(Last Updated On: )
جان توں رکھدے مدینے دا جو دیدار لذیذ
ذائقہ موت دا اوہناں نوں بڑا یار لذیذ
آپ دے عشق شہیدی نیں تڑفدے رہندے
گل پوے آن شہادت دا ہنے ہار لذیذ
دل کھلا من کے رضا ہجر دے شوہ دی من تے
رب دے یار بناں تار کے اج تار لذیذ
درد دے باب جئے باب دا جد باب پڑھاں
داد وچ موم کرن آپ دے کے پیار لذیذ
ذکر محبوب دے مکھ دا جدوں میں چھیڑ لواں
پھوکے لہجے نوں بناں دیندے نیں انوار لذیذ
آپ دی زلف مہکدی اے جدوں نس نس وچ
مشک ، عنبر توں بنن شعر دے مہکار لذیذ
نعت اعجازؔ گنہگار تے چھم چھم اُترے
لوک تے عید اُڈیکن مِرا ہر وار لذیذ
