(Last Updated On: )
چن ایس لئی ویکھ لے انگلی تے پیا کھیڈ
محبوب لئی کن دی بنائی اے خدا کھیڈ
محبوب توں گھر بار تے دل،جان لٹا کے
صدیق کہوے عشق کھڈوندا اے جدا کھیڈ
آ ویکھ عذاباں نیں زمانے نوں لیا گھیر
لجپال کرم کر کے زمانے دی بچا کھیڈ
اس نفس کھڈاری نیں ہرا دتے کھڈاری
سرکار میں جت جاواں کوئی آن سکھا کھیڈ
توں نین لئے پھیر ملکھ طعنے مریسی
اوہ ویکھ لے سرکار ترے ہر گئے گدا کھیڈ
اس وار تے در سوچ دے سرکار کدی ہون
دن رات بنائی اے مِرے نال ہوا کھیڈ
اے عشق! ذرا ویکھ میں کس در دا گدا ہاں
اعجازؔ دی آمین جو مرضی کھڈا کھیڈ
