(Last Updated On: )
ایہہ ارمان نہ دل مینڈے دا جاندا وے میڈا وی کوئی آ کے پیار نبھاندا وے
کہڑی گل دا دوش میں دِیواں اپنڑاں نوں میں آوازاں دے دے تکھیا سجناں نوں
ہک نہ آیا جہڑا درد ونڈادا وے میڈا وی کوئی آ کے پیار نبھاندا وے
ایہو جہیا اِک یار تے جگ وچ ہوندا وے آ کے مینڈے موہنڈے نال کھلواندا وے
مینڈے پیار دا ہس ہس بھار چواند ا وے میڈا وی کوئی آ کے پیار نبھاندا وے
آس اُمید دا بوٹا میڈا کھل وِیندا بُھل بَھلیکے دِل والا کوئی مل ویندا
پیار دے پیارے گُر مینوں سمجھاندا وے میڈا وی کوئی آ کے پیار نبھاندا وے
رات نوں میڈے گھر دا دِیوا بلدا وے ہر جائی تے وس مینڈا جے چلدا وے
رات ڈیہاں وت کیوں میکوں تڑپاندا دے میڈا وی کوئی آ کے پیار نبھاندا وے
جھولی وچ فاروقؔ میڈے رُسوائی اے میں بدنام اِک آوارہ سودائی وے
میڈی لاش تے آنسو کون بہاندا وے میڈا وی کوئی آ کے پیار نبھاندا وے
