(Last Updated On: )
دل تُرٹ کے چور ہویا صبر کوٹھے ڈھہہ گئے
آ کریما آ اسیں تے رہندے رہندے رہ گئے
عشق تیرا میرے سینے بلھے وانگوں نچ پیا
میرے سینے پیر ایہدے شیشیے ورگے ویہہ گئے
خاک ذرے جو مدینے روپ نگری دے نیں شاہ
ویکھ کے ذرے چمکدے تارے ویہندے رہ گئے
آپ نوں لبھ لبھ کے آقا فن دا پکھنو ہپھ گیا
نعت نوں جد ویکھیا تے سبھ تھکیڑے لہہ گئے
سوچ نیں اک وار طیبہ توں مڑن دا سوچیا
درد میرے ہاڑے پوندے سوچ دے پیریں بہہ گئے
مصطفی دا نور بجھنا تیرے توں کی وائے نی!
اج توں پہلاں کِنّے خورے واء ورولے کھہہ گئے
ویکھ لے اعجاز اوہناں دے ای نعرے لگدے نیں
مست ہو کے مصطفی یا مصطفی جو کہہ گئے
