دل بناں آپ توں کردا نہ کسے تھاں تے چپ

دل بناں آپ توں کردا نہ کسے تھاں تے چپ
دید دی ہاں کرو ہونی اے اِسے ہاں تے چپ

امتیاں نوں تے تسیں ماں توں گھنا چاہندے او
کنج ہو سکدا سٹرے پُتر ، ہووے ماں تے چپ

سی کرن کفر سمجھدے نیں ترے دیوانے
آپ دی من کے رضا مست نیں دھپ، چھاں تے چپ

میرے لجپال مِرے کان معافی منگدے
میرے اللہ دا غضب ہے اجے وی تاں تے چپ

میرے جرماں دا زمانے تے تماشا بن دا
چپ ہوئی اے تے ہوئی اے ترے ای ناں تے چپ

سامنے آپ دی جالی دے ادب نال کھڑے
دل ، نظر ، جان ، جگر سِر جھکے ، ہتھ ہاں تے ، چپ

چھڈ ملکھ نوں سدا کردا رہو آقا آقا
کدی اعجاز سنیجا ای ہووے کاں ، تے چپ