(Last Updated On: )
کئیں کوں پیار تے کئیں کوں دھوکے دِیندا اِے گلی گلی پیار دِے ہوکے دِیندا اِے
قسمت وَالے بچ وِیندے ہن اِس فنکار توں سوھنڑیاں اُسدیاں اَکھیاں دِے ظالم دِیدار توں
خدمت دِے ڈوں چار او موقعے دِیندا اِے گلی گلی پیار دِے ہوکے دِیندا اِے
نازاں دِے نال وَال چھنڈیندا سامنڑے جد چن آ کے بھر کے دیکھے مار مکیندا اِے سوھنڑے نین ملا کے
کیں کوں سکھ تے کیں کوں درد انھوکے دِیندا اِے گلی گلی پیار دِے ہوکے دِیندا اِے
کملے لوکی اُس دِی خاطر جھلے ہوئے پھر دِن میڈے دِل تے دَاغ جدائی اَج دِے نئیں بہوں چر دِن
چنگیاں عزتاں وَالے وِی کر اُوکھے دِیندا اِے گلی گلی پیار دِے ہوکے دِیندا اِے
مجبوری توں سجن بنٹر دے ہن کئیں دَا زور نئیں ہوندا جہڑا بُھلدا اُس جئے ٹھگ تے بُک بُک ہنجواں روندا
چا نئیں سکدا اِے جئے بھار اُو اُوکھے دِیندا اِے گلی گلی پیار دِے ہوکے دِیندا اِے
