(Last Updated On: )
ہوسی کرم میں آکھساں پھَبّے اجے نہ نین
ناں ناں حضور جائو نہ رجے اجے نہ نین
نیناں توں جام ہور پلا ہور ساقیا
نیناں نوں حالے ویکھ لے پکے اجے نہ نین
انج کیرو ، اتھرواں چوں مدینہ جھلک پوے
آکھے نمانی آس دے لگے اجے نہ نین
نِت نقش درد ڈھال کے گھڑدے نویں نویں
تینوں وکھان لئی بنے سچے اجے نہ نین
کن وچ ازل توں واج پئی آپ آئو نیں
ہنجواں دے پھل سجا سجا سجے اجے نہ نین
اوویں کھلوتے روضے دی جالی دے سامنے
ویکھو ہوئے ایہ سجے تے کھبے اجے نہ نین
اعجازؔ یا گئے جدوں ماذاغ دے جہان
اِنج دے گئے ، گئے گئے ، لبھے اجے نہ نین
