(Last Updated On: )
جھانکتا ہوں لَوٹ کر، گھر میں جہاں کوئی نہیں
بس درو دیوار ہیں، مانوس یاں کوئی نہیں
کس تمنا پر سفر کی ٹھان لی تھی کیا کہیں؟
منزلیں بے سود، گھر کا بھی نشاں کوئی نہیں
خوب آزادی ملی، اپنی زباں سے بھی گئے
اب تو اپنے شہر میں بھی ہم زباں کوئی نہیں
گرچہ ہیں آلاتِ دید و نشر بہلاتے بہت
مضطرب ہے روح جس کا، حل یہاں کوئی نہیں
کھڑکیاں تنقید کرتی ہیں، در و دیوار طنز
غور سے دیکھیں تو اسلمؔ بے زباں کوئی نہیںٍٍ٭٭٭
