(Last Updated On: )
حصارِ ذات میں سارا جہان ہونا تھا
قریب ایسے تجھے میری جان ہونا تھا
تری جبیں پہ شکن کیوں وصال لمحے میں
محبتوں کا یہاں تو نشان ہونا تھا
تمھارے چھو نے سے کچھ روشنی بدن کو ملی
وگرنہ اس کو فقط راکھ دان ہونا تھا
بہت ہی تھوڑی تھی دل میں تمھارے عمر مری
تھی خواب زاد مجھے داستان ہونا تھا
کسی کی نفرتوں نے مٹی میں ملا ڈالا
جو خواب تارا سا پلکوں کی شان ہونا تھا
بچھڑ گیا تو شبانہ ٔملال کیا کرنا
اُسے بچھڑنا تھا وہم و گمان ہونا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔
