(Last Updated On: )
کملی وچ کی شان سجا کے لے آیا
اللہ دی پہچان سجا کے لے آیا
رومی ، جامی دی راہواں توں پھُل چا کے
میں وی آں گلدان سجا کے لے آیا
جبرائیل مبارک دیون آمنہ نوں
حوراں تے غلمان سجا کے لے آیا
میلاد مبارک راتیں دھرتی کہندی اے
اج تارے اسمان سجا کے لے آیا
جس دی خود قرآن تلاوت کردا اے
مکھ وچ اوہ قرآن سجا کے لے آیا
سرکار ترا اک مجرم اکھ دے ورقے تے
سدھراں دا دیوان سجا کے لے آیا
یوحیٰ دے اعجاز لباں تے پاپیاں لئی
بخشش دا اعلان سجا کے لے آیا
