(Last Updated On: )
نامہ بر حال میرا اُن سے زبانی کہنا
خط نہ دینا کہ وہ غیروں کو دکھا دیتے ہیں
خط لِکھاں تے لِکھ کے میں پھاڑ دِیندی آں تیکوں ویکھن بوہے تے کہی وار ویندی آں
متاں ایسے گڈی تے آ جاویں
پاواں سُرمہ تے کدی سک ملدی پھراں وے میں چودویں دے چن وانگوں بلدی پھراں
متاں ایسے گڈی تے آ جاویں
وے میں بانگی کُکر پکا رکھساں نالے دیسی گہیوں روٹیاں تے لا رکھساں
متاں ایسے گڈی تے آ جاویں
بتی بالاں تے میں بال کے بُجھا دیندی آں تارے گِن گِن رات لنگا دیندی آں
متاں ایسے گڈی تے آ جاویں
مہندی لاواں تے میں لا کے دھو دِیندی آں کدی ھساں تے کدی میں رو لیندی آں
متاں ایسے گڈی تے آ جاویں
چولا دھو کے تے تاڑ اُتے پاندی پھراں نالے گیت تیر ے آن دے گاندی پھراں
متاں ایسے گڈی تے آ جاویں
