(Last Updated On: )
دیر سے اپنے اپنے گھیرے میں
لوگ بیٹھے ہوئے ہیں رستے میں
ایک گاہک تھا وہ بھی چھوڑ گیا
اب رکھیں گے دکان اکیلے میں
میں نے پنجرا تو توڑ ڈالا مگر
فاختہ آ گئی لپیٹے میں
بین بجتے ہی ایک اور ناگن
ناچنے لگتی ہے سپیرے میں
اس کے قدموں میں ڈال پہلا پھول
جس نے مٹّی بھری تھی گملے میں
گھر میں اک آئنہ بھی ہوتا تھا
بس وہی ڈھونڈنا تھا ملبے میں
بچّے بچے کو کر رہا ہوں سلام
اس کے کوچے کے پہلے پھیرے میں
٭٭٭