ایلا کی محبت

کلاس میں لیکچر کے دوران ۔۔۔ ایلا بار بار اپنے برابر کے سیٹ پہ بیٹھے بہنام کو ۔۔ مسکراتی آنکھوں سے دیکھ رہی تھی ۔۔۔
جب اسے اپنے ہاتھ کی پشت پہ لمس کا احساس ہوا تھا ۔۔ وہ چونک کے دیکھنے لگی ۔۔
جس پہ لکھا ہوا تھا ۔۔
Beloved ..
ایلا کے لب مسکرائے تھے ۔۔ وہ پلکوں کے جھالر سے ۔۔ دوبارہ بہنام کو دیکھنے لگی ۔۔۔ جو اب نہیں تھا وہ ۔۔ وہ حیرت سے ادھر ادھر دیکھنے لگی ۔۔
پوری کلاس لیکچر سن رہی تھی ۔۔ جبکہ وہ بہنام کو ڈھونڈ رہی تھی ۔۔۔
” ایلا ۔۔ مجھے ڈھونڈ سکتی ہو ؟؟”
اس کے کان کی لو پہ سرگوشی ہوئی تھی ۔۔
” کہاں ہو تم ؟؟”
وہ بےخود سی پوچھنے لگی ۔۔
” مس ایلا ۔۔ آپ کلاس کو ڈسٹرب کر رہی ہے ۔۔ پلیز آؤٹ ۔۔ ”
لیکچرار کی آواز پہ وہ متوجہ ہوئی تھی ۔۔ ویسے بھی وہ باہر ہی جانا چاہتی تھی ۔۔ تبھی جلدی سے اٹھ کھڑی ہوئی تھی ۔۔
” اوکے سر ۔۔ ”
اپنا بیگ سنبھالتی ۔۔ وہ تیزی سے کلاس سے باہر نکلی تھی ۔۔۔
” بہنام ۔۔ کہاں ہو تم ؟؟”
وہ زیر لب بڑبڑاتی ۔۔۔ کوریڈور سے گزر رہی تھی ۔۔۔ اسے وہ کہیں بھی نظر نہیں آ رہا تھا ۔۔۔
جب اچانک کسی کے حصار میں ۔۔۔ وہ قدرے کونے میں ۔۔۔ دیوار سے پن ہوئی تھی ۔۔۔۔
” بہنام ۔۔ ”
اس کے لبوں نے سرگوشی کی تھی ۔۔ جبکہ اس کے لبوں کا لمس ۔۔ وہ اپنی شہ رگ پہ محسوس کر چکی تھی ۔۔۔
تبھی سانسیں منتشر ہوئی تھی ۔۔۔
” کیوں تڑپانے کی کوشش کرتے ہو ؟؟”
اس کی آنکھوں میں دیکھتی ۔۔ ایلا سرگوشی کر رہی تھی ۔۔ جبکہ وہ زیر لب مسکرا دیا تھا ۔۔۔
” میں تو تمہارے قریب آنے کی کوشش کرتا ہوں مائی ایلا ۔۔ ”
گھمبیر سرگوشی تھی ۔۔ اور بہنام کی مدہوش کن قربت تھی ۔۔۔
” تمہاری قربت مجھے پگھلا رہی ہے بہنام ۔۔”
وہ بمشکل سانس لینے کی کوشش کرتی کہنے لگی ۔۔
” کیونکہ تم موم ہو ایلا اور میں آگ ہوں ۔۔ ”
اس کی شہ رگ پہ ۔۔ اپنے لب رکھے اس نے مبہم لہجے میں کہا تھا ۔۔۔ ایلا آنکھیں موندے اس کے سینے سے جا لگی تھی ۔۔۔
” ایسے لگ رہا ہے جیسے ۔۔۔۔ جیسے بہنام تم میری سانسیں روک رہے ہو ”
” میں اچھا ان ہیلر بھی ہوں ۔۔ ”
اس کی گردن پہ ۔۔ اپنے ہاتھ کی پشت پھیرتا ۔۔ وہ ایلا کے لبوں پہ جھکا تھا ۔۔ اور اپنی شدتیں اس کی سانسوں میں بکھیرتا ۔۔۔ وہ ایلا کو بےخود کر رہا تھا ۔۔۔
تبھی وہ بےخود سی ۔۔ بہنام کی شدتوں میں پگھلتی ۔۔۔ بےدم سی ہو رہی تھی ۔۔
جب بہنام نرمی سے پیچھے ہوا تھا ۔۔ اس کے بال سنوارتا ۔۔ وہ بےحد محبت سے اس حسن کی دیوی کو دیکھ رہا تھا ۔۔
جس کے عشق میں وہ پور پور مدہوش ہو چکا تھا ۔۔
” ایلا ۔۔ ”
اس کے کان پہ اپنے لب رکھے تھے اس نے ۔۔۔
” بہنام ۔۔۔ ”
آنکھیں موندے ایلا نے بھی ۔۔ اس کے کان پہ سرگوشی کی تھی ۔۔۔
” میری ملکہ بن جاؤ ہمیشہ کے لئے ..”
سرگوشیاں اب گردن سے ہوتی ۔۔۔ کندھے پہ جا رہی تھی ۔۔
” میں تمہاری ملکہ ہوں بہنام ۔۔ ”
اس کی بڑھتی گستاخیاں ۔۔۔۔ ایلا کی سانسیں مدھم کر رہی تھی ۔۔۔
” اور میں تمہارا بہنام ۔۔ ”
ایلا کے دل کے مقام پہ ۔۔ اس نے اپنے لب رکھے تھے اب ۔۔۔
” آنکھیں کھولو ایلا ۔۔۔ ”
اس نے دوبارہ سے کہا تھا ۔۔ ایلا نے دھیرے سے آنکھیں کھولی تھی ۔۔ اور حیرت سے اپنے چاروں طرف دیکھنے لگی ۔۔
کھلے نیلے آسمان کے نیچے ۔۔ خوبصورت پھول جیسے دبیز قالین کی طرح بچھے ہوئے تھے ۔۔۔
ان پھولوں میں سے ۔۔ ایک پھول ایسا تھا ۔۔ جس پہ وہ دونوں کھڑے تھے ۔۔۔ نیلے آسمان سے ۔۔۔ نیچے پھولوں کے پنکھڑیوں کی بارش ہو رہی تھی ان پہ ۔۔۔
” یہ ۔۔۔ ؟؟”
” ہماری دنیا ہیں ۔۔ ”
بہنام اس کی پشت پہ ہو کے ۔۔۔ کہنے لگا ۔۔۔
” کتنی خوبصورت ہیں تمہاری دنیا ۔۔ ”
ایلا اب بھی حیرت میں ڈوبی ہوئی ۔۔۔ کچھ فاصلے پہ ۔۔۔ رنگ برنگے پہاڑوں سے ۔۔ گرتے آبشار کو دیکھ رہی تھی ۔۔۔
جس کا پانی بےحد شفاف تھا ۔۔۔
” ہماری دنیا ہیں یہ ..”
اس نے تصحیح کی تھی ۔۔۔
” وہ فاؤنٹین کتنا دلکش ہیں بہنام ..”
ایلا تو جیسے کھو گئی تھی ان خوبصورت نظاروں میں ۔۔۔
” اس کی دلکشی تم سے کم ہے ۔۔ تم زیادہ دلکش ہو ۔۔ ”
گھمبیر لہجے میں کہتا ۔۔۔ وہ اس کی کمر کے گرد ۔۔ اپنے دونوں بازو حائل کر چکا تھا ۔۔
اسے لیے ۔۔۔ وہ اس آبشار کی طرف بڑھ رہا تھا ۔۔
” میں گ۔۔ گر جاؤں گی بہنام ۔۔ ”
ایلا گھبرا گئی تھی ۔۔
” اور میں گرنے نہیں دوں گا ۔۔ ”
بہنام اسے مزید خود میں بھینچتا کہہ رہا تھا ۔۔۔
” تم ان دلکش نظاروں کو دیکھو ۔۔۔ جو تم جیسے خوبصورتی اور دلکشی تو نہیں رکھتے ۔۔ لیکن تم یہاں کی ملکہ ہو ۔۔۔ ”
ایلا حیرت سے ۔۔ گردن موڑ کے بہنام کو دیکھنے لگی ۔۔۔ اور پانی کے آبشار کے نیچے وہ پہنچ چکے ۔۔۔ تو بہنام اسے نیچے اتار چکا تھا ۔۔ لیکن اس کی کمر کے گرد ۔۔ اپنے بازو حائل رکھے تھے ۔۔ کہ اس کا پاؤں نہ پھسلے ۔۔۔
وہ دونوں ہی بھیگ رہے تھے ۔۔۔ ایلا کے لمبے گیلے بال ۔۔ اس کی پشت ۔۔ اس کی گردن سے چپک چکے تھے ۔۔ اس کی بھیگی پلکیں ۔۔۔ مسکرا رہی تھی ۔۔ اس کے گیلے لبوں پہ ہنسی تھی ۔۔۔
بہنام کی نظریں۔ ۔ اسکے بھیگی لبوں پہ تھی ۔۔۔
کیسے بتائے ۔۔
کیسے جتائے ۔۔
صبح تک تجھ میں جینا چاہے ۔۔
بھیگے لبوں کی ۔۔۔
گیلی ہنسی کو ۔۔
پینے کا موسم ہے ۔۔۔
پینا چاہے ۔۔۔
بہنام نے اس کی کلائی تھام کے ۔۔۔ اسے اپنی طرف کھینچا تھا ۔۔ ایلا اس کے سینے سے جا لگی تھی ۔۔
ایک بات کہوں ۔۔
کیا اجازت ہے ۔۔
تیرے عشق کی مجھکو ۔۔
عادت ہے ۔۔۔
ایلا دھڑکتے دل کے ساتھ ۔۔۔ اسے دیکھ رہی تھی ۔۔۔
” آج دل چاہ رہا ہے ۔۔۔ اس خوبصورت وادی میں ۔۔ تمہارے ساتھ کھو جاؤں ۔۔ ”
وہ بےخود سا ۔۔ ایلا کو خود میں بھینچے کہہ رہا تھا ۔۔۔
” کوئی ہمیں ڈھونڈ نہ پائے ۔۔۔ اس قدر کھو جائے خود میں ۔۔ کہ ہم خود کو ہی نہ ڈھونڈ پائے ۔۔۔ ”
اس کی گستاخیاں ۔۔ اب ایلا کی پشت پہ ۔۔ اسے محسوس ہو رہی تھی ۔۔
” بہنام ۔۔۔ ”
اس کے لب کپکپائے تھے ۔۔۔
اور بہنام نے اس کا رخ اپنی طرف کر کے ۔۔۔ اس کے لبوں کو اپنے لبوں سے قید کر لیا ۔۔۔ ایلا ابھی سنبھلی بھی نہ تھی ۔۔ کہ اس کی سانسیں الجھنے لگی ۔۔۔
” ان لبوں سے بار بار اپنا نام سننے کی چاہ ہیں ایلا ۔۔۔ ”
وہ اب خود میں تھا ہی نہیں جیسے ۔۔۔ ایلا کی سانسیں اکھڑنے لگی ۔۔۔ تبھی وہ ایلا سے دور ہوا تھا ۔۔۔
” جل جاؤ گی ایلا ۔۔ میری شدتیں تمہیں جلا دے گی ۔۔ ”
وہ اچانک سے چلایا تھا ۔۔۔ دھڑکنوں میں اٹھتے ۔۔۔ ان بےلگام جذبوں کے طوفان کو روکنے کی ناکام کوشش ہو رہی تھی شاید ۔۔ تبھی چلایا تھا ۔۔
ایلا بکھری بکھری سی اسے دیکھ رہی تھی ۔۔۔
اور پھر وہ کہیں نہیں تھا ۔۔۔
۔۔۔۔۔
اچانک سے ۔۔۔
ٹھنڈی ہوا کے جھونکوں نے اس کے چہرے کو چھوا تھا ۔۔۔
جو جبکہ کھڑکی سے راستہ ڈھونڈتے اندر آ رہے تھے ۔۔۔
وہی بھینی بھینی سی خوشبو ۔۔۔۔
اسے اپنے قریب محسوس ہو رہی تھی ۔۔۔۔
۔۔۔۔
وہ جو کب اپنے نرم و ملائم بیڈ پہ پہنچی تھی ۔۔ اسے خبر بھی نہ ہوئی تھی ۔۔۔
وہ خواب تو نہیں تھا ۔۔
خیال تھا ؟؟
نہیں خیال بھی اتنے خوبصورت کہاں ہوتے ہیں ۔۔
وہ حقیقت تھی ۔۔ ؟؟
خوبصورت اور دلکش حقیقت ۔۔۔
نیند میں اس کے نازک سے لب ۔۔
ہلکا سا مسکرائے تھے ۔۔۔۔
حصار اب بےحد قریب سے محسوس ہو رہا تھا اسے۔ ۔۔
خود پہ بند باندھ چکا تھا وہ ۔۔ اور اسی کوشش میں ۔۔ وہ ایلا سے ۔۔ اس لمحے دور ہوا تھا ۔۔۔
لیکن یہ دوری وہ دیر تک ۔۔ کب برداشت کر سکتا ہے ۔۔۔
تبھی اسے بیڈ پہ لٹا کے ۔۔ ایک بےبس سی نظر ڈال کے ۔۔ وہ ہوا میں تحلیل ہوتا چلا گیا تھا ۔۔۔
لیکن رہنا مشکل ہوا تو ان ہوسکے جھونکوں کے ساتھ ۔۔ وہ پھر سے چلا آیا تھا ۔۔۔
” ایلا ۔۔۔ ”
سرگوشی سی ہوئی تھی اس کے کان کے قریب ۔۔۔۔
وہ کسمسائی تھی ۔۔۔۔۔ ۔
اس کے گرد اپنا حصار بناتا ۔۔۔۔
بہنام مسکرایا تھا ۔۔۔۔۔
اپنں انگلی کی پور سے ۔۔۔۔
ایلا کی پشت پہ وہ ۔۔۔
Beloved …
لکھ رہا تھا ۔۔۔۔
اس انوکھے لمس سے ایلا کسمسائی تھی ۔۔۔۔
جلن سی محسوس ہو رہی تھی اسے اپنے نازک سے وجود پہ ۔۔۔۔
” ایلا ۔۔۔ ”
پھر سے سرگوشی ہوئی تھی ۔۔۔
اب لمس اسے اپنے چہرے ۔۔۔
اپنی گردن پہ محسوس ہو رہے تھے ۔۔۔
جو اسے سکون دے رہے تھے ۔۔۔
” بہنام ۔۔۔ ”
آنکھیں بند کیے وہ سرگوشی کر رہی تھی ۔۔۔
” جی جان بہنام ۔۔۔۔ ”
وہ دھیمے سے مسکرا کے کہہ رہا تھا ۔۔۔۔
اس کے حصار کا ہی اثر تھا ۔۔
کہ وہ بند پلکوں کے ساتھ ۔۔۔
اس کے مدہوش کن لمس سے تڑپ سی رہی تھی۔۔۔۔۔
” کہاں چلے گئے تھے مجھے چھوڑ کے ۔۔ ؟؟”
بہنام اس کا رخ اپنی طرف موڑ چکا تھا ۔۔۔
” اب نہیں جاؤں گا کہیں ۔۔ ”
وہ نرمی سے ۔۔۔ اسے خود میں حفظ کرتا کہہ رہا تھا ۔۔
” مجھے اپنے ساتھ لے جاؤ ۔۔۔۔ اپنی دنیا میں ۔۔۔۔ ”
وہ اتھل پتھل ہوتی سانسوں کے بیچ بولی تھی ۔۔۔
” میری دنیا آگ ہے ایلا ۔۔۔
جلا کے راکھ کر دے گی تمہیں ۔۔۔ ”
وہ ٹوٹے لہجے میں ۔۔۔
اس کی قربت میں مدہوش سا دھیمے لہجے میں کہہ رہا تھا ۔۔۔
” میں جلنا چاہتی ہو بہنام ۔۔۔۔ ”
اس کی دھیمی آواز آئی تھی ۔۔۔
بہنام نظر بھر کے اسے دیکھ رہا تھا ۔۔۔۔
” میں اب جلنا چاہتی ہوں بہنام ۔۔۔ جب ہم ایک ہیں ۔۔۔ جب ہمارا ایک پاکیزہ بندھن ہے ۔۔۔ جو سالوں سے ہمارے بیچ چلتا آ رہا ہے ۔۔ تو ”
اس کی سانسیں جیسے اٹک گئی تھی سینے میں ۔۔۔
بہنام کی آنکھوں کا حصار تھا ۔۔
جو وہ دھیرے سے آنکھیں کھول کے اسے دیکھنے لگی ۔۔۔
کتنا خوبصورت تھا وہ ۔۔۔
ایلا سوچ کے رہ گئی ۔۔۔
اپنی انگلی کی پشت سے ۔۔۔
اس کے چہرے کو چھونے لگی ۔۔۔
اس کے وجود کی حدت ۔۔۔
اسے محسوس ہوئی تھی ۔۔۔
” میری شدتیں تم سہہ نہ پاؤ گی ایلا ۔۔۔۔ ”
بہنام اسے نظروں کے حصار میں لیے کہہ رہا تھا ۔۔۔
” سہنا چاہتی ہوں میں ۔۔۔ ”
اس نے آنکھیں موند کے دھیرے سے کہا تھا ۔۔۔
” مجھے اپنی قربت کی حدت سے ۔۔۔۔۔۔ جلا دو بہنام ۔۔۔
میں تمہارے وجود میں بوند بوند اترنا چاہتی ہوں ۔۔۔۔
میرے روم روم میں اپنی شدتیں اتار دو بہنام ۔۔۔
یہ دنیا میری نہیں ہے ۔۔۔۔
مجھے اپنی دنیا میں لے جاؤ ”
اس کی گردن پہ اپنی انگلیاں چلاتی ۔۔۔
وہ بہنام کی آنکھوں میں دیکھتی ایک ٹرانس میں کہہ رہی تھی ۔۔۔۔
بہنام اسے دیکھے گیا ۔۔۔۔۔
وہ اس کے وجود کا ہی حصہ تھی ۔۔۔۔
اس کی محبت کی شدتوں کا اثر تھا ۔۔۔
جو وہ اس کے قربت کی حدت سے جل نہیں رہی تھی ۔۔
پگھل رہی تھی ۔۔۔
موم سی ایلا تھی وہ ۔۔۔۔ جو بہنام کی شدتوں سے ۔۔ بہنام کے عشق میں پگھل رہی تھی ۔۔
اور جنونی سا بہنام تھا وہ ۔۔۔ جو اپنے عشق کی تپش ۔۔۔ اس کے سینے میں اتار چکا تھا ۔۔۔ جو اس کی سانسوں کو اپنی سانسوں میں الجھا کے ۔۔ اس کے دل کی دھڑکنوں کو محو رقص کر چکا تھا ۔۔

زینیہ کچن میں کھڑی کھانا بنانے کا سوچ رہی تھی ۔۔۔ جب اسے کسی انہونی کا احساس ہوا تھا ۔۔۔
آہٹ پہ مڑ کے ۔۔۔ اس نے پیچھے دیکھا تھا ۔۔۔ جہاں ژاویلا کھڑی اسے دیکھ رہی تھی ۔۔۔
” ت۔۔۔ ت۔۔۔۔۔ تم ”
زینیہ کی آنکھیں خوفزدہ سی باہر آنے کو ہوئی تھی ۔۔
جب زینیہ تیزی سے اس کے قریب ۔۔۔ اس کے مقابل کھڑی ہوئی ۔۔
” ژاویلا ۔۔۔ یاد ہوں میں ؟؟؟”
سرد آواز میں ۔۔ آنکھوں میں ڈھیر ساری نفرت لیے ۔۔ وہ کہنے لگی ۔۔۔
جبکہ زینیہ کو جیسے اپنی سانس رکتی محسوس ہوئی تھی ۔۔
” وہی ۔۔۔ ژاویلا ۔۔۔ جس کے بھائی کو آگ میں جلا کے ۔۔ موت کے گھاٹ اتار دیا تھا تم لوگوں نے ۔۔۔”
لمبے ناخن والی انگلی ۔۔۔ زینیہ کی گردن پہ پھیرنے لگی ۔۔
” و۔۔۔ وہ تو س۔۔۔ ساحر ۔۔۔ ”
زینیہ کہنے کی کوشش کرنے لگی ۔۔۔ جب ژاویلا نے اپنی انگلی اس کے لبوں پہ رکھ دی ۔۔۔
” ہشششششش ۔۔۔۔ چپ ”
زینیہ کے ہونٹ کپکپانے لگے ۔۔۔
” ایلا کی شادی تم کاوش سے کراؤ گی ۔۔ کب ؟؟؟ بہت جلد ۔۔ زور زبردستی ۔۔ جیسے بھی ممکن ہو لیکن یہ شادی ہو جانی چاہئیے ۔۔ ورنہ جانتی ہو پھر کیا ہوگا ؟؟”
زینیہ کے بےحد قریب اس نے اپنا چہرہ کیا تھا ۔۔
” تمہاری آنکھوں کا یہ خوف ۔۔۔ آہ زینیہ آہ ۔۔ بہت مزہ دے رہا ہے مجھے ۔۔۔ اگر یہ شادی نہیں ہوئی تو پہلے ایلا کو موت دوں گی ۔۔ تمہاری آنکھوں سے سامنے تڑپا تڑپا کے ماروں گی ۔۔ آہ مجھے اپنے دشمن کو تڑپتے ہوئے دیکھنے کا بہت شوق ہے ۔۔ جب وہ تڑپ تڑپ کے مرتی ہے ۔۔ اور پھر نمبر آئے گا اس ہینڈسم سے عائش کا ۔۔۔ لیکن مجھے اتنے ہینڈسم انسان کو موت دیتے بہت دکھ ہوگا ۔۔۔ ”
اپنا منہ لٹکائے ۔۔۔ وہ کہنے لگی ۔۔۔ جبکہ زینیہ بھیگی آنکھوں سے سر نفی میں ہلانے لگی ۔۔۔
” آہ ۔۔۔ ”
ژاویلا اس کے گرد چکر کاٹنے لگی ۔۔
” اور پھر باری آئے گی تمہارے س۔۔۔ س۔۔۔۔ سہاگ کی ۔۔۔ بیوہ ہو جاؤ گی تم تو اوہ ۔۔۔ لیکن ڈونٹ ووری پھر باری آئے گی تمہاری ۔۔ اور پھر پوری فیملی کو زخموں سے چور جسموں کے ساتھ ۔۔ زندہ آگ میں جلاؤں گی ۔۔ اور پھر ۔۔۔۔ ”
وہ رک کے قہقہہ لگانے لگی ۔۔
” اور پھر ۔۔۔ کیا جشن کا سماں ہوگا ۔۔۔ تمہاری بیٹی کا وہ جو عاشق بنا پھر رہا ہے ۔۔۔ بہنام ۔۔۔ پتہ ہے وہ کون ہے ؟؟ جن ۔۔۔ جن زاد ”
ژاویلا مسکراتی آنکھوں سے اسے دیکھنے لگی ۔۔
” تمہیں تو اپنی بیٹی کی خبر ہی نہیں ۔۔ وہی بہنام ۔۔۔ جس سے میں محبت کرتی ہوں ۔۔ وہی بہنام جو سالوں پہلے تمہاری بیٹی کو اپنے نام کر چکا تھا ۔۔۔ اور وہی بہنام ۔۔۔ جس کے شر سے تم اپنی بیٹی کو دور رکھنا چاہ رہی ۔۔۔ لیکن تم بھی بہت معصوم ہو ۔۔۔ تمہاری بیٹی تو خود انسان نہیں ہے ۔۔ کھبی بتایا اسے ؟؟ کہ وہ کیا ہے ؟؟؟ ”
زینیہ سر نفی میں ہلاتی رونے لگی ۔۔
” مت کرو ایسے ژاویلا ۔۔ مت کرو ۔۔ وہ میری بیٹی ہے ۔۔ ”
” قاتل ہے وہ میرے بھائی کی ۔۔۔ ”
ژاویلا چلائی تھی ۔۔۔ اس کی آنکھوں میں نفرت کے الاؤ دہک رہے تھے ۔۔
” ساحر کو ڈھونڈو گی اب ؟؟ ارے ساحر کہاں ہو ؟؟ پلیز آ کے میری بیٹی کو بچا لو ۔۔ م ۔۔۔ م۔۔۔۔میری ب۔۔۔ ب۔۔۔ بیٹی ۔۔۔ ”
وہ کہتے کہتے ہنسنے لگی ۔۔
” اب ایلا کو کوئی نہیں بچا سکتا ۔۔ یا اسے کاوش کا کردو ۔۔ یا تو میرے حوالے کردو ۔۔ یا پھر وہ بہنام اسے اپنی دنیا میں لے جائے گا ۔۔ اور اسے آگ بنا دے گا ۔۔۔ ”
وہ زور زور سے ہنستی ۔۔ وہاں سے غائب ہوئی تھی ۔۔ جبکہ زینیہ کانپ رہی تھی ۔۔ وہ رو رہی تھی ۔۔ ایلا جو بھی ہے ۔۔ اس کے وجود کا حصہ ہے ۔۔ وہ کیسے ۔۔۔ اسے اس آگ کے حوالے کر سکتی ہے ۔۔ کیسے ؟؟؟
‘ میں اپنی بیٹی کو لینے آؤں گا زینیہ ۔۔ ‘
اس کے کانوں وہی آواز گونجی تھی ۔۔۔
‘ وہ بہنام کی ہے ۔۔ میری بیٹی صرف بہنام کی ہے ۔۔ وہ میری دنیا کی ہے ۔۔ تم صرف ماں ہو ۔۔ میرے ساتھ میری دنیا نہیں جا سکتی ۔۔ میری بیٹی ایلا تو جا سکتی ہے ۔۔ میں اسے لینے آؤں گا ۔۔ ‘
آوازیں اس کا پیچھا کر رہی تھی ۔۔
” یہ کیا کردیا میں نے ۔۔ یہ کیا ہو گیا مجھ سے ۔۔۔ ”
وہ رو رہی تھی ۔۔
” ایلا میری ہے ۔۔ میری بیٹی ہے ۔۔ یا اللہ میں کیا کروں ۔۔ ”
وہ اب رو رہی تھی ۔۔۔ اپنی بیٹی کو بچانے کے لئے ۔۔ اسے پھر سے ساحر کو ڈھونڈنا تھا ۔۔ لیکن کہاں سے ڈھونڈے اسے ۔۔

” یہ ایلا ہے ۔۔۔ ”
وہ سب پہ نظر ڈالتا ۔۔۔ سپاٹ لہجے میں کہہ رہا تھا ۔۔۔
” اور آج کے دن ایلا کو یہاں لانے کا ۔۔۔ میرا مقصد صرف یہی ہے ۔۔۔ کہ آپ سب جو یہاں اس فنکشن میں موجود ہو تو یہ جان لو کہ
She is the queen of my kingdom .. ”
اس کا لہجہ اب بھی سپاٹ تھا ۔۔ جبکہ نظریں بھی بےتاثر تھی ۔۔۔ ڈیلاویئر لب بھینچے ۔۔۔ ماتھے پہ بل ڈالے انھیں دیکھ رہا تھا ۔۔ جبکہ باقی سب بھی ۔۔ جو وہاں موجود تھے ۔۔۔
بےیقینی سے اسے دیکھ رہے تھے ۔۔۔ جبکہ ایلا کنفیوز سی ۔۔ وہاں موجود سب کو دیکھ رہی تھی ۔۔
” اسلام علیکم ۔۔۔ ”
سب خاموش تھے ۔۔۔ جبکہ ڈیلاویئر کی آواز ابھری تھی ۔۔
” وعلیکم السلام ”
سب اب حیرت سے اسے دیکھنے لگے تھے ۔۔۔ جبکہ وہ باقی سب پہ ایک نظر ڈال کے ۔۔ پھر سے ایلا کو دیکھنے لگا ۔۔
” ایلا ہماری مہمان ہیں آج ۔۔ ان کی خاص خاطر تواضع کیجئیے ۔۔ ”
انٹاسیا درد بھری آنکھوں سے ۔۔۔ اسے بہنام کے پہلو میں دیکھ رہی تھی ۔۔۔ ایلا نے بےحد آہستگی سے ۔۔ بہنام کے ہاتھ میں اپنا ہاتھ دیا تھا ۔۔۔ جسے بہنام نے ہلکا سا دبا کے ۔۔ اپنے ہونے کا اسے احساس دلایا تھا ۔۔۔
انٹاسیا نے آنکھیں میچ کے رخ موڑ لیا تھا ۔۔
” ہماری دنیا میں خوش آمدید ۔۔ ایلا”
ٹریسا کی مسکراہٹ کے پیچھے جو نفرت پنہان تھی ۔۔ اسے شاید ایلا نہیں دیکھ پا رہی تھی ۔۔ تبھی کھل کے مسکرائی تھی ۔۔
” تھینک یو ۔۔ ”
بہنام نے دو نازک سی پریوں کی طرف اشارہ کیا تھا ۔۔
” ملکہ ایلا کو ان کے خاص روم میں لے جائیے ۔۔ اور ان کے لئے جو ڈریس رکھا ہوا ہے ۔۔ وہ ان کو دے کے ۔۔۔ ان کو تیار ہونے میں مدد دیجئیے ۔۔ آج ہمارے اس فنکشن کی خاص مہمان ہے ۔۔۔ ”
وہ کہتے ہوئے ۔۔ اب جن آنکھوں سے ایلا کو دیکھ رہا تھا ۔۔ وہاں موجود کچھ لوگوں نے بےحد حسد سے دیکھا تھا اس عمل کو ۔۔ جبکہ ایلا بہنام کی آنکھوں میں دیکھ رہی تھی ۔۔
” ملکہ ایلا ۔۔ آپ جائیے ۔۔ میں آ رہا ہوں وہیں ۔۔ ”
ایلا ان دونوں پریوں کے ساتھ آگے بڑھی تھی ۔۔ جبکہ اس کے باہر نکلتے ہی ۔۔ بہنام نے لب بھیںنچے سخت نظروں سے ان سب کو دیکھا تھا ۔۔
” آپ لوگوں کے دل میں کچھ اور زبان پہ کچھ ہونے کا یہ مطلب ہرگز نہیں ہے کہ میں نہیں سمجھتا کہ اس وقت آپ سب کے دماغ میں کیا چل رہا ہے ۔۔ ایلا کو نقصان پہنچانے کا کسی نے سوچا بھی تو ۔۔۔ اس کی سزا میں خود تعین کروں گا ۔۔ ”
وہ غرایا تھا ۔۔ جبکہ وہاں موجود سب لب بھینچے اسے دیکھ رہے تھے ۔۔
” آ رہی ہے سمجھ ؟؟”
وہ پھر سے چلایا تھا ۔۔ اور ایک لمحے کو ٹھٹھکا تھا اور پھر تیزی سے وہاں سے نکل گیا تھا ۔۔۔
۔۔۔۔۔
” میرا نام ایلسا ہے اور اس کا نام آلسا ۔۔ ہم بہنیں ہیں ۔۔ ”
وہ دونوں ایلا کے ساتھ چلتی کہہ رہی تھی ۔۔ جبکہ ایلا مسکرا رہی تھی ۔۔
” کتنی خوبصورت ہیں آپ دونوں ۔۔ ”
اور وہ دونوں ہنس دی تھی ۔۔۔
” بادشاہ بہنام بہت خوش قسمت ہیں کیونکہ آپ بےحد خوبصورت ہیں ملکہ ایلا ۔۔ ”
ایلا مسکرانے لگی ۔۔
” اچھا ؟؟ تھینک یو ۔۔ ”
جب انھیں رکنا پڑا ۔۔ سامنے ہی کچھ فاصلے پہ ژامبون اور رامبر کھڑے تھے ۔۔
جو سخت تیوروں سے ایلا کو دیکھ رہے تھے ۔۔
” جاؤ تم دونوں یہاں سے ۔۔ ”
ژامبون کی سرد آواز ابھری تھی ۔۔ ایلا بنا کوئی تاثر دیے اسے ہی دیکھ رہی تھی ۔۔
” ہم نہیں جائیں گے کہیں ۔۔ بادشاہ بہنام کا حکم ہے کہ ہم ملکہ ایلا کے ساتھ رہیں ۔۔ ”
یہ ایلسا تھی ۔۔ جبکہ ژامبون نے بےحد نفرت سے ایلا کو دیکھا تھا ۔۔
” ایک مٹی کی بنی عام سی انسان ۔۔ ہمارے سلطنت کی ملکہ کھبی نہیں بنے گی ۔۔۔ ”
وہ آگے بڑھنا چاہ رہا تھا جب رامبر نے اسے روکا تھا ۔۔
” ژامبون چلو یہاں سے ۔۔ بہنام کو پتہ چلا تو بہت غلط ہوگا ۔۔ ”
” اس سے پہلے بہنام کو خبر ہو میں اس کا خاتمہ کر دیتا ہوں ۔۔ ”
ژامبون یہ کہتے آگے بڑھا تھا ۔۔ آلسا اور ایلسا چیخ پڑی تھی ۔۔ جبکہ ایلا بنا ڈرے یونہی کھڑی ۔۔ اسے اپنی طرف لپکتا دیکھ رہی تھی ۔۔ جب بہنام اس کے مقابل آیا ۔۔۔
رامبر ڈر گیا تھا جبکہ بہنام کڑے تیوروں سے ۔۔ ژامبون کو دیکھا رہا تھا جس کی آنکھوں میں خوف ابھری تھی لمحے بھر کو ۔۔۔
” ایلسا آپ دونوں لے جائیے ملکہ ایلا کو یہاں سے ۔۔ ”
اور وہ دونوں حکم کی تعمیل کرتی ۔۔ ایلا کو وہاں سے لے گئی تھی ۔۔۔۔
جبکہ بہنام کی آنکھوں سے آگ نکل رہی تھی ۔۔۔ جس میں ژامبون کو اپنا وجود سلگتا محسوس ہو رہا تھا ۔۔۔
وہ چیخا تھا ۔۔ جب رامبر اس کے قریب آیا تھا ۔۔
” بہنام معاف کردو اسے ۔۔ اب نہیں کرے گا ایسا ۔۔ بہنام پلیز ۔۔ ”
اور بہنام پیچھے ہوا تھا ۔۔۔
” اپنی حد میں رہنا سکھا دو اپنے بھائی کو ۔۔ ”
اس کی آواز بےحد سرد تھی ۔۔۔ اور منہ موڑ کے لمبے ڈگ بھرتا ۔۔ بہنام وہاں سے جا چکا تھا ۔۔
” یہ کیا کر رہے ہو تم ژامبون ۔۔ مرنے لگے تھے تم ۔۔ ”
رامبر نے اسے تھاما تھا ۔۔ جبکہ وہ کراہ رہا تھا ۔۔ اس میں سکت نہیں تھی بات کرنے کی ۔۔
بہنام کی طاقت سے وہ آشنا تھا ۔۔ وہ بہنام سے مقابلہ کرنے کی سکت نہیں رکھتا تھا ۔۔ وہ بادشاہ تھا اور ژامبون ایک رعایہ ۔۔
۔۔۔۔۔۔۔۔۔۔۔
” آپ بےحد خوبصورت ہیں ملکہ ایلا ۔۔ ”
وہ ڈریس پہن کے جیسے ہی باہر آئی تھی ۔۔ایلسا بےحد محبت سے کہنے لگی ۔۔
” ہمارے بادشاہ بہنام کی ملکہ ایسی ہی ہونی چاہئیے ۔۔ ”
آلسا کیوں پیچھے رہتی ۔۔ جبکہ ایلا کو اپنے گال دہکتے محسوس ہوئے تھے ۔۔۔
اور پھر خوبصورت ہیروں سے مزین ۔۔ نازک سا تاج اس کے سر پہ رکھا گیا تھا ۔۔۔ اس کے لمبے براؤن سلکی بال ۔۔ اس کی پشت پہ بکھرے پڑے تھے ۔۔۔
دستک پہ ۔۔۔ ایلا دروازے کی طرف متوجہ ہوئی تھی ۔۔ جب بہنام اندر آیا تھا ۔۔۔ وہ دونوں پریاں وہاں سے ۔۔۔ سر تعظیم میں جھکائے جا چکی تھی ۔۔
جبکہ بہنام مبہوت سا ۔۔ ایلا کو دیکھتا اس کے قریب آ رہا تھا ۔۔۔ ایلا کی پلکیں لرزی تھی ۔۔ تبھی پلکوں کے جھالر جھکے تھے ۔۔۔
گالوں پہ گلابی پن سا آیا تھا ۔۔۔
آپ کی آنکھوں پہ ۔۔
کون سا شعر لکھیں ہم ۔۔
آپ کی جھکتی اٹھتی ۔۔
پلکوں پہ ۔۔
کون سی نظم لکھے ہم ۔۔
آپ کے حسن کے قصیدے ۔۔۔
تو بہت سے ہیں ۔۔
لیکن اس حسن کی رعنائیوں پہ ۔۔
کون سی غزل لکھے ہم ۔۔
اس کی گھمبیر آواز پہ ۔۔ ایلا کو اپنے دل کی دھڑکنیں مدھم ہوتی محسوس ہوئی تھی ۔۔۔
بہنام اس کے قریب آیا تھا ۔۔۔
” تم سا حسن تو کہیں نہیں ایلا ۔۔ تم حسن کی دیوی ہو یا ملکہ حسن ہو ۔۔ ہر نام پھیکا پڑ جائے تمہارے اس حسن کے آگے ۔۔ ”
اس کی گردن پہ ۔۔ اپنے ہاتھ کی پشت پھیرتا ۔۔ وہ بےحد محبت بھرے لہجے میں کہہ رہا تھا ۔۔۔
ایلا نے نظریں اٹھا کے ۔۔۔ اسے دیکھا تھا ۔۔۔ جو بےحد حسین تھا ۔۔ اور جس کی آنکھیں ایلا کی محبت سے سرشار تھی ۔۔
” بہنام ۔۔۔ ”
اس نے نرمی سے ۔۔۔ نام ادا کیا تھا ۔۔ اور بہنام بےخود سا ۔۔ اس کے لبوں پہ جھکا تھا ۔۔
” جان بہنام ۔۔ ”
” مجھے کنفیوز نہیں کرو ۔۔ میں سب کے سامنے اب کیسے جاؤں گی ۔۔ ”
وہ پریشان سی ۔۔۔ اسے اپنے بےحد قریب دیکھ رہی تھی ۔۔
” تو نہیں جاتے ۔۔ یہیں رک جاتے ہیں ۔۔ میں اور تم ۔۔ ”
آنکھیں موندے ۔۔۔ اس کے لبوں پہ سرگوشی ۔۔ بہنام کو طمانیت بخش رہی تھی ۔۔
اور ایلا اس کے یوں مدہوش احساس سے ۔۔ جیسے مہک رہی تھی ۔۔۔
اس کے گہرے گلے سے نظر آتے ۔۔۔۔ اس کے سینے پہ ۔۔۔ بہنام نے اپنے لب رکھے تھے ۔۔
اس کی خوشبو کو اپنی سانسوں میں اتار کے ۔۔ وہ مدہوش سا ہوا تھا ۔۔۔
” ب ۔۔۔ بہنام ۔۔۔ ”
ایلا کی سانسیں بےربط ہوئی تھی اس لمس پہ ۔۔۔
جبکہ بہنام نے اس کی گردن سے سفر ۔۔۔ اس کے لبوں تک کیا تھا ۔۔۔
” میں مدہوش ہوچکا ہوں تمہارے حسن میں ایلا ۔۔ مجھے ہوش نہیں کسی بات کا ۔۔ میں تم میں مدہوش ہو رہا ہوں ۔۔۔ ”
ایلا اسکی آنکھوں میں دیکھ رہی تھی ۔۔ جس میں اس کے عشق کا خمار چڑھتا جا رہا تھا ۔۔
اس کے سینے میں ۔۔۔سانسیں کھبی مدھم تو کھبی تیز ہوتی چل رہی تھی ۔۔۔
” تم اپنے ساتھ ساتھ ۔۔ مجھے بھی بہکا رہے ہو بہنام ۔۔ یہ ٹھیک نہیں ہے ۔۔ ”
اور بہنام مسکرا پڑا تھا ۔۔۔
” کیا تم بہکنا نہیں چاہتی میرے عشق میں ؟؟ میری شدتوں میں ؟؟”
ایلا اسے پریشان نظروں سے دیکھنے لگی کہ اب کیا جواب دیں وہ ۔۔
” ہشششش ۔۔۔ بتاؤ ناں ایلا ۔۔ کیا تم نہیں بہکنا چاہتی ۔۔ ؟؟”
وہ پھر اپنا سوال دہرا رہا تھا ۔۔ اور ایلا نے پلکیں جھکا دی تھی ۔۔ کہ بہنام کی قربت میں ۔۔۔ اسکی شدتوں میں وہ پرسکون سی ہو رہی تھی ۔۔
” بہکنا چاہتی ہوں بہنام ۔۔ ”
اور بہنام نے ۔۔ اسے اپنے بازو پہ گرایا تھا ۔۔۔ اور خود اس پہ جھکا ۔۔۔ اپنی محبتیں اس پہ نچھاور کر رہا تھا ۔۔
” ہمارے ایک ہونے کے لمحے بےحد حسین ہونگیں ایلا ۔۔۔ بہت حسین سجاؤں گا ہماری خوابگاہ کو اس رات ۔۔۔ بوند بوند ایسے اتروں گا تم میں ایلا ۔۔ کہ تم بھول جاؤ گی خود کو ۔۔۔۔
ہمارے وصل کی وہ پہلی شب ۔۔ بےحد دلکش ہوگی ایلا ۔۔ ”
وہ مبہم لہجے میں کہہ رہا تھا اور ایلا ان لمحوں کے سحر میں جکڑتی ۔۔۔ ان بازوؤں میں پگھل رہی تھی جیسے ۔۔۔
بہنام نے اس کے ماتھے پہ ۔۔ اپنی محبت کی مہر ثبت کی تھی ۔۔
اور پھر اسے سیدھا کرتا ۔۔ خود اس کے سامنے گھٹنے ٹیک کے بیٹھ گیا ۔۔۔
ہاتھ پھیلانے پہ ۔۔۔ خوبصورت مدھم میوزک شروع ہوا تھا ۔۔۔ جو ان کی کیفیت کو جیسے بیان کر رہی تھی ۔۔
ایلا کے قدموں میں ۔۔۔ پھولوں کی وادی سی بچھ گئی تھی ۔۔۔ اور ہر طرف موم بتیاں سی جل اٹھی تھی ۔۔
جن کی مسحور کن خوشبو ۔۔۔ اپنے حصار میں لے رہی تھی اسے ۔۔۔
” تمہارے پاؤں بےحد خوبصورت ہیں ایلا ۔۔ ”
اہنے ہاتھ کی پشت ۔۔۔ اس کے پاؤں پہ پھیرتا وہ کہہ رہا تھا ۔۔ اور ایلا دھڑکتے دل کے ساتھ پیچھے ہوئی تھی ۔۔
جب دروازے پہ دستک ہوئی تھی اور دونوں متوجہ ہوئے تھے ۔۔
انٹاسیا اندر آئی تھی ۔۔ ایلا کو اس لباس میں دیکھ کے ۔۔ پل بھر کو وہ رکی تھی ۔۔
” کیا بات ہے انٹاسیا ؟؟”
بہنام کی آواز پہ وہ چونکی تھی ۔۔ اور نظریں چرا گئی تھی ۔۔
” ڈیلاویئر بابا ۔۔ بلا رہے ہیں تمہیں ۔۔ ”
” ہممم ۔۔۔ ان سے کہو ہم آ رہے ہیں ۔۔ ”
بہنام کہہ کے ۔۔ ایلا کی طرف متوجہ ہوا تھا جبکہ انٹاسیا کی آنکھیں نم ہوئی تھی ۔۔ جنہیں ایلا دیکھ چکی تھی ۔۔ لیکن وہ سر جھٹک کے باہر نکل چکی تھی ۔۔ کہ اپنی ہی محبت ۔۔ اپنی ہی دنیاکو اجڑتے دیکھنا اس کے لئے محال تھا ۔۔۔ وہ بہنام کے عشق میں جی رہی تھی ۔۔ اور بہنام ایلا کے عشق میں جی رہا تھا ۔۔
فرق تو کچھ نہ تھا دونوں کے احساسات میں ۔۔
فرق بس اتنا تھا کہ بدلے میں ایلا کی محبت کو وہ پا چکا تھا لیکن انٹاسیا بدلے میں خالی ہاتھ تھی ۔۔

” آج اماوس کی رات ہے کاھون ۔۔ اور آج کی رات میں ایسا کچھ کر سکتی ہوں ۔۔ کہ اپنے بھائی ڈاریون کو بلا سکوں ۔۔۔ آج کی رات وہ منتر پڑھوں گی میں ۔۔ کہ اس کی روح زندہ ہو جائے گی ۔۔ ”
ژاویلا گھنے درختوں کے بیچ ۔۔ اس سنسان جنگل میں ۔۔ اپنے بھائی ڈاریون کی قبر کے پاس کھڑی کہہ رہی تھی ۔۔
اس کی آنکھوں خوفناک چمک تھی ۔۔۔ اس گھنے جنگل میں ہر طرف ہو کا عالم تھا ۔۔۔ لیکن کھبی کھبی کسی چیل کی آواز ضرور آتی تھی ۔۔۔
” میں تمہارے ساتھ ہوں ژاویلا ۔۔۔ تمہارے ہر مقصد کو پورا کرنے کے لئے ۔۔ مجھے اپنے ساتھ پاؤ گی ۔۔ ”
کاھون اسے نظر بھر کے دیکھتا کہہ رہا تھا ۔۔۔ اور پھر ژاویلا کی چیخ پورے جنگل میں گونجی تھی ۔۔۔
اسی چیخ کے ساتھ ۔۔۔ تیزی سے تین چیل اس کی طرف آئے تھے ۔۔۔
جو قطار میں اس کے مقابل کھڑے ہوئے تھے ۔۔
” آج کی رات مجھے وہ طاقت چاہئیے ۔۔ وہ شکتی چاہئیے کہ جس کے ذریعے میں اپنے بھائی ۔۔۔ ڈاریون کی روح کو جگا سکوں ۔۔۔ ”
ژاویلا کی آواز گونجی تھی ۔۔ اور وہ تینوں چیل دہشت ناک آواز نکال کے ۔۔۔ اس کے سر کے گرد منڈلانے لگیں ۔۔۔
ژاویلا نے ہوا میں اپنا چھری والا ہاتھ لہرایا تھا ۔۔۔ اور ان چیلوں کے سر باری باری کٹتے گئے ۔۔۔
خون کی نہر بہی تھی ۔۔۔ جو ژاویلا کا چہرہ بھگو رہی تھی ۔۔ اور ژاویلا منہ کھولے ۔۔ وہ خون پینے لگی ۔۔۔۔
وہ تینوں چیلوں کے جسم نیچے گرے تھے ۔۔۔ اور ژاویلا کا قہقہہ اس جنگل میں گونجا تھا ۔۔ جو بےحد خوفناک لگ رہا تھا ۔۔
” مجھے شکتی چاہئیے ۔۔۔ مجھے شکتی چاہئیے ۔۔۔ مجھے شکتی چاہئیے ۔۔ ”
اس کی آواز پہلے سے زیادہ خوفناک ہو رہی تھی ۔۔۔ اس کی آنکھوں کی سیاہی بڑھ رہی تھی ۔۔۔
اس کے منہ سے جیسے خون کی مانند رال ٹپک رہی تھی ۔۔۔
اور پھر وہ منتر پڑھنے لگی ۔۔ جیسے جیسے منتر آگے بڑھ رہا تھا ۔۔۔ ویسے ویسے وہ جنگل خوفناک تر ہوتا جا رہا تھا ۔۔۔۔
اس کی آنکھوں سے ۔۔۔ خون بہہ رہا تھا ۔۔۔ جبکہ وہ منتر پڑھتی جا رہی تھی ۔۔۔
خوفناک آوازیں آنا شروع ہوئی تھی ۔۔۔ کاھون وہیں کھڑا آنکھیں بند کیے ہوئے تھا ۔۔۔ درختوں سے سانپ اتر اتر کے ۔۔ ڈاریون کی قبر پہ منڈلانے لگے تھے ۔۔۔ پتوں کی سرسراہٹ تھی ۔۔۔ بہت سے بچھو بھی وہیں۔۔۔ زمین کے اندر سے نکلنا شروع ہو چکے تھے ۔۔۔۔
اور پھر ژاویلا کی آنکھوں نے وہ منظر دیکھا ۔۔ جس کی وہ برسوں سے منتظر تھی ۔۔۔
سرخ آنکھوں والا ۔۔۔ وہ دیو نما ڈاریون جادوگر ہی تھا ۔۔ اس کا مرا ہوا بھائی ۔۔۔ جس کی شکل اور جسم ۔۔۔ جلے ہوئے گوشت کی لوتھڑے کی طرح تھی ۔۔۔ جس کی آنکھیں بےانتہا سرخ تھی ۔۔۔۔ اور جب اس نے منہ کھولا تھا ۔۔ تو اس منہ سے حشرات باہر نکلنے لگے تھے ۔۔۔
” خوش آمدید ڈاریون جادوگر ۔۔ ”
ژاویلا کی ہنسی بھری آواز پہ ۔۔ کاھون بھی آنکھیں کھول چکا تھا ۔۔
اور اس دیو نما شے کو اپنے سامنے دیکھ کے ۔۔ اس کی آنکھیں حیرت زدہ رہ گئی تھی ۔۔
” اب انتقام کا وقت آن پہنچا ہے ۔۔۔ اب انتقام کی آگ جلے گی ۔۔۔ اپنے دشمن کو اپنا ہم ختم کریں گے ۔۔۔ ”
اس کی آواز میں خوشی کی جھلک تھی ۔۔۔
” ایلا کو ویسے ہی جلاؤں گا ۔۔۔ لیکن اپنے طریقے سے ۔۔۔ اسے تڑپا تڑپا کے ۔۔۔ ”
اس کی بھاری خوفناک آواز گونجی تھی ۔۔۔
” ایک ایک کر کے ۔۔ سب کو ختم کردیں گے ۔۔۔ میں اور تم ۔۔۔ بہنام نے مجھے چھوڑ کے ۔۔ اس ایلا کو اپنا کے اچھا نہیں کیا ۔۔ اب اسے وہ سزا دوں گی ۔۔ کہ یاد رکھے گا ۔۔۔ ”
اس نے دانت پیستے کہا تھا ۔۔ جبکہ کاھون حیرت سے ان دو بہن بھائی کو دیکھ رہا تھا ۔۔
” سب ہوگا ۔۔۔ وہ سب جو ہم چاہے گیں ۔۔۔ اب میں وہ بھٹکا ہوا روح ہوں ۔۔۔ کہ جو اپنی ایلا سے بدلہ لے گا ۔۔ وہ میری نہ ہو سکی ۔۔ اسے کسی کا ہونے کے قابل نہیں چھوڑوں گا ۔۔۔ وعدہ ہے یہ میرا خود سے ۔۔ ”
ڈاریون بولتے ہوئے ۔۔ اپنی شکل سے بھی زیادہ خوفناک لگ رہا تھا ۔۔۔ اور پھر وہاں ایک لڑکی کی چیخیں گونجنے لگی ۔۔ جسے ژاویلا کے چیلے کھینچتے ہوئے لا رہے تھے ۔۔۔
” چھوڑو مجھے ۔۔۔ چھوڑو ۔۔۔ ”
وہ زخموں سے چور وجود کے ساتھ چیخ رہی تھی ۔۔۔
جب وہ دونوں اسے ژاویلا کے سامنے لے آئے تھے ۔۔
” کیا حکم ہیں ہماری ملکہ ۔۔ ”
ان دونوں نے احترام سے پوچھا تھا ۔۔
” اس لڑکی کو ۔۔ میرے بھائی کے قدموں میں پھینک دو ۔۔ ”
ژاویلا نہایت سفاکیت سے کہہ رہی تھی ۔۔ جبکہ وہ نازک سی لڑکی چیختی ہوئی نفی میں سر ہلانے لگی ۔۔۔
اور پھر ان دونوں نے ۔۔ اس لڑکی کو ڈاریون کے قدموں میں پھینکا تھا ۔۔
ڈاریون للچائی نظروں سے اس لڑکی کو دیکھ رہا تھا ۔۔ جو اس کے قدموں میں گری رو رہی تھی ۔۔۔
اس نے بےحد خوفناک قہقہہ لگایا تھا ۔۔۔
” ڈرو نہیں ۔۔ تم میری بہن کا تحفہ ہو میرے لئے۔ ۔۔ ”
اس لڑکی کو اٹھاتے ۔۔۔ اس نے اپنے مقابل کھڑا کیا تھا ۔۔۔
وہ لڑکی اس خوفناک چہرے کو اپنے سامنے دیکھ کے کانپنے لگی ۔۔
اور بار بار رو رہی تھی ۔۔۔
ڈاریون نے اسے اپنے دونوں ہاتھوں سے ۔۔۔ اس کے بالوں کو جکڑا تھا ۔۔
اور اس کو دونوں طرف سے کھینچا تھا ۔۔۔ اس کی چیخ فضا میں گونج کے ۔۔ معدوم ہوئی تھی ۔۔
وہ دو حصوں میں تقسیم ہو چکی تھی ۔۔اور ڈاریون بےحد سفاکیت سے ۔۔ اسے کھا رہا تھا ۔۔۔ کہ اس کا خون اس کی منہ پہ جگہ جگہ لگ چکا تھا ۔۔
جس پہ زبان پھیر کے ۔۔۔ وہ اپنی بھوک مٹا کے ۔۔۔ اب لب بھینچے سب کو دیکھ رہا تھا ۔۔۔
” ایلا ۔۔۔ آہ ایلا ۔۔ تمہیں ایسے تڑپاوں گا ۔۔۔ کہ اپنے پیدا ہونے پہ پچھتاؤ گی ۔۔۔ آہ ایلا ۔۔۔ ”
وہ غرایا تھا ۔۔۔
” آج جشن کی رات ہے ۔۔۔ آج مستی کی رات ہے ۔۔۔ جھومو ۔۔ ناچو سب ۔۔۔ آج قربانی کی رات ہے ۔۔۔ قربانی کرو آج ۔۔جس کو قربان کرنا چاہو ۔۔۔ ”
ژاویلا اب سب کو دیکھ رہی تھی ۔۔ جو جو وہاں جمع ہو رہا تھا ۔۔۔
” مجھے ایلا کے وجود کی خوشبو چاہئیے ۔۔۔ کاھون جاؤ اور اس کے وجود کا کوئی بھی حصہ مجھے لا دو ۔۔۔ ”
کاھون نے اثبات میں سر ہلایا تھا اور وہاں سے چلا گیا تھا ۔۔ جبکہ ژاویلا مسکراتی آنکھوں سے ڈاریون کو دیکھ رہی تھی ۔۔
اور وہاں موجود اس کے چیلے ۔۔۔ اودھم مچائے جشن منا رہے تھے ۔۔

اپنے لمبے بالوں کو جوڑے کی شکل دیتی ۔۔۔ وہ ڈریسنگ ٹیبل کے مرر میں ۔۔ اپنا عکس دیکھ رہی تھی ۔۔۔
اس کی نظر اپنی گردن میں موجود لاکٹ پہ گئی ۔۔
جو بہنام نے اسے پہنایا تھا ۔۔ تو کسی خوبصورت خیال کے تحت ۔۔۔ اس کے لب مسکرا پڑے تھے ۔۔۔
اس لاکٹ پہ ۔۔ اپنے لب رکھ کے وہ مڑی تھی ۔۔ جب سامنے عائش کو دروازے کے پاس دیکھ کے ۔۔۔ ڈر گئی تھی ۔۔
” اففف عائش ڈرا دیا تھا تم نے مجھے ۔۔ ”
اپنی سانس بحال کرتی ۔۔ وہ اسے گھورنے لگی ۔۔ جبکہ وہ مسکراتا اس کے قریب آیا تھا ۔۔۔
” دیکھنے آیا تھا کہ میری بہن کیا کر رہی ہے ۔۔ ؟؟”
وہ بھی مسکرا پڑی ۔۔
” آپ اسلام آباد سے کب آئے ؟؟ مما ڈنر پہ بتا رہی تھی کہ آپ اسلام آباد گئے ہوئے ہیں ۔۔ ”
عائش اب اس کے مقابل تھا ۔۔
” ہاں ابھی ابھی پہنچا ۔۔ تو پہلے تمہیں دیکھنے آ گیا ۔۔ ”
” یہ اچھا کیا آپ نے ۔۔ میں بھی آپ کو مس کر رہی تھی ۔۔ بیٹھئے ناں باتیں کرتے ہیں ۔۔۔ ”
ایلا مڑی تھی ۔۔ لیکن اپنی کمر پہ بھاری حصار کا احساس ہوا ۔۔۔ تو عجیب احساس کے ساتھ پیچے مڑنے لگی ۔۔۔
لیکن عائش کی جگہ ۔۔۔ اپنے سامنے ۔۔۔ سرخ آنکھوں والے ۔۔۔ اس جلے ہوئے گوشت کے لوتھڑے کو دیکھ کے ۔۔۔ وہ خوفزدہ ہوئی تھی ۔۔۔
وہ چیخنا چاہتی تھی ۔۔ لیکن اس کی آواز بند ہو چکی تھی ۔۔۔
” ڈاریون ہوں میں ۔۔ تمہارا ڈاریون ۔۔ یاد ہوں میں تمہیں ۔۔ ”
وہ ہنستے ہوئے کہہ رہا تھا ۔۔۔ ایلا نے پیچھے قدم رکھے تھے ۔۔ لیکن وہ اپنی خوفناک آنکھوں سے ۔۔ اسے دیکھتا ۔۔ اس کے مزید قریب ہو رہا تھا ۔۔۔
وہ پھر سے چیخنا چاہ رہی تھی ۔۔ لیکن آواز جیسے خاموش ہو گئی تھی ۔۔ منہ کھل رہا تھا لیکن آواز نہیں نکل پا رہی تھی ۔۔۔
” پھر سے آ گیا ہوں ۔۔ دیکھو مجھے اپنے مقابل ۔۔ دیکھو ۔۔ اور ڈرو ۔۔ ڈرو ۔۔ ”
وہ دھاڑا تھا ۔۔۔
” مجھ سے اب کیسے بچو گی ؟؟؟ مجھے دھوکا دے کے ۔۔ مجھے جلا کے ۔۔ میری موت کی زمہ دار بن چکی ہو تم ۔۔ اور اب ۔۔۔ اب تمہیں جلا کے ۔۔ گوشت کا لوتھڑا بناؤں گا ۔۔ اپنے جیسا ۔۔۔ تمہارے جسم کا ہر حصہ کاٹ کاٹ کے ۔۔ تمہاری تڑپ دیکھوں گا ۔۔۔ ”
بےحد خوفناک سرگوشی تھی ۔۔
آنسو بھری آنکھوں سے ۔۔ وہ اسے دیکھ رہی تھی ۔۔۔ جبکہ وہ قریب سے قریب تر ہو رہا تھا ۔۔۔
ایلا نے بےساختہ لاکٹ پہ ہاتھ رکھا تھا ۔۔ اسے محسوس ہوا تھا جیسے وہ چیخ سکتی ہے ۔۔۔اور ایکدم سے وہ پوری قوت سے چیخی تھی ۔۔۔۔