(Last Updated On: )
ہادیِ اسلام کے احساں ہوئے
اعلاں ہوئے
مرحلے ہر راہ کے آساں ہوئے
اعلاں ہوئے
ہر گھڑی اُس کا ہوا ہے آسرا
صلِّ علیٰ
ہر کے وہ آلام کے درماں ہوئے
اعلاں ہوئے
آمدِ سرکار کے ، سردار کے
دلدار کے
سائلو! اعلاں ہوئے ، ہاں ہاں ہوئے
اعلاں ہوئے
اُس کو حاصل عالموں کی سروری
ہر ہر گھڑی
سرورِ کُل والیِ دوراں ہوئے
اعلاں ہوئے
حامد و احمد وہی طٰہ وہی
مولا وہی
مُوردِ لولاک ہی سلطاں ہوئے
اعلاں ہوئے
محرم و دلداد وہ دلدار وہ
سرکار وہ
اک وہی اللہ کے مہماں ہوئے
اعلاں ہوئے
اُس کی مدح سے ملی دل کو دمک
گُل کی مہک
اِس طرح کامل مِرے ارماں ہوئے
اعلاں ہوئے
اس کی کامل مہر سے اور رحم سے
اور حلم سے
مملو سارے دہر کے داماں ہوئے
اعلاں ہوئے
