(Last Updated On: )
جلتے ہوئے جب اتنے زمانے لگے مجھے
پھر یہ ہْوا کہ شعلے بجھانے لگے مجھے
گذرا ہوں بے شمار المیوں سے عمر بھر
جتنے بھی غم نئے تھے پْرانے لگے مجھے
بے انتہا تھیں بے سروسامانیاں مِری
اجڑے ہوئے بھی آ کے بَسانے لگے مجھے
آنکھوں نے چَین سے مجھے سونے نہیں دیا
خود اپنے خواب جب نظر آنے لگے مجھے
اس کے بغیر عمر گذاری تو یہ ہْوا
احوالِ حسن و عشق فسانے لگے مجھے
ہونا تھا مجھ کو عشق میں برباد ہو گیا
ہجر و وصال صرف بہانے لگے مجھے
۔۔۔۔۔۔۔۔۔۔۔۔۔۔۔۔۔۔۔۔
