(Last Updated On: )
کراں قبول میں دنیا! جواب جا لے آ
حضور ورگا کوئی لا جواب جا لے آ
خدا کہوے اے فرشتے! حبیب کیوں رووے
ثواب دے کے تے جگ توں عذاب جا لے آ
کِتوں نہ بھال مہک چین دی بھلا ہووی
نبی دے باغ توں سجرے گلاب جا لے آ
حساب فیر کریں میریاں گناہواں دا
مِرے نبی دے کرم دا حساب جا لے آ
کسے جے آکھیا مجنوں کہیا میں بسم اللہ
نبی دے عشق دا جو ہے خطاب جا لے آ
ترے سکول دے وچ نین داخلہ لیسن
نبی دے مکھ جئی واعظ کتاب جا لے آ
میں جام پی کے نہ اعجاز ڈولاں فیر آکھیں
نبی دے عشق جئی ہے تے شراب جا لے آ
