(Last Updated On: )
دُشمن کا بیاں دوست بَھلا کیا مرے آگے
اچھا کہو اُس کو، مگر اچھا مرے آگے
کیا یہ میں سَمجھتا ھُوں، کہ تُم اُس سے جُدا ھو
کیوں غیر کے مِلنے کی تمنا مرے آگے
دیکھی ھے تری زُلفِ مُسلسل کی درازی
ھے خال سے کم تر شَبِ یلدا مرے آگے
دے بیٹھے ھو دِل اور کو، ھَمدرد ھو میرے
کہتے نہیں کیوں حال تُم اپنا مرے آگے
یہ اور سِتم ھے، کہ مُجھے دینے کو اِلزام
کرتے ھیں سِتم سے وہ تحاشا مرے آگے
روکو تو سہی اب مُجھے، لو حضرتِ ناصح
لینا ھی نہ تھا نام، کسی کا مرے آگے
بــے بادہء نہیں زِیست کی صُورت مُتصوِر
ھیں دیدہء و دِل، ساغِر و مِینا مرے آگے
بندہ ھُوں تیرا، مُجھ کو قَسم ھے بُتِ کافر
ھـے مُصحَف و تَسبیح و مُصّلٰا مرے آگے
میں گوھر معنی کا خَریدار ھُوں ناظمؔ
کچھ مال نہیں دولتِ دُنیا مرے آگے
