بدذاٸقہ کافی

علیشہ اپ سیٹ تھی تو زارا نے اس سے کچھ نہ پوچھا۔ 
زرک اور ندا واپس جا چکے تھے۔ 
زارا نے بھی صبح جلدی جانا تھا سو وہ جلدی ہی سو گٸ۔ 
گڈ مارننگ سر۔۔۔ 
گڈ مارننگ زارون۔۔ 
ایسا کرو میں جب تک ریڈی ہوتا ہوں تم ناشتہ بنا دو۔ 
اور ہاں میں ناشتے میں توس آملیٹ اور ساتھ میں کافی لیتا ہوں۔ 
معاذ اسے کہہ کر اپنے کمرے کی جانب بڑھ گیا۔ 
یا اللہ اب میں کیا کروں۔ 
میرے تو فرشتے بھی آملیٹ بنانا نہیں جانتے۔
کیا کروں کیا کروں؟؟؟ 
ہاں یو ٹیوب۔۔۔ 
زارا یو ٹیوب اوپن کر کے آملیٹ بنانے لگی۔ 
انڈے توڑ توڑ کر اس نے فرش کا بیڑہ غرق کر دیا۔ 
دس انڈے ضاٸع کرنے کے بعد وہ بمشکل دو انڈے توڑ پاٸ۔ 
پیاز کاٹنا بھی نرا سیاپا تھا۔ موٹا موٹا پیاز کاٹ کر اس میں خوب سارا نمک ملا کر(کیونکہ نمک حسب ذاٸقہ ڈالنا تھا) اس میں تین ہری مرچیں اور ایک چمچ لال مرچ ڈال کر اس نے آملیٹ تیار کیا۔ 
وہ گول تو نہ بنا ہاں کوٸ آڑھا ٹیرھا نقشہ ضرور بن گیا۔ 
خیر زارا بی بی تو اس پہ بھی بہت خوش تھی۔ 
کافی بھی اس نے نہایت بدذاٸقہ بناٸ۔ 
البتہ توس قدرے بہتر تھے۔ 
وہ شکر تھا معاذ نے اس سے پراٹھے نہیں بنواۓ۔ 
خیر اس نے ناشتہ ٹیبل پر لگایا۔ اور معاذ کا انتظار کرنے لگی۔ 
معاذ آکر بیٹھا تو اس نے ناشتے کی ٹرے سے ڈھکن اٹھایا۔ 
ناشتہ بیچارا اپنی حالت کو رو رہا تھا۔مگر زارا بی بی تو ایسے خوش تھی جیسے میدان مار لیا ہو۔ 
معاذ نے ڈرتے ڈرتے ہی آملیٹ کا باٸیٹ لیا تھا۔ 
اور اسکا ڈر صحیح ثابت ہوا تھا۔ 
مرچوں سے اسکا برا حال ہوا تھا۔ 
وہ بری طرح کھانسنے لگا۔ 
سر کیا ہوا آپ ٹھیک تو ہیں؟؟؟ یہ یہ کافی پیٸیں۔ 
معاذ نے بمشکل کپ لبوں سے لگایا تھا۔ 
اور لگا کر پچھتایا تھا۔ کافی نہایت بد ذاٸقہ اور کڑوی کسیلی تھی۔ 
معاذ کو تو یوں لگ رہا تھا جیسے آج موت کا فرشتہ آگیا ہو اور زبردستی اسے ساتھ لے جانا چاہتا ہو۔۔۔ 
یہ کیا ہے ہاں۔۔۔۔ 
بمشکل اسکی حالت سنبھلی تھی۔ ایک تو پہلے ہی اسے اس پر غصہ تھا اوپر سے اسکے یہ کارنامے۔۔۔ 
مگر سر مجھے کھانا نہیں بنانا آتا۔ میں نے کبھی کھانا نہیں بنایا۔ 
اوہ پلیز یہ کھانا بنانا پہاڑ توڑنے جیسا نہیں ہے۔ 
اور ہے حماد جاب سے ریزاٸن کر چکا ہے سو اب میرے سبھی کام تمہیں کرنے ہیں۔ 
میرا شیف ڈراٸیور باڈی گارڈ سب اب سے تمہی ہو۔ سو بہتر ہے کھانا بنانا سیکھ لو تم۔۔۔ 
معاذ غصے سے وہاں سے چل دیا۔ 
اسے کیا ہو گیا۔ لگتا ہے اسکے دماغ کے سکریو ڈھیلے ہو کر کہیں گر گۓ ہیں۔ 
خیر مجھے کیا میں خود ہی ناشتہ کر لیتی ہوں۔ 
اور پہلے باٸیٹ اور سپ سے ہی اسے اندازہ ہو گیا تھا کہ یہ کچھ بھی تھا مگر ناشتہ نہ تھا۔ اور نہ ہی کھاۓ جانے کے لاٸق تھا۔ 
*-*-*-*-*-*-*-*-*-*-*-*-*-*-*-*
پھر اگلے ایک ہفتے میں ہی معاذ نے زارا کو ناکوں چنے چبوا دیے تھے۔ 
وہ اسکی باڈی گارڈ تھی مگر معاذ نے اسکو ماسی بنایا ہوا تھا۔ 
وہ وہاں سے جالے صاف کرو۔ ڈسٹنگ ٹھیک سے کرو۔ 
وہ وہاں سے پوچا نہیں لگا۔
زارا خوب پھنسی ہوٸ تھی۔ 
اگر اس نے کانٹریکٹ ساٸن نہ کیا ہوتا تو وہ کب کا اس جاب کو لات مار کر جا چکی ہوتی۔ 
مگر ہاۓ مجبوری کرتی بھی تو کیا۔ 
اور پھر فارغ وقت میں معاذ اسے اپنی کسی محبت کے قصے سناتا رہتا۔ 
بقول اسکے وہ کسی عنایہ نامی لڑکی کے عشق میں گوڈے گوڈے گرفتار تھا۔ 
وہ ہر روز اسے اسکی باتیں بتاتا۔ 
ہر روز معاذ دو تین گھنٹوں کے لیے گھر سے نکل جاتا اور اسے ساتھ نہ لے جاتا۔ 
*-*-*-*-*-*-*-*-*
علیشہ بہت خوش تھی کہ زارا نے اس سے کوٸ باز پرس نہ کی تھی۔ 
مگر زارا کا کیا حال تھا وہ انجان تھی۔ اسکے پیپرز ہو رہے تھے سو زارا سے کم کم ہی بات ہوتی تھی۔ 
زارا آتے ہی سو جاتی تھی اور صبح بھی جلدی چلی جاتی تھی۔
معاذ کہیں باہر گیا ہوا تھا۔ زارا اسکے لیے کھانا بنا رہی تھی۔
دس دن میں وہ کافی کچھ بنانا سیکھ گٸ تھی۔ مگر معاذ کا رویہ دھوپ چھاوں سا ہو گیا تھا۔ 
وہ کبھی اسکے ساتھ نرمی سے برتاٶ کرتا تو کبھی خوب ہی سختی کرتا۔ 
وہ کھانا بنا کر فارغ ہوٸ کہ اسکا دوسرا فون واٸبریٹ ہوا۔ 
معاذ کالنگ۔۔۔ 
یہ مثھے کیوں کال کر رہا ہے؟؟؟ 
ہیلو۔۔ 
ہاۓ زارا ہاٶ آر یو۔۔۔ 
ام فاٸن۔۔۔ 
گڈ ایکچوٸلی میں سوچ رہا تھا کہ کافی ٹاٸم ہو گیا ہے ہم ملے نہیں تو کیا تم میرے ساتھ ڈنر کرنا پسند کرو گی۔۔۔؟؟؟ 
ام سوری معاذ میو بزی ہوتی ہوں۔ میرے ایگزامز چل رہے ہیں۔ 
اوہ گڈ لک فار یور ایگزامز۔ لیکن بس ایک گھنٹے کی ہی بات تھی اگر تم۔۔۔ 
چلو ٹھیک ہے اگر تم نہیں آ سکتی تو۔۔۔ 
وہ ذرا اداس ہو کر بولا۔
اوکے کہاں آنا ہے۔
نو اٹس اوکے تم تیاری کرو۔ 
کوٸ بات نہیں ڈنر ہی تو ہے۔ 
اوہ تھینکس میں تمہیں ٹیکسٹ کرتا ہوں۔ 
کل رات ملتے ہیں پھر۔۔۔ 
اوکے اللہ حافظ۔ 
*-*-*-*-*-*-*-*-*-*-*-*-*-*
اگلے دن معاذ نے زارا سے خوب کام کروایا۔ 
اس سے سارے گھر سے پوچا لگوایا۔ 
پردے اتروا کر نٸے لگواۓ۔ بیڈ شیٹ غرض کہ پورے گھر کا نقشہ بدلوایا۔ 
یہ کام کروا کے پھر اسے گروسری کے لیے مارکیٹ بھیج دیا۔ 
ڈیڑھ گھنٹے بعد وہ واپس آٸ تو معاذ نے کچن میں جوس گرایا ہوا تھا۔ 
اس نے دوبارہ کچن صاف کیا۔ 
سامان سمیٹا۔ چھٹی کے وقت تک وہ تھکن سے چور ہو چکی تھی۔ 
ابھی صرف اسے شدید آرام کی طلب تھی۔ 
زارا نیچے آٸ تو اسکی باٸیک کا ٹاٸر پنکچر تھا۔ 
وہ روڈ تک چل کر آٸ۔ 
تھکاوٹ سے جسم ٹوٹ رہا تھا۔ وہ ٹیکسی کروا کر گھر چلی گٸ۔ 
گھر پہنچی تو معاذ کی کال آ گٸ۔ کہ وہ ریسٹورنٹ میں اسکا ویٹ کر رہا ہے۔ 
اسے اس پر خوب ہی غصہ آیا۔ دل چاہا کہ خوب ساری باتیں سنا کر منع کر دے۔ 
مگر اس کا کیا قصور وہ تو نہیں جانتا نہ کہ میں کون ہوں۔ 
بے دلی سے تیار ہو کر وہ ریسٹورنٹ کے لیے نکل گٸ۔ 
*-*-*-*-*-*-*-*-*-*-*
کیا بات ہے بہت چپ چپ ہو؟؟؟ 
زارا کو کب سے خاموش دیکھ کر اس نے سوال کیا۔ 
ہمم نہیں کچھ نہیں۔ 
سٹڈی کا پریشر ہے اس وجہ سے۔ 
وہ دوبارہ چپ ہو کر کھانا کھانے لگی۔ 
تھکاوٹ اسکے لہجے سے ہی محسوس ہو رہی تھی۔ 
وہ اتنی تھکی ہوٸ تھی کہ اسکا بولنے کا بھی دل نہیں چاہ رہا تھا۔
معاذ کو اسکی حالت دیکھ کر دکھ ہوا تھا۔ 
وہ اسے سرو کرنے لگا تو زارا نے مزید کھانے سے منع کر دیا۔ 
وہ اب گھر جانا چاہتی تھی۔ 
مگر معاذ نے انکار کر دیا۔ 
وہ اس کے دھوکے کے لیے اسے معاف نہیں کرنے والا تھا۔ 
وہ جانتی تھی کہ آج تک معاذ چوہدری کے فلیٹ میں کسی لڑکی نے قدم نہیں رکھا۔ معاذ کو نفرت تھی اس چیز سے۔ پھر بھی وہ اسے دھوکہ دے رہی تھی۔
ایک ریکویسٹ کروں تو کیا مانو گی۔۔۔؟؟؟ 
جی کہیے۔ 
میرے ساتھ سمندر کنارے واک کے لیے چلو گی۔ 
وہ انکار کرنا چاہ رہی تھی مگر معاذ نے اتنے مان سے کہا کہ وہ انکار نہ کر پاٸ اور ہاں میں سر ہلاتی اس کے ساتھ چل دی۔ 
سمندر کنارے ٹہلتے زارا بہت تھک گٸ تھی۔ 
معاذ کو احساس تھا مگر موسم اتنا دلکش تھا اور منظر اس قدر خوبصورت کہ وہ اسے مِس نہیں کرنا چاہتا تھا۔ 
وہ جینز اوپر کیے جوتے ہاتھ میں اٹھاۓ زارا سے باتیں کرتا ہوا چل رہا تھا۔ 
جبکہ زارا نے جوتے کہیں پیچھے چھوڑ دیے تھے اور اب ڈریس کی پرواہ کیے بغیر اس کے ساتھ چل رہی تھی۔ 
معاذ بولتا جا رہا تھا جبکہ وہ بس ہوں ہاں میں جواب دے رہی تھی۔ 
اللہ اللہ کر کے معاذ کو اسکی حالت پہ رحم آیا اور اس نے واپسی کا ارادہ کیا۔ 
زارا تو گاڑی میں بیٹھتے ہی سو گٸ۔ 
معاذ نے بھی اپنی بوریت دور کرنے کے لیے سونگز لگا دیے۔ 
وہ فلحال اپنے دل کی آواز پہ کان نہیں دھرنا چاہتا تھا جو مسلسل اسے ملامت کر رہا تھا۔ 
معاذ نے جان بوجھ کر گاڑی ہاسٹل کے گیٹ کے باہر روکی۔ 
زارا زارا۔۔۔ معاذ نے اسے ہلایا۔ 
وہ چونک کر جاگ گٸ۔ 
ہممم۔۔۔ سوٸ سوٸ آنکھیں دیکھ کر معاذ کو ترس آ گیا۔ 
تمہارا گھر کہاں ہے؟؟؟ 
سٹریٹ فور تھرڈ فلور فلیٹ نمبر تھری فاٸیو۔ 
نیند میں اس نے اسے گھر کا ایڈریس بتا دیا۔ 
وہ مبہم سا مسکرایا اور گاڑی آگے بڑھا لی۔ 
اسکی بلڈنگ کے باہر پہنچ کر اس نے اسے جگایا۔ 
وہ باہر نکلنے لگی تو معاذ نے روکا۔ 
منہ دھو لو ایسا نہ ہو گر پڑو۔ 
زارا کی رنگت زرد پڑ رہی تھی۔ 
معاذ نے پانی کی بوتل بڑھاٸ۔ 
شکریہ۔۔۔ دو گھونٹ پی کر اس نے بوتل لوٹا دی۔ 
منہ تو دھو لو۔ 
نہیں پھر نیند نہیں آۓ گی۔ اور میں اس وقت سونا چاہتی ہوں۔ 
اللہ حافظ۔ 
ہمم اللہ حافظ۔ 
معاذ اسے تب تک دیکھتا رہا جب تک وہ نظروں سے اوجھل نہ ہو گٸ۔ 
پھک ہار کر اس نے سر سٹیرنگ پر گرا لیا۔ 
دکھ تو اسے بھی تھا۔ 
وہ دل کو پسند جو آگٸ تھی۔ اس دن جب اس نے اپنی جان خطرے میں ڈال کر بلی کو بچایا تھا۔ 
مگر وہ یہ نہیں سمجھا پارہا تھا خود کو کہ یہ نقاب زارا کے لیے ضروری تھا اسکی جاب کا حصہ۔ 
اسے لگتا تھا جیسے زارا اسے کم عقل سمجھ کر بے وقوف بنا رہی ہے۔ 
یہ سوچ آتے ہی اسکا دل زارا کے لیے سخت ہو جاتا۔ 
*-*-*-*-*-*-*-*-*-*-*