(Last Updated On: )
اس نظر نوں گدا ویکھدے رہ گئے
فیر کی ہو گیا ویکھدے رہ گئے
مینوں سرکار قدماں دے وچ سد لیا
لوکیں میری خطا ویکھدے رہ گئے
جد خیالاں مدینے نوں منہ کر لیا
پھر ہوئی انج عطا ویکھدے رہ گئے
قبر وچ پیر چم کے اساں آکھنا
تیری راہ سوہنیا ویکھدے رہ گئے
سر تے رکھیا میں جد نقش نعلین دا
تاج والے ادا ویکھدے رہ گئے
تیری جالی دے ساہویں میں پھر آں کھڑا
منہ فرشتے مِرا ویکھدے رہ گئے
پار دل چوں ہویا لوکی پھڑ کے جگر
شعر اعجازؔ دا ویکھدے رہ گئے
