خوب صورت طرح بِساط

میرپورہ کالج کی تاریخ کا پہلا شمارہ نکالنا پروفیسر فرہاد احمد فگارؔ کی صلاحیتوں کا بیّن ثبوت ہے۔ ”بِساط” کی اشاعت عزیز گرامی پروفیسرفرہاد احمد فگارؔ کی قابلِ ستائش کاوش ہے۔ یاد رکھنے کا شکریہ۔ خوب صورت سرورق کے ساتھ مجلہ میری میز پر میری عدم موجودگی میں کہیں آپ کی آمد کی نشان دہی کررہا ہے اور آپ کے حسنِ ذوق کی عکاسی بھی کررہا ہے۔ ایک یادگار کے طورپر وادی نیلم کی زرخیز سرزمین کے باب الداخلہ میں قائم میرپورہ کالج میں آپ نے جو طرح ڈالی ہے وہ ہمیشہ لوگوں کو آپ کی یاد دلاتی رہے گی۔(۳۰،جون،۲۰۲۱ء)
٭٭٭