چاند سے کہہ دو بے دھڑک اترے
گھر میں در و دیوار نہیں ہم ہیں۔۔۔۔۔
رات کے اس پہر جب پورا علاقہ اندھیرے میں ڈوبا ہوا تھا۔۔۔۔۔۔جب روڈ ویران اور سنسان پڑے تھے۔۔۔۔۔پرندے اپنے گھونسلوں میں دبکے پڑے آرام فرما رہے تھے سڑھیوں سے ہوتے ہوۓ جاٶ تو اوپر چھت کی گرل پہ لٹکتی بتیاں جل بجھ رہی تھی آسمان آج نیلا نہیں بلکے کالا تھا ستارے رخ چھپا کے بیٹھے تھے۔۔۔۔۔کوٹھے کے ہر کمرے کی بتی آہستہ آہستہ بجھ گٸ تھی۔۔۔۔۔۔
سواۓ اس کمرے کے جس میں رات کے اس پہر بھی بتی جل رہی تھی اس نے جہاں آرا۶ کی گود میں سر رکھا ہوا تھا اور وہ انگلیاں اس کے بالوں میں پھیر رہی تھی۔۔۔۔
اس معصوم چہرے والی لڑکی نے یکدم سر اٹھا کے گھڑی کی طرف دیکھا تھا جو صبح کے تین کا ہندسہ عبور کر چکی تھی۔۔۔۔۔
”اماں جان تہجد کا وقت ہو گیا ہے۔۔۔۔۔“؟
اس نے اسی طرح ترچھا لیٹے ہوۓ گردن گھما کے اس سے پوچھا تو وہ جواب میں مسکرا دی۔۔۔۔۔
”سنو زری۔۔۔۔۔ایک سوال پوچھوں۔۔۔۔۔“
انہوں نے اس کا سوال نظر انداز کرتے ہوۓ اسے پکارا۔۔۔۔تو وہ اٹھنے کا ارادہ ترک کرکے پھر ان کی گود میں سر رکھ کے لیٹ گٸ۔۔۔۔۔
”اگر تم پہ کبھی ایسا وقت آۓ کہ تمہیں الّٰلہ اور انسان۔۔۔۔نعوذباللہ اللہ اور انسان کا کوٸی مقابلہ نہیں ہے۔۔۔۔۔۔۔؟لیکن میں یونہی ایک سوال پوچھ رہی ہوں۔۔۔۔۔
تو تمہارا انتخاب کیا ہوگا۔۔۔۔۔“؟
انہوں نے دلچسپی سے اسے دیکھتے ہوۓ کہا
تو وہ ان کا چہرہ تکنے لگی۔۔۔۔۔
”اماں جان ذندگی میں کیا ایسا وقت بھی آتا ہے۔۔۔۔“؟
وہ حیران ہوۓ بنا نہ رہ پاٸی۔۔۔۔
”ہاں بہت دفعہ جب انسان کا دل اس چیز کی طرف لپکتا ہے جو اسے خدا سے دور لے جاۓ۔۔۔۔۔“ اور زرپاش انسان تو جلد باز ہے۔۔۔۔۔۔یہ تو خود اللہ فرماتے ہیں۔۔۔۔۔۔اب وہ جلد بازی کن معملات میں کرتا ہے۔۔۔۔۔۔“؟ تمہیں پتہ ہے تمہیں یقیناً یہ سوچ کے حیرت ہو لیکن انسان سب سے ذیادہ جلد بازی خدا کو چھوڑنے میں ہی کرتا ہے۔۔۔۔“
انہوں نے کچھ اس اطمینان سے کہا کہ وہ چونک گٸ اور سر اٹھاۓ بنا نہ رہ سکی
”ہاں ۔۔۔۔۔۔زری اللہ کبھی انسان سے اپنا تعلق نہیں توڑتا۔۔۔۔۔وہ خود سے ایسے صورتحال بناتا ہے جس سے وہ تعلق نہ ٹوٹے وہ تو تب بھی تعلق نہیں توڑتا جب انسان اس کے احکامات کی خلاف ورزی کرتا ہے۔۔۔۔وہ پھر بھی توبہ کا دروازہ کھلا رکھتا ہے۔۔۔۔۔۔“ یہ تو انسان ہے جو تعلق توڑنے میں جلد بازی کرتا ہے انسان کو ذندگی میں سب چاہیۓ ہوتا ہے سواۓ خدا کے۔۔۔۔۔“
وہ اس کے بالوں میں انگلیاں پھیرتے ہوۓ اسے سمجھا رہی تھی اور وہ بس انہیں سن رہی تھی۔۔۔۔۔
یہ باتیں اس کے لیے نٸ تھی اور شاید عجیب بھی۔۔
تو ذندگی میں اگر آپ کو کسی ایک کو چننا ہو تو آپ خدا کو چننا زری۔۔۔۔۔“
”چاہے ہم رہیں یا نہ رہیں۔۔۔۔۔۔“
”جب دنیا کو چنیں گی تو خدا دور چلا جاۓ گا اور یہ آپ کا سب سے بڑا نقصان ہو گا۔۔۔۔۔۔“
انہوں نے اس کے ماتھے پہ بوسہ دیتے ہوۓ کہا۔۔۔۔۔
”اور ہاں ذندگی میں بہت سے ایسے مقام آٸیں گے جب آپ لوگوں کے چہروں سے پردے ہٹتے دیکھو گی جب آپ لوگوں کے دلوں میں زہر کو جانچوں گی۔۔۔۔۔جب آپ کے دل پہ اتنے زخم لگ چکے ہونگے کہ تکلیف نہ قابلِ برداشت ہو گی اور جب تمہیں لگے گا۔۔۔۔۔کہ اب آپ دوبارہ کبھی نہیں کھڑی ہو پاٸیں گی۔۔۔۔۔۔تو زری اس وقت۔۔۔۔۔دبک کے مت بیٹھ جانا۔۔۔۔۔۔وہ وقت ہوتا ہے اٹھنے کا۔۔۔۔۔۔اپنے بل بوتے پہ سہارا مت ڈھونڈنا۔۔۔۔۔سہارا برا ہوتا ہے چاہے دیوار کا ہو یا انسان کا۔۔۔۔۔کوشش کرنا اپنے ذور پہ کھڑی ہو۔۔۔۔۔۔جب دل تکلیف کی شدت سے پھٹ رہا ہو۔۔۔۔۔تو اس میں ڈوب جانا۔۔۔۔۔۔میں تو کہتی ہوں پھٹ جانے دینا اس دل کو۔۔۔۔۔اسے تڑپنے دینا۔۔۔۔۔۔اتنا کے تم اندر سے پوری طرح ٹوٹ جاٶ ۔۔۔۔۔۔پھر بنانا خود کو۔۔۔۔۔پھر تمہیں کوٸی نہیں توڑ سکے گا۔۔۔۔۔“
وہ دھیرے دھیرے جیسے اس کے کانوں میں کوٸی سحر پھونک رہی تھی۔۔۔۔۔۔
”میں تکلیفوں کے فوری مرہم پہ یقین نہیں رکھتی ۔۔۔۔۔کبھی بھی ایسے نہیں ہوا کہ ہمیں چوٹ لگے اور وہ فوراً بھر جاۓ اسے بھرنے میں وقت لگتا ہے۔۔۔۔صدیاں لگتی ہیں ذمانے لگتے ہیں۔۔۔۔پھر بھی نشان باقی رہ جاتے ہیں۔۔۔۔اور دل کے زخم تو کبھی بھی نہیں بھرتے جو لوگ کہتے ہیں نا کہ دل کے زخم بھر جاتے ہیں وہ جھوٹے ہوتے ہیں۔۔۔۔۔۔دل پہ زخم نہیں لگتے دھبے لگتے ہے۔۔۔۔۔۔جیسے سفید چادر پہ کالی سیاہی کے دھبے۔۔۔۔۔۔۔وہ مدہم ہو سکتے ہیں مٹتے نہیں ہیں۔۔۔۔۔ہم جتنا بھی کہیں ہمارے زخم بھر گۓ ہیں یہ تو محض ایک فریب ہے۔۔۔۔۔۔وہ دھبے مدہم ضرور ہوتے ہیں مٹتے نہیں ہیں۔۔۔۔۔۔اور آہستہ آہستہ کسی دیمک کی طرح ہمیں اندر ہی اندر ختم کر دیتے ہیں صدیوں کا بوڑھا بنا دیتے ہیں۔۔۔۔۔۔۔“
”اماں جان آپ یہ سب ہمیں کیوں سمجھا رہی ہیں۔۔۔۔۔“؟
”آخر کار وہ بول ہی پڑی وہ کب سے الجھن کا شکار تھی۔۔۔۔۔۔
”کیونکہ ضروری نہیں کہ ہمیں کل آپ کو یہ ساری باتیں بتانے کی مہلت ملے آپ کو بالکل نہیں پتہ دنیا کا۔۔۔۔بہت معصوم ہیں آپ۔۔۔۔۔“
ان کے لہجے میں محبت کے ساتھ ساتھ فکرمندی بھی عود آٸی تھی۔۔۔۔۔
”اماں جان خدا کے لیے ایسی باتیں مت کیا کریں آپ ہمیشہ ہمارے ساتھ رہیں گی۔۔۔۔“
وہ ناراض ہو کے اٹھ بیٹھی تھی پھر ان کا ہاتھ چوم کے بولی تھی۔۔۔۔۔
”اچھا ہم کہیں نہیں جارہے۔۔۔۔۔لیکن آپ ہم سے ایک وعدہ کریں۔۔۔۔آپ ہار نہیں مانیں گی آپ اپنے والد کو ضرور ڈھوندیں گی۔۔۔۔۔“
اس کا ہاتھ تھام کے اس سے پوچھا تھا
اس کے چہرے کی رنگت بدل گٸ تھی۔۔۔۔۔
”کریں وعدہ زری۔۔۔۔۔“
انہوں نے اس دفعہ زرا ذور دے کر بولا تھا۔۔۔۔۔
اس نے جھکا ہوا سر اٹھا کے انہیں دیکھا تھا۔۔۔۔
پھر چپ چاپ سر ہلا دیا تھا
انہوں نے آگے بڑھ کے اسے گلے سے لگا لیا تھا۔۔۔۔
ان کے پاس وقت بہت کم تھا
اب انہیں وہاج سے ملنا تھا۔۔۔۔۔
یہ جو ہر قدم پہ ٹھوکریں کھا رہا ہے
یہ شخص کھاۓ گا اپنے آپ سے مات آخر۔۔۔۔
موسم گرما کی اس تپتی ہوٸی دوپہر میں جب آسمان پہ چمکتے ہوۓ سورج کا راج تھا سورج کی تیز کرنیں ذمین کو حدت بخش رہی تھی چرند پرند گرمی کی شدت سے گھبراۓ ہوۓ اور پھول کملاۓ ہوۓ محسوس ہو رہے تھے ایسے میں رنگ برنگی روشینوں سے مزین اس کوٹھے میں بھی سکوت تھا خاموشی تھی۔۔۔۔۔سارے کمروں میں اے سی اون تھے اور سب لڑکیاں اپنے کمروں میں دبکی بیٹھی تھی۔۔۔۔۔
اس چھوٹے سے نفاست سے سجے کمرے میں پنکھا فل اسپیڈ پہ چل رہا تھا۔۔۔۔۔۔اور بڑے پلنگ پہ وہ دنیا جہاں سے بے خبر ۔۔۔۔۔لیٹے رسالہ پڑھنے میں مصروف تھی
توجہ ساری رسالے پر تھی
اس بات سے بے خبر کے ساتھ والے کمرے میں اس کا فیصلہ ہونے جارہا ہے۔۔۔۔۔
چمکیلی ساڑھی ذیب تن کیے بالوں کو اونچے جوڑے میں قید کیے۔۔۔۔۔میک اپ ذدہ چہرہ لیے وہ تکیے کے ساتھ ٹیک لگاۓ بے زار سی نظر آرہی تھی۔۔۔۔۔
ساتھ ہی کالے رنگ کی سلک کی قمیض شلوار پہنے۔۔۔۔گلے میں دوپٹہ ڈالے۔۔۔۔۔۔وہ عمر کے اس حصے میں بھی بہت خوبصورت تھی۔۔۔۔اور کوٸی نوجوان دوشیزہ معلوم ہوتی تھی چہرے پہ صدیوں کی تھکن بہت کچھ کھونے کا ملال۔۔۔۔۔۔تھا جسے میک اپ کے ذریعے چھپانے کی کوشش کی گٸ تھی سیاہ بال جن پہ چاندی اتر آٸی تھی شانوں پہ پھیلا رکھے تھے۔۔۔۔۔
سامنے بیٹھے اس مغرور لڑکے نے ایک نظر انہیں دیکھا تھا
پھر جگ سے پانی انڈیل کے لبوں کے ساتھ لگا لیا تھا
یہ اس کے جاٸزہ لینے کا ایک انداز تھا
چہرہ سپاٹ تھا
اسی لمحے جہاں آرا۶ نے نظر اٹھا کے اس نوجوان لڑکے کو دیکھا تھا
جو اس وقت سفید کاٹن کی شلوار قمیض پہنے بالوں کو ترتیب سے سیٹ کیے۔۔۔۔۔۔سامنے کے دو بٹن ہمیشہ کی طرح کھول رکھے تھے۔۔۔۔۔گھنی مونچھوں کے نیچے لب دباۓ ان کا جاٸزہ لینے میں مصروف تھا
چہرہ مغرور تھا
اور وہ اب تذبذب کا شکار معلوم ہوتی تھی
اسے دیکھ کے انہیں کوٸی یاد آیا تھا ایسے جیسے انہوں نے اسے کہیں دیکھ رکھا ہو
مگر کون۔۔۔۔۔“؟
”ہم نے آپ کو یہاں اس لیے بلایا ہے کہ ہم آپ سے زرپاش کے متعلق بات کر سکیں۔۔۔۔نگار بیگم نے ہمیں آپ کی خواہش کے متعلق آگاہ کیا ہے۔۔۔۔“
انہوں نے گلا کھنکار کے گفتگو کا آغاز کیا تھا پھر ایک نظر بے زار سی بیٹھی نگار بیگم کو دیکھا تھا
”جی میں خود پچھلے پانچ منٹ سے اسی انتظار میں ہوں کہ آپ مجھ سے زرپاش کے متعلق بات کریں۔۔۔۔۔“
لہجے میں اطمینان تھا۔۔۔۔۔
”آپ زرپاش سے شادی کرنا چاہتے ہیں۔۔۔۔۔“؟
اب کی بار انہوں نے نظر اٹھا کے اعتماد سے کہا تھا۔۔۔۔
”آپ مجھ سے اظہار چاہتی ہیں یا اپنا شک دور کرنا چاہتی ہیں۔۔۔۔“؟
وہ ٹھیک ہو کے بیٹھا۔۔۔۔۔پھر ایک ابرو اٹھا کے دیکھا۔۔۔۔
”جو بھی سمجھیں آپ۔۔۔۔۔“
انہوں نے اب کی بار۔۔۔۔۔سر اٹھا کے پورے اعتماد سے کہا تھا۔۔۔۔
”نہیں آپ سمجھا دیجیۓ جہاں آرا۶ بیگم اپنی مرضی کا مطلب نکالوں تو شاید آپ کی بات کا مطلب ہی بدل جاۓ۔۔۔۔۔؟“
سامنے والا بھی بلا کا پر اعتماد تھا۔۔۔۔۔
”آپ زری سے ہی کیوں شادی کرنا چاہتے ہیں۔۔۔۔“؟
انہوں نے اس کی آنکھوں میں دیکھتے ہوۓ مشکوک لہجے میں پوچھا۔۔۔۔
”آپ یہاں پہ کام کیوں کرتی ہیں۔۔۔۔“؟
اطیمنان سے مگر الٹا سوال پوچھا گیا تھا
وہ یکدم گڑبڑا گٸ ۔۔۔
پھر چونکی۔۔۔۔
”کیا مطلب۔۔۔۔“؟
وہ ناسمجھی سے بولی۔۔۔۔۔
”مطلب یہ کہ یہ کام آپ اس لیے کرتی ہیں کیونکہ یہ آپ کی ضرورت ہے۔۔۔۔۔۔“
اس نے اب کی بار بھی اعتماد سے کہا۔۔۔۔۔
انہوں نے محض سر ہلا دیا
آنکھوں میں ابھی بھی ناسمجھی تھی۔۔۔۔۔
”میں اسی لیے زرپاش سے شادی کرنا چاہتا ہوں۔۔۔۔“
مختصر کہہ کے وہ خاموش ہو گیا
وہ الجھی ہوٸی نظروں سے اسے دیکھ رہی تھی۔۔۔۔۔
”آپ کو زری سے محبت نہیں۔۔۔۔۔“؟
انہوں نے عجیب سے لہجے میں پوچھا
”نا۔۔۔۔۔۔“
اس نے سر داٸیں باٸیں ہلایا۔۔۔۔۔
”مرد کو کبھی بھی عورت سے محبت نہیں ہوتی۔۔۔۔۔اگر کبھی آپ کو کوٸی یہ کہہ دے کے مجھے فلاں عورت سے محبت ہے تو ۔۔۔۔۔۔سمجھ جاٸیگا وہ دنیا کا سب سے بڑا جھوٹا ہے۔۔۔۔۔محبت کا فلسفہ دماغ سے بالاتر ہے۔۔۔۔۔جب تک دماغ رہتا ہے محبت نہیں ہوتی۔۔۔۔۔۔عشق کی پہلی۔۔۔۔۔سیڑھی محبت ہی تو ہوتی ہے۔۔۔۔۔اور عشق کا مطلب ہوتا ہے فنا ہو جانا۔۔۔۔۔یہ جو ہم محبت کی آڑ میں چاہت کے طلبگار ہوتے ہیں پھر محبت کا رونا روتے ہیں۔۔۔۔ہم فراڈ دیتے ہیں خود کو۔۔۔۔۔۔۔“
وہ بغور ان کا چہرہ دیکھتے ہوۓ سپاٹ لہجے میں بول رہا تھا۔۔۔۔۔
”میں مرد ہوں تو کیا ضروری ہے مرد کے ہی حق میں بولوں گا اور آپ عورت ہیں تو عورت کے حق میں بولیں گی میں تو کہتا ہوں ہمیں ایک دوسرے کے حق میں بولنا چاہیۓ۔۔۔۔مجھے مرد کے ساتھ اور آپ کو عورت کے ساتھ اختلاف کرنا چاہیۓ کیونکہ میں مرد ہونے کے ناطے۔۔۔۔۔مرد کی ذہنیت جانتا ہوں اور آپ عورت ہونے کے ناطے۔۔۔۔۔عورت کی ذہنیت کو۔۔۔۔۔۔“
”میں کہوں عورت با وفا ہے۔۔۔۔۔آپ کہیں مرد با وفا ہے۔۔۔۔“
وفا اور محبت کا تعلق مرد یا عورت کے ساتھ مشروط نہیں ہے۔۔۔۔۔اس کا تعلق۔۔۔۔انسان سے ہے۔۔۔۔۔
میں دعوی نہیں کرتا۔۔۔۔۔۔اس بات پہ یقین رکھتا ہوں۔۔۔۔کہ مرد محبت کرے اور ایسی کرے کے پوری دنیا کو پچھاڑ کے رکھ دے پر رکیں۔۔۔۔۔۔“
تھوڑا آگے ہوا۔۔۔۔
جہاں آرا۶ کو جیسے وہ ہپنوٹاٸز کر رہا تھا۔۔۔۔۔
”مرد کو عورت کو جسم سے بڑھ کر جانچنے تو دیں اور عورت کو۔۔۔۔۔مرد کی جیب سے نکل کے دل تک تو پہنچنے دیں۔۔۔۔۔“تب کریں گے یہ دونوں محبت۔۔۔۔۔“
”یہ جو دم بھرتے ہیں محبتوں کا میرا دل چاہتا ہے نوچ لیا کروں ان کا منہ۔۔۔۔۔۔ان کے اندر سے جس دن جسم کی حوس ختم ہو گی ۔۔۔۔۔۔جس دن یہ عورت کو جسم سے آگے جاکے سمجھیں گا جس دن مرد سچ میں محبت کرے گا اس دن سب سے پہلے یہ کوٹھے ویران ہونگے۔۔۔۔کیونکہ وہ ایک عورت پہ دنیا ختم کر دے گا۔۔۔۔۔“
ابھی کوٹھا آباد ہے نا تو جو بھی یہ کہے کہ محبت ہے تو منہ پھیر لیجیۓ اس سے۔۔۔۔
جھوٹوں کو بھلا کون منہ لگاۓ۔۔۔۔
”میں محبت پیار کی بکواس کے حق میں ہرگز نہیں ہوں نہ ہی کوٸی جھوٹے دعوں کے۔۔۔۔۔۔مجھے اس کی چاہت ہے میں بھی ایک عام مرد ہوں میں بھی اسے تسخیر کرنا چاہتا ہوں۔۔۔۔۔“اور ہاں میں بھی مرد ہوں میں پاٸیدار کیسے ہو سکتا ہوں۔۔۔۔“؟
بات ختم کرکے وہ خود ہی مسکرا دیا جیسے اپنا ہی مذاق اڑا رہا ہو۔۔۔۔۔
اور جہاں آرا۶ کو اس سے خوف محسوس ہوا تھا
وہ انسان سچ بولنا جانتا تھا یا سچ تھوکنا۔۔۔۔۔۔وہ سمجھ نہ پاٸی۔۔۔۔۔
اب یہ آپ کی مرضی ہے۔۔۔۔۔کہ آپ اس سے میری شادی کرواۓ یا نہیں۔۔۔۔۔۔“؟
آپ کے پاس کتنا وقت ہوگا۔۔۔۔۔۔“؟ایک سال دو سال پانچ سال پندہ سال چلو
وہ ٹھیک ہو کے بیٹھا
پھر انگلیوں پہ گننے لگا۔۔۔۔۔۔
وہ منہ کھولے اس کی اس حرکت کو ملاحظہ فرما رہی تھی۔۔۔۔۔
”اگر اس عرصے میں آپ کو کوٸی ایسا انسان مل گیا۔۔۔۔۔جو آپ کی بیٹی کو عزت سے اس کوٹھے سے شادی کرکے لے جاۓ۔۔۔۔۔تو آپ مجھے بتاٸیۓ گا میں اس کےپاٶں دھو کے پینے کو تیار ہوں۔۔۔۔۔۔“
مانا۔۔۔۔۔۔آپ کی بیٹی نے آج تک رقص نہیں کیا۔۔۔۔۔“؟لیکن۔۔۔۔۔۔یہ کوٸی نہیں مانتا وہ کوٹھے پہ رہتی ہے اور کوٹھے پہ طواٸف ہی رہتی ہے۔۔۔۔۔“؟
اس نے اس بار ایک گھٹنے کو ذمین پہ ٹکایا دوسرے کو فولڈ کرکے اس کے گھیر بازو کا گھیرہ تنگ کیا اور چہرے پہ معصومیت سجا کے بولا
تو ان کے تن بدن میں آگ لگ گٸ ۔۔۔۔
وہ اس سے ذیادہ اپنی بیٹی کی تذلیل نہیں برداشت کر سکتی تھی۔۔۔۔
”بس کریں وہاج بہت ہوا۔۔۔۔”آپ مردوں کی انگلیاں ہم طواٸفوں کے جسموں سے ہوتی ہوٸی اب ہماری روحوں تک بھی پہنچ چکی ہیں۔۔۔۔۔۔“
وہ غصے سے ہانپنے لگی
”نگار بیگم لطف اندوز ہو رہی تھی۔۔۔۔۔
”آپ کیا سمجھتے ہیں ہماری بیٹی کو کوٸی اچھا انسان نہیں مل سکتا۔۔۔۔۔“؟ہماری بیٹی نیک خون ہے جو کوٹھے میں بھی رہ کے براٸیوں سے دور رہی۔۔۔۔۔۔“
”اور آپ لگاٸیں گی ان کی قیمت۔۔۔۔۔۔“؟
جو خود ایک طواٸف کے کوٹھے پہ بیٹھ کے اس کی تذلیل کر رہے ہیں۔۔۔۔۔“؟
”ہم بھی آپ کو زبان دیتے ہیں ایک ہفتے کے اندر اندر ہم زرپاش کی شادی آپ سے بھی اچھے عزت دار لڑکے سے کروا کے دیکھاۓ گے۔۔۔۔۔“
وہ آنکھوں میں انگارے لیے۔۔۔۔۔اسے انگلی اٹھا کے چیلنج کر رہی تھی
اور وہ انگلی تھوڑی کے نیچے ٹکاۓ متاثر کن نظروں سے انہیں دیکھ رہا تھا۔۔۔۔۔
وہ کہہ کے رکی نہیں تھی۔۔۔۔۔
وہاں سے نکل گٸ تھی۔۔۔۔۔۔
اب وہاں صرف نگار بیگم اور وہاج تھے۔۔۔۔۔
”پتہ نہیں سچ بولو تو ان لوگوں کو تذلیل کیوں لگتی ہے۔۔۔۔۔۔“؟
وہ چڑ گیا تھا
ایک نظر نگار بیگم کو دیکھا تو وہ گڑبڑا گٸ۔۔۔۔۔
وعدہ یاد ہے نا آپ کو اپنا۔۔۔۔“؟
اس نے مسکرا کے سر ہلا دیا۔۔۔۔۔
انہوں نے تیزی سے سر ہلا دیا۔۔۔۔۔
وہ اٹھا چابیاں اٹھاٸی اور باہر نکل گیا
پیچھے نگار بیگم سر جھٹک کے رہ گٸ۔۔۔۔۔
جہاں آرا۶ نے اندر داخل ہو کے تیزی سے دروازہ بند کیا تو وہ گڑبڑا کے اٹھ بیٹھی۔۔۔۔۔
تیزی سے جہاں آرا۶ کی طرف بڑھی۔۔۔۔جو لمبے لمبے سانس لے رہی تھی
”اماں جان آپ ٹھیک ہیں۔۔۔۔۔“؟
وہ گھبرا گٸ ان کے چہرے کو اپنے ہاتھوں کے پیالے میں لیا
”زری آپ وہاج کو اپنی ذندگی میں ہرگز قبول نہیں کریں گی۔۔۔۔۔“
انہوں نے زری کے دونوں ہاتھوں کو تھام کے۔۔۔۔۔۔تیز لہجے میں کہا
اس کا دل چاہا وہ سوال کرے کیوں۔۔۔۔۔“؟
لیکن ان کی حالت کے پیشِ نظر۔۔۔۔۔۔اس نے خاموشی سے انہیں گلے لگا لیا
جہاں آرا۶ اب ہچکیوں سے رو رہی تھی
ساتھ ایک ہی بات دہراۓ جارہی تھی
باہر گرمی کی شدت میں اب قدرے کمی واقع ہوگٸ تھی
مگر سینوں میں آگ ہنوز جل رہی تھی۔۔۔۔
عزیز تر تھی جسے نیند شامِ وصال میں
وہ تیرے ہجر میں جاگا ہے عمر بھر کیسے۔۔۔۔۔۔“؟
روشن دان میں بھڑکتی ہوٸی آگ اور باہر تیز آندھی۔۔۔۔برستی بارش۔۔۔۔۔
اونچی بلڈنگ کے سب سے اوپر والے فلور کی کھڑکی میں وہ شخص برستی بارش کو کھوٸی کھوٸی نظروں سے دیکھ رہا تھا
انگلیوں کے درمیان دبا سگریٹ آہستہ آہستہ بجھ رہا تھا۔۔۔
اٹلی کی اس خون جما دینے والی سردی میں وہ۔۔۔۔۔۔اونچے لمبے قد۔۔۔۔۔والا مرد۔۔۔۔۔جو بظاہر مضبوط اعصاب کا مالک معلوم ہوتا تھا ناٸٹ بلب کی مدہم روشنی میں اس کے نقوش واضح تھے۔۔۔۔۔گول چہرہ سانولی رنگت۔۔۔۔۔۔کلین شیو چہرہ۔۔۔۔۔چھوٹے چھوٹے بال۔۔۔۔۔۔اس کی عمر تیس سال کے لگ بھگ معلوم ہوتی تھی
کالے رنگ کی ٹراٶزر شرٹ اور اپر پہنے وہ پچھلے آدھے گھنٹے سے یوں ہی کھڑا تھا
بلڈنگ کی ساری لاٸیٹس اب آہستہ آہستہ بند ہو رہی تھی۔۔۔۔۔۔
آخر وہ پلٹا ایک نظر دیوار پہ لگی گھڑی کو دیکھا۔۔۔۔جو رات گیارہ کا ہندسہ عبور کر گٸ تھی
آخر اس نے پردہ برابر کیا۔۔۔۔
جلے ہوۓ سگریٹ کو وہی پھینکا۔۔۔۔۔۔
اور ۔۔۔۔۔۔لاٸٹ آف کی سٹڈی ٹیبل کی لاٸٹ آن کی۔۔۔۔۔۔اور وہی بیٹھ گیا
کالے کور والی ڈاٸری کھولی آخری صفحے پہ درج تاریح دیکھی۔۔۔۔۔
اس کے چہرے پہ سایہ سا لہرایا
”جاناں۔۔۔۔۔“
”تم سے بچھڑے ہوۓ۔۔۔۔۔۔آج دس دن بارہ گھنٹے بیس منٹ اور پانچ سیکنڈ گزر گۓ ہیں۔۔۔۔۔میں سوچتا ہوں میری ریاضی کب سے اتنی اچھی ہوگٸ تمہارے فراق نے مجھے کیا کچھ نہیں سکھا دیا۔۔۔۔۔تمہارا میرا تعلق کیسا عجیب ہے میں اسے محبت کا نام نہیں دیتا میں اسے چاہت بھی نہیں کہوں گا اور ہاں سنو میں۔۔۔۔مجبوری اور ضرورت کا نام دیتے ہوۓ بھی کتراٶں گا۔۔۔۔۔۔۔”مجھے کبھی سمجھ نہیں آٸی۔۔۔۔۔۔۔تمہارے بغیر اتنا بے چین ہوں تو یہاں کیوں بیٹھا ہوں۔۔۔۔۔اور ہاں یہ بتانا تو میں تمہیں بھول ہی گیا۔۔۔۔۔”آج اپنے ایک دوست کو تمہاری تصویر دیکھاٸی۔۔۔۔۔کہا دیکھو یہ کتنی خوبصورت ہے کیا اس جیسی خوبصورت عورت تم نے پہلے کبھی دیکھی ہے۔۔۔۔۔“؟وہ مجھ پہ بہت ہنسا کہتا ہے تم پاگل ہو گۓ ہو یہ اتنی بدشکل عورت تمہیں حسین لگتی ہے۔۔۔۔۔اس کے ایسے بولنے پہ میں برداشت نہیں کر پایا میں نے اس کا منہ نوچ لیا وہ ہوتا کون ہے تمہیں بدصورت کہنے والا۔۔۔۔۔۔؟ میرے دل سے پوچھو تم کتنی خوبصورت ہو۔۔۔۔۔یعنی جاناں میں آج تمہارے لیے ایک اور تعلق ختم کر آیا میں تمہارے لیے اور کتنے تعلق ختم کروں گا۔۔۔۔۔۔“؟میں یہ سوچتا ہوں۔۔۔۔۔تم اگر خوبصورت ہو تو دنیا کو خوبصورت کیوں نہیں لگتی اور اگر بدصورت ہو تو مجھے اتنی خوبصورت کیوں لگتی ہو۔۔۔۔۔“؟۔۔۔۔۔مجھے تو تم پہلے دن سے ہی خوبصورت لگی تھی۔۔۔۔۔لوگ تمہیں عام کہتے ہیں میں تمہیں خاص کہتا ہوں۔۔۔۔۔اگر مجھے دنیا کبھی یہ آپشن دے کے سب چھوڑ کے ایک چیز چن لو تو میرا انتخاب تم ہو گی ارے انسان۔۔۔۔۔بھی کتنا خوش فہم ہے جو سوچتے ہے بھلا وہ بھی کبھی حاصل کر پاتا ہے پر سنو جاناں یہ بھی حقیقت ہے ہمیں ایک دوسرے کے بغیر رہنا ہے۔۔۔۔۔پر امید بھی ہے شاید ذندگی میں کسی جگہ تم مجھے بھولی بسری مل جاٶ۔۔۔۔۔۔
ٹیبل لیمپ بجھا دیا گیا تھا
اب پورے کمرے میں تاریکی تھی۔۔۔۔
اس کی قربت میں ہے کیا بات نا جانے
ایک لمحے کے لیے صدیوں کو بھلا دیتا ہے۔۔۔۔
رات کی اس تاریکی میں کوٸی دبے قدموں اس بڑے کمرے میں داخل ہوا تھا
پلنگ پہ نگار بیگم خوابِ خرگوش کے مزے لوٹ رہی تھی
کھڑکی کے باہر جلتے بلب کی روشنی چھن سے اندر داخل ہورہی تھی
اس نے نظروں کو ادھر ادھر گھمایا آخر اسے اپنی مطلوبہ چیز مل گٸ ۔۔۔۔۔
اس نے تیزی سے موباٸل جھپٹا۔۔۔۔۔
ایک لمحے کے لیے روشنی کی شعاعیں چھت کے ساتھ لٹکتے پنکھے پہ عکس چھوڑ گٸ۔۔۔۔
اس نے سہمی ہوٸی نظروں سے دیکھا نگار بیگم ابھی تک سو رہی تھی
اس نے سکھ کا سانس لیا
اس کے ہاتھ اب تیزی سے چل رہے تھے
اس نے اپنا مطلوبہ کام ختم کیا موباٸل اپنی جگہ پہ رکھا
پھر دبے قدموں۔۔۔۔۔چھت پہ چلی گٸ۔۔۔۔
اب بھی اس کے ہاتھوں میں تیزی تھی۔۔۔۔
دور ۔۔۔۔۔اس حویلی میں رات کے اس پہر مکمل تاریکی تھی سواۓ اس کے کمرے کے۔۔۔۔۔۔اس نے ذمین پہ بچھاٸی جاۓ نماز کو تہہ کیا۔۔۔۔۔
سر سے ٹوپی اتار کے ساٸیڈ ٹیبل پہ رکھی۔۔۔۔
اور بجتے ہوۓ موباٸل کی طرف بڑھا
غیر شناسا نمبر دیکھ کے ایک لمحے کے لیے چونکا۔۔۔۔
پھر فون اٹھا لیا
”آواز سن کے اسے محسوس ہوا جیسے جانی پہچانی ہے۔۔۔۔۔۔“
”ہیلو ہم زرپاش بات کررہے ہیں۔۔۔۔“
آواز میں اعتماد تھا وہ مسکراۓ بنا نہ رہ پایا۔۔۔۔
”ذہے نصیب محترمہ۔۔۔۔۔“
”آج آپ نے خود ہم سے رابطہ کیا۔۔۔۔۔“؟
ذومعنی لہجے میں کہا گیا تھا
”جی کیوں کے بات ضروری تھی۔۔۔۔۔۔“
اس نے سہمی ہوٸی نظریں سڑھیوں سے نیچے تاریکیوں میں ڈوبے ہوۓ کمروں پر ڈالی۔۔۔۔
”محبت کا اقرار اگر صبح کی روشنی میں کیا جاۓ تو ذیادہ مناسب ہے۔۔۔۔“
اس نے کھڑکی سے باہر پورے چاند کو دیکھتے ہوۓ کہا۔۔۔۔۔
وہ گڑبڑا گٸ
”یہ آپ کو کس نے کہا۔۔۔۔۔“؟
اس نے ہچکچاتے ہوۓ کہا۔۔۔۔
”ضروری ہے ہر بات کہی جاۓ۔۔۔۔۔“؟
کچھ باتیں سمجھی بھی جاتی ہے۔۔۔۔۔“
وہ پتہ نہیں کیا کہنا چاہ رہا تھا۔۔۔۔۔
”نہیں ایسی بات نہیں ہے۔۔۔۔۔۔“؟ ہم تو یہ پوچھنا چاہ رہے تھے کیا ہماری اماں جان کی اور آپ کی ملاقات ہو چکی ہے۔۔۔۔۔“؟
آواز ہنوز آہستہ تھی۔۔۔۔۔۔
”وہ دھیرے سے مسکرایا۔۔۔۔۔
”جی۔۔۔کیوں وہ آپ کو گھبراٸی ہوٸی محسوس ہوٸی۔۔۔۔۔“؟
عام سے لہجے میں پوچھا گیا تھا۔۔۔۔
”جی تب ہی پوچھ رہے۔۔۔ہیں۔۔۔۔کہ آپ ہمیں بتا دیں۔۔۔۔۔“
اس نے جان چھڑانی چاہی۔۔۔۔
چہرے پہ گھبراہٹ واضح تھی۔۔۔۔
”چلیں۔۔۔۔مطلب آپ ہمیں اپنا سمجھتی ہیں۔۔۔۔۔“؟
وہ کھڑکی سے پیچھے ہٹ گیا تھا۔۔۔۔
”ہمارے سوال کا یہ جواب نہیں ہے۔۔۔۔۔“؟
اس کے لہجے میں سختی عود آٸی تھی
اور میں آپ کے ہر سوال کا جواب دینے کا اہل نہیں ہوں۔۔۔۔“
دوبدو جواب دے کے اسے لاجواب کر دیا گیا تھا۔۔۔۔
”اگر آپ کہیں گے تو میں آپ کو دوبارہ کبھی کال نہیں کروں گی
وہ روہانسی ہوٸی۔۔۔
”اور اگر میں کہوں کرو تو کرو گی۔۔۔۔۔۔“؟
اس نے ایک ابرو اچکا کے مزے لیتے ہوۓ کہا
اس کے پاس کوٸی جواب نہیں تھا اس لیے تیزی سے کال کاٹ دی
دل کی دھڑکن بے ترتیب تھی
اور وہ موباٸل سکرین کو گھور کے بیٹھ گیا
”پاگل عورت وہ ہے جو محبت کر بھی بیٹھے تو تسلیم نہیں کرتی
وہ ذور سے ہنسا۔۔۔۔
چاند نے دلچسپی سے یہ منظر دیکھا تھا
