بدن کا کاسہ لئے کْوبہ کْو بھٹکتی ہے

بدن کا کاسہ لئے کْوبہ کْو بھٹکتی ہے
فقیر بن کے مری آرزو بھٹکتی ہے
گرفت میں نہیں آتی یہ موجِ امکانات
کبھی عقب میں کبھی رْو بہ رْو بھٹکتی ہے
مَیں تیرے ساتھ بھی رہ کر تْجھے نہ ڈھونڈ سکا
یہ کس وْجود کے جنگل میں تْو بھٹکتی ہے
پٹختی رہتی ہے سَر اپنا کوہساروں سے
کہ جیسے مْجھ میں کوئی آبجْو بھٹکتی ہے
پنپ اْٹھے نہ کہیں مْجھ میں شاخِ استقرار
چہار سمت ہَوا ئے نمْو بھٹکتی ہے
مْجھے کسی بھی میِ لب نے مْرتکز نہ کیا
سو میری پیاس سبْو در سبْو بھٹکتی ہے
نڈھال ہوکے پڑا ہْوں مَیں حجرۂ غم میں
کوئی بَلا مرا پی کر لہْوبھٹکتی ہے
مَیں اِس خرابے میں تنہا کہاں بھٹکتا ہْوں
کسی کی روح مرے چار سْو بھٹکتی ہے
تْو جا چکی ہے مگر میرے آس پاس کہیں
تری خموشی ، تری گفتگْو بھٹکتی ہے
۔۔۔۔۔۔۔۔۔۔۔۔۔۔۔۔۔۔۔۔۔