(Last Updated On: )
دل آکھدا نبی نبی کردا رہواں مرِے نبی
ساہواں دے کاسیاں نوں میں بھردا رہواں مِرے نبی
کعبہ بناں کے اپنا تے دل اعتکاف بہہ گیا
میں نعت دی تجلیاں جردا رہواں مِرے نبی
اگ ہجر ، وصل دوویں ای ایہ ساڑدی ایہ ٹھاردی
ایہ ماردی ، ایہ تاردی تردا رہواں مِرے نبی
کتا میں دھوبیاں دا نئیں جو گھر دا ناں ای گھاٹ دا
نوکر ترے گھرانے تے در دا رہواں مِرے نبی
جو دل تے کل جہان وچ چانن کرن گلی گلی
انجدے چراغ بال کے دھردا رہواں مِرے نبی
بردا میں تیرے کعب دا ، حسان دا ، سنائی دا
کردا رہواں ثنا تری بردا رہواں مِرے نبی
اعجاز نعت دا ادب ڈر ڈر کے ڈر ڈرا دیاں
ڈر دا کِتے نہ ڈر لہوے ڈردا رہواں مِرے نبی
