کہتے ہو سمندر ہے کہاں اور کہاں جھیل

کہتے ہو سمندر ہے کہاں اور کہاں جھیل
ہر دل ہے سمندر تو ہر اک آنکھ یہاں جھیل
وہ کہتا رہا آنکھ ہے یہ آنکھ ہے بس آنکھ
میں کہتا رہا جھیل ہے یہ جھیل میاں جھیل
اب صرف خدا ہے جو نکالے تو نکالے
تھا علم کہاں مجھ کو ہے آنکھوں میں نہاں جھیل
ہم دونوں کی ناکام محبت پہ ہے روتی
کہساروں سے لگ لگ کے گلے اب بھی وہاں جھیل
آؤ کہ وہاں خود سے ملاقات کو جائیں
آئینہ سجاتی تھی جہاں ماہ رْخاں! جھیل
ہے راہِ تحیّْر سے سِلا دیدہِ حیرت
جانا ہے فْلاں شہر فْلاں کوہ فْلاں جھیل
یک جرعہِ میلان سے بڑھ کر نہیں خواہش
بیٹھا ہے کنارے پہ ترے کب سے شَباں،جھیل!
دل عشق سمندر کا شناور ہے ازل سے
یہ غْوک نہیں جس کو لگے کوئی کنواں ، جھیل
کس چیز سے تشبیہہ تری آنکھ کو دْوں مَیں
خوش بخت نے یکلخت کہا مجھ سے کہ جاں!!جھیل
۔۔۔۔۔۔۔۔۔۔۔۔۔۔۔۔۔۔۔۔۔۔