کرم کار ہے

دو عالم دروں وہ مدد گار ہے

کرم کار ہے
مکرم رسولوں کا سالار ہے

کرم کار ہے

وہ اولیٰ وہ اعلی، عُلا ہے وہی

ورا ہے وہی
مصوّر کا محصی کا دلدارہے

کرم کار ہے

وہ علمِ الٰہی ہے لعل و گہر

وہی ہے امر
دو عالم کے لوگوں کی سرکار ہے

کرم کار ہے

وہی دے عوالم کو آسودگی

وہ دے دائمی
ہر اک گل کدے کی وہ مہکار ہے

کرم کار ہے

دو عالم کے سلطاں کا احساں ہوا

ہر اِمکاں ہوا
مدد اور عطاؤں کا کہسار ہے

کرم کار ہے

وہ لا حل کا حل ہے وہ امرِ اٹل

الم کا گسل
کرم اور مدد کا علمدار ہے

کرم کار ہے

وہ آدم سے اعلیٰ و اولیٰ ہوا

وہ والا ہوا
محمدؐ دو عالم کا سرادر ہے

کرم کار ہے

صدائے مسلسل ہے ارحم وہی

ہے دم دم وہی
وہ امّہ کا واحد مدد گار ہے

کرم کار ہے

وہ مہرِ کلاں ہے کراں سے کراں

مسلسل اماں
وہ محروم سائلؔ کو درکار ہے

کرم کار ہے