(Last Updated On: )
چراغ حق دے بلے تے گئے ہنیرے بُجھ
کدے سویرے سویرے جھکے سویرے بُجھ؟
کیویں نیں مست نظارے، نی دھرتیے! دس کھاں
بہار نچدی پھرے کیوں ترے چفیرے بُجھ؟
ہزاراں سال توں بلدے گئے انگارے بجھ
تُرٹ پئے کیویں کسریٰ! ترے بنیرے بجھ؟
سلام کس تے پڑھیں کعبیا! توں جھُم جھُم کے
کسے نظر لئے سارے اشارے تیرے بجھ
گواہ گنگے پئے بول یا رسول اللہ
جدوں سی آکھیا ابوجہل کول میرے بُجھ
نبی دے عشق دا دیوا توں بال سینے وچ
چراغ ساہ دے جانیں اخیر تیرے بُجھ
چراغ آپ دا اعجاز جگیا جگدا اے
کوئی اگیرے گئے تے کوئی پچھیرے بجھ
