کاوش عباسی(کراچی)
جادو کچھ میری چشمِ تر میں نہیں
ہم نوا ایک شہر بھر میں نہیں
سورجوں کا پتہ جو تھے وہ چاند
اب کسی خواب کی نظر میں نہیں
کیا کہیں شہر میں ملے گی مجھے
وہ محبت جو میرے گھر میں نہیں
رات کو جھیلنے میں الجھا ہے
دل لگا،نغمۂ سحَر میں نہیں
خبطِ منزل ہے،لافِ منزل ہے
کوئی منزل مِرے سفر میں نہیں
خالی آفاق مجھ میں در آئے
کیا خلا ہے جو میرے سر میں نہیں
میری ناکام زندگی کاوشؔ
اب کسی خواہش و خبر میں نہیں
ڈاکٹر شہباز ملک پنجابی زبان و ادب کی دنیا میں ایک مشہور و معروف نام ہیں۔ وہ پاکستان میں پنجابی...
اسماء صبا خواج کا تعلق لکھیم پور کھیری ہندوستان سے ہے، اردو کی ممتاز لکھاری ہیں، آپ کا افسانہ ''مایوسی"...
"ماں" دنیا کا ایک شیریں ترین لفظ ہے اور ماں وہ شخصیت ہے جو اپنی اولاد کیلئے بیش بہا نعمتوں...
صالحہ رشید کی رپورٹ پریاگ راج ۹؍ نومبر ، پریس ریلیز ادبی تنظیم بزم یاراں کے زیر اہتمام یوم اردو...
Copyright © 2017 JNews.
