گیت۔ یہ آنسو بھی نہ آنکھوں میں اگر آتے تو کیا کرتے

یہ آنسو بھی نہ آنکھوں میں اگر آتے تو کیا کرتے
تمہارے غم کے شعلوں میں نہ جل جاتے تو کیا کرتے
ہمارے آنسوؤں نے ہم کو ساحل پر اتارا ہے
یہ آنسو آپ کی آنکھوں میں لہراتے تو کیا کرتے

خوشی کو درد سہنا اور بھی دشوار ہو جاتا
تمہارے غم اگر دل کو نہ بہلاتے تو کیا کرتے
محبت کے سفر میں ہم کو لوٹا ہے اجالوں نے
اندھیرے بھی کرم ہم پر نہ فرماتے تو کیا کرتے

زمانے کے ستم سہہ سہہ کے پتھر ہو گیا تھا دل
تمہارے گیت بھی دل کو نہ دھڑکاتے تو کیا کرتے
یہ آنسو بھی نہ آنکھوں میں اگر آتے تو کیا کرتے
تمہارے غم کے شعلوں میں نہ جل جاتے تو کیا کرتے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔