(Last Updated On: )
دل نگر مازاغ دی اکھ دے اشارے آن ہٹ
پھر مکاناں لا مکاناں دے نظارے آن ہٹ
فیر آقا موج وچ اک وار انگلی نوں ہلا
فیر امت دے نصیباں دے ہلارے آن ہٹ
یانبی اسلام دے اس باغ تے کوئی نظر
فیر حق دی بلبلاں دے گیت سارے آن ہٹ
بھل گئے پر آپ دے آں ، لوک ہس ہس ویکھدے
کر نظر غمخوار انجدی غم دے مارے آن ہٹ
بھار لاہ کے ککھوں ہولے ہو گئے آں سوہنیا
چا سکے چوداں طبق نئیں بھار بھارے آن ہٹ
عرش دا ہے آئو لاڑا رات ووہٹی بن کھلی
پھر سلامی دین پاروں چن ستارے آن ہٹ
تاجدارا تاج تے اعجاز منگاں لوڑ نئیں
پر مدینے پاک جہیڑے دن گزارے آن ہٹ
