حمد

ناصر نظامی(ایمسٹرڈیم۔ہالینڈ)

اے خدا  اے خدا  اے خدا  اے خدا

تو ہے سب سے بڑا، تو ہے سب سے بڑا

تیرے جیسا نہیں ہے کوئی دوسرا

یہ ستارے ترے،یہ نظارے ترے

یہ سمندر،یہ جھیلیں یہ دھارے ترے

تیری ہی یہ زمیں،تیری ہی یہ فضا

اے خدا  اے خدا  اے خدا  اے خدا

چاند سورج ترا حکم پا کر چڑھیں

تیرے ہی حکم سے سب جئیں اور مریں

تیری ہی زندگی،تیری ہی یہ قضا

اے خدا  اے خدا  اے خدا  اے خدا

ذرہ  ذرہ کرے حمد تیری بیاں

پتّا پتّا تری دے رہا ہے اذاں

بولے سانسوں کی لہروں میں تیری صدا

اے خدا  اے خدا  اے خدا  اے خدا

دور کردے مرے دل کی بے چینیاں

کردے پھر سے پری آس کی کھیتیاں

سُن لے ناصرؔ کے دل کی کبھی التجا

اے خدا  اے خدا  اے خدا  اے خدا