چوٹی، چَکّر، دُھن

عاطِرؔعُثمانی(کوالالمپور)

چوٹی

رَگوں  کی

گِیلی  سی

پَگڈنڈیوں  پر

دِھیرے  دِھیرے  سے

سنبَھل  کر

 چَڑھ  رہا  ہے  جو

یہ  کوئی  خوف ہے  شاید

 جِسے چوٹی  پہ  جانا  ہے۔

۔۔۔۔۔۔۔۔۔۔۔۔۔

چَکّر

اگر  ہم

خُشک  پتّے  ہیں

تو  خُود  جَیسوں  سے  مِل کر  ہم

کہیں؟

چَل  پِھر ہی  آتے  ہیں

چَلو!

 چَکّر  لگاتے  ہیں۔

۔۔۔۔۔۔۔۔۔۔۔۔۔۔۔

دُھن

 ڈَرے  ،  سہمے

 دِلوں  کی

تھَاپ  سُن  کر

بَلائیں  وَالہانہ  ناچتی  ہیں

دُھوئیں  کی  قبر  میں

سونے  سے  پہلے

سُلگتا  شہر

دُھن  میں

آ  گیا  ہے․․․․․