(Last Updated On: )
بے مثل دے بے مثل بنائے نیں خدا ہوٹھ
ہر بول تے آ رکھدی ادب نال عطا ہوٹھ
لجپال دی لجپال عدالت تے ذرا ویکھ
مجرم نوں معافی دی سنا دین سزا ہوٹھ
والیل پڑھیں یار تے محسوس کریں کھاں
اس لفظ توں ہے وار دی رحمت دی گھٹا ہوٹھ
اک بول تے دل جان لٹاواں نہ، تے آکھیں
جہناں توں خدا بولے کِتے ویکھ لیا ہوٹھ
لکھ دل تے محمد توں محبت دے قلم نال
چم ایس نوں اکھ میٹ کے ، رکھ کے نہ اٹھا ہوٹھ
جو نعت رہون پڑھدے عطا مینوں کرو ہوٹھ
لجپال تسیں کردے او پتھراں نوں عطا ہوٹھ
اعجازؔ مزا فیر ہے جیون تے مرن دا
چم چم کے ترے پیر تے ہو جان فدا ہوٹھ
