(Last Updated On: )
خیال جا توں مدینے بہار بن کے آ
میں بے قرار بتیراں قرار بن کے آ
مِرے کریم دا صدقہ ترا نہ وس چلسی
ہزار وار توں دنیا اڈار بن کے آ
فرشتے دین گے جھک جھک سلامی طیبہ وچ
پلک دے بھار توں چل کے تے پیار بن کے آ
نبی دے عشق دے وچ میرے لہجیا ڈُب کے
ٹھرے خدائی توں انج ٹھنڈا ٹھار بن کے آ
مِرا وجود نکھاریں کٹھالی وچ گھت کے
مِرے حضور دے دردا! سنار بن کے آ
کدوں دی شعر دی دھرتی اُڈیکدی پئی اے
مِرے نصیب، ثنا دی پھوار بن کے آ
نماز دید دی اعجازؔ میری اکھ پڑھ لے
اے نعت وار ، کدی دید وار بن کے آ
