جنگلی جانوروں کی غراہٹ

ابھی پچھلے دنوں جو ہم پر گزری
اسی رت کا نشہ طاری ہے اب تک۔۔۔۔
شام کے اس گہرے کالے سیاہ اندھیرے میں جب اس جگہ پہ محض جنگلی جانوروں کی غراہٹ تھی۔۔۔۔۔وہ لڑکھڑاتی ہوٸی جیسے ہی گاڑی کے پاس پہنچی اس کے اوسان خطا ہو گۓ۔۔۔۔۔
گاڑی کے بالکل پاس ٹیک لگاۓ لاپرواٸی سے پان کھاتی نگار بیگم کھڑی تھی
اور پاس ہی اس کی ماں کھڑی رو رہی تھی۔۔۔۔۔
اور ساتھ ہی ڈراٸیور سر جھکا کہ کھڑا تھا
وہ تقریباً لڑکھڑاتے ہوۓ ہی تیز قدم اٹھاتی۔۔۔۔۔۔ان کی طرف لپکی
اس کی آواز سن کے جہاں آرا۶ پیچھے پلٹی۔۔۔۔تو وہ ان کے گلے لگ گٸ۔۔۔۔۔
”اماں جان ہمیں معاف کر دیں۔۔۔۔۔ہم سے بہت بڑی غلطی ہو گٸ ہے اماں جان۔۔۔۔۔۔“
وہ اب باقاعدہ ہچکیوں سے رو رہی تھی۔۔۔۔۔۔
اور وہ اس کے سر پہ ہاتھ پھیر رہی تھی
”آپ گٸ کہاں تھی ۔۔۔۔۔زرپاش۔۔۔۔۔“؟
انہوں نے فکرمندی سے پوچھا۔۔۔۔۔
”اماں جان ہم آپ کو گھر پہنچ کے سب بتا دیں گے۔۔۔۔۔“
ابھی آپ ہمیں یہاں سے لے چلیں۔۔۔۔۔
اس نے ان سے الگ ہو کے آنسو پونچتے ہوۓ کہا
”ہاں ہاں چلو گاڑی میں بیٹھو باقی تفتیش گھر میں جاکے کر لینا دیر ہو رہی ہے۔۔۔۔۔“
انہوں نے منہ سے پان تھوک کہ تالی بجاتے ہوۓ کہا
تو باہر کھڑی سب طواٸفیں اپنے پردے درست کرتی۔۔۔۔۔۔گاڑی میں بیٹھ گٸ۔۔۔۔
جہاں آرا۶ نے ایک نظر اسے دیکھا اور پھر وہ بھی گاڑی میں بیٹھ گٸ۔۔۔۔۔۔
زرپاش نے پلٹ کر اس اونچی حویلی کو دیکھا جیسے ہی باہر کھڑی گاڑی کو دیکھا وہ ٹھٹکی ۔۔۔۔۔۔
”زرپاش آپ نے رات یہی گزارنی ہے کیا۔۔۔۔۔“
”نگار بیکم نے شیشے سے باہر جھانک کہ اسے متوجہ کیا۔۔۔۔۔
”نہیں میں تو وہ بس۔۔۔۔۔۔“؟
اس سے بات نہیں بن پارہی تھی۔۔۔۔
”حویلی کو مت دیکھیۓ یہ آپ جیسی لاوارث کوٹھوں پہ پلنے والیوں کے لیے نہیں ہوتی۔۔۔۔۔۔۔۔۔“کوٹھے پہ جو رہتی ہے وہ رقص کرے یا نہ کرے رہتی وہ طواٸف ہی ہے بیوی نہیں بنتی۔۔۔۔۔۔“
انہوں نے جیسے زرپاش کا مذاق اڑایا تھا
زرپاش نے تڑپ کہ اپنی ماں کو دیکھا تھا
جو سر جھکاۓ بیٹھی تھی
وہ جانتی تھی ۔۔۔۔۔۔ہمیشہ کی طرح آج بھی وہ چپ ہی رہے گی
اسی لیے خاموشی سے دروازہ کھول کہ بیٹھ گٸ۔۔۔۔۔
اور گاڑی تیز سپیڈ سے آگے بڑھ گٸ۔۔۔۔۔۔۔
پیچھے خان حویلی ویران سنسان سی رات کے اس پہر اندھیرے میں ڈوب چکی تھی۔۔۔۔۔۔

وہی راتوں کی بیداری ہے اب تک
تمنا کا سفر جاری ہے اب تک۔۔۔۔
گناہوں کی سیاہی میں ڈوبا یہ کوٹھا رات کے اس پہر صحیح معنوں میں اندھیرے میں ڈوبا تھا۔۔۔۔۔۔
رات کی سیاہی نے گناہوں کی سیاہی پر پردہ ڈال دیا تھا
وہ پلنگ کہ ساتھ ٹیک لگا کہ بیٹھی تھی
پاس ہی جہاں آرا۶ عشا۶ کی نماز پڑھ رہی تھی۔۔۔۔۔
وہ چھت کو گھور رہی تھی
انہوں نے نماز ختم کی جاۓ نماز تہہ کی۔۔۔۔۔اور اس کے قریب بیٹھ گٸ۔۔۔۔۔
اس کے لمبے سیاہ بالوں میں انگلیاں پھیرنے لگی۔۔۔۔۔۔
اس نے چپ چاپ سر ان کی گود میں ٹکا دیا۔۔۔۔۔
”اماں جان ۔۔۔۔۔۔۔نگار بیگم کہتی ہیں تمہاری ماں کیوں نماز پڑھتی ہے۔۔۔۔۔۔۔۔اللہ کو ہم جیسیوں کی نماز سے بھلا کیا مطلب۔۔۔۔۔“؟
اس نے کھوۓ کھوۓ لہجے میں پوچھا۔۔۔۔۔۔
”میری جان۔۔۔۔۔۔تم ان کو کہتی جو اللہ عام انسانوں کا ہوتا ہے وہی طواٸفوں کا بھی ہوتا ہے۔۔۔۔۔“اللہ اچھے برے انسانوں کی تفریق نہیں کرتا۔۔۔۔۔اس کے لیے صرف اسکا بندہ ہوتا ہے اچھا برا نہیں ہوتا۔۔۔۔۔“اور ہم دنیا کی نظر میں طواٸف ہیں اللہ کی نظر میں نہیں ۔۔۔۔۔“یہ تو ہم انسان ججمنٹل ہوتے ہیں اللہ اعمال دیکھتا ہے جج نہیں کرتا۔۔۔۔۔۔“
انہوں نے اسے پیار سے سمجھایا۔۔۔۔
پھر ایک نظر اس کے بندھے ہوۓ پیر کو دیکھا
وہ سارا قصہ انہیں سنا چکی تھی
”اور ھم سے وعدہ کریں زرپاش جو حرکت آپ نے آج کی وہ آپ آٸندہ نہیں کریں گی ہمارے سر کی قسم کھا کہ کہیۓ۔۔۔۔۔۔۔۔۔“
وہ جذباتی ہو گٸ تھی۔۔۔۔۔
”اماں جان ہم آپ کے سر کی قسم کھا کے کہتے ہیں ہم دوبارہ ایسی حرکت نہیں کریں گے۔۔۔۔۔۔“
اس نے ان کے سر پہ ہاتھ رکھ کے کہا
تو ان کے چہرے پہ اطمینان نظر آیا۔۔۔۔۔
”یہ تو اچھا ہوا آپ کو کوٸی نیک بندہ مل گیا۔۔۔۔۔۔۔ہم ان کے شکر گزار ہیں ورنہ اگر کچھ غلط ہو جاتا تو سوچ کہ ہی روح کانپ جاتی ہے۔۔۔۔۔“
وہ اب اٹھ کہ بستر ٹھیک کر رہی تھی
اس نے بے دھیانی سے سنا۔۔۔۔۔
”کیا آپ نے انہیں سچ بتا دیا تھا۔۔۔۔“؟
یکدم انہیں یاد آیا تو پلٹ کے رازداری سے پوچھا گیا تھا
”نہیں ہم نے جھوٹ بولا۔۔۔۔۔۔“
کہ ہم یہاں مہمان آٸیں ہیں۔۔۔۔۔۔“
اس نے لاپرواہی سے بتایا اور سونے کے لیے لیٹ گٸ۔۔۔۔۔
جہاں آرا۶ بس اسے دیکھ کہ رہ گٸ۔۔۔۔۔
وہ ننھی سے ان کی گڑیا کب اتنی بڑی ہو گٸ تھی
ان کی آنکھوں کے گوشے نم ہونے لگی
ٹھیک ہے زرپاش کو انہوں نے جنم نہیں دیا تھا لیکن پالا تو خود انہوں نے ہی تھا
اور اب ہر وقت انہیں زرپاش کی ہی فکر ستاتی تھی
کہ خدا نخواستہ اگر انہیں کچھ ھو گیا تو نگار بیگم اس کو بھی دھندے پہ لگا دیں گی۔۔۔۔۔
ان سوچوں کی وجہ سے آج کی رات بھی وہ سو نہیں پارہی تھی۔۔۔۔۔۔

لوگوں کے لیے صاحب کردار بھی میں تھا
خود اپنی نگاہوں میں گناہگار بھی میں تھا
صبح کی کرنوں نے اس حویلی کو اپنے حصار میں لینا شروع کر دیا تھا کچن سے ناشتے کی خوشبو آرہی تھی
سامنے صوفے پہ میر داد خان اپنے دونوں بیٹوں شہباز خان اور رجب خان کے ہمراہ کسی خاص معاملے پہ بات کر رہی تھے۔۔۔۔
یہاں سے ہوتے ہوۓ جاٶ تو اوپر والے حصے میں وہ اپنے کمرے میں بکھرے سے حولیے میں پریشان سے بیٹھا تھا
سامنے ایک چھوٹی عمر کا ملازم کھڑا تھا
”چھوٹے خان ۔۔۔۔۔۔جی میں نے اس جگہ کے اردگرد ہر ایک مکان سے پوچھا وہاں اس نام کی کوٸی لڑکی نا رہتی ہے اور نہ کسی کے گھر مہمان آٸی تھی۔۔۔۔۔اور نہ اس پاٸل کی دوسری جوڑی ہے کسی لڑکی کے پاس۔۔۔۔۔۔۔“
اس ملازم نے دس دفعہ کی کہی بات دوبارہ دہرا دی۔۔۔۔۔۔
ہوں ٹھیک ہے تم جاٶ۔۔۔۔۔۔
ہاتھ کے اشارے سے اسے کہتا وہ اٹھ کھڑا ہوا
یہ لڑکی اس کے لیے درد سر بن گٸ تھی
اسے خود نہیں پتہ تھا وہ کیوں اسے ڈھونڈ رہا ھے
دس دنوں سے نوکروں کو پورے گاٶں کی دوڑیں لگواٸی تھی خود بھی دس دفعہ اس جگہ گیا تھا لیکن اس نے نہیں ملنا تھا وہ نہیں ملی تھی۔۔۔۔۔
اب وہ مایوس ہونے لگا تھا
تیزی سے تیار ہو کہ وہ سیڑھیاں اتر کے جیسے ہی نیچے اترا۔۔۔۔
سامنے بڑے صوفے پہ بیٹھے اپنے باپ رجب خان کو بیٹھا دیکھ کہ طابعداری سے ان کی طرف بڑھا۔۔۔۔۔۔
ان کی گردن کچھ اور اکڑ گٸ۔۔۔۔۔
شہباز خان نے ایک نظر۔۔۔۔۔۔میر داد خان کو دیکھا ان کے چہرے پہ بھی فخر تھا
پھر سر جھکا لیا۔۔۔۔۔۔
”کہاں جا رہے ہیں۔۔۔۔۔۔“؟
انہوں نے وہی کھڑے کھڑے پوچھا۔۔۔۔۔
”سوچا کہ ایک چکر یتیم خانے کا لگا آٶں کچھ چیزیں تقسیم کر آٶں۔۔۔۔۔“
وہ ابھی تک سر جھکاۓ کھڑا تھا
رجب خان نے ایک جتاتی ہوٸی نظر اپنے بھاٸی پر ڈالی۔۔۔۔۔
جیسے کہہ رہے ہو
دیکھو یہ میرا بیٹا ہے۔۔۔۔۔“
پھر اسے ماتھے پہ پیار کیا۔۔۔۔
میر داد خان کی مسکراہٹ معدوم ہوٸی
اس گھر میں وہاج خان کو ایک ہی شخص ٹھیک سے جانتا تھا اور اس کے سارے گناہوں پہ پردہ بھی ڈالتا تھے وہ تھے میر داد خان
باقی سب کے لیے وہ ایک آٸیڈیل تھا
”ٹھیک ہیں جاٸیں آپ۔۔۔۔۔“
وہ اسے محبت پاش نظروں سے دیکھتے ہوۓ دوبارہ بیٹھ گۓ۔۔۔۔
اور وہ تیزی سے باہر نکل گیا
جیپ سٹارٹ کی اب اس کا رخ کوٹھے کی جانب تھا
اندر بیٹھے افراد ابھی بھی اس کے گن گا رہے تھے۔۔۔۔۔

وہ جانتا ہے کہ کچھ روز وہ نہیں تھا تو میں
پکارتا رہا اس کو ادھر ادھر کیسے؟
جھلملاتی روشنیوں سے مزین۔۔۔۔۔اس کوٹھے میں جہاں اس پہر پریاں اترتی تھی خوب چخل پہل تھی۔۔۔۔
باہر گاڑیوں کی ایک لمبی قطار تھی۔۔۔۔۔۔
لیکن اندر بیٹھی نگار بیگم فون پہ کسی کو ہدایات دے رہی تھی
بجلی آج بہت مسٸلہ کر رہی ہے آپ فوراً آجاٸیۓ جرنیٹر سیٹ کر دیں۔۔۔۔۔۔تاکہ۔۔۔۔۔۔ہمارے مہمانوں کو کوٸی دکت نہ ہو۔۔۔۔۔۔
ساتھ ہی کمرے سے چمکیلی ساڑھی پہن کے نکلتی۔۔۔۔جہاں آرا۶ پلٹ پلٹ کے زرپاش کو ہدایات دے رہی تھی
”اگر پورا کوٹھا بھی تاریکی سے بھر جاۓ تب بھی ہم آپ کو باہر نکلنے کی ہدایت نہیں دیتے۔۔۔۔۔“
نیچے پارکنگ میں جیپ آکے رکی تھی
کالے رنگ کی شلوار قمیض اوپر واسکوٹ پہنے وہ اپنی ازلی شان و شوکت کے ساتھ گاڑی سے باہر نکلا تھا۔۔۔۔
اب وہ سڑھیاں چڑھ رہا تھا
”اندر زرپاش برا سا منہ بنا کے بیٹھی تھی۔۔۔۔۔
اس دفعہ آپ نے کوٸی گڑ بڑ کی نا۔۔۔۔۔۔تو ہم سے برا کوٸی نہیں ہو گا۔۔۔۔۔ہم چکر لگاتے رہیں گے۔۔۔۔۔۔
وہ کہہ کے باہر جاچکی تھی۔۔۔۔
وہ سڑھیاں عبور کرکے جیسا ہی اوپر پہنچا۔۔۔۔
اس کا رخ نگار بیگم کے کمرے کی جانب تھا
پورا کوٹھا اندھیرے میں ڈوب گیا
اندر کمرے میں بیٹھی زرپاش نے اٹھ کے لیمپ جلانے کی کوشش کی لیکن لیمپ کا تیل ختم ہو گیا تھا
اس نے اندھیرے میں ہی ماچس اٹھاٸی جلاٸی اور اس کی روشنی میں موم بتی ڈھونڈی۔۔۔۔
اسی لمحے دروازہ کھلا اور کوٸی اندر داخل ہوا تھا۔۔۔۔۔۔

جس کی یادوں سے خیالوں کے خزانے دیکھے
اس کی صورت بھی آج لگی فقیروں جیسی
اندھیرے میں اسے پتہ نہیں چلا اور وہ نگار بیگم کے کمرے کے بجاۓ۔۔۔۔۔۔شاید کسی اور کے کمرے میں آگیا تھا
اندر موجود لڑکی کے ہاتھ میں جلتی ماچس کی مدہم روشنی میں وہ موم بتی جلاتی۔۔۔۔۔لڑکی کی پیٹھ ہی دیکھ سکتا تھا۔۔۔۔۔۔
”اماں جان دیکھیۓ نا لیمپ کا تیل ختم ہو گیا ہے اور بجلی بھی دیکھیۓ آج ہی جانی تھی۔۔۔۔۔“
وہ اکتاہٹ بھرے لہجے میں کہہ رہی تھی
وہ سمجھی تھی شاید اس کی ماں ہے۔۔۔۔۔۔
اور یہ آواز وہ کیسے بھول سکتا تھا
جسے وہ پچھلے دس دنوں سے ڈھونڈ رہا تھا وہ یہاں کوٹھے پہ اسے ملے گی وہ سوچ بھی نہیں سکتا تھا
اس سے پہلے کہ وہ پلٹ کہ باہر نکل جاتا
وہ ہاتھ میں موم بتی پکڑے پلٹی
مدہم روشنی میں دونوں کے چہرے واضح ہوۓ۔۔۔۔۔۔۔
خوف کے مارے اس کے ہاتھ میں پکڑی موم بتی گر کر بجھ گٸ۔۔۔۔۔
کمرہ ایک دفعہ پھر۔۔۔۔۔۔اندھیرے میں ڈوب گیا تھا۔۔۔۔
اسے سمجھ نہیں آرہی تھی وہ خود یہاں سے بھاگے یا اسے جانے کے لیے کہے وہ اس کے کسی سوال کا جواب نہیں دینا چاہتی تھی۔۔۔۔۔
وہ خود باہر جانے کے لیے آگے بڑھی یکدم کسی چیز سے ٹکراٸی اس سے پہلے کہ وہ گرتی کسی نے اسے بازو سے تھام لیا تھا
وہ اس کے علاوہ اور ہو بھی کون سکتا تھا۔۔۔۔۔
”آپ کو دس دنوں سے ڈھونڈ رہا تھا آپ کی ایک امانت رہ گٸ تھی میرے پاس کہ آپ کو لٹا دوں۔۔۔۔۔مجھے بالکل بھی امید نہیں تھی کہ آپ مجھے کوٹھے کی طواٸف کہ روپ میں ملیں گی۔۔۔۔۔۔“
اس نے جتاتے ہوۓ لہجے میں کہتے ہوۓ اسے چھوڑ دیا تھا
اور جا چکا تھا
اس کے جملوں کی گونج اسے ابھی بھی سناٸی دے رہی تھی۔۔۔۔۔
وہ چیخ چیخ کہ کہنا چاہتی تھی کہ وہ طواٸف نہیں ہے لیکن اب یہاں سننے والا کوٸی نہیں تھا……

منزل پہ جو پہنچا ہوں تو معلوم ہوا ہے
خود اپنے لیے راہ کی دیوار بھی میں تھا۔۔۔۔
وہ تیزی سے باہر نکلا تو سامنے سے آتی رانی سے ٹکرا گیا۔۔۔۔۔۔
رانی جیسے اسی موقع کی تلاش میں تھی۔۔۔۔۔
جلدی سے اس کا راستہ روک دیا
اس نے ایک تپی ہوٸی نگاہ اس پر ڈالی۔۔۔۔۔
”خان جی۔۔۔۔۔کبھی ادھر بھی نگاہیں کر دیا کریں۔۔۔۔
نیم برہنہ لباس پہنے ڈارک میک آپ میں وہ قیامت ڈھا رہی تھی
۔۔۔۔۔
”حد میں رہو اپنی۔۔۔۔۔“
وہ غصے میں کہتا جان چھڑا کے جانے لگا۔۔۔۔۔
”آپ کچھ وقت گزاریں گے تو آپ کو بھی دل لگی ہوجاۓ گی۔۔۔۔“
اس نے گریبان سے پکڑ کے اسے نزدیک کرنا چاہا
وہ دو قدم پیچھے ہو گیا۔۔۔۔۔
”میری جان تم بہت خوبصورت سہی لیکن ہو تو طواٸف ہی تمہارے ساتھ دل بہلایا جاسکتا ہے دل لگایا نہیں جاسکتا۔۔۔۔۔“
اسے ایک جھٹکے سے دھکا دے کے وہ تیزی سے آگے بڑھ گیا تھا۔۔۔۔۔
”تو جسے وہ دس دنوں سے ڈھونڈ رہا تھا وہ طواٸف تھی۔۔۔۔۔“؟
”تو کیا اس دفعہ وہاج خان۔۔۔۔۔ایک طواٸف کی چاہت کر بیٹھے ہیں۔۔۔۔۔“
وہ دل بہلانا چاہتا تھا لیکن وہ دل لگا بیٹھا تھا
وہ ماننے سے انکاری تھا۔۔۔۔۔