(Last Updated On: )
کدی دکھ نصیب دی رانی دی پریشان زلف سنواردے
مِرے دل توں میل اتار کے ترے پیراں ہیٹھ وچھاردے
تسیں جد وی زلف سنواردے بڑے چن ستارے نکھاردے
میں نہ یوسف اک ای فدا کہواں بڑے جان آپ توں واردے
کدی اُکھلی گھت کے بڑا چھڑن کدی گھت کٹھالی نیں گالدے
ترے غم بڑا ای نتار نیں بڑا عاشقاں نوں نتاردے
کدوں دند مبارک اُحُد وچ بڑا رون لعل یمن دے وی
جھکے غم ونڈان گلاب وی پھٹے دل وی لال انار دے
مِری رات ہجر سمندریں بڑے گوتے کھاندی اے سوہنیا
کدی آکے رات نوں تار دے بھلی رات اوتھے کھلاردے
بڑا شوم کہن شرینی لو مِری اکھ ہٹے تے کیویں ہٹے
تسیں اک نظر دے نال جو کئی نسلاں تیک چا تاردے
اعجاز ویکھ تریہہ مِری کہ سمندراں نوں مکا دیاں
کدی کر نظر مِرے ساقیا مِری ہر تریہہ اتاردے
