خشیتِ الٰہی کے جذبے

زکی بیٹا بات سُن جائو ۔۔۔۔
ہلکے نیلے رنگ کا کُرتا، سفید شلوار اور گلے میں مفرل ڈالے ۔۔۔۔ شیو بڑھی ہوئی ، سلکی لمبے بال چہرے پر بکھیر رکھے تھے ۔۔۔ گاڑی کی چابی کو اُنگلی پر لگائے اُچھالتا ہوا سیڑھیاں اُتر کر مین گیٹ کی طرف جاتے زکی کو اُس کے بابا نے آواز دی ۔۔۔
جی بابا ۔۔۔ ؟ وہ بالوں میں ہاتھ پھیرتے ہوئے پلٹا ۔۔۔
کسی ضروری کام سے جا رہے ہو ؟ لائونج میں کھڑے اُس کے بابا نے کوٹ پہنتے پوچھا ۔۔۔
نہیں بابا ۔۔۔ شاپنگ کرنے جا رہا تھا ۔۔۔ آپ بتائیں کوئی کام تھا ؟
ہاں وہ ۔۔۔ اماں اور فریحہ چاہ رہے تھے کہ دانش کی شادی ہم حویلی میں ہی کریں ۔۔۔ تو تم نا تین چار دنوں تک زرا اُدھر جا کر سیٹنگ اور صفائی وغیرہ کروا دو ۔۔۔ کچھ مزدوروں کو لے جائو ۔۔۔۔ کچھ دنوں تک ہم سب نے وہاں جانا ہوگا ۔۔۔
اوو وائو بابا ۔۔۔ یہ تو بہت فٹ ہوگیا ۔۔۔ خوشی اُس کے چہرے سے چھلکنے لگی
مگر بابا کل صبح کی فلائیٹ ہے میری ۔۔۔
اوو ہاں ۔۔۔ میں یہ بات تو بھول ہی گیا ۔۔۔۔ چلو میں آویز کو کہتا ہوں ایک دن دفتر سے آف لے کر یہ کام کر دے ۔۔۔
نہیں بابا ۔۔۔ بھائی کو نہ کہیں میں ایسا کرتا ہوں آج ہی یہ کام کروا دیتا ہوں ۔۔۔
مینج کر لو گے بیٹا ۔۔۔ ؟ انہوں نے چائے کا ایک گھونٹ لیا ۔۔۔
جی جی بابا ہو جائے گا ۔۔۔۔ زکی مسکراتے ہوئے بولا ۔۔۔۔
ہاں باسط ۔۔۔ بس میں پہنچ رہا ہوں ۔۔۔۔ کال آنے پر اُس نے فون کان سے لگایا ۔۔۔ اور باہر چلا گیا
***********************
ائوئے ہوئے آج تو بھائی صاحب پہچان میں ہی نہیں آرہے ۔۔۔ خیر تو ہے نا کہیں شاپنگ کے بہانے ڈیٹ پر تو نہیں جا رہے ہو؟
میں وہاں اکیلا نہہں بیٹھنے والا یار ۔۔۔ پہلے بتا رہا ہوں ۔۔۔ اکیلے بہت بور ہوتا ہوں میں یار ۔۔۔ باسط گاڑی میں بیٹھتے ہوئے زکی کو دیکھتے ہی بولا ۔۔۔
ارے ارے رُک جا ۔۔۔ بولے ہی جا رہا ہے کب سے ۔۔۔ زکی ہنسا ۔۔۔
ہاہاہا ۔۔۔ ویسے خیر ہی ہے نا ۔۔ ؟ یہ کُرتا ۔۔۔ شلوار ۔۔۔ باسط نے حیرت سے دیکھا ۔۔۔
کیا میں اچھا نہیں لگ رہا اس لباس میں ۔۔۔ ؟
نہیں ۔۔۔ ایک دم جوکر لگ رہے ہو ۔۔۔۔ ہاہا نہیں ائوئے جچ رہا ہے تُجھ پر ۔۔۔۔۔ باسط نے زکی کی طرف دیکھتے کہا ۔۔۔
اچھا ۔۔۔ یار آج جمعہ ہے نا ۔۔۔ میں نے نماز پڑھنے مسجد جانا ہے ۔۔۔۔ زکی نے مسکراتے ہوئے کہا ۔۔۔
واہ واہ ۔۔۔ میرا یار کب سے نمازی بن گیا ۔۔۔ مجھے بھی بتانا ۔۔۔ ساتھ چلیں گے ۔۔۔
ٹھیک ہے ۔۔۔
یہیں روک دے ۔۔۔ یہاں سے کافی پی کر جاتے ہیں ۔۔۔ باسط نے ایک ریسٹورینٹ کے آگے گاڑی روکنے کو کہا ۔۔۔
****************
کیسی ہو آمنہ ۔۔ ؟ اندر آجائو ۔۔۔ گوہر نے دروازے پر اپنی دوست کو پاکر اندر آنے کو کہا ۔۔۔
میں ٹھیک ہوں ۔۔ تم سنائو ۔۔۔ ؟ پیکنگ ہوگئی سب کی ؟
ہاں بس تقریباً ۔۔۔
بیٹھو نا ۔۔ میں چائے لاتی ہوں تمہارے لئے ۔۔۔
ارے نہیں یار ۔۔۔ تمہیں دیر ہورہی ہوگی ۔۔۔ میں تو یہاں تمہاری مدد کرنے آئی ہوں ۔۔۔۔ تم اُلٹا میری خدمت کرنے لگ گئی ہو ۔۔۔
ہاہا ۔۔۔ کچھ نہیں ہوتا بس پانچ منٹ میں آئی ۔۔۔
اچھا ٹھیک ہے ۔۔۔ تم آجائو پھر ہم مل کر کام کریں گے ۔۔۔
______________
ویسے فلائیٹ کب کی ہے ؟ آمنہ نے گوہر کی مدد کرتے ہوئے پوچھا ۔۔۔
کل رات دس بجے کی فلائیٹ ہے مگر ائیرپورٹ کے لئے پانچ بجے نکلیں گے ۔۔۔ انشاءاللہ ۔۔۔
یہ سب چیزیں اس بیگ میں رکھ دو ۔۔۔ گوہر نے اشارہ کرتے کہا ۔۔۔
یہ کیا ہے گوہر ۔۔۔ ؟
ہہم کیا ۔۔۔ ؟ گوہر مُڑی ۔۔۔
یہ کپڑے اور سامان کس کا ہے ۔۔۔ ؟ تم یہ سب اپنے بیگ میں کیوں رکھ رہی ہو ۔۔۔ ؟
یہ ۔۔۔۔ یہ سامان زکی کا یہاں رہ گیا تھا ۔۔۔ واپس کرنا ہے نا اس لئے اپنے ساتھ لے جا رہی ہوں ۔۔۔ اب پھر وہ کبھی ترکی تو نہیں نا آئیں گے وہیں جا کر سب لوٹانا ہوگا نا مجھے ۔۔۔ گوہر نے دوسری طرف دیکھتے کہا ۔۔۔
گوہر ۔۔۔ گوہر ادھر دیکھو ۔۔۔ میری طرف ۔۔۔ تم کیا سمجھتی ہو ۔۔۔ ؟ مجھے نہیں معلوم ہوگا کہ تم زکی سے محبت کرتی ہو ۔۔۔ تمہارے دل میں زکی کا کیا مقام ہے میں یہ اچھی طرح جانتی ہوں ۔۔۔ پھر کیوں تم ۔۔۔ ؟
آمنہ ۔۔۔ شاید مجھے امی بُلا رہی ہیں ۔۔۔ آرہی ہوں امی ۔۔۔ گوہر اپنے آنسو چھپائے باہر چلی گئی ۔۔۔
*****************
اتنی لمبی دُعا ۔۔۔ اتنی دیر سے دُعا میں مانگ کیا رہا تھا تُو بتا مجھے ۔۔۔ جمعہ کی نماز ادا کرنے کے بعد مسجد سے نکلتے وقت باسط نے زکی کو حیرت سے دیکھتے ہوئے پوچھا ۔۔۔
اچھا تو تُو کنسرٹ میں کامیابی کی دعا کر رہا تھا نا ۔۔۔۔ ؟
نہیں یار ۔۔۔ زکی دھیمے سے مسکرایا ۔۔۔
اچھا تو پھر ۔۔۔ بھابھی کے ملنے کی دعا کر رہا تھا ۔۔۔ ہے نا ۔۔۔ ؟
باسط تیزی سے آتے ہوئے گاڑی میں بیٹھا ۔۔۔
ارے نہیں یار ۔۔۔ میں نے اللہ سے اُس کو مانگنا چھوڑ دیا ہے اگر گوہر میرے نصیب میں ہوئی تو وہ مجھے مانگے بغیر ہی مل جائے گی ۔۔۔
میں اللہ سے اللہ کو مانگ رہا تھا ۔۔۔ جب اللہ میرا ہوجائے گا تو مجھے کسی کی ضرورت نہیں پڑے گی ۔۔۔ میرے لئے اللہ ہی کافی ہوگا ۔۔۔ زکی نے گاڑی چلاتے اطمینان سے کہا ۔۔۔
کیا یار ۔۔۔ اس قدر مشکل باتیں کرنے لگ گیا ہے تُو ۔۔۔
ہاہا ۔۔۔ تُو نہیں سمجھے گا ۔۔۔ زکی مسکراتے ہوئے بولا ۔۔۔
تو سمجھا نا مجھے ۔۔۔ میں بھی سُننا چاہتا ہوں تیرے اندر یہ بدلائو آیا کیسے ۔۔۔
میں اور کچھ نہیں چاہتا بس اتنا جان گیا ہوں کہ اب اللہ کو ناراض نہیں کرنا یہی دُعا کرتا ہوں کہ اللہ مجھ سے راضی رہے ۔۔۔ تجھے معلوم ہے ۔۔۔ جب اللہ ہم سے ناراض ہوتا ہے تو کھانے روک نہیں دئیے جاتے، پانی روک نہیں دیا جاتا ۔۔۔۔
ہدایت روک دی جاتی ہے، اللہ جب کسی سے ناراض ہوتا ہے تو من اُجڑ جاتا ہے ۔۔۔ سجدوں کی توفیق نہیں ملتی ، خشیتِ الٰہی کے جذبے چھین لئے جاتے ہیں ۔۔۔ وہ یہ دولتیں لے لیتا ہے یار ۔۔۔۔۔۔۔
اور ہم سمجھتے ہیں ہم نماز پڑھنے نہیں جاتے ۔۔۔۔ ہم کون ہوتے ہیں نہ جانے والے وہ بُلاتا ہی نہیں ہے ۔۔۔ زکی کی آنکھیں نم ہوگئیں ۔۔۔
یہ پھول لے لو صاحب ۔۔۔ بیگم صاحبہ کے لئے لے جائو صاحب ۔۔۔۔ مجھے پیسوں کی ضرورت ہے صاحب ۔۔۔ سگنل پر رُکی گاڑی کا شیشہ نیچے دیکھتے ایک نوجوان ہاتھ اندر کرتے بولا ۔۔۔
ایک پھول دے دو مجھے اور یہ رکھ لو ۔۔۔ زکی نے اپنے بٹوے سے ہزار کے تین نوٹ نکالے اور اُس کی طرف بڑھائے ۔۔۔
نہیں صاحب ۔۔۔ ہم اس طرح پیسے نہیں لیتے ۔۔۔ آپ مجھے اُتنے ہی پیسے دو جتنے ایک پھول کے بنتے ہیں ۔۔۔
اچھا تو پھر ایسا کرو کہ تمہارے پاس جتنے بھی پھول ہیں وہ مجھے دے دو اور یہ پیسے رکھ لو ۔۔۔
پر صاحب یہ تو پھر بھی زیادہ ہیں میرے پاس تو ان پیسوں جتنے پھول نہیں ہیں ۔۔۔
تووووو ۔۔۔۔۔ زکی نے سوچتے ہوئے کہا ۔۔۔
تم کام کرنا چاہتے ہو ؟
زکی یہ کیا کر رہا ہے ۔۔۔ جانے دے نا ۔۔۔ باسط نے زکی کو مخاطب کیا ۔۔
کام ۔۔۔ ؟ جی صاحب جی ۔۔۔ میں ہر کام کر لیتا ہوں ۔۔۔
چلو پھر ٹھیک ہے ۔۔۔ تمہارے کچھ دوست وغیرہ ہیں ۔۔۔ 7 …. 8 ؟ زکی نے کوئی اندازا لگاتے پوچھا ۔۔۔
جی مگر کیوں ؟
زکی تُو پاگل ہوگیا ہے ۔۔ یہ کر کیا رہا ہے ؟
جی ہیں ۔۔۔
تم ایسا کرو کہ ایک گھنٹے تک سب کو یہاں اکھٹا کرلو ۔۔۔ ہماری پُرانی حویلی ہے اُس کی صاف صفائی کرنی ہے ۔۔۔ رات تک کام ہوجائے گا ۔۔۔ تم سب کو لے آئو جب تک میں واپس آتا ہوں ۔۔۔ زکی یہ کہہ کر گاڑی وہاں سے لے گیا ۔۔۔
یہ کیا تماشا لگا رکھا ہے زکی تم نے ؟ مجھے بتائو گے کہ تمہارے دماغ میں چل کیا رہا ہے ۔۔۔ ؟
یار وہ آج صبح ہی بابا نے حویلی کا کام سونپا ہے مجھے ۔۔۔ دانش کی شادی وہیں پر کرنے کا ارادا ہے تو مجھے کوئی مزدور ڈھونڈنے تھے کام کے لئے ۔۔۔ پھر اتنے میں یہ لڑکا نظر آگیا ۔۔۔ اسکو ضرورت بھی ہے تو ۔۔۔۔ کتنا خوددار ہے نا وہ ۔۔۔ زکی مسکراتے ہوئے بولا ۔۔۔
ہاں یہ تو ہے ۔۔۔ اچھا کیا تُو نے ویسے ۔۔۔
**************
ٹیلی فون کی گھنٹی بج رہی تھی ۔۔۔۔۔۔
اسلام و علیکم ۔۔۔ فاطمہ سلطان نے فون سُنا ۔۔۔
جی ۔۔۔ یہ کیا کہہ رہی ہیں آپ بھابھی ۔۔۔۔ ؟
کیا قدسیہ زکی سے رشتہ نہیں رکھنا چاہتی اب ؟
____________
کیا ہوگیا کس کا فون تھا ۔۔۔ ؟ خورشید سلطان فاطمہ کے پاس آکر بیٹھی ۔۔۔
قدسیہ کے گھر سے فون تھا ممی ۔۔۔ اُن لوگوں نے رشتہ ختم کر دیا ہے ۔۔۔ فاطمہ موبائل میز پر رکھتے ہوئے بولی ۔۔۔
بیٹا جو کچھ بھی ہوتا ہے اُس میں کوئی مصلحت ہوتی ہے ۔۔۔ اور ویسے بھی ہم سوچ ہی رہے تھے کہ کیسے بات کریں گے ۔۔۔۔ اچھا ہوا کہ انہوں نے خود ہی منع کردیا ۔۔۔۔
**************
گوہر ۔۔۔ تم یہاں بیٹھی ہو ۔۔ میں تمہیں سارے گھر میں ڈھونڈ رہا تھا ۔۔۔ زکی دوڑتا ہوا باغ میں آپہنچا ۔۔۔
میں اپنے گملے میں پودا لگا رہی ہوں زکی ۔۔۔۔ دونوں ہاتھ مٹی میں ڈالے گوہر اوپر مُڑی ۔۔۔
ہاہاہا ۔۔۔ گوہر تمہارے تو منہ پر بھی مٹی لگ گئی ہے ۔۔۔ رُکو میں صاف کرتا ہوں ۔۔۔ زکی نے اپنے چھوٹے چھوٹے ہاتھوں سے گوہر کا منہ صاف کرتے کہا ۔۔۔
یہ گملے یہاں رکھ دوں صاحب ۔۔۔ ؟ باغ میں رکھے ایک بینچ پر بیٹھا زکی مسکرا رہا تھا ۔۔۔
صاحب ۔۔ ؟ اُس کے جواب نہ دینے پر اُس لڑکے نے زکی کو پھر سے آواز دی ۔۔۔۔
ہہم ۔۔۔ ؟ زکی نے مسکراتے ہوئے اُس کی طرف دیکھا ۔۔۔
یہ گملے یہاں رکھ دوں ۔۔۔ ؟
ہاں یہ سب یہیں پر رکھ دو ۔۔۔ اور جو وہ والے پودے ہیں ۔۔۔ زکی اُس کو بتاتے ہوئے اندر گیا ۔۔۔
**************
فریحہ بچی تو بہت اچھی لگی مجھے اور اُس کے گھر والے بھی سب اچھے ہیں خاندانی لوگ ہیں ۔۔۔ خورشید سلطان اپنی بیٹی کے ساتھ اُس کے گھر داخل ہوتے بولی ۔۔۔
نانو آپ کو پسند آئی ۔۔۔ ؟ دانش اپنی نانی کے پاس آکر بیٹھا ۔۔۔
جی میری جان ۔۔۔ بہت پسند آئی مجھے ۔۔۔ اُس کی نانو نے اُسے پیار کرتے کہا ۔۔۔
چلو شکر ہے نانو آپ کو اچھی لگ گئی ۔۔۔۔ ورنہ ۔۔۔ دانش نے اُداس شکل بنائے کہا ۔۔۔
ورنہ کیا ۔۔۔ ؟
نانو ۔۔۔ میں نے تو صاف صاف کہہ دیا تھا کہ اگر میری نانو کو پسند نہ آئی تو میں یہ شادی نہیں کروں گا ۔۔۔
اللہ نہ کرے میری جان ۔۔۔ مجھے کیوں پسند نہ آتی وہ اس قدر پیاری بچی ہے ۔۔۔
نانو ۔۔۔ آپ بھائی کی باتوں میں مت آئیے گا ۔۔۔ یہ ایسے ہی آپ کو مکھن لگانے کے لئے کہہ رہے ہیں ۔۔۔ یہ سامان اندر لے آئو ۔۔۔ روشک گھر میں داخل ہوتے بولی ۔۔۔
روشک تم کہاں سے ٹپک پڑی ۔۔۔ دانش نے مسکرا کر کہا ۔۔۔
ہاہاہا ۔۔۔ ارے میری شہزادی آگئی ۔۔۔ کہاں رہ گئی تھی تُو ۔۔۔ میں ناجانے کب سے یہاں بیٹھی تیرا انتظار کر رہی ہوں ۔۔۔
اوو ۔۔۔ سوری نانو ۔۔۔ مال میں کچھ دوستیں مل گئی تھیں ۔۔۔ وہ اسرار کرنے لگیں کہ کھانا ہمارے ساتھ کھا کر جائو ۔۔۔ پھر میں منع نہیں کر سکی ۔۔۔
چلو اچھا کیا ۔۔۔ سب خریداری ہوگئی بیٹا ۔۔۔ ؟ اُس کی ماما نے اُسے مخاطب کیا ۔۔۔
کہاں ماما ۔۔۔ ابھی تو صرف مہندی کا ڈریس ملا ۔۔۔
اُف خدایا ۔۔۔ کیا ہوگا اس لڑکی کا ۔۔۔ سارا دن باہر گزار کر آئی ہے اور ابھی صرف ایک فنکشن کا ڈریس ملا اسے ۔۔۔
فریحہ مت ڈانٹو میری بچی کو ۔۔۔ آج کل کے بچوں کے الگ فیشن ہوتے ہیں بھئی ۔۔۔ اب وہ زمانے کہاں کہ ایک تھان آجاتا تھا اور خاندان کی سب بچیوں کے ایک فنکشن کا سوٹ بن جاتا تھا ۔۔۔ خورشید سلطان ہنستے ہوئے بولی ۔۔۔
نانو ۔۔۔ سیرئیس لی ۔۔۔ ؟ ہاہاہا ۔۔ ایک تھان کا سب کا سوٹ ۔۔۔ مطلب شادی میں بھی سب نے یونیفارم پہنا ہوتا تھا ۔۔۔ ؟ روشک نے قہقہ لگاتے کہا ۔۔۔
جی بیٹا جی ۔۔۔ ہمارے زمانے میں تو یہی کچھ ہوتا تھا ۔۔۔
او فریحہ مجھے یاد آیا ۔۔۔ تم نے لڑکی والوں سے حویلی کی بات کر لی کہ شادی وہیں ہوگی ۔۔۔ ؟ اُن کو کوئی اعتراض تو نہیں نا ؟
نہیں نہیں ۔۔۔ امی اُن کو کوئی اعتراض نہیں ۔۔۔ بلکہ وہ تو بڑا خوش ہوئے ۔۔۔ آج کل کے لوگ نا اس طرح کی جگہوں پر جاکہ شادی کرنا انجوائے کرتے ہیں ۔۔۔
اچھا ۔۔۔ پھر ٹھیک ہے ۔۔ اب عامر لوگ آرام سے پہنچ جائیں بس ۔۔۔
*******************
I’m sorry ….
بیٹا ۔۔۔ میں نے تمہاری مرضی جانے بغیر ہی یہ رشتہ طے کر دیا یہ سوچے بغیر کہ اسکا انجام کیا ہوگا ۔۔۔ فاطمہ سلطان زکی کا سامان باندھتے ہوئے اُس سے مخاطب تھی ۔۔۔
موم یہ آپ کیا کر رہی ہیں ۔۔۔ آئیندہ میں آپ کے منہ سے یہ نہ سُنوں ۔۔۔ جو ہونا تھا ہوگیا ۔۔۔ وہ آئی اور چلی گئی ۔۔۔ آپ میرے لئے بلکل بھی پریشان مت ہوا کریں ۔۔۔۔ میری شادی اُسی سے ہوگی جس کے ساتھ اللہ نے میرا نصیب جوڑا ہوگا ۔۔۔
اتنا سمجھدار ہوگیا ہے میرا بیٹا ۔۔۔ مجھے تو لگ ہی نہیں رہا کہ میرے سامنے وہی زکی کھڑا ہے ۔۔۔ اُس کی موم نے اُسے پیار دیتے ہوئے کہا ۔۔۔
موم ۔۔۔ وقت سب کچھ سیکھا دیتا ہے ۔۔۔ کیا یار ۔۔۔ کل میں جا رہا ہوں اور آپ یہ کیا باتیں لے کر بیٹھ گئی ہیں ۔۔۔ وہ والی شرٹ دیں ۔۔۔ اُس نے اشارہ کیا ۔۔۔
یہ لو بیٹا ۔۔۔ بس اب سب پیکنگ ہوگئی نا ۔۔ ؟ کسی اور چیز کی ضرورت تو نہیں ہے ؟
نہیں موم ۔۔۔ بس ہوگیا ۔۔۔
بیٹا ٹائیم سے سو جانا ۔۔۔ Good night
بائے موم ۔۔۔۔
***************
سو گیا ہے ۔۔۔ میرا بچہ ۔۔۔ ؟ دادی نے کمرے کا دروازہ ہلکا سا کھول کر پوچھا ۔۔۔
نہیں دادو ۔۔۔ آجائیں ۔۔۔ میں جاگ رہا ہوں ۔۔۔ زکی نے بیڈ سے اُترتے ہوئے کہا ۔۔۔
زکی میری جان ۔۔۔ تُو نے اپنا بہت زیادہ خیال رکھنا ہے ۔۔۔ مجھے بلکل بھی تُجھے اس طرح بھیجنے کا دل نہیں کر رہا ۔۔۔ عجیب عجیب سے خیال آرہے ہیں ۔۔۔ کہیں کچھ ۔۔۔
میری پیاری دادو ۔۔۔ آپ کیوں ایسا سوچ رہی ہیں ۔۔۔ مجھے کچھ نہیں ہوگا ۔۔۔ باسط بھی تو میرے ساتھ ہے نا دادو ۔۔۔ آپ کیوں ڈر رہی ہیں ۔۔۔ وہ صرف ایک ایکسیڈنٹ تھا دادو ۔۔۔ زکی نے دادو کو سمجھاتے ہوئے کہا ۔۔۔
پھر بھی بیٹا ۔۔۔ اچھا یہ میں تیرے لئے تعویز لائی ہوں ۔۔۔ اسے پہن لے میری جان ۔۔۔ دادی نے اُسے تعویز دیتے کہا ۔۔۔
یار دادو ۔۔۔ کیا ہوگیا ہے آپ کو ۔۔۔ آپ کب سے ان تعویزوں کو ۔۔۔
نہیں بیٹا ۔۔۔ کچھ اُلٹا سیدھا مت بولنا ۔۔۔
ہمیں اللہ پر پورا بھروسہ ہے ۔۔۔ بےشک دُعا میں بہت طاقت ہوتی ہے ۔۔۔ ہم تیرے لئے دُعا کرتے رہیں گے بیٹا ۔۔۔ اس تعویز پر بھی تو اللہ کا ہی کلام ہے میری جان ۔۔۔ جس طرح قرآن پاک ہماری حفاظت کرتا ہے ۔۔۔ گھر میں ہونے سے سو بلائیں ٹلتی ہیں ۔۔۔ اُسی طرح میرے بچے اس میں آیتیں ہی لکھی ہوئی ہیں ۔۔۔ انشاءاللہ تُو محفوظ رہے گا ۔۔۔ چل شاباش یہ جلدی سے پہن لے ۔۔۔
پر دادو ۔۔۔
میری خاطر ۔۔۔
اچھا ٹھیک ہے دادو ۔۔۔ آپ کہتی ہیں تو پہن لیتا ہوں ۔۔۔ زکی نے مسکراتے ہوئے اُس تعویز کو اپنے گلے پر باندھ دیا ۔۔۔
**********
فاطمہ جاکر دیکھو زکی اُٹھا بھی ہے کہ نہیں ۔۔۔ کہیں فلائیٹ کے لئے لیٹ نہ ہوجائے ۔۔۔ رضا صاحب ناشتے کی میز پر بیٹھے زکی کے منتظر تھے ۔۔۔
جی میں ابھی دیکھ کر آئی ۔۔۔
لو آ گیا میرا بچہ تیار ہوکر ۔۔۔ دادی نے مسکرا کر کہا ۔۔۔
اسلام و علیکم دادو ۔۔۔ بابا ۔۔ موم ۔۔۔۔ زکی دوڑتا ہوا ناشتے کی میز پر پہنچا اور سب کو سلام کیا ۔۔۔
وعلیکم اسلام میری جان ۔۔۔ جیتے رہو ۔۔۔ دادی نے پیار کیا ۔۔۔
موم میرے پاس ٹائیم بہت کم رہ گیا ہے جلدی سے مجھے چائے ریڈی کر دیں پلیز ۔۔۔ زکی نے بریڈ کا سلائیس ہاتھ میں لیا اور تیزی سے جام لگانے لگا ۔۔۔
بیٹا ابھی بہت وقت باقی ہے ناشتہ آرام سے کر کے جائو گے ۔۔۔ اُس کی موم نے چائے میں چینی ڈالتے کہا ۔۔۔
ہاں ہاں آیا بس ۔۔۔ دادو ۔۔۔ موم سوری باسط کب سے میرا انتظار کر رہا ہے ۔۔۔ میں چلتا ہوں اب ۔۔۔
بیٹا چائے تو پیتے جائو ۔۔۔ فاطمہ پیالی لئے اُس کے پیچھے گئی ۔۔۔۔
تین دن میں واپسی ہے میری ۔۔۔ آکر آپ کے ہاتھ کی چائے پیوں گا موم ۔۔۔۔۔ زکی نے تیزی میں باہر جاتے کہا تھا ۔۔۔
انشاءاللہ ۔۔۔۔ خیر سے جائو اور آئو بیٹا ۔۔۔
فی امان اللہ ۔۔۔
پہنچ کر فون لازمی کرنا زکی ۔۔۔ اُس کے بابا نے آواز دی ۔۔۔
***************
بابا آج میں بہت زیادہ خوش ہوں ۔۔۔ اتنے برسوں بعد ہم اپنوں سے ملنے جا رہے ہیں ۔۔۔ گوہر نے ائیرپورٹ میں بیٹھے اپنے بابا کو مخاطب کیا ۔۔۔
جی میری گڑیا آج میں بھی بہت خوش ہوں ۔۔۔ اور سب سے زیادہ خوشی تو اماں کو ہو رہی ہوگی ۔۔۔ عامر سلطان نے مسکراتے ہوئے کہا ۔۔۔
دادا ابو ۔۔۔ ہم سب سے پہلے کس کے گھر جائیں گے ؟؟ مجھے نشاء کے گھر جانا ہے ۔۔۔ فضےگل نے اپنے دادا کی گود میں بیٹھے پوچھا ۔۔۔
جی میرا بچہ ۔۔۔ ہم آپ کو سب سے پہلے آپ کی دوست کے گھر ہی لے کر جائیں گے ۔۔۔
بیٹا یہاں آئو ۔۔۔۔ یہ جیکٹ پہن لو آپ کو ٹھنڈ لگ جائے گی ۔۔۔ گوہر کی بھابھی نے اپنی بیٹی کو بُلایا ۔۔۔
***************
جی بابا ۔۔۔ میں خیریت سے پہنچ گیا ہوں ۔۔۔ بس ابھی میں اور باسط ہوٹل کی طرف نکل رہے ہیں ۔۔۔ زکی نے Birmingham کے ائیرپورٹ میں بیٹھے اپنے بابا کو فون کیا ۔۔۔
ٹھیک ہے ۔۔۔ اوکے اللہ حافظ ۔۔۔۔
آجائو زکی ۔۔۔ ان کو وجاہت سر نے بھیجا ہے ۔۔۔ یہ ہمیں ہوٹل تک چھوڑیں گے اور ہم ہر جگہ انہی کے ساتھ جائیں گے ۔۔۔۔ باسط نے اپنا سامان اُٹھائے زکی کو جلدی آنا کا اشارہ کیا ۔۔۔
________
برمنگھم ، انگلینڈ کے ویسٹ مڈلینڈز کا ایک شہر اور میٹروپولیٹن کا شہر ہے۔ یہ انگلینڈ اور برطانیہ کا دوسرا سب سے بڑا شہر ، شہری علاقہ اور میٹروپولیٹن علاقہ ہے ، شہر کے رقبے کے اندر 1.1 ملین باشندے ، شہری علاقے میں 2.9 ملین باشندے اور میٹروپولیٹن کے علاقے میں 4.3 ملین باشندے ہیں اور یہ سب سے زیادہ آبادی میں ہے انگریزی ضلع۔ برمنگھم کو عام طور پر برطانیہ کا دوسرا شہر کہا جاتا ہے۔
********************
زکی اور باسط کا کنسرٹ ٹھیک ایک دن بعد Symphony Hall میں ہونا تھا ۔۔۔ جہاں شہر بھر سے لوگ کنسرٹ دیکھنے آتے ہیں ۔۔۔ اب یہ دونوں nervous نہیں ہوتے تھے کیونکہ اب ان کی خاصی practice ہو چکی تھی ۔۔۔
__________________
سمفنی ہال انگلینڈ کے شہر برمنگھم میں واقع 2،262 نشستوں والا کنسرٹ مقام ہے۔ اسے سرکاری طور پر ملکہ نے 12 جون 1991 کو کھولا تھا ، حالانکہ اس کا استعمال 15 اپریل 1991 سے جاری تھا۔ اس میں برمنگھم سمفنی آرکسٹرا شہر ہے اور سال میں تقریبا 270 واقعات ہوتے ہیں۔ اسے 30 ملین ڈالر کی لاگت سے مکمل کیا گیا۔ ہال کا اندرونی حصہ ویانا میں مسکویرین اور ایمسٹرڈیم میں کنسرٹ جیبیو پر بنایا گیا ہے۔ ٹاؤن ہال کے ساتھ مل کر انتظام کیا جانے والا پنڈال ، جاز ، دنیا ، لوک ، راک ، پاپ اور کلاسیکی محافل موسیقی ، اعضائ کی یادیں ، بولنے والا لفظ ، رقص ، مزاح ، تعلیمی اور برادری کی پرفارمنس کا پروگرام پیش کرتا ہے ، اور کانفرنسوں اور کاروباری تقریبات کے لئے بھی استعمال ہوتا ہے بین الاقوامی کنونشن سینٹر کا حصہ۔
**************
کنسرٹ تک انہیں جس ہوٹل میں ٹھہرنا تھا وہ کنسرٹ کے ہال کے قریب ہی تھا ۔۔۔۔ فلحال تو یہ دونوں خاصے تھک چکے تھے اب ان کو صرف آرام کرنا تھا ۔۔۔۔ وجاہت سر کے بھیجے ہوئے اُس آدمی کے ساتھ وہ لوگ Hyatt Regency پہنچ گئے ۔۔۔۔
______________
ہیاٹ ریجنسی برمنگھم ایک جدید ، چار ستارہ ہوٹل ہے جو برمنگھم شہر کے وسط میں براڈ اسٹریٹ اور برج اسٹریٹ کے سنگم پر واقع ہے۔ 319 کمروں کا ہوٹل 1990 میں براڈ اسٹریٹ کے مخالف سمت انٹرنیشنل کنونشن سینٹر کے ساتھ تعمیر کیا گیا تھا۔ یہ عمارت شہر میں ایک خاص خصوصیات میں سے ایک ہے ، جس کی اونچائی 75 میٹر ہے اور منزل سے چھت کی اونچائی کے عکاس گلاس میں ملبوس ہے۔
****************
اسلام و علیکم اماں جی ۔۔۔۔ عامر سلطان دوڑتے ہوئے خورشید سلطان کے پاس پہنچے ۔۔۔۔
وعلیکم اسلام میرا بچہ ۔۔۔۔ اُن کی امی انہیں ملتے ہی شدت سے رونے لگ گئیں ۔۔۔ اُن کے آنسو آنکھوں سے نکلتے ہوئے رُخساروں تک آپہنچے ۔۔۔
دادو ۔۔۔۔ گوہر اپنی دادی سے ملی ۔۔۔۔
اب ہم آگئے ہیں نا ۔۔۔ اب نہیں رونا آپ نے دادو ۔۔۔
میری بچی ۔۔۔ ہم میں تم لوگوں کو کبھی خود سے دور نہیں جانے دوں گی. ۔۔۔۔۔
ٹھیک ہے اماں جی آپ کہیں گی تو ہم نہیں جائیں گے ۔۔۔ ممتازبیگم نے اپنے آنسو پونچتے کہا ۔۔۔
چلو عامر اب گھر چلتے ہیں ۔۔۔ تم لوگ بھی تھک گئے ہوگے ۔۔۔ آئیے بھابھی ۔۔۔ رضا سلطان نے سب کو گاڑی کی طرف چلنے کا کہا ۔۔۔
آویز ۔۔۔ ڈرائیورز کو کہو آجائیں اب ۔۔۔ اور سب سامان گاڑیوں میں رکھ دیں ۔۔۔۔
_______________