقل

جب خدا عقل میں نہیں آتا
پھر کہ ہم کس طرح مکلف ہیں؟
دیر و کعبہ میں کیسا جمگھٹ ہے؟
مکہ اور کاشی میں رکھا کیا ہے؟
کیسے نازل ہوا کلام مجید؟
جب کسی طور بھی نہیں ممکن
بندے سے رابطہ خدا کا یہاں
کیا حقیقت ہے اِن تماشوں کی
جو کئی صدیوں سے جاری ہیں
کیا یہ سب جھوٹ کی تجارت ہے؟
یا کہ چند شاطروں کی چال ہے یہ؟
کچھ تو ہم کو بھی راہ دکھلاؤ
راہبرو! اے ہمارے ہم نفسو
کوئی رستہ جو سیدھا پہنچائے
ہم کو بھی یاں خدا کی بستی میں
کوئی الفاظ جن میں ہوں پنہاں
پختہ ایمان کے صریح معانی
کوئی ایسا یقین کامل ہو
جو بنا دے ہمارے دل کو بھی
ایسی محفل جہاں خدا کا کلام
خود خدا آ کے ہم کو سنوائے
اپنی آیات اپنی گیتائیں
اپنا الہام اپنی بپتائیں
٭٭٭