چٹاخ!!
بھاری بھرکم ہاتھ اس کے گال پر جاکر لگا تھا۔۔۔۔
رخسار پر ہاتھ رکھے ،انکھوں میں نمی لیے وہ ذلت و توہین اور بے یقینی کی ملی جلی کیفیت سے سامنے کھڑے دیو قامد بے حس مرد کو دیکھ رہی تھی جس کے اعلی اخلاق کی مثالیں پوری دنیا دیتی تھی ۔۔۔۔۔۔۔
“آئیندہ مجھ سے اونچی آواز میں بات کرنے کی غلطی بھولے سے بھی نہیں کرنا ۔۔۔۔”
لال انگارہ انکھوں سے گھورتے ہوئے گویا اسے تنبیہہ کی گئی۔۔۔۔۔۔۔۔
“تم۔۔۔۔ تم انتہا کہ گھمنڈی اور بے غیرت انسان ہو ۔۔۔۔۔۔۔۔۔”
سائیں سائیں کرتے سر کو ہاتھوں میں تھام لیا۔۔۔
تھپڑ کی شدت نے اس کی دماغ کی رگیں ہلادیں تھیں۔۔۔۔۔۔
وہ جو پہلے ہی اس کی بے ہودہ جملوں پر سیخپا ہورہا تھا اس کی بات پر دو قدم چل کر قریب آیا اور اس کا بایاں بازو اپنی مظبوط گرفت میں جکڑلیا:
لگنے والے تھپڑ سے سنبھلی بھی نہ تھی کہ نئی افتاد پر بوکھلا گئ ۔۔۔۔۔
بعد میں احساس ہوا کہ وہ کس قدر سخت الفاظ بول گئ تھی۔۔۔۔۔
..”سی ۔۔۔۔”
مردانہ انگلیاں نازک سے مومی بازو میں کھب گئیں تھیں تکلیف کی شدت سے بے اختیار آنسو جھلک پڑے۔۔۔۔
اس سے پہلے وہ وحشی گرفت سے اپنا بازو چھڑاتی دوسرا تھپڑ پڑتے ہی وہ چکرا کر زمین بوس ہوئی تھی۔۔۔۔۔ ۔۔۔۔۔
کیا کہا ذرا دوبارہ کہہ کر بتانا۔؟؟؟
پائنچے ٹخنوں سے اونچے کر کے وہ اس کہ مقابل بیٹھا تھا۔۔۔۔
اس میں اتنی سکت باقی نہ رہی کہ مڑ کر اسے جواب دے سکے۔۔۔۔۔۔
اچانک گرنے سے پہلو میں اٹھنے والے درد نے اسے جامد کردیا تھا۔۔۔۔۔۔۔۔۔
گال ایک بار پھر جنجھنا اٹھا تھا۔۔ ہاتھ کی سختی سے اس کے جبڑے ہل گئے تھے۔۔۔۔۔
بولتی کیوں بند ہوگئ اب تمہاری ہاں ؟؟؟
دراب طنزیہ کہتے ہوئے کندھے سے پکڑ کر اس کا رخ اپنی جانب کیا ۔۔۔۔
نفرت سے اپنے سامنے بیٹھے شخص کو دیکھا لیکن اس بار چاہ کر بھی کچھ نہ کہہ سکی ۔۔۔۔
“نہ نہ جان دراب ابھی سے اپنے یہ آنسو ضائع نہ کرو ۔۔۔۔۔”
ابھی تو تمھیں اور سسکنا ہے اور تڑپنا ہے ابھی تو تم نے میری نفرت کی شدت دیکھی ہی کہاں ہے ؟؟؟
“میرے دل میں جو آگ کئی سالوں سے دہک رہی ہے اس میں تمھیں بھی تو خاکستار ہونا ہے نہ ۔۔۔۔۔۔۔”
سیدھے ہاتھ کی انگلی اس کہ چہرہ پہ پھیرنے لگا۔۔۔۔۔
لہجہ کی پنکھار اس کے نھنے سے دل کو لرزا گئی تھی ۔۔۔۔۔۔ پورے وجود پہ یک دم اس شخص کی ہیبت طاری ہوگئ تھی۔۔۔۔۔۔
اس کا کپکپاتا وجود دیکھ کر دراب کا قہقہہ بلند ہوا تھا۔۔۔۔۔۔
اس کے سلگتے دل کو سکون پھر بھی میسر نہیں تھا۔۔۔۔۔۔۔۔۔
وہ جس ظلم سے بچانے کیلئے اسے یہاں لایا تھا آج خود ہی کرگزرا تھا۔۔۔ جانے انجانے میں اس کم عقل لڑکی نے اپنے زہر میں بجھے تیر اس کے جسم میں پیوست کردیئے تھے۔۔۔ وہ ناچاہتے ہوئے بھی وہ ہی سنگ دل بے رحم وڈیرہ بن گیا تھا جو اس کے بابا جان اسے بنانا چاہ رہے تھے ۔۔۔۔۔۔۔۔۔
اس سمے اسے صرف اور صرف آہ و بقا سنائی دے رہی تھی اس لڑکی کی جو کبھی اس کے رگ و پے میں خون کی مانند دوڑتی تھی۔۔۔۔۔۔۔
ہنسنے کی شدت تھی یا اس کی بے بسی تھی دراب کی انکھوں سے آنسو ٹوٹ کر گرا تھا ۔۔۔۔۔۔۔۔۔۔۔۔۔۔
وہ چاہ کر بھی اس کا ہنستا مسکراتا عکس جھٹک نہیں پایا تھا جو ذہن کہ پردے پہ مسلسل لہرا رہا تھا۔۔۔۔۔۔
نرمی سے کہا گیا تھا
“جاو یہاں سے ۔۔۔۔۔”
آواز کا بوجھل پن اس کے دل کے غماز کی نشاندھی کررہا تھا۔۔۔۔۔
لیکن وہ تو شدت پکڑتے درد سے دوہری ہوئی جارہی تھی کہاں اسکے۔ دل کا درد سمجھ پاتی ۔۔۔۔۔۔۔
“سنا نہیں تم نے چلی جاو یہاں سے ”
کرخت لہجہ میں شیر کی سی ڈھاڑ تھی جو اسے سہما گئی۔۔۔۔۔۔۔۔۔۔۔۔۔
درد کو یکسر بھول کر وہ گرتی پڑتی اس کی انکھوں سے اوجھل ہوئی تھی ۔۔۔۔
وہ وہیں ٹوٹا بکھرا سا سر کے بالوں کو مٹھی میں جکڑے ہوئے بیٹھ گیا جہاں تھوڑی دیر پہلے وہ گری ہوئی تھی ۔۔۔۔۔۔۔
جنونی انداز میں ہاتھ سائیڈ ٹیبل پر مارا جس کی وجہ سے اس پر رکھا واس زمین پہ گرا تھا۔۔۔۔۔۔۔۔۔۔۔
دبیز کارپیٹ کی وجہ سے ٹوٹا نہیں تھا۔۔۔۔۔۔
یک دم اوندھے منہ گرے واس کو اٹھا کر زور سے دیوار پہ مارا تھا۔۔۔ اس بار وہ چکنا چور ہوکر زمین پہ بکھر گیا تھا۔۔۔۔
نجانے اس کہ دماغ میں کیا سمائی اٹھ کر ایک
کانچ کا نوکیلا ٹکڑا اٹھا کر اپنے فولادی ہاتھ میں کچھ لکھنے لگا تھا۔۔۔۔۔۔۔
آہستہ آہستہ خون کی بوندیں نمودار ہونا شروع ہوگئیں تھیں دیکھتے ہی دیکھتے خون پورے ہاتھ میں پانی کی طرح بہنے لگا تھا۔۔۔۔۔۔۔۔
کوئی اسے دیکھتا تو کسی پاگل سے مترادف ہی کرواتا ۔۔۔۔۔۔ وہ کہیں سے مہذب اور خوش اخلاق نہیں لگ رہا تھا۔۔۔۔۔۔۔۔۔۔ شاید ایک پچھتاوہ تھا جو کم کرنے کی تگ ودود میں اپنا ہاتھ زخمی کر بیٹھا تھا ۔۔۔
مہتاب اگر اسے اس حال میں دیکھ لیتیں تو غش کھا کر بے ہوش ہوجاتیں۔۔۔۔۔۔۔۔۔۔۔۔
____________________________
عینو یہ کیا حال کیا ہوا ہے کمرے کا ؟؟؟
بیڈ کی پر شکن چادر ، ہیئر برش ڈریسنگ پر بے ترتیب پڑا تھا ٹیبل پر مختلف رنگ کی ٹیوبس رکھی ہوئیں تھیں ان کے ساتھ ہی کئ سائز کے پینٹنگ برش ہولڈر میں رکھے ہوئے تھے ۔۔۔۔۔ کچھ کورے کاغذ بھی ایک فائل میں کلپ کئے ہوئے تھے۔۔۔۔۔
کمرہ کی ابتر حالت دیکھ کر نجمہ اپنا سر تھام کہ رہ گئ تھی۔۔۔۔۔
“افف مما مجھے پینٹگ کرنے دیں پلیز ڈسٹرب نہ کریں ۔۔۔۔۔۔”
شان بے نیازی سے کہتے ہوئے وہ اپنی توجہ پینٹگ کی جانب مبذول کر چکی تھی۔۔۔۔۔۔۔۔۔۔۔۔۔۔
ایک برش بالوں میں اٹکا ہوا تھا جبکہ دوسرا برش مخروطی نازک سی سفید انگلیوں میں قید کینوس پہ ماہرانہ طریقہ سے حرکت کررہا تھا
“کب بڑی ہوگی یہ لڑکی کیا کروں میں اس کا ۔۔
نہ سلیقہ ہے نہ کوئ ڈھنگ ہے جب دیکھو اس ٹن ٹنے کو لگائے رکھتی ہے۔۔۔۔”
نجمہ کا سارا غصہ اس کی پینٹگ پر اتررہا تھا۔۔۔۔۔
گھر میں سب کو ہی عینو کے اس شوق کا بخوبی علم تھا ۔۔۔۔۔ لیکن اب نجمہ کو چڑ ہونے لگی تھی وہ جب بھی اپنی پینٹنگز کرتی تھی دنیا و مافیہا سے غافل ہوجاتی تھی ۔۔۔ اور یہ بات نجمہ کو ناگوار گزرتی تھی۔۔۔۔۔۔
سن رہی ہو یا نہیں ؟؟
اب کہ نجمہ نے غصہ سے کہتے ہوئے گھورا ۔۔۔
“افف مما یار تھوڑا سا رہ گیا بس ختم۔۔ بس پانچ منٹ ۔۔۔۔۔جسٹ اونلی فائیو منٹس ”
عینو نے معصومیت سے کہتے ہوئے ماں کو پلک جھپک کر دیکھا :
اس کہ انداز پر نجمہ نے ہنستے ہوئے اس کہ سر سے برش کھینچا تھا ۔۔۔۔۔۔۔۔۔
بھولا بھالا منہ جب وہ بسورتی تھی تو کیوٹ بلی ہی لگتی تھی ۔۔۔۔۔ بیس سال کی عمر میں بھی وہ تیرہ ، چودہ سال کی لگتی تھی ۔۔۔ جس کی وجہ اسکا نازک سراپا اور درمیانہ قد تھا۔۔۔۔۔۔۔۔۔۔۔۔
پہلی ملاقات میں لوگ اسے میٹرک کی اسٹوڈنٹ ہی گردانتے تھے۔۔۔۔۔۔۔۔۔۔
“آجاو جلدی کھانہ لگواو تمہارے بھائی بھی آنے والے ہیں ۔۔۔۔”
نجمہ نے جلدی جلدی کمرہ صحیح کیا اور کہہ کر کمرہ سے نکل گئ ۔۔۔۔۔۔۔۔
عینو نے ایک نظر پیپر پر رنگ بکھیرتی اس لڑکی کو آخری ٹچ دیا اور باقی کا کام کل پر رکھ کر سامان سمیٹنے لگی۔۔۔۔۔۔۔۔۔۔۔
کینوس میں لگے پیپر پر ایک ہنستی مسکراتی زندگی کو بھرپور طریقہ سے جینے والی لڑکی بنائی گئی تھی جس کے ہاتھ میں سفید بلی کا بچہ تھا پاوں تلے گھاس بنائی گئی تھی ۔۔۔ بلاشبہ وہ تصویر مصور کی آئینہ دار تھی ۔۔۔۔۔۔ مصور کی زندگی بھی اس لڑکی کی طرح ہی تھی ۔۔۔۔ ہر سوچوں سے غافل ہر فکر سے آزاد۔۔۔۔۔۔۔۔۔۔۔
__________________________
سیاہ چمکتی پجارو کے رکتے ہی اسلحہ لئے دو گارڈ جمپ لگا کر پجارو سے اترے۔۔۔ ان کے بوٹوں کی دھمک بجری میں کہیں دب گئی تھی۔۔۔۔۔۔
ان میں سے ایک گارڈ نے برق رفتاری سے گاڑی کا فرنٹ ڈور کھولا ۔۔۔۔۔۔
ہاتھ سر پر لے جاکر سلیوٹ دی۔۔۔۔۔۔۔
سیاہ جوتوں میں مقید پاوں ظاہر ہوئے۔۔۔۔ دبدبہ و وجاہت لئے وہ شاہکار سامنے کھڑے بندے کو ٹھٹکنے پہ مجبور کردیتا تھا۔۔۔۔
اس کے گاڑی سے نکلتے ہی دور کھڑے دوسرے گارڈ نے اسے تگڑی سلیوٹ دی۔۔ ۔۔۔
چہرہ پہ بلا کی سنجیدگی ،گہری براون انکھیں جو اس وقت چشمہ میں چھپی ہوئیں تھیں۔۔ ماتھے پہ ہمہ وقت بل رہتے تھے ۔۔۔۔
ایک نظر ڈیوٹی پہ تعینات اسلحہ لئے ان گارڈز پر ڈال کر ہموار قدم اٹھاتا ہوا وہ حویلی کے اندرونی حصہ میں داخل ہوگیا ۔۔۔۔۔۔۔۔۔۔۔۔۔۔۔
وسیع و عریض لاونج نئے طرز کا بنا ہوا تھا سامنے والی دیوار پر بڑی سی آیل ای ڈی نصب تھی ۔۔۔ اسی کے سامنے صوفہ سیٹ کیا ہوا تھا ۔۔۔۔۔۔۔۔ ۔
بائیں جانب بارہ کرسیوں پہ مشتمل ڈائنگ ٹیبل رکھی گئ تھی
تھوڑی دور جاکر ویسٹرن اسٹائل میں کچن بنا ہوا تھا۔۔۔۔۔۔۔۔۔
آج سے چوبیس پچیس سال پہلے کا بنا ہوا جدید طرز کا شاہ ولا اس دور میں بھی خاصی اہمیت کا حامل تھا۔۔۔۔۔۔۔
باہر سے دیکھنے پر کسی جدی پشتی حویلی کا گمان ہوتا تھا لیکن اندر جدید تراش خراش اور سنگ مرمر سے بنا ہوا وہ محل سے مشابہت رکھتا تھا۔۔۔۔۔
پہلے کہ سادہ لوگوں نے اسے شاہ حویلی سے متعارف کروایا تھا ۔۔۔۔۔۔۔۔۔
اور جب یہ حویلی بڑے بیٹے حیات صاحب کے ہاتھوں میں آئی تو انہوں نے اسے نئے سرے سے بنوایا تھا اور اسے شاہ ولا کا نام دے دیا تھا۔۔۔
یعنی کہ یہ شاہوں کہ پرکھوں کی ایک نشانی تھی جو آج بھی آپنے اصلی نام کہ ساتھ اسی جگہ قائم تھی ۔۔۔۔۔۔۔۔۔
کبھی اس حصہ میں بھی رونق لگی ہوتی تھی ۔۔۔ لیکن اب سالوں ہوگئے تھے وہاں کہ مکینوں کہ چہرہ پہ خوشی کی ہلکی سی بھی رمق باقی نہ رہی تھی۔۔۔۔۔۔
آج بھی وہ اس خوش فہمی میں مبتلا تھا کہ اس کی نھنی گڑیا اسے پکارتی ہوئی اس کہ سامنے کھڑی ہوگی اور وہ اسے خود میں بھینچ لے گا اتنی قوت سے کہ کوئی ذی روح اسے پھر سے جدا نہ کردے۔۔۔۔۔۔
“وائے رے دل تیری خوش فہمیاں
قبر میں بھی زندگی کا گماں ہوتا ہے۔۔۔۔”
ایک تلخ مسکراہٹ نے اس کہ لبوں کا احاطہ کیا تھا ۔۔۔۔۔۔۔۔
دائیں ہاتھ کہ انگھوٹے سے انکھوں کی نمی کو صاف کیا ۔۔۔
وہ چاہ کر بھی ان جان لیوا یادوں سے پیچھا نہیں چڑا پایا تھا یہ یادیں اکٹوپس کی طرح چمٹ گئیں تھیں۔۔۔۔۔۔۔۔۔۔۔۔۔۔۔
لاونج عبور کرتا ہوا وہ کمرہ میں اکر بوٹ سمیٹ بیڈ پہ ڈھیر ہوگیا تھا۔۔۔۔۔
کل رات سے وہ گھر سے نکلا ہوا تھا اور آج کہ سارے دن وہ کیس کے سلسلے میں بھاگ دوڑ کرتا رہا تھا۔۔۔۔۔۔۔۔۔۔
چھت کو گھورتے ہوئے رات کا سارا منظر اس کی انکھوں میں گھوم گیا تھا۔۔۔
عین اس وقت دروازہ بجایا گیا ۔۔۔
“ہممم آجائیں ۔ ”
وہ جانتا تھا اس وقت کون ہوسکتا ہے ۔۔۔۔۔۔
لیکن شازمہ (حویلی کی پرانی ملازمہ ) کو دیکھ کر اس کہ ماتھے پہ ان گنت بلوں کا اضافہ ہوا ۔۔۔۔۔۔۔
صاحب جی کل سے بی بی جان کی طبیعیت خراب ہے ان کا بی پی شوٹ کرگیا تھا وہ آپ کو یاد فرمارہیں ہیں ۔۔۔۔۔۔۔
تھکن سے چور چور ، ذہنی ٹینشن اتنی تھی کہ پورا وجود پھوڑے کی مانند دکھ رہا تھا۔۔۔۔۔۔ تین گھنٹے کا فاصلہ طے کرکہ یہاں وہ آرام کے خاطر آیا تھا لیکن ہمیشہ کی طرح وہ اذیت میں مبتلا ہوگیا تھا ۔۔۔
اس پر شازمہ کی خبر سے اس کے وجود میں بجلیاں دوڑ گئیں تھیں۔۔۔۔
وہ پریشان سا بی بی جان کہ کمرہ میں داخل ہوا تھا۔۔۔۔
آہٹ پر چونک کر نحیف وجود نے کروٹ بدلی تھی۔۔۔۔
“اماں جان ۔۔۔”
وہ پکارتا ہوا آہستہ سے ان کہ پیروں میں جاکر بیٹھ چکا تھا ۔۔۔۔۔۔۔۔
“تمھیں بلکل یاد نہیں آتی میری ۔۔۔”
وہ اٹھ کر بیٹھنے لگیں تو شاہ نے انھیں سہارہ دے کر بٹھایا ۔۔۔۔
بھلا ایسا ہوسکتا ہے اماں جان ؟؟؟
وہ اب الٹا۔ ان سے سوال و جواب کرنے بیٹھ گیا تھا ۔۔۔۔
“پھر اتنے دن کہاں تھے تم ۔۔۔ تمہارے باپ نے بھی ایک کونے پہ پٹک دیا جیسے میں کسی موذی بیماری میں مبتلا ہوں ۔۔۔۔”
شاہ نے کرب سے انکھیں میچی تھیں ۔
اپنے آپ کو نارمل کرتے ہوئے اس نے اماں جان کہ بہہ جانے والے آنسووں کو ہتھیلی سے صاف کیا تھا ۔۔۔۔
“آپ بھی تو ساری دنیا سے کٹ کر بیٹھ گئیں ۔۔۔ آپ آخر اس تلخ حقیقت کو مان کیوں نہیں لیتیں۔۔۔۔۔۔۔”
شاہ نے نرمی و عقیدت سے ان کہ ماتھے کو چوما تھا۔۔۔۔
“وہ میرے جگر کا ٹکڑا تھی شاہ تمہارے باپ کی بربریت کا نشانہ ۔۔۔۔”
اس سے پہلے کہ وہ کئ سال پہلے سکندر صاحب کی لگائی گئی دہکتی آگ میں جل کر راکھ ہوجاتیں شاہ نے انھیں اپنے مظبوط و توانا بازووں میں بھینچ لیا تھا۔۔۔
اسے پتا تھا اس سب سے کچھ حاصل نہیں ہونے والا جو قیامت گزر چکی تھی اس کا ازالہ کرنا ناممکن تھا ۔۔۔۔
اب وہ یوں اپنی ماں کو اس جلتے بھانبھڑ میں جھلستے نہیں دیکھ سکتا تھا۔۔۔۔۔۔
“آج میں آپ کیلئے آیا ہوں آپ کی ساری توجہ میرے لئے ہونی چاہیئے نہ۔۔۔۔”
شاہ نے مصنوعی خفگی سے کہتے ہوئے ان کی جانب دیکھا:
انکھوں کہ نیچے سرخ ڈورے شدت ضبط کی چغلی کھارہے تھے۔۔۔۔
“شاہ تم اس بچی کو بھی لے آتے ۔۔۔۔”
وہ جتنی کوشش کررہا تھا انھیں اس درد ناک فیز سے نکالنے کی وہ پلٹ پلٹ کر وہیں جارہیں تھیں۔۔۔
تو کیا آپ کو میرا اکیلا آنا۔ اچھا نہیں لگا ؟؟؟
شاہ تم مجھے باتوں میں الجھا کر اصلی مدعے سے کیوں ہٹانا چاہ رہے ہو ؟؟؟
ان کی بات پر وہ ہلکے سے مسکرا دیا تھا ۔۔۔۔۔۔۔
“اماں جان آپ کو میری بلکل فکر نہیں ہے ۔۔ میں اتنا فاصلہ طے کرکہ آپ کیلئے آیا۔ ہوں ۔۔۔۔”
سنجیدگی سے کہہ کر رخ موڑ لیا :
“چل چل آیا بڑا پولیس آفیسر ۔۔۔ ماں ہوں تمہاری باتوں میں الجھا کر مجھے بہکاو مت۔۔۔۔”
ان کی بات پر وہ فلک شگاف قہقہہ لگا اٹھا۔۔۔۔۔۔۔۔۔
وہ دونوں ہی بہل چکے تھے کچھ درد ایسے ہوتے ہیں جنھیں ہم چاہ کر بھی کم نہیں کرسکتے ۔۔۔
لیکن وقت سب سے بڑا مرہم ہوتا ہے صبر آتے آتے آا ہی جاتا ہے۔۔۔۔۔
__________________________
“اماں جان آپ کال کریں نہ بھیا کو اب تک نہیں آئے وہ ۔۔۔”
“دانی کیوں تنگ کرہی ہو بتایا تو تھا آج وہ کمبائن اسٹیڈی کرنے گیا ہوا ہے ۔۔۔۔۔۔”
“اماں جان بھیا کیسے جاسکتے ہیں انھیں پتا ہے پھر بھی وہ چلے گئے۔۔۔۔۔”
دانی منہ پھولائے کاونٹر پر اچک کر بیٹھ گئ۔۔۔۔۔۔۔
“اچھا تھوڑا صبر کرلو بابا آنے والے ہوں گے ان کہ ساتھ چلی جانا۔۔۔۔ ۔۔۔۔”
“نو اماں جان نو نیور ۔۔۔”(نہیں کبھی نہیں )
اس نے فوراً سے نفی میں گردن ہلائی مبادا کہیں وہ آہی نہ جائیں۔۔۔۔۔۔۔۔
“پھر چپ کر کہ بیٹھ جاو۔۔۔”
وہ یک ٹک نم انکھوں سے ماں کو دیکھتی رہی اور پھر اپنے کمرے میں بھاگ گئ۔۔۔۔۔۔
“اففف اس کی ہر بات مان کر ہم نے اسے ضدی کردیا ہے ۔۔۔۔”
وہ اس کہ رونے کا سوچ کر بڑبڑاتی ہوئی خانساماں کو کھانے کا کہہ کر چلی گئیں۔۔۔۔۔۔۔
پھر وہ کتنی ہی دیر تک اسے مناتی رہیں لیکن وہ ایک ہی رٹ لگا کر بیٹھ گئی تھی پھر ناچار ہی شاہ کو کال کرکہ بلانا پڑا۔۔۔۔۔۔۔۔۔۔۔۔
ایک ہی تو بیٹی تھی وہ بھی منتوں مرادوں سے اللہ نے ان کی گود میں دی تھی ۔۔۔۔ منہ سے نکلنے والی ہر بات سب کیلئے پتھر پہ لکیر کہ مترادف تھی۔۔۔
اور سب سے بڑھ کر اس کا بھیا … جو کہ سب سے بڑا حمایتی تھا۔۔۔۔۔
پانچ دس منٹ میں شاہ گھر میں موجود تھا دانی بلائے اور شاہ نہ آئے ایسا کبھی ہو ہی نہیں سکتا تھا ۔۔۔ شاہ اگر دنیا کہ دوسرے کنارہ پر بھی کھڑا ہوگا تو دانی کی ایک آواز پر اس کے سامنے ہوگا۔۔۔۔۔۔۔۔
“گڑیا چلو جلدی کرو پھر رش بڑھ جائے گا۔۔۔۔”
اسکا پھولا ہوا منہ دیکھ کر ٹائم کا احساس دلایا۔۔۔
اور وہ ناراضگی بھول کر فوراً سے پورچ کی جانب بھاگی تھی ۔۔۔
شاہ مسکراتا ہوا پورچ میں آیا تھا۔۔۔۔۔۔۔
اس کی گڑیا ایسے ہی تو اس کی جان تھی ۔۔۔۔ اور وہ جانتا تھا کہ یہ ناراضگی پانچ منٹ کی بھی نہیں ہوگی۔ ۔۔۔۔۔۔
پورے ہفتہ میں اتوار کا دن اس کیلئے اہم ترین دن ہوتا تھا۔ ۔۔
اور وہ کسی طور بھی یہ دن ضائع نہیں کرتی تھی۔۔۔۔۔۔۔۔
“آج میں اپنی گڑیا کو ایگزبیشن کے بعد ڈنر پہ لےکر جاوں گا۔۔۔۔۔۔”
سچ بھیا؟؟؟
“بلکل سچ ۔۔۔ تو ملاو ہاتھ۔۔۔”
ایک ہاتھ دانی کی جانب برھاتے ہوئے دوسرا ہاتھ اسٹیرنگ پہ جما ہوا تھا۔۔۔۔
“لیکن بھیا آپ کے تو ٹیسٹ ہونے والے ہیں نہ ”
اسے آج صبح ہی کی ہوئی اماں جان کی بات یاد آگئ تھی۔۔۔۔۔
“ہاں تو کیا ہوا اب میں اتنی سی قربانی تو دے ہی سکتا ہوں۔۔۔۔”
شاہ کی نظریں ونڈ اسکرین پر تھیں۔۔۔
“اوہ یو آر دا گریٹ شاہ بھیا۔۔۔”
ایک ہاتھ اونچا کرکے خوشی سے نعرہ لگایا۔۔۔۔
جب کہ شاہ کھل کہ مسکرا دیا ۔۔۔
مہران آرٹس کی جانب سے عمدہ پینٹنگز کی نمائش ہوتیں تھیں۔۔۔۔ اور اعلی ذوق کی تصویریں ہمیشہ سے ہی دانی کی کمزوری تھیں۔۔۔۔۔۔۔۔۔۔
انھیں پہچنے میں دیر ہوچکی تھی جس کی وجہ سے رش زیادہ بڑھ گیا تھا۔۔۔۔۔۔۔۔
شاہ نے دانی کا ہاتھ مضبوطی سے پکڑ لیا تھا کیوں کہ اسے اندازہ تھا کہ دانی مصور کہ بکھرائے رنگوں میں اتنی گم ہوجاتی تھی کہ اسے آس پاس کا ہوش تک نہ رہتا تھا۔۔۔۔۔۔۔۔۔۔۔۔۔۔۔
________________________
خالہ بی وہ کہاں ہے ؟؟؟
” دراب بابا کل سے بٹیا کمرہ میں بھوکی پیاسی بند ہیں میں انھیں آوازیں دے دے کر تھک گئ ۔۔۔۔۔ ”
وہ ایک ہی جست میں بیڈ سے اترا اور بغیر یونیفارم تبدیل کئے خالہ بی کی جانب آیا۔۔۔
خالہ بی سانس روکے اس کی حرکات و سکنات ملائحظہ کررہیں تھیں۔۔۔۔
وہ اپنی پر آتا تو سارے لحاظ و مروت بلائے طاق رکھ کر سامنے والے کو دو کوڑی کا کرکہ رکھ دیتا تھا۔۔۔۔۔۔۔
“آپ کچن سے چابی لے کر آئیں۔۔۔۔۔”
کہتے ساتھ ہی وہ زینے اتر گیا:
خالی بی نے بے اختیار ہی رکا ہوا سانس بحال کیا اور بڑے بڑے قدم اٹھاتی ہوئی کچن کی جانب چل دیں۔۔۔۔۔۔۔
کی ہول میں چابی گھماتے ہی کلک کی آواز سے لوک کھلا تھا۔۔۔۔۔۔
اندر اکر اپنے پیچھے دروازہ چھناکے سے بند کیا:
دن کہ اجالے میں بھی کمرہ گھپ اندھیرے میں ڈوبا ہوا تھا ۔۔ سوئچ بورڈ پہ ہاتھ مارا تو کمرہ ٹیوب لائٹ کی روشنی میں نہا گیا تھا۔۔۔۔
بیڈ پہ نظر پڑی تو بے شکن چادر دیکھ کر ارد گرد میں نظریں دوڑائیں ۔۔۔۔۔۔
تبھی کمرہ سے ملحق دروازہ کھول کر وہ باہر نکلی۔۔۔۔
سوجے ہوئے چہرہ پہ پانی کی بوندیں چمک رہیں تھیں۔۔۔۔
اس۔ کی نظر سامنے کھڑے دراب پہ اٹھی تو پیروں نے اگے بڑھنے سے انکار کردیا تھا۔۔۔۔ انکھوں میں خوف و ہراس ہلکورہ لے رہا تھا۔۔۔۔۔۔
دراب بیڈ پر بیٹھ کر اپنے جوتوں کی لیس کھولنے لگا ۔۔۔
جبکہ وہ اپنے ڈوپٹہ کی تلاش میں ادھر ادھر دیکھنے لگی۔۔۔۔۔۔جو دراب کہ نیچے دبا ہوا تھا۔۔۔
ڈوپٹہ پہ لعنت بھیج کر وہ لمحہ ضائع کئے بنا کمرہ سے جانے لگی۔۔۔۔
ابھی ہینڈل پہ ہاتھ رکھ کر گھمایا ہی تھا کہ اپنے آپ کو پیچھے کی جانب کھچتا ہوا محسوس کیا۔۔۔۔
دراب نے اسے جاتا دیکھا تو لمحہ کہ ہزار ویں حصہ میں اس کا ہاتھ پکڑ کر اپنی جانب کھینچا ۔۔۔
وہ کسی ڈالی کی طرح کھینچی چلی آئی ۔۔
جانے کے لئے کس نے کہا تمھیں؟؟؟
پرفیوم اور سگریٹ کی ملی جلی خوشبو اس کہ حواس پہ چھانے لگی تھی۔۔۔۔۔۔
سرد لہجہ میں کانوں کہ پاس سرگوشی سنائی دی۔۔۔۔
“وہ وہ ممی۔۔۔ می۔۔۔۔۔میں۔ ”
کیا وہ میں؟؟؟
‘سیدھی طرح بات کیا کرو مجھ سے ۔۔۔’
دراب اس کہ چہرہ پہ نگاہیں گاڑے اس سے استفسار کررہا تھا۔ ۔۔۔۔۔
“پانی پانی ہاں پانی لینے جارہی تھی آپ کیلئے۔۔۔۔”
اس کو اپنا چہرہ جھلستا ہوا محسوس ہوا تھا۔۔۔۔۔
دراب کہ چہرہ پہ استہزائیہ مسکراہٹ بکھر گئ۔۔۔۔ جبکہ وہ اسے دیکھنے سے اجتناب برت رہی تھی۔۔۔۔۔۔
یک دم دراب نے اپنی گرفت اس کے ہاتھ سے ہٹالی۔۔۔۔۔
“جاو لے کر آو۔۔۔۔”
اور وہ تو تھی ہی اس انتظار میں۔۔۔ آزادی کا پروانہ ملتے ہی سر پٹ کمرہ سے بھاگی تھی ۔۔۔۔ یہاں تک کہ اپنا دوپٹہ اٹھانا بھی یاد نہیں رہا تھا۔۔۔۔
کچن میں آتے ہی کب کہ رکے آنسو بھل بھل بہنا شروع ہوگئے تھے ۔۔۔۔ لمبے لمبے سانس لیے وہ سنک میں جھک گئ۔ ۔۔۔۔
جب بھی اس شخص کا سامنا ہوتا تھا وہ اپنے اپ کو رونے سے روک نہیں پاتی تھی ۔۔۔۔
کیا سوچا تھا اس نے اس شخص کہ بارے میں اور کیا نکلا تھا وہ۔۔۔۔
کیا واقعی اس کی محبت اتنی ہی پست تھی کیا وہ اس شخص کو دل کی مسند پہ اونچی جگہ بٹھا کر غلطی کرگئ تھی۔۔۔
ہاں وہ دھوکے میں تھی بہت بڑے دھوکے میں ، جس کی حقیقت بہت ہی ہیبت ناک تھی ۔۔
________________________
پندرہ منٹ گزر گئے تھے لیکن ابھی تک وہ کچن میں ہی تھی۔۔۔ اسی شش و پنج میں مبتلا کہ آنے والے لمحہ کتنا اذیت بھرا ہوگا۔۔۔۔۔
سامنے سے آتی خالہ بی نے اسے ایک ہی زاویہ میں کھڑے دیکھا تو اسے پکار بیٹھیں۔۔۔۔
ان کی پکار پہ بوکھلا کر مڑی۔۔۔۔۔
کیا ہوا بیٹا؟؟؟
“بابا کب سے آپ کو آوازیں دے رہیں ہیں۔۔۔”
خالہ بی کی بات پر سر ہلاتی ہوئی وہ پانی کا گلاس پکڑے مرے قدموں سے سیڑھیاں چڑھنے لگی۔۔۔۔
جتنی دعائیں یاد تھیں سب کا ورد کرنے لگی تھی۔۔۔۔
بے جان ہوتی انگلیوں سے ناب گھمایا۔۔۔۔
وہ انکھیں موندے بیڈ پہ نیم دراز تھا۔۔۔ آہٹ پر آنکھیں کھول کر اٹھ بیٹھا۔۔۔۔
“مجھے تو لگا واپسی کا سوچ کر تمہاری روح جسم سے ہی پرواز کرچکی ہے۔۔۔۔”
اس نے بغیر کچھ کہے گلاس اگے کردیا۔۔۔
جسے تھام کر اس نے لبوں سے لگایا اور دو تین گھونٹ بھر کر واپس رکھ دیا۔۔۔
جب کہ وہ ایسے کھڑی تھی جیسے وہاں ہو ہی نہیں۔۔۔۔۔۔
“کیوں کھڑی ہو بیٹھ جاو بھئ اب ۔۔۔”
دراب بیزاری سے کہتا ہوا سابقہ پوزیشن میں چلاگیا۔۔۔۔۔۔۔
***********************************