دل کے ٹوٹ جانے کا سانحہ نکل آیا

کلیم احسان بٹ(گجرات)

دل کے ٹوٹ جانے کا سانحہ نکل آیا

ہاتھ کی لکیرو ں سے زائچہ نکل  آیا

وہ  جہاں  بسایا  تھا  شوق  خود   نما ئی    نے

آئینے   کے   پیچھے   بھی   آئینہ  نکل   آیا

کس  نے  ذکر  چھیڑا  تھا  اس  کی سرد مہری کا

باد  و   برف  زاروں  کا  سلسلہ   نکل   آیا

دائرے  کے  باہر  بھی  دائرے  ہی لگتے ہیں

دائرے   کے   اندر  بھی   دائرہ  نکل   آیا

پھر  مرے  خیالوں  میں  پھوٹنے  لگی  سرسوں

پھر  جنون   و   و حشت  کا  مسئلہ   نکل   آ یا

اس کی  جھوٹی باتوں پر  میں  یقین کیوں کر لو ں؟

پھن  ا ٹھائے  بل  سے  پھر  وسو سہ  نکل  آیا

میں  ابھی  سفر کی دھول  گھر کو  لے  کے لوٹا تھا

پھر    نئی   مسافت   کا    راستہ   نکل   آیا